บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā
Therīgāthāya vīsatinipāto [467] |467.251| 1 Kāḷakā bhamaravaṇṇasadisā vellitaggā mama muddhajā ahuṃ te jarāya sāṇavākasadisā saccavādivacanaṃ anaññathā. |467.252| Vāsitova surabhikaraṇḍako pupphapūraṃ mama uttamaṅgabhūto 1- taṃ jarāyatha salomagandhikaṃ saccavādivacanaṃ anaññathā. |467.253| Kānanaṃva sahitaṃ suropitaṃ kocchasūcivicittaggasobhitaṃ taṃ jarāya viraḷaṃ tahiṃ tahiṃ saccavādivacanaṃ anaññathā. |467.254| Saṇhagandhakasuvaṇṇamaṇḍitaṃ 2- sobhate su veṇīhi alaṅkataṃ taṃ jarāya khalitaṃ siraṃ kataṃ saccavādivacanaṃ anaññathā. |467.255| Cittakārasukatāva lekhitā sobhate 3- su bhamukā pure mama @Footnote: 1 Ma. uttamaṅgajo. 2 Ma. kaṇhakhandhaka .... 3 Ma. sobhare. Tā jarāya valīhi palambitā saccavādivacanaṃ anaññathā. |467.256| Bhassarā surucirā yathā maṇi nettāhesuṃ abhinīlamāyatā te jarāyabhihatā na sobhate 1- saccavādivacanaṃ anaññathā. |467.257| Saṇhatuṅgasadisī ca nāsikā sobhate su abhiyobbanaṃ pati sā jarāya upakūlitā viya saccavādivacanaṃ anaññathā. |467.258| Kaṅkaṇaṃva sukataṃ suniṭṭhitaṃ sobhate 1- su mama kaṇṇapāḷiyo pure 2- tā jarāya valīhi palambitā saccavādivacanaṃ anaññathā. |467.259| Pattalimakulavaṇṇasadisā sobhate su dantā pure mama te jarāya khaṇḍā yavapītakā saccavādivacanaṃ anaññathā. |467.260| Kānanasmiṃ vanasaṇḍacāriṇī @Footnote: 1 Ma. sobhare. 2 Ma. ayaṃ pāṭho natthi. Kokilāva madhuraṃ nikūjitaṃ 1- taṃ jarāya khalitaṃ tahiṃ tahiṃ saccavādivacanaṃ anaññathā. |467.261| Saṇṭhakammudīva 2- suppamajjitā sobhate su gīvā pure mama sā jarāya bhaggā vināmitā 3- saccavādivacanaṃ anaññathā. |467.262| Vaṭṭapalighasadisopamā ubho sobhate su bāhā pure mama tā jarāya yathā pāṭalippalitā 4- saccavādivacanaṃ anaññathā. |467.263| Saṇhamuddikāsuvaṇṇamaṇḍitā sobhate su hatthā pure mama te jarāya yathā mūlamūlikā saccavādivacanaṃ anaññathā. |467.264| Pīnavaṭṭasahituggatā ubhopi 5- sobhate su thanakā pure mama therīti va 6- lambantenodakā @Footnote: 1 Ma. nikūjihaṃ. 2 Ma. saṇhakamburiva. 3 Yu. vināsitā. 4 Ma. pāṭalibbalitā. @5 Ma. Yu. pisaddo natthi. 6 Ma. thevikīva lambanti nodakā. Saccavādivacanaṃ anaññathā. |467.265| Kañcanassa phalakaṃva sumaṭṭhaṃ 1- sobhate su kāyo pure mama so valīhi sukhumāhi otato saccavādivacanaṃ anaññathā. |467.266| Nāgabhogasadisopamā ubho sobhate su ūrū pure mama tā 2- jarāya yathā veḷunāḷiyo saccavādivacanaṃ anaññathā. |467.267| Saṇhanūpurasuvaṇṇamaṇḍitā sobhate su jaṅghā pure mama tā jarāya tiladaṇḍakāriva saccavādivacanaṃ anaññathā. |467.268| Tūlapuṇṇasadisopamā ubho sobhate su pādā pure mama te jarāya phuṭikā valīmatā saccavādivacanaṃ anaññathā. |467.269| Ediso ahu ayaṃ samussayo jajjaro bahudukkhānamālayo sopalepapatito jarāgharo @Footnote: 1 Ma. sammaṭṭhaṃ . 