Atthakatha Book 54 : PALI ROMAN
Vibhanga.A. (sammoha.)

                    Kusalamulakavipakaniddesavannana
     [343] Idani abyakatesupi apareneva nayena paccayakaram dassetum
katame dhamma abyakatatiadimaraddham. Tattha kusalamulapaccayati idampi upanissaya-
paccayatam sandhaya vuttam. Kusalavipakassa hi kusalamulam akusalavipakassa ca akusalamulam
upanissayapaccayo hoti, nanakkhanikakammapaccaye pana vattabbameva natthi. Tasma
esa upanissayapaccayena ceva nanakkhanikakammapaccayena ca paccayo hoti. Teneva
niddesavare "tattha katamam kusalamulan"ti avibhajitva "tattha katamo kusalamulapaccaya
sankharo"ti vibhattam. Akusalavipakepi eseva nayo.
     Avijjamulakakusalaniddese viya ca imasmimpi vipakaniddese pathamam
paccayacatukkameva labbhati, tampi pathamavaram dassetva sankhittam. Tasma ekekasmim
vipakacitte ekamekasseva catukkassa vasena kusalamulake akusalamulake 3- ca naye
varappabhedo veditabbo. Kiriyadhammanam pana yasma neva avijja na
@Footnote: 1 cha.Ma. pana        2 cha.Ma. upanissayavasena  3 cha.Ma. kusalamulamulake akusalamulamulake
Kusalakusalamulani upanissayapaccayatam labhanti, tasma kiriyavasena paccayakaro
na vuttoti.
     Evamesa:-
           akusalakusalabyakata-          dhammesu anekabhedato vatva
           kusalakusalanam pana            vipake ca upanissayavasena.
           Puna ekadhava vutto          vadippavarena paccayakaro
           dhammappaccayabhede            nanassa pabhedajananattham.
           Pariyattisavanacintana-           patipattikkamavivajjitananca
           yasma nanapabhedo           na kadacipi hoti etasmim.
           Pariyattisavanacintana-           patipattikkamato sada dhiro
           tattha kayira na hannam          karaniyataram tato atthiti.
     Ayam pana paccayakaro suttantaabhidhammabhajaniyavasena dveparivattameva
niharitva bhajetva dassito hoti.
                     Abhidhammabhajaniyavannana nitthita.
                     Sammohavinodaniya vibhangatthakathaya
                   paticcasamuppadavibhangavannana nitthita.
                        ----------------


             The Pali Atthakatha in Roman Book 54 page 229-230.
http://84000.org/tipitaka/pitaka_item/read_rm.php?B=54&A=5415&modeTY=2
             อรรถกถาบาลีอักษรไทย :-
http://84000.org/tipitaka/pitaka_item/read_th.php?B=54&A=5415&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=35&i=416
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=35&A=5786
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=35&A=5139
             The Pali Tipitaka in Roman Character :-
http://84000.org/tipitaka/read/roman_read.php?B=35&A=5139
             Contents of The Tipitaka Volume 35
http://84000.org/tipitaka/read/?index_35