[๔๒๕] เทฺวปิ มยา ภิกฺขเว เวทนา วุตฺตา ปริยาเยน ติสฺโสปิ
มยา เวทนา วุตฺตา ปริยาเยน ปญฺจปิ มยา เวทนา วุตฺตา
ปริยาเยน ฉปิ มยา เวทนา วุตฺตา ปริยาเยน อฏฺารสาปิ
มยา เวทนา วุตฺตา ปริยาเยน ฉตฺตึสาปิ มยา เวทนา วุตฺตา
ปริยาเยน อฏฺสตํปิ มยา เวทนา วุตฺตา ปริยาเยน ฯ เอวํ
ปริยายเทสิโต ภิกฺขเว มยา ธมฺโม เอวํ ปริยายเทสิเต โข
ภิกฺขเว มยา ธมฺเม เย อญฺมญฺสฺส สุภาสิตํ สุลปิตํ น
สมนุมญฺิสฺสนฺติ น สมนุชานิสฺสนฺติ น สมนุโมทิสฺสนฺติ ฯ เตสํ
เอตํ ปาฏิกงฺขํ ภณฺฑนชาตา กลหชาตา วิวาทาปนฺนา อญฺมญฺ
มุขสตฺตีหิ วิตุทนฺตา วิหริสฺสนฺตีติ ฯ เอวํ ปริยายเทสิโต ภิกฺขเว
มยา ธมฺโม เอวํ ปริยายเทสิเต โข ภิกฺขเว มยา ธมฺเม เย
อญฺมญฺสฺส สุภาสิตํ สุลปิตํ สมนุมญฺิสฺสนฺติ สมนุชานิสฺสนฺติ
สมนุโมทิสฺสนฺติ ฯ เตสํ เอตํ ปาฏิกงฺขํ สมคฺคา สมฺโมทมานา
อวิวทมานา ขีโรทกีภูตา อญฺมญฺ ปิยจกฺขูหิ สมฺปสฺสนฺตา
วิหริสฺสนฺตีติ ฯ
[๔๒๖] ปญฺจิเม ภิกฺขเว กามคุณา ฯเปฯ านํ โข ปเนตํ ภิกฺขเว
วิชฺชติ ยํ อญฺติตฺถิยา ปริพฺพาชกา เอวํ วเทยฺยุํ สญฺาเวทยิตนิโรธํ
@เชิงอรรถ: ๑ ยุ. ยมฺหิ สุขํ ฯ เอวมุปริปิ ฯ
สมโณ โคตโม อาห ตญฺจ สุขสฺมึ ปญฺเปติ ตยิทํ กึสุ
ตยิทํ กถํสูติ ฯ เอวํวาทิโน ภิกฺขเว อญฺติตฺถิยา ปริพฺพาชกา
เอวมสฺสุ วจนียา น โข อาวุโส ภควา สุขญฺเว เวทนํ
สนฺธาย สุขสฺมึ ปญฺเปติ ยตฺถ ยตฺถ อาวุโส สุขํ อุปลพฺภติ
ยหึ ยหึ ตํ ตํ ตถาคโต สุขสฺมึ ปญฺเปตีติ ฯ ทสมํ ฯ
รโหคตวคฺโค ทุติโย ฯ
ตสฺสุทฺทานํ
รโหคตา ๑- เทฺว วาตา จ นิวาสา เทฺว อานนฺทกา
สมฺพหุลา จ เทฺว วุตฺตา ปญฺจกงฺโค จ ภิกฺขุนาติ ฯ
-----------
@เชิงอรรถ: ๑ ม. รโหคตํ เทฺว อากาสํ อคารํ เทฺว จ อานนฺทา ฯ
@ สมฺพหุลา ทุเว วุตฺตา ปญฺจกงฺโค จ ภิกฺขุนาติ ฯ
@ ยุ. รโหคตํ เทฺว อากาสํ อคารํ เทฺว จ สนฺตกํ ฯ
@ อฏฺงฺเคน จ เทฺว วุตฺตา ปญฺจกงฺโค จ ภิกฺขุนาติ ฯ
อฏฺสตปริยายวคฺโค ตติโย
