AtthaPali Vol.32

151. 4. Vanavacchattherasamaneragathavannana ^1- upajjhayoti sivakassa samanerassa gatha. Tassa ^2- ka uppatti? so kira ito ekatimse kappe vessabhussa bhagavato kale kulagehe nibbatto ekadivasam kenacideva karaniyena arannam pavittho tattha pabbatantare nisinnam vessabhum bhagavantam disva pasannacitto upasankamitva vanditva anjalim paggayha atthasi. Puna tattha manoharani kasumarikaphalani disva tani gahetva bhagavato upanesi, patiggahesi bhagava anukampam upadaya. So tena punnakammena devamanussesu samsaranto kassapassa bhagavato sasane matule pabbajante tena saddhim pabbajitva bahum vivattupanissayam kusalam upacinitva imasmim buddhuppade vanavacchattherassa bhagineyyo hutva nibbatto, sivakotissa namam ahosi. Tassa mata attano jetthabhatike vanavacche sasane pabbajitva pabbajitakiccam ^3- matthakam papetva aranne viharante tam pavattim sutva puttam aha "tata sivaka therassa santike pabbajitva theram upatthaha, ^4- mahallakodani thero"ti. So matu ekavacaneneva ca pubbekatadhikarataya ca matulattherassa santikam gantva pabbajitva tam upatthahanto aranne ^5- vasati. Tassa ekadivasam kenacideva karaniyena gamantam gatassa kharo abadho uppajji. Manussesu bhesajjam karontesupi na patipassambhi. Tasmim cirayante thero "samanero @Footnote: ¹ ka. vanavacchattherassa samanera..., cha.Ma. sivakasamanera... ² cha.Ma. ayam patho na @ dissati. evamuparipi ³ Si., Ma. pabbajjakiccam ⁴ Ma. upatthahatha ⁵ Si. aranneva Cirayati, kim nu kho karanan"ti tattha gantva tam gilanam disva tassa tam tam kattabbayuttakam karonto divasabhagam vitinametva rattibhage balavapaccusavelayam aha "sivaka na maya pabbajitakalato patthaya game vasitapubbam, ito arannameva gacchama"ti. Tam sutva sivako "yadipi me bhante idani kayo gamante thito, cittam pana aranne, tasma sayanopi arannameva gamissami"ti, tam sutva thero tam bahayam gahetva arannameva netva ovadam adasi. So therassa ovade thatva vipassitva ^1- arahattam papuni. Tena vuttam apadane 2-:- "kanikaramva jotantam nisinnam pabbatantare addasam virajam buddham lokajettham narasabham. Pasannacitto sumano sire katvana anjalim kasumariphalam gayha ^3- buddhasetthassadasaham. Ekatimse ito kappe yam phalam adadim tada duggatim nabhijanami phaladanassidam phalam. Kilesa jhapita mayham .pe. Katam buddhassa sasanan"ti. So arahattam patva upajjhayena attana ca pavuttamattham samsandetva ^4- attano vivekabhiratim ^5- katakiccatanca pavedento:- ^6- "upajjhayo mam avaca ito gacchami sivaka game me vasati kayo arannam me gato mano semanakopi gacchami natthi sango vijanatan"ti gatham abhasi. ^6- @Footnote: ¹ Ma. ayam patho na dissati ² khu.apa. 32/53/409 kasumariphaladayakattherapadana @³ ka., cha.Ma. kasumarikamadaya ⁴ cha.Ma. vuttamattham samsanditva ⁵ cha.Ma. vivekabharatikatam @^6-6 cha.Ma. "upajjhayo mam avaca"ti gatham abhasi [14] Tattha upajjhayoti vajjavajjam upanijjhayati hitesitam paccupatthapetva nanacakkhuna pekkhatiti upajjhayo. Manti attanam vadati. Avacati ^1- abhasi. Ito gacchami sivakati vuttakaradassanam, sivaka ito gamantarato ^2- arannatthanameva ehi gacchama, tadeva amhakam vasanayogganti adhippayo. Evam pana upajjhayena vutto sivako bhadro assajaniyo viya kasabhihato sanjatasamvego hutva arannameva gantukamatam pavedento:- "game me vasati kayo arannam me gato mano semanakopi gacchami natthi sango vijanatan"ti aha. Tassattho:- yasma idani yadipi me idam sariram gamante thitam, ajjhasayo pana arannameva gato, tasma semanakopi gacchami gelannena thananisajja- gamanesu asamatthataya sayanopi imina sayitakarena sarisapo viya parisappanto, ^3- etha bhante arannameva gacchama, kasma? natthi sango vijanatam, ^4- yasma dhammasabhavo ^5- kamesu samsare ca adinavam, nekkhamme nibbane ca anisamsam yathavato janantassa na ^6- katthaci sango, tasma ekapadeneva upajjhayassa ana anuthitati, ^7- tadapadesena annam byakasi. Vanavacchattherasamaneragathavannana nitthita. ------------- @Footnote: ¹ ka. avacasiti ² cha.Ma. gamantato ³ cha.Ma. sarisapanto, Si. sirimsapo viya parisappanto @⁴ cha.Ma. vijanatanti ⁵ cha.Ma. dhammasabhava ⁶ Si. na-saddo na dissati @⁷ Si. anam anutthito

The Pali Atthakatha in Roman Book 32 page 90-92. http://84000.org/tipitaka/pitaka_item/read_rm.php?B=32&A=2036&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=32&A=2036&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=151 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5063 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5363 The Pali Tipitaka in Roman Character :- http://84000.org/tipitaka/read/roman_read.php?B=26&A=5363 Contents of The Tipitaka Volume 26 http://84000.org/tipitaka/read/?index_26