บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{๗๘} นวมสิกฺขาปเท ฯ ทุฏฺุลฺลา นาม อาปตฺติ จตฺตาริ ปาราชิกานิ เตรส จ สงฺฆาทิเสสาติ อิมิสฺสา ปาลิยา ปาราชิกานิ ทุฏฺุลฺลสทฺททสฺสนตฺถํ วุตฺตานิ สงฺฆาทิเสสํ ปน อิธาธิปฺเปตนฺติ อฏฺกถาสุ วุตฺตํ ฯ ตตฺรายํ วิจารณา ฯ สเจ ๑- ปาราชิกํ อาโรเจนฺตสฺส ปาจิตฺติยํ น ภเวยฺย ฯ ยถา สมาเนปิ ภิกฺขุภิกฺขุนีนํ อุปสมฺปนฺนสทฺเท ยตฺถ ภิกขุนี อนธิปฺเปตา โหติ ตตฺถ ภิกฺขุํ เปตฺวา อวเสโส อนุปสมฺปนฺโนติ วุจฺจติ เอวมิธ สมาเนปิ ปาราชิกสงฺฆาทิเสสานํ ทุฏฺุลฺลสทฺเท ยทิ ปาราชิกํ อนธิปฺเปตํ ทุฏฺุลฺลา นาม อาปตฺติ เตรส สงฺฆาทิเสสาติ เอตเทว วตฺตพฺพํ สิยา ฯ ตตฺถ ภเวยฺย โย ปาราชิกํ อาปนฺโน โส ภิกฺขุภาวโต จุโต ตสฺมา ตสฺส อาปตฺตึ อาโรเจนฺโต ทุกฺกฏํ อาปชฺชตีติ ฯ เอวํ สติ อกฺโกสนฺโตปิ ทุกฺกฏํ อาปชฺเชยฺย ปาจิตฺติยเมว จ อาปชฺชตีติ ฯ วุตฺตํ เหตํ อสุทฺโธ โหติ ปุคฺคโล อญฺตรํ ปาราชิกํ ธมฺมํ อชฺฌาปนฺโน ตญฺเจ สุทฺธทิฏฺิ สมาโน โอกาสํ การาเปตฺวา อกฺโกสาธิปฺปาโย วทติ อาปตฺติ โอมสวาทสฺสาติ ฯ เอวํ ปาลิยา วิจารยมานาย ปาราชิกํ อาโรเจนฺตสฺสาปิ ปาจิตฺติยเมว ทิสฺสติ ฯ กิญฺจาปิ ทิสฺสติ อถโข สพฺพอฏฺกถาสุ วุตฺตตฺตา อฏฺกถาจริยาว @เชิงอรรถ: ๑. อิทํ ปทํ ปมาทลิขิตํ โหติ ฯ อถวา ฯ สเจ ปาราชิกํ อาโรเจตีติ วตฺตพฺพํ ฯ--------------------------------------------------------------------------------------------- หน้าที่ ๓๐๗.
เอตฺถ ปมาณํ ฯ น อญฺาปิ วจารณา ฯ ปุพฺเพปิ อโวจุมฺห พุทฺเธน ธมฺโม วินโย จ วุตฺโต โย ตสฺส ปุตฺเตหิ ตเถว าโตติ ๑- อาทิ ฯ อฏฺกถาจริยา หิ พุทฺธสฺส อธิปฺปายํ ชานนฺติ ฯ อิมินาปิ เจตํ ปริยาเยน เวทิตพฺพํ ฯ อญฺตฺร ภิกฺขุสมฺมติยาติ หิ วุตฺตํ ฯ ภิกฺขุสมฺมติยา จ อาโรจนํ อายตึ สํวรตฺถาย ปุน ตถารูปํ อาปตฺตึ อนาปชฺชนตฺถาย ภควตา อนุญฺาตํ น จ ตสฺส ภิกฺขุโน อวณฺณมตฺตปฺปากาสนตฺถาย น จ สาสเน ตสฺส ปติฏฺานิเสธนตฺถาย น จ ปาราชิกํ อาปนฺนสฺส ปุน ตถารูปาย อาปตฺติยา อนาปชฺชเนน ภิกฺขุภาโว นาม อตฺถิ ตสฺมา ปาราชิกานิ ทุฏฺุลฺลสทฺททสฺสนตฺถํ วุตฺตานิ สงฺฆาทิเสสํ ปน อิธาธิปฺเปตนฺติ ยํ อฏฺกถาสุ วุตฺตํ ตํ สุวุตฺตํ ฯ {๘๐} อตฺถิ ภิกฺขุสมฺมติ อาปตฺติปริยนฺตาติ อาทีสุ ปน ยา อยํ ภิกฺขุสมฺมติ วุตฺตา สา น กตฺถจิ อาคตา อิธ วุตฺตตฺตาเยว ปน อภิณฺหาปตฺติกํ ภิกฺขุํ ทิสฺวา เอวเมส ปเรสุ หิโรตฺตปฺเปนาปิ อายตึ สํวรํ อาปชฺชิสฺสตีติ ตสฺส ภิกฺขุโน หิเตสิตาย ติกฺขตฺตุํ อปโลเกตฺวา สงฺเฆน กาตพฺพาติ เวทิตพฺพา ฯ {๘๒} อทุฏฺุลฺลํ อาปตฺตึ อาโรเจติ อาปตฺติ ทุกฺกฏสฺสาติ ปญฺจปิ อาปตฺติกฺขนฺเธ อาโรเจนฺตสฺส ทุกฺกฏํ ฯ มหาปจฺจริยํ ปาราชิกํ อาโรเจนฺตสฺสาปิ ทุกฺกฏเมว วุตฺตํ ฯ อนุปสมฺปนฺนสฺส ทุฏฺุลฺลํ วา อทุฏฺุลฺลํ วา อชฺฌาจารนฺติ เอตฺถ อาทิโต ปญฺจ สิกฺขาปทานิ ทุฏฺุลฺโล นาม อชฺฌาจาโร เสสานิ อทุฏฺุลโล ฯ สุกฺกวิสฏฺิกายสํสคฺคทุฏฺุลฺลอตฺตกามา ปนสฺส อชฺฌาจาโร นามาติ วุตฺตํ ฯ @เชิงอรรถ: ๑. สมนฺต. ๑/๓๙.--------------------------------------------------------------------------------------------- หน้าที่ ๓๐๘.
{๘๓} วตฺถุํ อาโรเจตีติ อยํ สุกฺกวิสฏฺึ อาปนฺโน กายสํสคฺคํ อาปนฺโน ทุฏฺุลฺลํ อาปนฺโน อตฺตกามํ อาปนฺโนติ เอวํ วทนฺตสฺส อนาปตฺติ ฯ อาปตฺตึ อาโรเจตีติ อยํ ปาราชิกํ อาปนฺโน สงฺฆาทิเสสํ อาปนฺโน ถุลฺลจฺจยํ อาปนฺโน ปาจิตฺติยํ ปาฏิเทสนียํ ทุกฺกฏํ ทุพฺภาสิตํ อาปนฺโนติ วทติ อนาปตฺติ ฯ อยํ อสุจึ โมเจตฺวา สงฺฆาทิเสสํ อาปนฺโนติ อาทินา นเยน วตฺถุนา สทฺธึ อาปตฺตึ ฆเฏตฺวา อาโรเจนฺตสฺเสว อาปตฺติ ฯ เสสเมตฺถ อุตฺตานเมว ฯ ติสมุฏฺานํ กายจิตฺตโต วาจาจิตฺตโต กายวาจาจิตฺตโต จ สมุฏฺาติ กิริยา สญฺาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทุกฺขเวทนนฺติ ฯ ทุฏฺุลฺลาโรจนสิกฺขาปทํ นวมํ ฯอรรถกถาภาษาบาลีอักษรไทย เล่มที่ ๒ หน้า ๓๐๖-๓๐๘. http://84000.org/tipitaka/atthapali/th_line.php?B=2&A=6441&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=2&A=6441&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=2&i=342 เนื้อความพระไตรปิฎกฉบับหลวง :- http://84000.org/tipitaka/read/r.php?B=2&A=8400 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=2&A=4040 The Pali Tipitaka in Roman Character :- http://84000.org/tipitaka/read/roman_read.php?B=2&A=4040 สารบัญพระไตรปิฎกเล่มที่ ๑ http://84000.org/tipitaka/read/?index_2
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]