[๔๒๗] เอกํ สมยํ ภควา ราชคเห วิหรติ เวฬุวเน กลนฺทกนิวาเป ฯ
อถ โข โมฬิยสิวโก ๑- ปริพฺพาชโก เยน ภควา เตนุปสงฺกมิ
อุปสงฺกมิตฺวา ภควตา สทฺธึ สมฺโมทิ สมฺโมทนียํ กถํ สาราณียํ
วีติสาเรตฺวา เอกมนฺตํ นิสีทิ ฯ เอกมนฺตํ นิสินฺโน โข
โมฬิยสิวโก ปริพฺพาชโก ภควนฺตํ เอตทโวจ สนฺติ โภ โคตม
เอเก สมณพฺราหฺมณา เอวํวาทิโน เอวํทิฏฺิโน ยงฺกิญฺจายํ
ปุริสปุคฺคโล ปฏิสํเวเทติ สุขํ วา ทุกฺขํ วา อทุกฺขมสุขํ วา
สพฺพนฺตํ ปุพฺเพกตเหตูติ ฯ
อิธ ปน ๒- ภวํ โคตโม กิมาหาติ ฯ
{๔๒๗.๑} ปิตฺตสมุฏฺานานิปิ โข สิวก อิเธกจฺจานิ เวทยิตานิ
อุปฺปชฺชนฺติ ฯ สามํปิ โข เอตํ สิวก เอวํ เวทิตพฺพํ ยถา
ปิตฺตสมุฏฺานานิปิ อิเธกจฺจานิ เวทยิตานิ อุปฺปชฺชนฺติ ฯ
โลกสฺสปิ โข เอตํ สิวก สจฺจสมฺมตํ ยถา ปิตฺตสมุฏฺานานิปิ
อิเธกจฺจานิ เวทยิตานิ อุปฺปชฺชนฺติ ฯ ตตฺร สิวก เย เต
สมณพฺราหฺมณา เอวํวาทิโน เอวํทิฏฺิโน ยงฺกิญฺจายํ
ปุริสปุคฺคโล ปฏิสํเวทยติ ๓- สุขํ วา ทุกฺขํ วา อทุกฺขมสุขํ
วา สพฺพนฺตํ ปุพฺเพกตเหตูติ ฯ ยญฺจ สามํ าตํ ตญฺจ
อติธาวนฺติ ยํ ๔- โลเก สจฺจสมฺมตํ ตญฺจ อติธาวนฺติ ฯ
ตสฺมา เตสํ สมณพฺราหฺมณานํ มิจฺฉาติ วทามิ ฯ
{๔๒๗.๒} เสมฺหสมุฏฺานานิปิ โข สิวก ฯเปฯ
วาตสมุฏฺานานิปิ โข สิวก ฯเปฯ
@เชิงอรรถ: ๑ ม. โมฬิยสีวโก ฯ ยุ. โมลิยสีวโก ฯ ๒ ม. ปนสทฺโท นตฺถิ ฯ
@๓ ม. ยุ. ปฏิสํเวเทติ ฯ ๔ ม. ยญฺจ ฯ ยุ. ยํ จ ฯ
สนฺนิปาตสมุฏฺานานิปิ ๑- โข สิวก ฯเปฯ อุตุปริณามชานิปิ
โข สิวก ฯ วิสมปริหารชานิปิ โข สิวก ฯ โอปกฺกมิกานิปิ โข
สิวก ฯเปฯ กมฺมวิปากชานิปิ โข สิวก อิเธกจฺจานิ เวทยิตานิ
อุปฺปชฺชนฺติ ฯ สามํปิ โข เอตํ สิวก เอวํ เวทิตพฺพํ ยถา
กมฺมวิปากชานิปิ อิเธกจฺจานิ เวทยิตานิ อุปฺปชฺชนฺติ โลกสฺสปิ
โข เอตํ สิวก สจฺจสมฺมตํ ยถา กมฺมวิปากชานิปิ อิเธกจฺจานิ
เวทยิตานิ อุปฺปชฺชนฺติ ฯ ตตฺถ สิวก เย เต สมณพฺราหฺมณา
