พระไตรปิฎกเล่มที่ ๑ ภาษาบาลี อักษรไทย
พระวินัยปิฎกเล่มที่ ๑ วินย. มหาวิภงฺโค (๑)

     [๔๒๙]   โย   ปนาติ  โย  ยาทิโส  ฯเปฯ  ภิกฺขูติ  ฯเปฯ  อยํ
อิมสฺมึ   อตฺเถ   อธิปฺเปโต   ภิกฺขูติ   ฯ   สญฺจริตฺตํ   สมาปชฺเชยฺยาติ
อิตฺถิยา   วา   ปหิโต   ปุริสสฺส  สนฺติเก  คจฺฉติ  ปุริเสน  วา  ปหิโต
อิตฺถิยา   สนฺติเก   คจฺฉติ   ฯ   อิตฺถิยา   วา   ปุริสมตินฺติ   ปุริสสฺส
มตึ   อิตฺถิยา   วา   อาโรเจติ  ฯ  ปุริสสฺส  วา  อิตฺถีมตินฺติ  อิตฺถิยา
มตึ  ปุริสสฺส  วา  อาโรเจติ  ฯ  ชายตฺตเน  วาติ  ชายา  ภวิสฺสสิ  ฯ
ชารตฺตเน   วาติ   ชารี  ภวิสฺสสิ  ฯ  อนฺตมโส  ตํขณิกายปีติ  มุหุตฺติกา
@เชิงอรรถ: ๑ ยุ. ม. สมาปชฺชีติ ฯ
ภวิสฺสสิ ฯ สงฺฆาทิเสโสติ ฯเปฯ เตนปิ วุจฺจติ สงฺฆาทิเสโสติ ฯ
     [๔๓๐]   ทส   อิตฺถิโย  มาตุรกฺขิตา  ปิตุรกฺขิตา  มาตาปิตุรกฺขิตา
ภาตุรกฺขิตา    ภคินีรกฺขิตา    ญาติรกฺขิตา   โคตฺตรกฺขิตา   ธมฺมรกฺขิตา
สารกฺขา สปริทณฺฑา ฯ
     [๔๓๑]   ทส  ภริยาโย  ธนกฺกีตา  ฉนฺทวาสินี  โภควาสินี ปฏวาสินี
โอทปตฺตกินี   โอภตจุมฺพฏา   ทาสี  จ  ภริยา  จ  กมฺมการี  จ  ภริยา
จ ธชาหฏา มุหุตฺติกา ฯ
     [๔๓๒]   มาตุรกฺขิตา   นาม   มาตา   รกฺขติ  โคเปติ  อิสฺสริยํ
กาเรติ   วสํ   วตฺเตติ   ฯ   ปิตุรกฺขิตา  นาม  ปิตา  รกฺขติ  โคเปติ
อิสฺสริยํ   กาเรติ  วสํ  วตฺเตติ  ฯ  มาตาปิตุรกฺขิตา  นาม  มาตาปิตโร
รกฺขนฺติ    โคเปนฺติ    อิสฺสริยํ    กาเรนฺติ    วสํ    วตฺเตนฺติ    ฯ
ภาตุรกฺขิตา   นาม   ภาตา   รกฺขติ   โคเปติ   อิสฺสริยํ  กาเรติ  วสํ
วตฺเตติ   ฯ   ภคินีรกฺขิตา   นาม   ภคินี   รกฺขติ   โคเปติ   อิสฺสริยํ
กาเรติ   วสํ   วตฺเตติ   ฯ   ญาติรกฺขิตา   นาม   ญาตกา   รกฺขนฺติ
โคเปนฺติ   อิสฺสริยํ   กาเรนฺติ   วสํ  วตฺเตนฺติ  ฯ  โคตฺตรกฺขิตา  นาม
สโคตฺตา  รกฺขนฺติ  โคเปนฺติ อิสฺสริยํ กาเรนฺติ วสํ วตฺเตนฺติ ฯ ธมฺมรกฺขิตา
นาม    สหธมฺมิกา    รกฺขนฺติ    โคเปนฺติ   อิสฺสริยํ   กาเรนฺติ   วสํ
