[85] Tena kho pana samayena annataro brahmano 1- bhikkhu
upasankamitva pabbajjam yaci . tam bhikkhu na icchimsu pabbajetum .
So bhikkhusu pabbajjam alabhamano kiso ahosi lukho dubbanno
@Footnote: 1 annataro radho nama brahmanoti amhakam potthake dissati. annataro
@brahmano radho namati sihalapotthake. tabbannanatikayampi tam namam pakatam
@hoti. yasma pana annatarasaddena aniyame kate namam vattabbam na hoti name va
Uppanduppandukajato dhamanisanthatagatto . addasa kho bhagava
tam brahmanam kisam lukham dubbannam uppanduppandukajatam
dhamanisanthatagattam disvana bhikkhu amantesi kinnu kho so bhikkhave
brahmano kiso lukho dubbanno uppanduppandukajato
dhamanisanthatagatto . eso bhante brahmano bhikkhu upasankamitva
pabbajjam yaci tam bhikkhu na icchimsu pabbajetum so bhikkhusu
pabbajjam alabhamano kiso lukho dubbanno uppanduppandukajato
dhamanisanthatagattoti.
{85.1} Athakho bhagava bhikkhu amantesi ko nu kho bhikkhave
tassa brahmanassa adhikaram saratiti . evam vutte ayasma
sariputto bhagavantam etadavoca aham kho bhante tassa brahmanassa
adhikaram saramiti . kim pana tvam sariputta tassa brahmanassa
adhikaram sarasiti . idha me bhante so brahmano rajagahe pindaya
carantassa ekam katacchubhikkham dapesi idam kho aham bhante tassa
brahmanassa adhikaram saramiti . sadhu sadhu sariputta
katannuno hi sariputta sappurisa katavedino tenahi tvam
sariputta tam brahmanam pabbajehi upasampadehiti . kathaham
@Footnote:vutte aniyamo kattabbo na hoti tasma radho namati pathadvayam atirekanti
@datthabbam. itaratha annatarasaddo na bhaveyya addasa kho bhagava radham brahmananti
@ca vattabbam bhaveyya ayampana Yu. Ra. potthake anuvattitva sodhitoti veditabbo.
Bhante tam brahmanam pabbajemi upasampademiti.
{85.2} Athakho bhagava etasmim nidane etasmim pakarane dhammim
katham katva bhikkhu amantesi ya sa bhikkhave maya tihi saranagamanehi
upasampada anunnata taham 1- ajjatagge patikkhipami anujanami
bhikkhave natticatutthena kammena upasampadam 2- evanca pana bhikkhave
upasampadetabbo byattena bhikkhuna patibalena sangho napetabbo
{85.3} sunatu me bhante sangho ayam itthannamo itthannamassa
ayasmato upasampadapekkho 3- . yadi sanghassa pattakallam sangho
itthannamam upasampadeyya itthannamena upajjhayena . esa
natti.
{85.4} Sunatu me bhante sangho ayam itthannamo itthannamassa
ayasmato upasampadapekkho sangho itthannamam upasampadeti
itthannamena upajjhayena yassayasmato khamati itthannamassa
upasampada itthannamena upajjhayena so tunhassa yassa
nakkhamati so bhaseyya.
{85.5} Dutiyampi etamattham vadami . sunatu me bhante sangho
ayam itthannamo itthannamassa ayasmato upasampadapekkho .
Sangho itthannamam upasampadeti itthannamena upajjhayena .
Yassayasmato khamati itthannamassa upasampada itthannamena
upajjhayena so tunhassa yassa nakkhamati so
@Footnote: 1 Ma. tam . 2 Ma. Yu. upasampadetum. Ra. upasampadam datum.
@3 upasampadapekhotipi patho.
Bhaseyya.
{85.6} Tatiyampi etamattham vadami . sunatu me bhante sangho
ayam itthannamo itthannamassa ayasmato upasampadapekkho .
Sangho itthannamam upasampadeti itthannamena upajjhayena .
Yassayasmato khamati itthannamassa upasampada itthannamena
upajjhayena so tunhassa yassa nakkhamati so bhaseyya.
{85.7} Upasampanno sanghena itthannamo itthannamena
upajjhayena. Khamati sanghassa tasma tunhi. Evametam dharayamiti.
