อรรถกถาเล่มที่ ๒๗ ภาษาบาลีอักษรไทย
 อิติ.อ. (ปรมตฺถที.)

           "จตุกฺกณฺโณ จตุทฺวาโร     วิภตฺโต ภาคโส มิโต
            อโยปาการปริยนฺโต      อยสา ปฏิกุชฺชิโต.
            ตสฺส อโยมยา ภูมิ       ชลิตา เตชสา ยุตา
            สมนฺตา โยชนสตํ        ผริตฺวา ติฏฺติ สพฺพทา"ติ. ๑-
      อทุฏฺสฺสาติ อทุฏฺจิตฺตสฺส. ทุพฺเภติ ทุสฺเสยฺย. ตเมว ปาปํ ผุสตีติ
ตเมว อทุฏฺทุพฺภึ ปาปปุคฺคลํ ปาปํ นิหีนํ ปาปผลํ ผุสติ ปาปุณาติ
อภิภวติ. เภสฺมาติ วิปุลภาเวน คมฺภีรภาเวน จ ภึสาเปนฺโต วิย,
วิปุลคมฺภีโรติ อตฺโถ. วาเทนาติ โทเสน. วิหึสตีติ พาธติ อาสาเทติ.
วาโท ตมฺหิ น รูหตีติ ตสฺมึ ตถาคเต ปเรน อาโรปิยมาโน โทโส น
รูหติ น ติฏฺติ วิสกุมฺโภ วิย สมุทฺทสฺส, น ตสฺส วิการํ ชเนตีติ
อตฺโถ.
      เอวํ ฉหิ คาถาหิ ปาปิจฺฉตาทิสมนฺนาคตสฺส นิรยูปคภาวทสฺสเนน
ทุกฺขโต อปริมุตฺตตํ ทสฺเสตฺวา อิทานิ ตปฺปฏิปกฺขธมฺมสมนฺนาคตสฺส ทุกฺขกฺขยํ
ทสฺเสนฺโต "ตาทิสํ มิตฺตนฺ"ติ โอสานคาถมาห. ตสฺสตฺโถ:- ยสฺส สมฺมา
ปฏิปนฺนสฺส มคฺคานุโค ปฏิปตฺติมคฺคํ อนุคโต สมฺมา ปฏิปนฺโน
อปฺปิจฺฉตาทิคุณสมนฺนาคเมน สกลสฺส วฏฺฏทุกฺขสฺส ๒- ขยํ ปริโยสานํ ปาปุเณยฺย,
ตาทิสํ พุทฺธํ วา พุทฺธสาวกํ วา ปณฺฑิโต สปฺปญฺโ อตฺตโน มิตฺตํ กุพฺเพถ
เตน เมตฺติกํ กเรยฺย, ตญฺจ เสเวยฺย ตเมว ปยิรุปาเสยฺยาติ.
      อิติ อิมสฺมึ วคฺเค ฉฏฺสตฺตมสุตฺเตสุ วิวฏฺฏํ กถิตํ, อิตเรสุ
วฏฺฏวิวฏฺฏํ กถิตํ.
                       ทสมสุตฺตวณฺณนา นิฏฺิตา.
                       จตุตฺถวคฺควณฺณนา นิฏฺิตา.
                         --------------
@เชิงอรรถ: ๑ ม.อุ. ๑๔/๒๕๐/๒๑๘, องฺ.ติก. ๒๐/๓๖/๑๓๖, ขุ.เปต. ๒๖/๖๙๔-๕/๒๔๑,
@ขุ.ชา. ๒๘/๙๒/๔๐ (สฺยา)       ๒ ฉ.ม. สกลวฏฏทุกฺขสุส

             อรรถกถาภาษาบาลีอักษรไทย เล่มที่ ๒๗ หน้า ๓๑๙.
http://84000.org/tipitaka/pitaka_item/read_th.php?B=27&A=7045&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=27&A=7045&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=25&i=269
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=25&A=6227
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=25&A=6132
             The Pali Tipitaka in Roman Character :-
http://84000.org/tipitaka/read/roman_read.php?B=25&A=6132
             สารบัญพระไตรปิฎกเล่มที่ ๒๕
http://84000.org/tipitaka/read/?index_25