วตฺเตนฺติ  ฯ  สารกฺขา  นาม  คพฺเภปิ  ปริคฺคหิตา  โหติ  มยฺหํ  เอสาติ
อนฺตมโส   มาลาคุลปริกฺขิตฺตาปิ   ฯ   สปริทณฺฑา   นาม  เกนจิ  ทณฺโฑ
ฐปิโต โหติ โย อิตฺถนฺนามํ อิตฺถึ คจฺฉติ เอตฺตโก ทณฺโฑติ ฯ
     [๔๓๓]   ธนกฺกีตา  นาม  ธเนน  กีณิตฺวา  วาเสติ  ฯ  ฉนฺทวาสินี
นาม   ปิโย   ปิยํ   วาเสติ   ฯ   โภควาสินี   นาม   โภคํ   ทตฺวา
วาเสติ   ฯ   ปฏวาสินี   นาม   ปฏํ  ทตฺวา  วาเสติ  ฯ  โอทปตฺตกินี
นาม   อุทกปตฺตํ   อามสิตฺวา   วาเสติ  ฯ  โอภตจุมฺพฏา  นาม  จุมฺพฏํ
โอโรเปตฺวา  วาเสติ  ฯ  ทาสี  นาม  ทาสี  เจว  โหติ  ภริยา  จ ฯ
กมฺมการี   นาม  กมฺมการี  เจว  โหติ  ภริยา  จ  ฯ  ธชาหฏา  นาม
กรมรานีตา วุจฺจติ ฯ มุหุตฺติกา นาม ตํขณิกา วุจฺจติ ฯ
     [๔๓๔]   ปุริโส   ภิกฺขุํ   ปหิณติ   ๑-  คจฺฉ  ภนฺเต  อิตฺถนฺนามํ
มาตุรกฺขิตํ    พฺรูหิ    โหหิ   กิร   อิตฺถนฺนามสฺส   ภริยา   ธนกฺกีตาติ
ปฏิคฺคณฺหาติ   วีมํสติ   ปจฺจาหรติ   อาปตฺติ   สงฺฆาทิเสสสฺส  ฯ  ปุริโส
ภิกฺขุํ   ปหิณติ   คจฺฉ   ภนฺเต   อิตฺถนฺนามํ   ปิตุรกฺขิตํ   พฺรูหิ   ฯเปฯ
มาตาปิตุรกฺขิตํ   พฺรูหิ   ฯ   ภาตุรกฺขิตํ  พฺรูหิ  ฯ  ภคินีรกฺขิตํ  พฺรูหิ  ฯ
ญาติรกฺขิตํ   พฺรูหิ   ฯ   โคตฺตรกฺขิตํ   พฺรูหิ   ฯ  ธมฺมรกฺขิตํ  พฺรูหิ  ฯ
สารกฺขํ    พฺรูหิ    ฯ   สปริทณฺฑํ   พฺรูหิ   โหหิ   กิร   อิตฺถนฺนามสฺส
ภริยา    ธนกฺกีตาติ    ปฏิคฺคณฺหาติ    วีมํสติ    ปจฺจาหรติ    อาปตฺติ
สงฺฆาทิเสสสฺส ฯ
                                นิกฺเขปปทานิ ฯ
     [๔๓๕]   ปุริโส    ภิกฺขุํ   ปหิณติ   คจฺฉ   ภนฺเต   อิตฺถนฺนามํ
มาตุรกฺขิตญฺจ     ปิตุรกฺขิตญฺจ    พฺรูหิ    โหถ    กิร    อิตฺถนฺนามสฺส
@เชิงอรรถ: ๑ ปหิณาตีติ อมฺหากํ ขนฺติ ฯ
ภริยาโย    ธนกฺกีตาติ    ปฏิคฺคณฺหาติ    วีมํสติ   ปจฺจาหรติ   อาปตฺติ
สงฺฆาทิเสสสฺส   ฯ   ปุริโส   ภิกฺขุํ   ปหิณติ   คจฺฉ  ภนฺเต  อิตฺถนฺนามํ