[86] Tena kho pana samayena annataro bhikkhu upasampannasamanantara
anacaram acarati . bhikkhu evamahamsu ma avuso evarupam akasi netam
kappatiti . so evamaha nevaham ayasmante yacim upasampadetha
manti kissa mam tumhe ayacita upasampaditthati . bhagavato
etamattham arocesum . na bhikkhave ayacitena upasampadetabbo
yo upasampadeyya apatti dukkatassa . anujanami bhikkhave
yacitena upasampadetum . evanca pana bhikkhave yacitabbo tena
upasampadapekkhena sangham upasankamitva ekamsam uttarasangam
karitva bhikkhunam pade vanditva ukkutikam nisidatva anjalim
paggahetva evamassa vacaniyo sangham bhante upasampadam yacami
ullumpatu mam bhante sangho anukampam upadayati . dutiyampi
yacitabbo tatiyampi yacitabbo . byattena bhikkhuna patibalena
sangho napetabbo.
{86.1} Sunatu me bhante sangho ayam itthannamo itthannamassa
ayasmato upasampadapekkho . itthannamo sangham upasampadam yacati
itthannamena upajjhayena . yadi sanghassa pattakallam sangho itthannamam
upasampadeyya itthannamena upajjhayena. Esa natti.
{86.2} Sunatu me bhante sangho ayam itthannamo itthannamassa
ayasmato upasampadapekkho itthannamo sangham upasampadam yacati
itthannamena upajjhayena . sangho itthannamam upasampadeti
itthannamena upajjhayena . yassayasmato khamati itthannamassa
upasampada itthannamena upajjhayena so tunhassa yassa
nakkhamati so bhaseyya.
{86.3} Dutiyampi etamattham vadami .pe. Tatiyampi etamattham vadami
.pe. upasampanno sanghena itthannamo itthannamena upajjhayena .
Khamati sanghassa tasma tunhi. Evametam dharayamiti.
[87] Tena kho pana samayena rajagahe panitanam bhattanam bhattapatipati
atthita 1- hoti . athakho annatarassa brahmanassa etadahosi
ime kho samana sakyaputtiya sukhasila sukhasamacara subhojanani
bhunjitva nivatesu sayanesu sayanti yannunaham samanesu sakyaputtiyesu
pabbajeyyanti.
{87.1} Athakho so brahmano bhikkhu upasankamitva pabbajjam
yaci . tam bhikkhu pabbajesum upasampadesum .
@Footnote: 1 Yu. adhitthita.
Tasmim pabbajite bhattapatipati khiyittha . bhikkhu evamahamsu ehidani
avuso pindaya carissamati . so evamaha naham avuso
etamkarana pabbajito pindaya carissamiti sace me dassatha
bhunjissami no ce me dassatha vibbhamissamiti . kim pana tvam
avuso udarassa karana pabbajitoti . evamavusoti . ye te
bhikkhu appiccha .pe. te ujjhayanti khiyanti vipacenti katham
hi nama bhikkhu evam svakkhate dhammavinaye udarassa karana
pabbajissatiti . bhagavato etamattham arocesum . saccam kira tvam
bhikkhu udarassa karana pabbajitoti. Saccam bhagavati.
{87.2} Vigarahi buddho bhagava katham hi nama tvam moghapurisa evam
svakkhate dhammavinaye udarassa karana pabbajissasi netam moghapurisa
appasannanam va pasadaya pasannanam va bhiyyobhavaya .pe.
{87.3} Vigarahitva dhammim katham katva bhikkhu amantesi anujanami
bhikkhave upasampadentena cattaro nissaye acikkhitum pindiyalopabhojanam
nissaya pabbajja tattha te yavajivam ussaho karaniyo atirekalabho
sanghabhattam uddesabhattam nimantanam salakabhattam pakkhikam uposathikam
patipadikam . pamsukulacivaram nissaya pabbajja tattha te yavajivam
ussaho karaniyo atirekalabho khomam kappasikam koseyyam
kambalam sanam bhangam . rukkhamulasenasanam nissaya pabbajja
tattha te yavajivam ussaho karaniyo atirekalabho
Viharo addhayogo pasado hammiyam guha . putimuttabhesajjam
nissaya pabbajja tattha te yavajivam ussaho karaniyo
atirekalabho sappi navanitam telam madhu phanitanti.
Upajjhayavattabhanavaram nitthitam.
The Pali Tipitaka in Roman Character Volume 4 page 101-107.
http://84000.org/tipitaka/pitaka_item/roman_item_s.php?book=4&item=85&items=3&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=4&item=85&items=3&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=4&item=85&items=3&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=4&item=85&items=3&modeTY=2
Study Atthakatha :-
http://84000.org/tipitaka/attha/attha.php?b=4&i=85
The Pali Atthakatha in Thai :-
http://84000.org/tipitaka/atthapali/read_th.php?B=3&A=893
The Pali Atthakatha in Roman :-
http://84000.org/tipitaka/atthapali/read_rm.php?B=3&A=893
Contents of The Tipitaka Volume 4
http://84000.org/tipitaka/read/?index_4
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ DhammaPerfect@yahoo.com
