อรรถกถาเล่มที่ ๓ ภาษาบาลีอักษรไทย
 วินย.อ. (สมนฺต.๓)

                     ขนฺธกปุจฺฉาวณฺณนา
                       --------
     {๓๒๐} อุปสมฺปทํ ปุจฺฉิสฺสนฺติ อุปสมฺปทกฺขนฺธกํ ปุจฺฉิสฺสํ ฯ สนิทานํ
สนิทฺเทสนฺติ นิทาเนน จ นิทฺเทเสน จ สทฺธึ ปุจฺฉิสฺสามิ ฯ
สมุกฺกฏฺปทานํ กติ อาปตฺติโยติ ยานิ ตตฺถ สมุกฺกฏฺานิ อุตฺตมานิ
ปทานิ วุตฺตานิ เตสํ สมุกฺกฏฺปทานํ อุตฺตมปทานํ สงฺเขปโต
กติ อาปตฺติโย โหนฺตีติ ฯ เยน เยน ปเทน ยา ยา อาปตฺติ
ปญฺตฺตา สา สา ตสฺส ตสฺส ปทสฺส อาปตฺตีติ วุจฺจติ ฯ
เตน วุตฺตํ สมุกฺกฏฺปทานํ กติ อาปตฺติโยติ ฯ เทฺว อาปตฺติโยติ
อูนวีสติวสฺสํ อุปสมฺปาเทนฺตสฺส ปาจิตฺติยํ เสเสสุ สพฺพปเทสุ
ทุกฺกฏํ ฯ ติสฺโสติ นสฺสนฺเตเต ๑- วินสฺสนฺเตเต โก เตหิ อตฺโถติ
วทโต เภทปุเรกฺขารานํ อุโปสถกรเณ ถุลฺลจฺจยํ อุกฺขิตฺตเกน
สทฺธึ อุโปสถกรเณปิ ปาจิตฺติยํ เสเสสุ ทุกฺกฏนฺติ เอวํ อุโปสถกฺ-
ขนฺธเก ติสฺโส อาปตฺติโย ฯ เอกาติ วสฺสูปนายิกกฺขนฺธเก เอกา
ทุกฺกฏาปตฺติเยว ฯ ติสฺโสติ เภทปุเรกฺขารสฺส ปวารยโต ถุลฺลจฺจยํ
อุกฺขิตฺตเกน สทฺธึ ปาจิตฺติยํ เสเสสุ ทุกฺกฏนฺติ เอวํ ปวารณากฺ-
ขนฺธเกปิ ติสฺโส อาปตฺติโย ฯ ติสฺโสติ วจฺฉตรึ อุคฺคเหตฺวา
มาเรนฺตานํ ปาจิตฺติยํ รตฺเตน จิตฺเตน องฺคชาตฉุปเน ถุลฺลจฺจยํ
@เชิงอรรถ: ๑. นสฺสนตุ เอเตติ ปทจฺเฉโท ฯ
เสเสสุ ทุกฺกฏนฺติ เอวํ จมฺมสํยุตฺเตปิ ติสฺโส อาปตฺติโย ฯ
เภสชฺชกฺขนฺธเกปิ สมนฺตา ทฺวงฺคุเล ถุลฺลจฺจยํ โภชนยาคุยา
ปาจิตฺติยํ เสเสสุ ทุกฺกฏนฺติ เอวํ ติสฺโส อาปตฺติโย ฯ กินํ เกวลํ
ปญฺตฺตเมว นตฺถิ ตตฺถ อาปตฺติ ฯ จีวรสํยุตฺเต กุสจีรวากจีเรสุ
ถุลฺลจฺจยํ อติเรกจีวเร นิสฺสคฺคิยํ ปาจิตฺติยํ เสเสสุ ทุกฺกฏนฺติ
อิมา ติสฺโส อาปตฺติโย ฯ จมฺเปยฺยเกปิ เอกา ทุกฺกฏาปตฺติเยว ฯ
โกสมฺพิกกมฺมกฺขนฺธกปาริวาสิกสมุจฺจยกฺขนฺธเกสุปิ เอกา ทุกฺกฏา-
ปตฺติเยว ฯ สมถกฺขนฺธเก ฉนฺททายโก ขิยฺยติ ขิยฺยนกํ ปาจิตฺติยํ
เสเสสุ ทุกฺกฏนฺติ อิมา เทฺว อาปตฺติโย ฯ ขุทฺทเก วตฺถุเก อตฺตโน
องฺคชาตํ ฉินฺทติ ถุลฺลจฺจยํ โรมฏฺเ ปาจิตฺติยํ เสเสสุ ทุกฺกฏนฺติ
อิมา ติสฺโส อาปตฺติโย ฯ เสนาสนกฺขนฺธเก ครุภณฺฑวิสฺสชฺชเน
ถุลฺลจฺจยํ สงฺฆิกวิหารา นิกฺกฑฺฒเน ปาจิตฺติยํ เสเสสุ ทุกฺกฏนฺติ
อิมา ติสฺโส อาปตฺติโย ฯ สงฺฆเภเท เภทานุวตฺตกานํ ถุลฺลจฺจยํ
คณโภชเน ปาจิตฺติยนฺติ อิมา เทฺว อาปตฺติโย ฯ สมาจารํ
ปุจฺฉิสฺสนฺติ วุตฺเต วตฺตกฺขนฺธเก เอกา ทุกฺกฏาปตฺติเยว ฯ สา
สพฺพวตเตสุ อนาทริเยน โหติ ฯ ตถา ปาฏิโมกฺขฏฺปเน ฯ
ภิกฺขุนิกฺขนฺธเก อปวารณาย ปาจิตฺติยํ เสเสสุ ทุกฺกฏนฺติ อิมา
เทฺว อาปตฺติโย ฯ ปญฺจสติกสตฺตสติเกสุ เกวโล ธมฺโม สงฺคหํ
อาโรปิโต นตฺถิ ตตฺถ อาปตฺตีติ ฯ
                 ขนฺธกปุจฺฉาวณฺณนา นิฏฺิตา ฯ
                      ----------

             อรรถกถาภาษาบาลีอักษรไทย เล่มที่ ๓ หน้า ๔๘๗-๔๘๘.
http://84000.org/tipitaka/pitaka_item/read_th.php?B=3&A=9918&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=3&A=9918&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=8&i=918
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=8&A=7326
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=8&A=5869
             The Pali Tipitaka in Roman Character :-
http://84000.org/tipitaka/read/roman_read.php?B=8&A=5869
             สารบัญพระไตรปิฎกเล่มที่ ๔
http://84000.org/tipitaka/read/?index_8