AtthaPali Vol.38

khurappajatakam disva khurappeti idam sattha jetavane viharanto ekam osatthaviriyam bhikkhum arabbha kathesi. Tam hi sattha dhammasabhayam anitam saccam kira tvam osatthaviriyoti vatva saccam bhanteti vutte bhikkhu kasma tvam evam niyyanike sasane pabbajitva viriyam osajji poranakapandita aniyyanikatthanepi viriyam na osajjentiti vatva atitam ahari. Atite baranasiyam brahmadatte rajjam karente bodhisatto Ekasmim ataviarakkhikakule nibbattitva vayappatto pancapurisasataparivaro ataviarakkhikesu sabbajetthako hutva atavimukhe ekasmim game vasam kappesi. So pana bhatim gahetva manusse atavim atikkameti. Athekasmim divase baranaseko ^1- satthavahaputto pancahi sakatasatehi tam gamam patva tam pakkosapetva samma sahassam gahetva mam atavim atikkamehiti aha. So sadhuti sampaticchitva tassa hatthato sahassam ganhi bhatim ganhantoyeva tassa jivitam pariccaji. So tam adaya atavim pavisi. Atavimajjhe pancasata cora utthahimsu. Core disvava sesapurisa urena nipajjimsu. Arakkhikajetthako ekova nadanto vagganto paharitva pancasatacore palapetva satthavahaputtam sotthina kantaram taresi. Satthavahaputto pana parakantare sattham nivesetva arakkhikajetthakam nanaggarasabhojanam bhojetva sayampi bhuttapataraso sukhanisinno tena saddhim sallapanto samma tathadarunanam nama coranam avudhani gahetva avattharanakale kena nukho karanena cittutrasamattampi na uppannanti pucchanto pathamam gathamaha disva khurappe dhanuveganunne ^2- khagge gahite tikkhine teladhote tasmim bhayasmim marane virulhe kasma nu te nahu chambhitattanti. @Footnote: ¹ baranaseyyako. ² dhanuveganunne. Tattha dhanuveganunneti dhanuvegena visatthe. Khagge gahiteti tharudante suggahite khagge. Marane virulheti marane paccupatthite. Kasma nu te nahati kena nukho karanena te nahosi. Chambhitattanti sariracalanam. Tam sutva arakkhikajetthako itara dve gatha abhasi disva khurappe dhanuveganunne khagge gahite tikkhine teladhote tasmim bhayasmim marane virulhe vedam alattham vipulam ularam so vedajato ajjhabhavim amitte pubbeva me jivitamasi cattam na hi jivite alayam kubbamano suro kayira surakiccam kadaciti. Tattha vedam alatthanti tutthinceva somanassanca patilabhim. Vipulanti bahum. Ularanti uttamam. Ajjhabhavinti jivitam pariccajitva abhibhavim. Pubbeva me jivitamasi cattanti maya hi pubbeva tava hatthato bhatim ganhantena jivitam cattamasi. Na hi jivite alayam kubbamanoti jivitasmim sineham nikantim kurumano suro surakiccam kadacipi na hi karoti. Evam so paravase visajjante jivite nikantiya visatthatta attano surakiccassa katabhavam napetva satthavahaputtam uyyojetva Sakagamameva paccagantva danadini punnani katva yathakammam gato. Sattha imam dhammadesanam aharitva saccani pakasetva jatakam samodhanesi. Saccapariyosane osatthaviriyo bhikkhu arahatte patitthahi. Tada arakkhikajetthako pana ahamevati. Khurappajatakam pancamam -------

The Pali Atthakatha in Roman Book 38 page 77-80. http://84000.org/tipitaka/pitaka_item/read_rm.php?B=38&A=1608&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=38&A=1608&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=394 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2158 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2135 The Pali Tipitaka in Roman Character :- http://84000.org/tipitaka/read/roman_read.php?B=27&A=2135 Contents of The Tipitaka Volume 27 http://84000.org/tipitaka/read/?index_27