|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Dutiyamaggavannana [361] Idani dutiyamaggadinam dassanattham puna "katame dhamma kusala"tiadi araddham. Tattha kamaragabyapadanam tanubhavayati etesam kilesanam tanubhavatthaya. Tattha dvihi karanehi tanubhavo veditabbo adhiccuppattiya ca pariyutthanamandataya ca. Sakadagamissa hi vattanusarimahajanasseva kilesa abhinham na uppajjanti, kadaci kadaci uppajjanti, uppajjantapi viralakara hutva uppajjanti, viralavapitakkhette ankura viya. Uppajjamanapi ca vattanusarimahajanasseva maddanta pharanta chadenta andhakaram karonta na uppajjanti. Dvihi pana maggehi pahinatta mandamanda uppajjanti, tanukakara hutva uppajjanti, abbhapatalam viya makkhikapattam viya ca. Tattha keci thera vadanti "sakadagamissa kilesa kincapi cirena uppajjanti, bahalava pana hutva uppajjanti. Tatha hissa putta ca dhitaro ca dissanti"ti. Etam pana appamanam. Puttadhitaro hi angapaccangaparamasanamattenapi honti, dvihi pana maggehi pahinatta natthi kilesanam bahalatati dvihieva karanehissa kilesanam tanubhavo veditabbo adhiccuppattiya ca pariyutthanamandataya cati. Dutiyayati gananavasenapi dutiyuppattivasenapi dutiyaya. Bhumiya pattiyati samannaphalassa patilabhatthaya. Tatiyacatutthasupi eseva nayo, visesamattanneva pana vakkhama. Annindriyanti ajananakam indriyam, pathamamaggena natamariyadam anatikkamitva tesamyeva tena maggena natanam catusaccadhammanam jananakaindriyanti vuttam hoti. Niddesavarepissa iminapi nayena attho veditabbo, kotthasavare iminapi saddhim navindriyani honti, sesam purimanayeneva veditabbam. Dutiyamaggo nitthito. -----------The Pali Atthakatha in Roman Book 53 page 296. http://84000.org/tipitaka/pitaka_item/read_rm.php?B=53&A=7393&modeTY=2&pagebreak=1 อรรถกถาบาลีอักษรไทย :- http://84000.org/tipitaka/pitaka_item/read_th.php?B=53&A=7393&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=34&i=271 เนื้อความพระไตรปิฎกฉบับหลวง :- http://84000.org/tipitaka/read/r.php?B=34&A=2601 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=34&A=2139 The Pali Tipitaka in Roman Character :- http://84000.org/tipitaka/read/roman_read.php?B=34&A=2139 Contents of The Tipitaka Volume 34 http://84000.org/tipitaka/read/?index_34
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]