เอวํวาทิโน เอวํทิฏฺิโน ยงฺกิญฺจายํ ปุริสปุคฺคโล ปฏิสํเวทยติ
สุขํ วา ทุกฺขํ วา อทุกฺขมสุขํ วา สพฺพนฺตํ ปุพฺเพกตเหตูติ ฯ
ยญฺจ สามํ าตํ ตญฺจ อติธาวนฺติ ยํ โลเก สจฺจสมฺมตํ ตญฺจ
อติธาวนฺติ ตสฺมา เตสํ สมณพฺราหฺมณานํ มิจฺฉาติ วทามีติ ฯ
[๔๒๘] เอวํ วุตฺเต โมฬิยสิวโก ปริพฺพาชโก ภควนฺตํ เอตทโวจ
อภิกฺกนฺตํ โภ โคตม อภิกฺกนฺตํ โภ โคตม อุปาสกํ มํ ภวํ
โคตโม ธาเรตุ อชฺชตคฺเค ปาณุเปตํ สรณงฺคตนฺติ ฯ
[๔๒๙] ปิตฺตํ เสมฺหญฺจ วาโต จ สนฺนิปาตา อุตูนิ จ
วิสมํ โอปกฺกมิกญฺจ ๒- กมฺมวิปาเกน อฏฺมีติ ฯ ปมํ ฯ
[๔๓๐] อฏฺสตปริยายํ โว ภิกฺขเว ธมฺมปริยายํ เทสิสฺสามิ
ตํ สุณาถ ฯ กตโม จ ภิกฺขเว อฏฺสตปริยาโย ธมฺมปริยาโย ฯ
เทฺวปิ มยา ภิกฺขเว เวทนา วุตฺตา ปริยาเยน ติสฺโสปิ มยา
เวทนา วุตฺตา ปริยาเยน ปญฺจปิ มยา เวทนา วุตฺตา ปริยาเยน
@เชิงอรรถ: ๑ ม. ยุ. สนฺนิปาติกานิปิ ฯ ๒ ม. ยุ. จสทฺโท นตฺถิ ฯ
ฉปิ มยา เวทนา วุตฺตา ปริยาเยน อฏฺารสาปิ มยา เวทนา
วุตฺตา ปริยาเยน ฉตฺตึสาปิ มยา เวทนา วุตฺตา ปริยาเยน
อฏฺสตํปิ มยา เวทนา วุตฺตา ปริยาเยน ฯ
[๔๓๑] กตมา จ ภิกฺขเว เทฺว เวทนา กายิกา จ เจตสิกา
จ ฯ อิมา วุจฺจนฺติ ภิกฺขเว เทฺว เวทนา ฯ
[๔๓๒] กตมา จ ภิกฺขเว ติสฺโส เวทนา สุขา เวทนา ทุกฺขา
เวทนา อทุกฺขมสุขา เวทนา ฯ อิมา วุจฺจนฺติ ภิกฺขเว ติสฺโส
เวทนา ฯ
[๔๓๓] กตมา จ ภิกฺขเว ปญฺจ เวทนา สุขินฺทฺริยํ ทุกฺขินฺทฺริยํ
โสมนสฺสินฺทฺริยํ โทมนสฺสินฺทฺริยํ อุเปกฺขินฺทฺริยํ ฯ อิมา วุจฺจนฺติ
ภิกฺขเว ปญฺจ เวทนา ฯ
[๔๓๔] กตมา จ ภิกฺขเว ฉ เวทนา จกฺขุสมฺผสฺสชา เวทนา
ฯเปฯ มโนสมฺผสฺสชา เวทนา ฯ อิมา วุจฺจนฺติ ภิกฺขเว
ฉ เวทนา ฯ
[๔๓๕] กตมา จ ภิกฺขเว อฏฺารส เวทนา ฉ โสมนสฺสูปวิจารา
ฉ โทมนสฺสูปวิจารา ฉ อุเปกฺขูปวิจารา ฯ อิมา วุจฺจนฺติ ภิกฺขเว
อฏฺารส เวทนา ฯ
[๔๓๖] กตมา จ ภิกฺขเว ฉตฺตึส เวทนา ฉ เคหสิตานิ