2 Po. Ma. Yu. te. Saccavādivacanaṃ anaññātha. Ambapālī. [468] |468.270| 2 Samaṇāti bhoti maṃ 1- vipassi samaṇāti paṭibujjhasi samaṇānameva kittesi samaṇī nūna bhavissasi. |468.271| Vipulaṃ annañca pānañca samaṇānaṃ pavecchasi rohiṇi dāni pucchāmi kena te samaṇā piyā. |468.272| Akammakāmā alasā paradattūpajīvino 2- āsaṃsukā sādhukāmā kena te samaṇā piyā. |468.273| Cirassaṃ vata maṃ tāta samaṇānaṃ paripucchasi tesante kittayissāmi paññāsīlaparakkamaṃ. |468.274| Kammakāmā analasā kammaseṭṭhassa kārakā rāgadosaṃ pajahanti tena me samaṇā piyā. |468.275| Tīṇi pāpassa mūlāni dhunanti sucikārino sabbapāpaṃ pahīnesaṃ tena me samaṇā piyā. |468.276| Kāyakammaṃ suci nesaṃ vacīkammañca tādisaṃ manokammaṃ suci nesaṃ tena me samaṇā piyā. |468.277| Vimalā saṅkhamuttāva suddhā santarabāhirā puṇṇā sukkehi dhammehi 3- tena me samaṇā piyā. |468.278| Bahussutā dhammadharā ariyā dhammajīvino atthaṃ dhammañca desenti tena me samaṇā piyā. @Footnote: 1 Ma. bhoti supi . 2 Po. Yu. paradatto ... . 3 Ma. Yu. sukkāna dhammānaṃ. |468.279| Bahussutā dhammadharā ariyā dhammajīvino ekaggacittā satimanto tena me samaṇā piyā. |468.280| Dūraṅgamā satimanto mantabhāṇī anuddhatā dukkhassantaṃ pajānanti tena me samaṇā piyā. |468.281| Yamhā gāmā pakkamanti na vilokenti kiñcanaṃ anapekkhāva gacchanti tena me samaṇā piyā. |468.282| Na te saṃ koṭṭhe osenti 1- na kumbhiṃ na kaḷopiyaṃ pariniṭṭhitamesānā tena me samaṇā piyā. |468.283| Na te hiraññaṃ gaṇhanti na suvaṇṇaṃ na rūpiyaṃ paccuppannena yāpenti tena me samaṇā piyā. |468.284| Nānākulā pabbajitā nānājanapadehi ca aññamaññaṃ piyāyanti tena me samaṇā piyā. |468.285| Atthāya vata no bhoti kule jātāsi rohiṇi 2- saddhā buddhe ca dhamme ca saṅghe ca tibbagāravā. |468.286| Tuvaṃ hetaṃ pajānāsi puññakkhettaṃ anuttaraṃ amhaṃpi ete samaṇā paṭiggaṇhanti dakkhiṇaṃ |468.287| patiṭṭhito hettha yañño vipulo no bhavissati. Sace bhāyasi dukkhassa sace te dukkhamappiyaṃ |468.288| upehi buddhaṃ 3- saraṇaṃ dhammaṃ saṅghañca tādinaṃ samādiyāhi sīlāni tante atthāya hehiti. @Footnote: 1 Po. Ma. openti . 2 Ma. rohiṇī . 3 Ma. upehi saraṇaṃ baddhaṃ. |468.289| Upemi buddhaṃ 1- saraṇaṃ dhammaṃ saṅghañca tādinaṃ samādiyāmi sīlāni taṃ me atthāya hehiti. |468.290| Brahmabandhu pure āsiṃ so idānimhi brāhmaṇo tevijjo sotthiyo camhi vedagū camhi nhātako. Rohiṇī.The Pali Tipitaka in Roman Character Volume 26 page 475-481. http://84000.org/tipitaka/pitaka_item/roman_item_s.php?book=26&item=467&items=2 Classified by [Item Number] :- http://84000.org/tipitaka/pitaka_item/roman_item_s.php?book=26&item=467&items=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=26&item=467&items=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=26&item=467&items=2 Study Atthakatha :- http://84000.org/tipitaka/attha/attha.php?b=26&i=467 The Pali Atthakatha in Thai :- http://84000.org/tipitaka/atthapali/read_th.php?B=34&A=5613 The Pali Atthakatha in Roman :- http://84000.org/tipitaka/atthapali/read_rm.php?B=34&A=5613 Contents of The Tipitaka Volume 26 http://84000.org/tipitaka/read/?index_26
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]