[129] Tena kho pana samayena ayasma sudhammo macchikasande
cittassa gahapatino avasiko hoti navakammiko dhuvabhattiko .
Yada citto gahapati sangham va ganam va puggalam va nimantetukamo
hoti [1]- na ayasmantam sudhammam anapaloketva sangham va ganam
va puggalam va nimanteti . tena kho pana samayena sambahula
thera bhikkhu ayasma ca sariputto ayasma ca mahamoggallano
ayasma ca mahakaccano ayasma ca mahakotthiko ayasma
ca mahakappino ayasma ca mahacundo ayasma ca anuruddho
ayasma ca revato ayasma ca upali ayasma ca anando
ayasma ca rahulo kasisu carikancaramana yena macchikasando
tadavasarum.
[130] Assosi kho citto gahapati thera kira bhikkhu macchikasandam
anuppattati . athakho citto gahapati yena thera bhikkhu
tenupasankami upasankamitva there bhikkhu abhivadetva ekamantam
nisidi . ekamantam nisinnam kho cittam gahapatim ayasma sariputto
dhammiya kathaya sandassesi samadapesi samuttejesi sampahamsesi .
Athakho citto gahapati ayasmata sariputtena dhammiya kathaya
sandassito samadapito samuttejito sampahamsito there bhikkhu
@Footnote: 1 Ma. tada.
Etadavoca adhivasentu me bhante thera svatanaya agantukabhattanti.
Adhivasesum kho te 1- thera bhikkhu tunhibhavena.
[131] Athakho citto gahapati theranam bhikkhunam adhivasanam viditva
utthayasana there bhikkhu abhivadetva padakkhinam katva yenayasma
sudhammo tenupasankami upasankamitva ayasmantam sudhammam
abhivadetva ekamantam atthasi . ekamantam thito kho citto gahapati
ayasmantam sudhammam etadavoca adhivasetu me bhante ayyo
sudhammo svatanaya bhattam saddhim therehiti . athakho ayasma
sudhammo pubbe khvayam citto gahapati yada sangham va ganam
va puggalam va nimantetukamo na mam anapaloketva sangham va
ganam va puggalam va nimanteti sodani mam anapaloketva
there bhikkhu nimantesi dutthodanayam citto gahapati anapekkho
virattarupo mayiti cittam gahapatim etadavoca alam gahapati nadhivasemiti.
{131.1} Dutiyampi kho citto gahapati ayasmantam sudhammam
etadavoca adhivasetu me bhante ayyo sudhammo svatanaya bhattam
saddhim therehiti . alam gahapati nadhivasemiti . tatiyampi kho citto
gahapati ayasmantam sudhammam etadavoca adhivasetu me bhante
ayyo sudhammo svatanaya bhattam saddhim therehiti . alam gahapati
nadhivasemiti . athakho citto gahapati kim me karissati ayyo
@Footnote: 1 Ma. Yu. tesaddo na dissati.
Sudhammo adhivasento va anadhivasento vati ayasmantam sudhammam
abhivadetva padakkhinam katva pakkami.
[132] Athakho citto gahapati tassa rattiya accayena theranam
bhikkhunam panitam khadaniyam bhojaniyam patiyadapesi . athakho ayasma
sudhammo yannunaham cittassa gahapatino theranam bhikkhunam patiyattam
passeyyanti pubbanhasamayam nivasetva pattacivaramadaya yena
cittassa gahapatino nivesanam tenupasankami upasankamitva pannatte
asane nisidi . athakho citto gahapati yenayasma sudhammo
tenupasankami upasankamitva ayasmantam sudhammam abhivadetva
ekamantam nisidi . ekamantam nisinnam kho cittam gahapatim ayasma
sudhammo etadavoca pahutam kho te idam gahapati khadaniyam bhojaniyam
patiyattam eka ca kho idha natthi yadidam tilasangulikati.
{132.1} Bahumhi vata bhante [1]- buddhavacane vijjamane
ayyena sudhammena yadeva kinci bhasitam yadidam tilasangulikati
bhutapubbam bhante dakkhinapathaka vanija puratthimam janapadam agamamsu
te vanija 2- tato kukkutim anesum athakho sa bhante kukkuti kakena
saddhim samvasam kappesi sa potakam janesi yada kho so bhante
@Footnote: 1 Ma. Yu. ratane. ito param idisameva . 2 Ma. Yu. vanijjaya. te
Kukkutapotako kakavassam vassitukamo hoti kakakukkutiti 1-
vassati yada kukkutavassam 2- vassitukamo hoti kukkutikakati 3-
vassati evameva kho bhante bahumhi buddhavacane vijjamane ayyena
sudhammena yadeva kinci bhasitam yadidam tilasangulikati.
{132.2} Akkosasi mam tvam gahapati paribhasasi mam tvam gahapati
eso te gahapati avaso tamha avasa 4- pakkamissamiti .
Naham bhante ayyam sudhammam akkosami na 5- paribhasami vasatu kho 6-
bhante ayyo sudhammo macchikasande rammaniye ambatakavane 7-
aham ayyassa sudhammassa ussukkam karissami civarapindapatasenasana-
gilanapaccayabhesajjaparikkharananti.
{132.3} Dutiyampi kho ayasma sudhammo cittam gahapatim
etadavoca akkosasi mam tvam gahapati paribhasasi mam tvam gahapati
eso te gahapati avaso tamha avasa pakkamissamiti .