โสมนสฺสานิ ฉ เนกฺขมฺมสิตานิ โสมนสฺสานิ ฉ เคหสิตานิ
โทมนสฺสานิ ฉ เนกฺขมฺมสิตานิ โทมนสฺสานิ ฉ เคหสิตา
อุเปกฺขา ฉ เนกฺขมฺมสิตา อุเปกฺขา ฯ อิมา วุจฺจนฺติ ภิกฺขเว
ฉตฺตึส เวทนา ฯ
[๔๓๗] กตมา จ ภิกฺขเว อฏฺสตํ เวทนา อตีตา ฉตฺตึส
เวทนา อนาคตา ฉตฺตึส เวทนา ปจฺจุปฺปนฺนา ฉตฺตึส เวทนา ฯ
อิมา วุจฺจนฺติ ภิกฺขเว อฏฺสตํ เวทนา ฯ อยํปิ โข ภิกฺขเว
อฏฺสตปริยาโย ธมฺมปริยาโยติ ฯ ทุติยํ ฯ
[๔๓๘] อถ โข อญฺตโร ภิกฺขุ เยน ภควา เตนุปสงฺกมิ
ฯเปฯ เอกมนฺตํ นิสินฺโน โข โส ภิกฺขุ ภควนฺตํ เอตทโวจ กตมา
นุ โข ภนฺเต เวทนา กตโม เวทนาสมุทโย กตมา เวทนาสมุทยคามินี
ปฏิปทา กตโม เวทนานิโรโธ กตมา เวทนานิโรธคามินี
ปฏิปทา โก เวทนาย อสฺสาโท โก อาทีนโว กึ นิสฺสรณนฺติ ฯ
ติสฺโส อิมา ภิกฺขุ เวทนา สุขา เวทนา ทุกฺขา เวทนา อทุกฺขมสุขา
เวทนา ฯ อิมา วุจฺจนฺติ ภิกฺขุ เวทนา ฯ ผสฺสสมุทยา
เวทนาสมุทโย ตณฺหา เวทนาสมุทยคามินี ปฏิปทา ผสฺสนิโรธา
เวทนานิโรโธ อยเมว อริโย อฏฺงฺคิโก มคฺโค เวทนานิโรธคามินี
ปฏิปทา ฯ เสยฺยถีทํ ฯ สมฺมาทิฏฺิ ฯเปฯ สมฺมาสมาธิ ฯ ยํ
เวทนํ ปฏิจฺจ อุปฺปชฺชติ สุขํ โสมนสฺสํ อยํ เวทนาย อสฺสาโท ฯ
ยา เวทนา อนิจฺจา ทุกฺขา วิปริณามธมฺมา อยํ เวทนาย อาทีนโว ฯ
โย เวทนาย ฉนฺทราควินโย ฉนฺทราคปฺปหานํ อิทํ เวทนาย
นิสฺสรณนฺติ ฯ ตติยํ ฯ
[๔๓๙] ปุพฺเพ เม ภิกฺขเว สมฺโพธา อนภิสมฺพุทฺธสฺส
โพธิสตฺตสฺเสว สโต เอตทโหสิ กตมา นุ โข เวทนา กตโม
เวทนาสมุทโย กตมา เวทนาสมุทยคามินี ปฏิปทา กตโม
เวทนานิโรโธ กตมา เวทนานิโรธคามินี ปฏิปทา โก เวทนาย อสฺสาโท
โก อาทีนโว กึ นิสฺสรณนฺติ ฯ ตสฺส มยฺหํ ภิกฺขเว เอตทโหสิ
ติสฺโส อิมา เวทนา สุขา เวทนา ทุกฺขา เวทนา อทุกฺขมสุขา
เวทนา ฯ อิมา วุจฺจนฺติ เวทนา ฯ ผสฺสสมุทยา เวทนาสมุทโย
ตณฺหาเวทนาสมุทยคามินี ปฏิปทา ฯเปฯ โย เวทนาย ฉนฺทราควินโย
ฉนฺทราคปฺปหานํ อิทํ เวทนาย นิสฺสรณนฺติ ฯ จตุตฺถํ ฯ