มาตุรกฺขิตญฺจ     มาตาปิตุรกฺขิตญฺจ     พฺรูหิ    ฯเปฯ    มาตุรกฺขิตญฺจ
ภาตุรกฺขิตญฺจ    ฯ    มาตุรกฺขิตญฺจ   ภคินีรกฺขิตญฺจ   ฯ   มาตุรกฺขิตญฺจ
ญาติรกฺขิตญฺจ    ฯ   มาตุรกฺขิตญฺจ   โคตฺตรกฺขิตญฺจ   ฯ   มาตุรกฺขิตญฺจ
ธมฺมรกฺขิตญฺจ    ฯ    มาตุรกฺขิตญฺจ    สารกฺขญฺจ    ฯ   มาตุรกฺขิตญฺจ
สปริทณฺฑญฺจ   พฺรูหิ   โหถ   กิร   อิตฺถนฺนามสฺส   ภริยาโย  ธนกฺกีตาติ
ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                                  ขณฺฑจกฺกํ ฯ
     [๔๓๖]   ปุริโส  ภิกฺขุํ  ปหิณติ  คจฺฉ  ภนฺเต อิตฺถนฺนามํ ปิตุรกฺขิตญฺจ
มาตาปิตุรกฺขิตญฺจ       พฺรูหิ       โหถ      กิร      อิตฺถนฺนามสฺส
ภริยาโย    ธนกฺกีตาติ    ปฏิคฺคณฺหาติ    วีมํสติ   ปจฺจาหรติ   อาปตฺติ
สงฺฆาทิเสสสฺส   ฯ   ปุริโส   ภิกฺขุํ   ปหิณติ   คจฺฉ  ภนฺเต  อิตฺถนฺนามํ
ปิตุรกฺขิตญฺจ    ภาตุรกฺขิตญฺจ    ฯ    ปิตุรกฺขิตญฺจ    ภคินีรกฺขิตญฺจ   ฯ
ปิตุรกฺขิตญฺจ    ญาติรกฺขิตญฺจ    ฯ    ปิตุรกฺขิตญฺจ   โคตฺตรกฺขิตญฺจ   ฯ
ปิตุรกฺขิตญฺจ     ธมฺมรกฺขิตญฺจ    ฯ    ปิตุรกฺขิตญฺจ    สารกฺขญฺจ    ฯ
ปิตุรกฺขิตญฺจ     สปริทณฺฑญฺจ     พฺรูหิ    โหถ    กิร    อิตฺถนฺนามสฺส
ภริยาโย    ธนกฺกีตาติ    ปฏิคฺคณฺหาติ    วีมํสติ   ปจฺจาหรติ   อาปตฺติ
สงฺฆาทิเสสสฺส   ฯ   ปุริโส   ภิกฺขุํ   ปหิณติ   คจฺฉ  ภนฺเต  อิตฺถนฺนามํ
ปิตุรกฺขิตญฺจ     มาตุรกฺขิตญฺจ    พฺรูหิ    โหถ    กิร    อิตฺถนฺนามสฺส
ภริยาโย    ธนกฺกีตาติ    ปฏิคฺคณฺหาติ    วีมํสติ   ปจฺจาหรติ   อาปตฺติ
สงฺฆาทิเสสสฺส ฯ
                                   พทฺธจกฺกํ ๑- ฯ
     [๔๓๗]   ปุริโส ภิกฺขุํ ปหิณติ คจฺฉ ภนฺเต อิตฺถนฺนามํ มาตาปิตุรกฺขิตญฺจ
ภาตุรกฺขิตญฺจ      ฯ      มาตาปิตุรกฺขิตญฺจ      ภคินีรกฺขิตญฺจ     ฯ
มาตาปิตุรกฺขิตญฺจ  ญาติรกฺขิตญฺจ  ฯ  มาตาปิตุรกฺขิตญฺจ  โคตฺตรกฺขิตญฺจ  ฯ
