AtthaPali Vol.50

116. 4. Ekasaniyattherapadanavannana varuno nama namenatiadikam ayasmato ekasaniyattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto atthadassissa bhagavato kale varuno nama devaraja hutva nibbatti. So bhagavantam disva pasannamanaso gandhamaladihi gitavaditehi ca upatthayamano saparivaro pujesi. Tato aparabhage bhagavati parinibbute tassa mahabodhirukkham buddhadassanam viya sabbaturiyatalavacarehi saparivaro upaharam akasi. So tena punnena tato kalam katva nimmanaratidevaloke uppajji. Evam devasampattim anubhavitva manussesu ca manussabhuto cakkavattisampattim anubhavitva imasmim buddhuppade kulagehe nibbatto vinnutam patva satthu sasane pabbajitva nacirasseva araha ahosi. [31] So paccha sakakammam saritva tam tathato natva somanassajato pubbacaritapadanam pakasento varuno nama namenatiadimaha. Tattha yada aham sambodhanatthaya ^1- buddham bodhinca pujesim, tada varuno nama devaraja ahosinti sambandho. [34] Dharaniruhapadapanti ettha rukkhalatapabbatasattaratanadayo dharetiti dharani, tasmim ruhati patitthahatiti dharaniruho. Padena pivatiti padapo, sincitasincitodakam padena mulena pivati rukkhakkhandhasakhavitapehi aporasam patthariyatiti attho, tam dharaniruhapadapam bodhirukkhanti sambandho. [35] Sakakammabhiraddhoti attano kusalakammena abhiraddhopasanno uttame bodhimhi pasannoti sambandho. Sesam sabbattha uttanamevati. Ekasaniyattherapadanavannana nitthita. ----------- @Footnote: ¹ Si. sammodanatthaYu.

The Pali Atthakatha in Roman Book 50 page 158. http://84000.org/tipitaka/pitaka_item/read_rm.php?B=50&A=3417&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=50&A=3417&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=116 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3535 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4341 The Pali Tipitaka in Roman Character :- http://84000.org/tipitaka/read/roman_read.php?B=32&A=4341 Contents of The Tipitaka Volume 32 http://84000.org/tipitaka/read/?index_32