บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā
Therīgāthāya ekādasakanipāto [464] |464.213| 1 Kalyāṇamittatā muninā lokaṃ ādissa vaṇṇitā kalyāṇamitte bhajamāno api bālo paṇḍito assa. |464.214| Bhajitabbā sappurisā paññā tathāpi 1- vaḍḍhati bhajantānaṃ bhajamāno yo 2- koci khattiyādiko sappurise sabbehipi dukkhehi ceva mocaye |464.215| dukkhañceva vijāneyya dukkhassa ca samudayaṃ nirodhaṭṭhaṅgikamaggaṃ cattāri ariyasaccāni ca 3-. |464.216| Dukkho itthibhāvo akkhāto purisadammasārathinā. Sapattikampi hi dukkhaṃ appekaccā sakiṃ vijātāyo |464.217| galake 4- apakantanti 5- sukhumāliniyo visāni khādanti janamārakamajjhagatā ubhopi byasanāni anubhonti |464.218| upavijaññā gacchantī addasāhaṃ patiṃ mataṃ panthe vijāyitvāna appattāhaṃ sakaṃ gehaṃ. |464.219| Dve puttā kālakatā pati ca panthe mato kapaṇikāya mātā pitā ca bhātā ca ḍayhanti ekacitakāyaṃ. |464.220| Khīṇakulamhi 6- kapaṇe anubhūtaṃ te dukkhaṃ aparimāṇaṃ assu ca te pavattaṃ hi 7- bahūni jātisahassāni. |464.221| Passiṃ taṃ susānamajjhe 8- athopi khāditāni puttamaṃsāni @Footnote: 1 Yu. tathā pavaḍḍhati. 2 Ma. ayaṃ gāthāya pādo na dissati. 3 Ma. Yu. casaddo @natthi. 4 Yu. gale. 5 Ma. api kantanti. 6 khīṇakulīne. 7 Ma. Yu. hisaddo @natthi. 8 Ma. vasitā susānamajjhe. Hatakulikā sabbagarahitā matapatikā amataṃ adhigacchiṃ. |464.222| Bhāvito me ayaṃ maggo ariyoṭṭhaṅgiko amatagāmī nibbānaṃpi sacchikataṃ dhammādāsaṃ avekkhihaṃ 1-. |464.223| Ahamhi kantasallā ohitabhārā kataṃ 2- me karaṇīyaṃ kīsāgotamī therī suvimuttacittā imaṃ bhaṇīti. Kīsāgotamī. Ekādasakanipāto samatto. ------------------ Therīgāthāya dvādasakanipāto [465] |465.224| 1 Ubho mātā ca dhītā ca mayaṃ āsuṃ sapattiyo tassā me ahu saṃvego abbhūto 3- lomahaṃsano. |465.225| Dhiratthu kāmā asucī duggandhā bahukaṇṭakā yattha mātā ca dhītā ca sabhariyā mayaṃ ahuṃ. |465.226| Kāmesvādīnavaṃ disvā nekkhammaṃ daṭṭhu khemato sā pabbajiṃ rājagahe agārasmā anagāriyaṃ. |465.227| Pubbenivāsaṃ jānāmi dibbacakkhuṃ visodhitaṃ cetopariyañāṇañca 4- sotadhātu visodhitā. |465.228| Iddhipi me sacchikatā patto me āsavakkhayo cha me 5- abhiññā sacchikatā kataṃ buddhassa sāsanaṃ. @Footnote: 1 Yu. apekkhihaṃ. 2 Ma. kataṃ hi. 3 Ma. Yu. abbhuto. 4 Ma. ceto pariccañāṇañca. @5 Ma. chaḷabhiññā. |465.229| Iddhiyā abhinimmitvā caturassaṃ rathaṃ ahaṃ buddhassa pāde vanditvā lokanāthassa sirīmato 1-. |465.230| Supupphitaggaṃ upagamma pādapaṃ ekā tuvaṃ tiṭṭhasi rukkhamūle na cāpi te dutiyo atthi koci na tvaṃ bāle bhāyasi dhuttakānaṃ. |465.231| Sataṃ sahassānaṃpi 2- dhuttakānaṃ samāgatā edisakā bhaveyyuṃ. Lomaṃ na iñje napi sampavedhe kiṃ me tuvaṃ māra karissaseko. |465.232| Esā antaradhāyāmi kucchiṃ vā pavisāmi te bhamukantarepi tiṭṭhāmi tiṭṭhantiṃ maṃ na dakkhasi. |465.233| Cittamhi vasībhūtāhaṃ iddhipādā subhāvitā cha mebhiññā 3- sacchikatā kataṃ buddhassa sāsanaṃ. |465.234| Sattisūlūpamā kāmā khandhāsaṃ adhikuṭṭanā yaṃ tvaṃ kāmaratiṃ brūsi arati dāni sā mama. |465.235| Sabbattha vihatā nandi tamokkhandho padālito evaṃ jānāhi pāpima nihato tvamasi antakāti. Uppalavaṇṇā. Dvādasakanipāto samatto. ----------------- @Footnote: 1 Ma. tādino. 2 Ma. sahassāni . 3 Ma. chaḷabhiññā.The Pali Tipitaka in Roman Character Volume 26 page 470-472. http://84000.org/tipitaka/pitaka_item/roman_item_s.php?book=26&item=464&items=2 Classified by [Item Number] :- http://84000.org/tipitaka/pitaka_item/roman_item_s.php?book=26&item=464&items=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=26&item=464&items=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=26&item=464&items=2 Study Atthakatha :- http://84000.org/tipitaka/attha/attha.php?b=26&i=464 The Pali Atthakatha in Thai :- http://84000.org/tipitaka/atthapali/read_th.php?B=34&A=4766 The Pali Atthakatha in Roman :- http://84000.org/tipitaka/atthapali/read_rm.php?B=34&A=4766 Contents of The Tipitaka Volume 26 http://84000.org/tipitaka/read/?index_26
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]