มาตาปิตุรกฺขิตญฺจ       ธมฺมรกฺขิตญฺจ       ฯ       มาตาปิตุรกฺขิตญฺจ
สารกฺขญฺจ   ฯ   มาตาปิตุรกฺขิตญฺจ   สปริทณฺฑญฺจ   ฯ  มาตาปิตุรกฺขิตญฺจ
มาตุรกฺขิตญฺจ      ฯ      มาตาปิตุรกฺขิตญฺจ     ปิตุรกฺขิตญฺจ     พฺรูหิ
โหถ   กิร   อิตฺถนฺนามสฺส   ภริยาโย   ธนกฺกีตาติ  ปฏิคฺคณฺหาติ  วีมํสติ
ปจฺจาหรติ อาปตฺติ สงฺฆาทิเสสสฺส ฯ
                                ทุติยํ พทฺธจกฺกํ ฯ
     [๔๓๘]   ปุริโส  ภิกฺขุํ  ปหิณติ  คจฺฉ ภนฺเต อิตฺถนฺนามํ ภาตุรกฺขิตญฺจ
ภคินีรกฺขิตญฺจ    ฯ    ภาตุรกฺขิตญฺจ   ญาติรกฺขิตญฺจ   ฯ   ภาตุรกฺขิตญฺจ
โคตฺตรกฺขิตญฺจ    ฯ   ภาตุรกฺขิตญฺจ   ธมฺมรกฺขิตญฺจ   ฯ   ภาตุรกฺขิตญฺจ
สารกฺขญฺจ    ฯ    ภาตุรกฺขิตญฺจ    สปริทณฺฑญฺจ    ฯ    ภาตุรกฺขิตญฺจ
มาตุรกฺขิตญฺจ    ฯ    ภาตุรกฺขิตญฺจ    ปิตุรกฺขิตญฺจ   ฯ   ภาตุรกฺขิตญฺจ
มาตาปิตุรกฺขิตญฺจ       พฺรูหิ       โหถ      กิร      อิตฺถนฺนามสฺส
@เชิงอรรถ: ๑ ยุ. ม. พทฺธจกฺกมูลํ สงฺขิตฺตํ ฯ อิโต ปรํ ตตฺถ ทุติยพทฺธจกฺกาทีนิ
@อวิภชิตฺวา อวสานพทฺธจกฺกเมว วิภตฺตํ ฯ
ภริยาโย      ธนกฺกีตาติ      ปฏิคฺคณฺหาติ      วีมํสติ     ปจฺจาหรติ
อาปตฺติ สงฺฆาทิเสสสฺส ฯ
                               ตติยํ พทฺธจกฺกํ ฯ
     [๔๓๙]   ปุริโส  ภิกฺขุํ  ปหิณติ  คจฺฉ ภนฺเต อิตฺถนฺนามํ ภคินีรกฺขิตญฺจ
ญาติรกฺขิตญฺจ    ฯ   ภคินีรกฺขิตญฺจ   โคตฺตรกฺขิตญฺจ   ฯ   ภคินีรกฺขิตญฺจ
ธมฺมรกฺขิตญฺจ    ฯ    ภคินีรกฺขิตญฺจ    สารกฺขญฺจ    ฯ   ภคินีรกฺขิตญฺจ
สปริทณฺฑญฺจ    ฯ    ภคินีรกฺขิตญฺจ    มาตุรกฺขิตญฺจ   ฯ   ภคินีรกฺขิตญฺจ
ปิตุรกฺขิตญฺจ   ฯ   ภคินีรกฺขิตญฺจ   มาตาปิตุรกฺขิตญฺจ   ฯ   ภคินีรกฺขิตญฺจ
ภาตุรกฺขิตญฺจ   พฺรูหิ   โหถ   กิร   อิตฺถนฺนามสฺส  ภริยาโย  ธนกฺกีตาติ
ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                               จตุตฺถํ พทฺธจกฺกํ ฯ
     [๔๔๐]   ปุริโส  ภิกฺขุํ  ปหิณติ  คจฺฉ ภนฺเต อิตฺถนฺนามํ ญาติรกฺขิตญฺจ
