บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 29 : PALI ROMAN Sutta.A.2 (paramattha.2) Page 435.
Dasseti. Tassattho:- vatuthukamesu kilesakamena nabhigijjheyya, kayaduccaritadayo ca manaso avilabhavakare dhamme pajahanto manasa navilo siyati. Yasma pana asekho aniccadivasena sabbasankharadinam paritulitatta kusalo sabbadhammesu kayanupassanasatiadihi ca sato sakkayaditthiadinam bhinnatta bhikkhubhavam patto ca hutva sabbairiyapathesu paribbajati, tasma "kusalo"ti upaddhagathaya asekhapatipadam dasseti. Sesam sabbattha pakatameva. Evam bhagava arahattanikutena desanam nitthapesi, desanapariyosane ajito arahatte patitthasi saddhim antevasisahassena, annesanca anekasahassanam dhammacakkhum udapadi. Saha arahattappattiya ca ayasmato ajitassa antevasisahassassa ca ajinajatavakacivaradini antaradhayimsu, sabbeva iddhimayapattacivaradhara dvangulakesa ehibhikkhu hutva bhagavantam namassamana panjalika nisidimsuti. Paramatthajotikaya khuddakatthakathaya suttanipatatthakathaya ajitasuttavannana nitthita. ------------------- 2. Tissametteyyasuttavannana [1047] Kodha santussitoti tissametteyyasuttam. Ka uppatti? sabbasuttanam pucchavasika eva uppatti, te hi brahmana "katavakasa pucchavho"ti bhagavata pavaritatta attano attano samsayam pucchimsu, puttho puttho ca tesam bhagava byakasi. Evam pucchavasikaneva etani suttaniti veditabbani.The Pali Atthakatha in Roman Character Volume 29 Page 435. http://84000.org/tipitaka/read/attha_page.php?book=29&page=435&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=29&A=9786&modeTY=2&pagebreak=1 http://84000.org/tipitaka/atthapali/rm_line.php?B=29&A=9786&modeTY=2&pagebreak=1#p435
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]