AtthaPali Vol.50

42. 10. Kapparukkhiyattherapadanavannana siddhatthassa bhagavatotiadikam ayasmato kapparukkhiyattherassa apadanam. ^1- Ayampi purimabuddhesu katadhikaro tesu tesu bhavesu nibbanadhigamupayabhutani punnani upacinanto siddhatthassa bhagavato kale vibhavasampanne ekasmim kule nibbatto mahaddhano mahabhogo satthari pasanno sattahi ratanehi vicittam suvannamayam kapparukkham karetva siddhatthassa bhagavato cetiyassa sammukhe thapetva pujesi. So evarupam punnam katva yavatayukam thatva tato cuto sugatisuyeva samsaranto kamena imasmim buddhuppade ekasmim kulagehe nibbatto vinnutam patto gharavasam santhapetva ratanattaye pasanno dhammam sutva patiladdhasaddho satthu aradhetva pabbajito nacirasseva arahattam patva pubbekatakusalanamena kapparukkhiyattheroti pakato ahosi. [108] So evam pattaarahattaphalo attano pubbakammam saritva somanassavasena pubbacaritapadanam pakasento siddhatthassa bhagavatotiadimaha. Thupasetthassa sammukhati setthassa uttamassa dhatunihitathupassa cetiyassa sammukhatthane vicittadusse anekavannehi visamena visadisena cittena manohare cinapattasomarapattadike dusse. Lagetva olaggetva kapparukkham thapesim aham patitthapesinti attho. Sesam suvinneyyamevati. ^2- Kapparukkhiyattherapadanavannana nitthita. Catutthavaggavannana nitthita. ----------- @Footnote: ¹ thera.A. 2/218-223. ² cha.Ma. uttanatthamevati.

The Pali Atthakatha in Roman Book 50 page 78. http://84000.org/tipitaka/pitaka_item/read_rm.php?B=50&A=1728&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=50&A=1728&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=42 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=2098 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=2683 The Pali Tipitaka in Roman Character :- http://84000.org/tipitaka/read/roman_read.php?B=32&A=2683 Contents of The Tipitaka Volume 32 http://84000.org/tipitaka/read/?index_32