บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 5 : PALI ROMAN Vinaya Pitaka Vol 5 : Vinaya. Mahā (2)
[134] Tena kho pana samayena ujjeniyam 1- ranno pajjotassa pandurogabadho hoti . bahu mahanta mahanta disapamokkha vejja agantva tikicchanta nasakkhimsu arogam katum bahum hirannam adaya agamamsu . athakho raja pajjoto ranno magadhassa seniyassa bimbisarassa santike dutam pahesi mayham kho deva 2- tadiso abadho sadhu devo jivakam vejjam anapetu so mam tikicchissatiti. {134.1} Athakho raja magadho seniyo bimbisaro jivakam komarabhaccam anapesi gaccha bhane jivaka ujjenim gantva rajanam pajjotam tikicchahiti . evam devati kho jivako komarabhacco ranno magadhassa seniyassa bimbisarassa patissunitva ujjenim gantva yena raja pajjoto tenupasankami upasankamitva ranno pajjotassa vikaram sallakkhetva rajanam pajjotam etadavoca [3]- sappim deva nippacissami tam devo pivissatiti . alam bhane jivaka yante sakka vina sappina arogam katum tam karohi jeguccham me sappi patikkulanti. Athakho jivakassa komarabhaccassa etadahosi imassa kho ranno tadiso abadho na sakka maya 4- vina sappina arogam katum yannunaham sappim @Footnote: 1 Yu. ayam patho na hoti. 2 Ma. Yu. devati pathapadam na dissati. @3 Ma. sappim dehi. 4 Yu. ayam patho na pannayati. Nippaceyyam kasavavannam kasavagandham kasavarasanti . athakho jivako komarabhacco nanabhesajjehi sappim nippaci kasavavannam kasavagandham kasavarasam . athakho jivakassa komarabhaccassa etadahosi imassa kho ranno sappi pitam parinamentam uddekam dassati candayam raja ghatapeyyapi 1- mam yannunaham patikacceva apuccheyyanti. {134.2} Athakho jivako komarabhacco yena raja pajjoto tenupasankami upasankamitva rajanam pajjotam etadavoca mayam kho deva vejja nama tadisena muhuttena mulani uddharama bhesajjani samharama sadhu devo vahanagaresu ca dvaresu ca anapetu yena vahanena jivako icchati tena vahanena gacchatu yena dvarena icchati tena dvarena gacchatu yam kalam icchati tam kalam gacchatu yam kalam icchati tam kalam pavisatuti. {134.3} Athakho raja pajjoto vahanagaresu ca dvaresu ca anapesi yena vahanena jivako icchati tena vahanena gacchatu yena dvarena icchati tena dvarena gacchatu yam kalam icchati tam kalam gacchatu yam kalam icchati tam kalam pavisatuti. Tena kho pana samayena ranno pajjotassa bhaddavatika nama hatthinika pannasayojanika hoti . athakho jivako komarabhacco ranno pajjotassa tam sappim upanamesi kasavam devo pivatuti . athakho jivako komarabhacco rajanam pajjotam sappim payetva hatthisalam gantva bhaddavatikaya hatthinikaya nagaramha @Footnote: 1 Ma. Yu. ghatapeyyasimam. Nippati . athakho ranno pajjotassa tam sappi pitam parinamentam uddekam adasi . athakho raja pajjoto manusse etadavoca dutthena bhane jivakena sappim payitomhi tenahi bhane jivakam vejjam vicinathati . bhaddavatikaya deva hatthinikaya nagaramha nippatoti 1- . tena kho pana samayena ranno pajjotassa kako nama daso satthiyojaniko hoti amanussena paticca jato . Athakho raja pajjoto kakam dasam anapesi gaccha bhane kaka jivakam vejjam nivattehi raja tam acariya nivattapetiti ete kho bhane kaka vejja nama bahumaya ma cassa kinci patiggahesiti. {134.4} Athakho kako daso jivakam komarabhaccam antaramagge kosambiyam sambhavesi patarasam karontam . athakho kako daso jivakam komarabhaccam etadavoca raja tam acariya nivattapetiti . Agamehi bhane kaka yava bhunjami 2- handa bhane kaka bhunjassuti . alam acariya rannamhi anatto ete kho bhane kaka vejja nama bahumaya ma cassa kinci patiggahesiti . Tena kho pana samayena jivako komarabhacco nakhena bhesajjam olumpetva amalakanca khadati paniyanca pivati . athakho jivako komarabhacco kakam dasam etadavoca handa bhane kaka amalakanca khada paniyanca pivassuti . athakho kako daso ayam kho vejjo @Footnote: 1 Ma. Yu. nippatitoti. 2 Yu. bhunjama. Amalakanca khadati paniyanca pivati na arahati kinci papakam hotunti 1- upaddhamalakanca khadi paniyanca apayi . tassa tam upaddhamalakam khaditam tattheva niccharesi . athakho kako daso jivakam komarabhaccam etadavoca atthi me acariya jivitanti . ma bhane kaka bhayi tvanceva arogo bhavissasi raja ca cando so raja ghatapeyyapi mam tenaham na nivattamiti bhaddavatikam hatthinikam kakassa niyyadetva yena rajagaham tena pakkami anupubbena yena rajagaham yena raja magadho seniyo bimbisaro tenupasankami upasankamitva ranno magadhassa seniyassa bimbisarassa etamattham arocesi . sutthu bhane jivaka akasi yampi na nivatto cando so raja ghatapeyyapi tanti . Athakho raja pajjoto arogo samano jivakassa komarabhaccassa santike dutam pahesi agacchatu jivako varam dassamiti . alam deva 2- adhikaram me devo saratuti. {134.5} Tena kho pana samayena ranno pajjotassa siveyyakam dussayugam uppannam hoti bahunnam dussanam bahunnam dussayuganam bahunnam dussayugasatanam bahunnam dussayugasahassanam bahunnam dussayugasatasahassanam agganca setthanca pamokkhanca uttamanca pavaranca . athakho raja pajjoto tam siveyyakam dussayugam jivakassa komarabhaccassa pahesi . athakho @Footnote: 1 Po. katunti. 2 Po. Ma. Yu. ayyo. Jivakassa komarabhaccassa etadahosi idam kho me siveyyakam dussayugam ranna pajjotena pahitam bahunnam dussanam bahunnam dussayuganam bahunnam dussayugasatanam bahunnam dussayugasahassanam bahunnam dussayugasatasahassanam agganca setthanca pamokkhanca uttamanca pavaranca nayimam anno koci paccarahati paribhunjitum 1- annatra tena bhagavata arahata sammasambuddhena ranna va magadhena seniyena bimbisarenati.The Pali Tipitaka in Roman Character Volume 5 page 184-188. http://84000.org/tipitaka/pitaka_item/roman_item_s.php?book=5&item=134&items=1&modeTY=2&mode=bracket Classified by content :- http://84000.org/tipitaka/pitaka_item/roman_item_s.php?book=5&item=134&items=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=5&item=134&items=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=5&item=134&items=1&modeTY=2&mode=bracket Study Atthakatha :- http://84000.org/tipitaka/attha/attha.php?b=5&i=134 The Pali Atthakatha in Thai :- http://84000.org/tipitaka/atthapali/read_th.php?B=3&A=4606 The Pali Atthakatha in Roman :- http://84000.org/tipitaka/atthapali/read_rm.php?B=3&A=4606 Contents of The Tipitaka Volume 5 http://84000.org/tipitaka/read/?index_5
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]