Naham bhante ayyam sudhammam akkosami na paribhasami vasatu
kho bhante ayyo sudhammo macchikasande rammaniye
ambatakavane aham ayyassa sudhammassa ussukkam karissami
@Footnote: 1 Yu. kukkutakati. Ma. kakakukkutiti . 2 Ma. kukkutivassam . 3 Yu. kakati.
@4 Ma. Yu. tamha avasati dvayam na dissati. ito param sabbattha idisameva.
@5 Ma. Yu. nasaddo natthi . 6 Ma. Yu. khosaddo natthi.
@7 Ma. Yu. rammaniyam ambatakavanam.
Civarapindapatasenasanagilanapaccayabhesajjaparikkharananti.
Tatiyampi kho ayasma sudhammo cittam gahapatim etadavoca akkosasi
mam tvam gahapati paribhasasi mam tvam gahapati eso te gahapati avaso
tamha avasa pakkamissamiti . kaham bhante ayyo sudhammo
gamissatiti . savatthim kho aham gahapati gamissami bhagavantam dassanayati.
Tenahi bhante yanca attana bhanitam yanca maya bhanitam tam
sabbam bhagavato arocehi anacchariyam kho panetam bhante yam
ayyo sudhammo punadeva macchikasandam paccagaccheyyati.
[133] Athakho ayasma sudhammo senasanam samsametva
pattacivaramadaya yena savatthi tena pakkami anupubbena yena
savatthi [1]- jetavanam anathapindikassa aramo yena bhagava
tenupasankami upasankamitva bhagavantam abhivadetva ekamantam
nisidi . ekamantam nisinno kho ayasma sudhammo yanca attana
bhanitam yanca cittena gahapatina bhanitam tam sabbam bhagavato
arocesi.
[134] Vigarahi buddho bhagava ananucchavikam moghapurisa ananulomikam
appatirupam assamanakam akappiyam akaraniyam katham hi nama tvam
moghapurisa cittam gahapatim saddhim pasannam dayakam karakam sanghupatthakam
hinena khumsessasi hinena vambhessasi netam moghapurisa appasannanam
@Footnote: 1 Ma. yena.
Va pasadaya .pe. vigarahitva .pe. dhammim katham katva bhikkhu
amantesi tenahi bhikkhave sangho sudhammassa bhikkhuno
patisaraniyakammam karotu citto te gahapati khamapetabbo 1- .
Evanca pana bhikkhave katabbam . pathamam sudhammo bhikkhu codetabbo
codetva saretabbo saretva apatti aropetabba 2- apattim
aropetva byattena bhikkhuna patibalena sangho napetabbo
{134.1} sunatu me bhante sangho ayam sudhammo bhikkhu cittam
gahapatim saddham pasannam dayakam karakam sanghupatthakam hinena khumseti
hinena vambheti . yadi sanghassa pattakallam sangho sudhammassa bhikkhuno
patisaraniyakammam kareyya citto te gahapati khamapetabboti .
Esa natti.
{134.2} Sunatu me bhante sangho ayam sudhammo bhikkhu cittam
gahapatim saddham pasannam dayakam karakam sanghupatthakam hinena khumseti
hinena vambheti . sangho sudhammassa bhikkhuno patisaraniyakammam
karoti citto te gahapati khamapetabboti . yassayasmato khamati
sudhammassa bhikkhuno patisaraniyakammassa karanam citto te gahapati
khamapetabboti so tunhassa yassa nakkhamati so bhaseyya.
{134.3} Dutiyampi etamattham vadami .pe. tatiyampi etamattham
vadami . sunatu me bhante sangho ayam sudhammo bhikkhu cittam gahapatim
saddham pasannam dayakam karakam sanghupatthakam hinena khumseti hinena
vambheti . sangho sudhammassa bhikkhuno patisaraniyakammam karoti
@Footnote: 1 Ma. Yu. khamapetabboti. 2 Ma. Yu. apattim aropetabbo.
Citto te gahapati khamapetabboti . yassayasmato khamati sudhammassa
bhikkhuno patisaraniyakammassa karanam citto te gahapati khamapetabboti
so tunhassa yassa nakkhamati so bhaseyya.
{134.4} Katam sanghena sudhammassa bhikkhuno patisaraniyakammam
citto te gahapati khamapetabboti khamati sanghassa tasma tunhi .
Evametam dharayamiti.
The Pali Tipitaka in Roman Character Volume 6 page 57-63.
http://84000.org/tipitaka/pali/roman_item_s.php?book=6&item=129&items=6&modeTY=2
Classified by [Item Number] :-
http://84000.org/tipitaka/pali/roman_item_s.php?book=6&item=129&items=6&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=6&item=129&items=6&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=6&item=129&items=6&modeTY=2
Study Atthakatha :-
http://84000.org/tipitaka/attha/attha.php?b=6&i=129
The Pali Atthakatha in Thai :-
http://84000.org/tipitaka/atthapali/read_th.php?B=3&A=5722
The Pali Atthakatha in Roman :-
http://84000.org/tipitaka/atthapali/read_rm.php?B=3&A=5722
Contents of The Tipitaka Volume 6
http://84000.org/tipitaka/read/?index_6
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
