paliTIPITAKA Volume 37 - Abhidhamma Pitaka 4

Idaṃ dukkhantikathā [1454] Idaṃ dukkhanti vācaṃ bhāsato idaṃ dukkhanti ñāṇaṃ pavattatīti . āmantā . ayaṃ samudayoti vācaṃ bhāsato ayaṃ samudayoti ñāṇaṃ pavattatīti . na hevaṃ vattabbe .pe. idaṃ dukkhanti vācaṃ bhāsato idaṃ dukkhanti ñāṇaṃ pavattatīti . āmantā . Ayaṃ nirodhoti vācaṃ bhāsato ayaṃ nirodhoti ñāṇaṃ pavattatīti . @Footnote:* mīkār—kṛ´์ khagœ ñāṇaṃ cittavippayuttanti peḌna ñāṇaṃcittavippayuttanti Na hevaṃ vattabbe .pe. idaṃ dukkhanti vācaṃ bhāsato idaṃ dukkhanti ñāṇaṃ pavattatīti . āmantā . ayaṃ maggoti vācaṃ bhāsato ayaṃ maggoti ñāṇaṃ pavattatīti. Na hevaṃ vattabbe .pe. [1455] Ayaṃ samudayoti vācaṃ bhāsato na ca ayaṃ samudayoti ñāṇaṃ pavattatīti . āmantā . idaṃ dukkhanti vācaṃ bhāsato na ca idaṃ dukkhanti ñāṇaṃ pavattatīti . na hevaṃ vattabbe .pe. ayaṃ nirodhoti .pe. ayaṃ maggoti vācaṃ bhāsato na ca ayaṃ maggoti ñāṇaṃ pavattatīti . āmantā . idaṃ dukkhanti vācaṃ bhāsato na ca idaṃ dukkhanti ñāṇaṃ pavattatīti. Na hevaṃ vattabbe .pe. [1456] Idaṃ dukkhanti vācaṃ bhāsato idaṃ dukkhanti ñāṇaṃ pavattatīti . āmantā . rūpaṃ aniccanti vācaṃ bhāsato rūpaṃ aniccanti ñāṇaṃ pavattatīti . na hevaṃ vattabbe .pe. idaṃ dukkhanti vācaṃ bhāsato idaṃ dukkhanti ñāṇaṃ pavattatīti . āmantā . Vedanā .pe. saññā saṅkhārā .pe. viññāṇaṃ aniccanti vācaṃ bhāsato viññāṇaṃ aniccanti ñāṇaṃ pavattatīti. Na hevaṃ vattabbe .pe. [1457] Idaṃ dukkhanti vācaṃ bhāsato idaṃ dukkhanti ñāṇaṃ pavattatīti . āmantā . rūpaṃ anattāti vācaṃ bhāsato rūpaṃ anattāti ñāṇaṃ pavattatīti . na hevaṃ vattabbe .pe. idaṃ dukkhanti vācaṃ bhāsato idaṃ dukkhanti ñāṇaṃ pavattatīti . āmantā . Vedanā .pe. saññā .pe. saṅkhārā .pe. viññāṇaṃ anattāti vācaṃ bhāsato viññāṇaṃ anattāti ñāṇaṃ pavattatīti . na hevaṃ vattabbe .pe. [1458] Rūpaṃ aniccanti vācaṃ bhāsato na ca rūpaṃ aniccanti ñāṇaṃ pavattatīti . āmantā . idaṃ dukkhanti vācaṃ bhāsato na ca idaṃ dukkhanti ñāṇaṃ pavattatīti . na hevaṃ vattabbe .pe. Vedanā .pe. saññā .pe. saṅkhārā .pe. viññāṇaṃ aniccanti vācaṃ bhāsato na ca viññāṇaṃ aniccanti ñāṇaṃ pavattatīti . Āmantā . idaṃ dukkhanti vācaṃ bhāsato na ca idaṃ dukkhanti ñāṇaṃ pavattatīti . na hevaṃ vattabbe .pe. rūpaṃ anattāti vācaṃ bhāsato na ca rūpaṃ anattāti ñāṇaṃ pavattatīti . āmantā . Idaṃ dukkhanti vācaṃ bhāsato na ca idaṃ dukkhanti ñāṇaṃ pavattatīti . Na hevaṃ vattabbe .pe. vedanā .pe. saññā .pe. saṅkhārā .pe. viññāṇaṃ anattāti vācaṃ bhāsato na ca viññāṇaṃ anattāti ñāṇaṃ pavattatīti . āmantā . idaṃ dukkhanti vācaṃ bhāsato na ca idaṃ dukkhanti ñāṇaṃ pavattatīti. Na hevaṃ vattabbe .pe. [1459] Idaṃ dukkhanti vācaṃ bhāsato idaṃ dukkhanti ñāṇaṃ pavattatīti . āmantā . īti ca danti ca dūti ca khanti ca ñāṇaṃ pavattatīti. Na hevaṃ vattabbe .pe. Idaṃdukkhantikathā. ------------- Iddhibalakathā [1460] Iddhibalena samannāgato kappaṃ tiṭṭheyyāti . Āmantā . iddhimayiko so āyu iddhimayikā sā gati iddhimayiko so attabhāvapaṭilābhoti . na hevaṃ vattabbe .pe. iddhibalena samannāgato kappaṃ tiṭṭheyyāti . āmantā . atītaṃ kappaṃ tiṭṭheyya anāgataṃ kappaṃ tiṭṭheyyāti . na hevaṃ vattabbe .pe. Iddhibalena samannāgato kappaṃ tiṭṭheyyāti . āmantā . dve kappe tiṭṭheyya tayo kappe tiṭṭheyya cattāro kappe tiṭṭheyyāti . na hevaṃ vattabbe .pe. iddhibalena samannāgato kappaṃ tiṭṭheyyāti . āmantā . sati jīvite jīvitāvasese tiṭṭheyya asati jīvite jīvitāvasese tiṭṭheyyāti . sati jīvite jīvitāvasese tiṭṭheyyāti . ^1- . hañci sati jīvite jīvitāvasese tiṭṭheyya no vata re vattabbe iddhibalena samannāgato kappaṃ tiṭṭheyyāti .pe. Asati jīvite jīvitāvasese tiṭṭheyyāti . mato tiṭṭheyya kālakato tiṭṭheyyāti. Na hevaṃ vattabbe .pe.

The Pali Tipitaka in Roman Character Volume 37 page 482-485. http://84000.org/tipitaka/pitaka_item/roman_item_s.php?book=37&item=1454&items=7 Classified by [Item Number] :- http://84000.org/tipitaka/pitaka_item/roman_item_s.php?book=37&item=1454&items=7&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=37&item=1454&items=7 Compare with The Royal Version of Thai Tipitaka :- http://84000.org/tipitaka/read/byitem_s.php?book=37&item=1454&items=7 Study Atthakatha :- http://84000.org/tipitaka/attha/attha.php?b=37&i=1454 The Pali Atthakatha in Thai :- http://84000.org/tipitaka/atthapali/read_th.php?B=55&A=5792 The Pali Atthakatha in Roman :- http://84000.org/tipitaka/atthapali/read_rm.php?B=55&A=5792 Contents of The Tipitaka Volume 37 http://84000.org/tipitaka/read/?index_37