AtthaPali Vol.50

32. 10. Khomadayakattherapadanavannana nagare bandhumatiyatiadikam ayasmato khomadayakattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto vipassissa bhagavato kale ekasmim kulagehe nibbatto vayappatto sasane abhippasanno ratanattayamamako vipassissa bhagavato santike dhammam sutva pasannamanaso khomadussena pujam akasi. So tadeva mulam katva yavajivam punnani katva tato devaloke nibbatto. Chasu devesu aparaparam dibbasukham anubhavitva tato cavitva manussaloke cakkavattiadianekavidhamanussasampattim anubhavitva paripakagate punnasambhare imasmim buddhuppade kulagehe nibbatto vayappatto satthu santike dhammam sutva patiladdhasaddho pabbajitva vipassanam vaddhetva nacirasseva arahattam papuni. Katapunnanamena khomadayakatthero pakato. [184] So attano pubbakammam saritva somanassajato pubbacaritapadanam dassento nagare bandhumatiyatiadimaha. Tattha bandhu vuccati natako, te bandhu yasmim nagare annamannam sanghatita vasanti, tam nagaram "bandhumati"ti vuccati. Ropemi bijasampadanti danasiladipunnabijasampattim ropemi patthapemiti attho. Khomadayakattherapadanavannana nitthita. Tatiyassa subhutivaggassa vannana nitthita. Catubhanavaravannana nitthita. -------------

The Pali Atthakatha in Roman Book 50 page 55. http://84000.org/tipitaka/pitaka_item/read_rm.php?B=50&A=1201&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=50&A=1201&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=32 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1849 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=2394 The Pali Tipitaka in Roman Character :- http://84000.org/tipitaka/read/roman_read.php?B=32&A=2394 Contents of The Tipitaka Volume 32 http://84000.org/tipitaka/read/?index_32