AtthaPali Vol.16

10. Nagitasuttavannana [30] Dasame uddham uggatatta ucco, rasibhavena ca maha saddo etesanti uccasaddamahasadda. Tesu hi uggatuggatesu khattiyamahasalabrahmanamahasaladisu mahasakkaram gahetva agatesu "asukassa okasam detha, asukassa okasam detha"ti vutte "mayam pathamataram agata, mayam pathamataram agata, natthi okaso"ti evam annamannam kathentanam saddo ucco ceva maha ca ahosi. Kevatta manne macchavilopeti kevatta viya macchavilope. Tesanhi macchapacchim gahetva agatanam vikkinanatthane "mayham detha, mayham detha"ti vadato mahajanassa evarupo saddo hoti. Milhasukhanti asucisukham. Middhasukhanti niddasukham. Labhasakkarasilokasukhanti labhasakkaranceva vannabhanananca nissaya uppannasukham. Tanninnava gamissantiti tam tadeva bhagavato gatatthanam gamissanti anubandhissantiyevati vuttam hoti. Tatha hi bhante bhagavato silapannanananti yasma tathavidham tumhakam silanca nanancati attho. Ma ca maya yasoti maya saddhim yasopi ma samagacchatu. Piyananti piyajananam. Eso tassa nissandoti esa piyabhavassa nipphatti. Asubhanimittanuyoganti asubhakammatthananuyogam. Asubhanimitteti ragatthaniye ittharammane. Eso tassa nissandoti eso tassa asubhanimittanuyogassa nipphatti. Evamimasmim sutte imesu pancasu thanesu vipassanava kathitati. Pancangikavaggo tatiyo. ------------

The Pali Atthakatha in Roman Book 16 page 13. http://84000.org/tipitaka/pitaka_item/read_rm.php?B=16&A=277&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=16&A=277&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=30 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=636 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=631 The Pali Tipitaka in Roman Character :- http://84000.org/tipitaka/read/roman_read.php?B=22&A=631 Contents of The Tipitaka Volume 22 http://84000.org/tipitaka/read/?index_22