[๔๔๐] อิมา เวทนาติ เม ภิกฺขเว ปุพฺเพ อนนุสฺสุเตสุ ธมฺเมสุ
จกฺขุํ อุทปาทิ าณํ อุทปาทิ ปญฺา อุทปาทิ วิชฺชา อุทปาทิ
อาโลโก อุทปาทิ ฯ อยํ เวทนาสมุทโยติ เม ภิกฺขเว ปุพฺเพ
อนนุสฺสุเตสุ ธมฺเมสุ จกฺขุํ อุทปาทิ าณํ อุทปาทิ ปญฺา อุทปาทิ
วิชฺชา อุทปาทิ อาโลโก อุทปาทิ ฯ อยํ เวทนาสมุทยคามินี
ปฏิปทาติ เม ภิกฺขเว ปุพฺเพ อนนุสฺสุเตสุ ธมฺเมสุ จกฺขุํ
อุทปาทิ ฯเปฯ อาโลโก อุทปาทิ ฯ อยํ เวทนานิโรโธติ
เม ภิกฺขเว ปุพฺเพ อนนุสฺสุเตสุ ธมฺเมสุ จกฺขุํ อุทปาทิ ฯเปฯ
อาโลโก อุทปาทิ ฯ อยํ เวทนานิโรธคามินี ปฏิปทาติ เม ภิกฺขเว
ปุพฺเพ อนนุสฺสุเตสุ ธมฺเมสุ จกฺขุํ อุทปาทิ ฯเปฯ อาโลโก
อุทปาทิ ฯ อยํ เวทนาย อสฺสาโทติ เม ภิกฺขเว ปุพฺเพ อนนุสฺสุเตสุ
ธมฺเมสุ ฯเปฯ อยํ เวทนาย อาทีนโวติ เม ภิกฺขเว ปุพฺเพ
อนนุสฺสุเตสุ ธมฺเมสุ ฯเปฯ อิทํ เวทนาย นิสฺสรณนฺติ เม ภิกฺขเว
ปุพฺเพ อนนุสฺสุเตสุ ธมฺเมสุ จกฺขุํ อุทปาทิ าณํ อุทปาทิ
ปญฺา อุทปาทิ วิชฺชา อุทปาทิ อาโลโก อุทปาทีติ ฯ ปญฺจมํ ฯ
เนื้อความพระไตรปิฎกฉบับภาษาบาลีอักษรไทย เล่มที่ ๑๘ หน้าที่ ๒๘๓-๒๙๐.
https://84000.org/tipitaka/read/pali_item.php?book=18&item=425&items=16
อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=18&item=425&items=16&mode=bracket
อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=18&item=425&items=16
อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=18&item=425&items=16
ศึกษาอรรถกถานี้ได้ที่ :-
https://84000.org/tipitaka/attha/attha.php?b=18&i=425
สารบัญพระไตรปิฎกเล่มที่ ๑๘
https://84000.org/tipitaka/read/?index_18
https://84000.org/tipitaka/english/?index_18
บันทึก ๒ ธันวาคม พ.ศ. ๒๕๕๙.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย.
หากพบข้อผิดพลาด กรุณาแจ้งได้ที่ [email protected]