โคตฺตรกฺขิตญฺจ    ฯ   ญาติรกฺขิตญฺจ   ธมฺมรกฺขิตญฺจ   ฯ   ญาติรกฺขิตญฺจ
สารกฺขญฺจ    ฯ    ญาติรกฺขิตญฺจ    สปริทณฺฑญฺจ    ฯ    ญาติรกฺขิตญฺจ
มาตุรกฺขิตญฺจ    ฯ    ญาติรกฺขิตญฺจ    ปิตุรกฺขิตญฺจ   ฯ   ญาติรกฺขิตญฺจ
มาตาปิตุรกฺขิตญฺจ   ฯ   ญาติรกฺขิตญฺจ   ภาตุรกฺขิตญฺจ   ฯ  ญาติรกฺขิตญฺจ
ภคินีรกฺขิตญฺจ   พฺรูหิ   โหถ   กิร   อิตฺถนฺนามสฺส  ภริยาโย  ธนกฺกีตาติ
ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                              ปญฺจมํ พทฺธจกฺกํ ฯ
     [๔๔๑]   ปุริโส  ภิกฺขุํ  ปหิณติ คจฺฉ ภนฺเต อิตฺถนฺนามํ โคตฺตรกฺขิตญฺจ
ธมฺมรกฺขิตญฺจ    ฯ    โคตฺตรกฺขิตญฺจ   สารกฺขญฺจ   ฯ   โคตฺตรกฺขิตญฺจ
สปริทณฺฑญฺจ    ฯ   โคตฺตรกฺขิตญฺจ   มาตุรกฺขิตญฺจ   ฯ   โคตฺตรกฺขิตญฺจ
ปิตุรกฺขิตญฺจ      ฯ      โคตฺตรกฺขิตญฺจ      มาตาปิตุรกฺขิตญฺจ     ฯ
โคตฺตรกฺขิตญฺจ   ภาตุรกฺขิตญฺจ   ฯ   โคตฺตรกฺขิตญฺจ   ภคินีรกฺขิตญฺจ   ฯ
โคตฺตรกฺขิตญฺจ    ญาติรกฺขิตญฺจ    พฺรูหิ    โหถ    กิร   อิตฺถนฺนามสฺส
ภริยาโย    ธนกฺกีตาติ    ปฏิคฺคณฺหาติ    วีมํสติ   ปจฺจาหรติ   อาปตฺติ
สงฺฆาทิเสสสฺส ฯ
                                  ฉฏฺฐํ พทฺธจกฺกํ ฯ
     [๔๔๒]   ปุริโส  ภิกฺขุํ  ปหิณติ  คจฺฉ ภนฺเต อิตฺถนฺนามํ ธมฺมรกฺขิตญฺจ
สารกฺขญฺจ    ฯ    ธมฺมรกฺขิตญฺจ    สปริทณฺฑญฺจ    ฯ    ธมฺมรกฺขิตญฺจ
มาตุรกฺขิตญฺจ    ฯ    ธมฺมรกฺขิตญฺจ    ปิตุรกฺขิตญฺจ   ฯ   ธมฺมรกฺขิตญฺจ
มาตาปิตุรกฺขิตญฺจ      ฯ      ธมฺมรกฺขิตญฺจ      ภาตุรกฺขิตญฺจ     ฯ
ธมฺมรกฺขิตญฺจ    ภคินีรกฺขิตญฺจ    ฯ   ธมฺมรกฺขิตญฺจ   ญาติรกฺขิตญฺจ   ฯ
ธมฺมรกฺขิตญฺจ    โคตฺตรกฺขิตญฺจ    พฺรูหิ    โหถ    กิร   อิตฺถนฺนามสฺส
ภริยาโย    ธนกฺกีตาติ    ปฏิคฺคณฺหาติ    วีมํสติ   ปจฺจาหรติ   อาปตฺติ
สงฺฆาทิเสสสฺส ฯ
                              สตฺตมํ พทฺธจกฺกํ ฯ
     [๔๔๓]   ปุริโส  ภิกฺขุํ  ปหิณติ  คจฺฉ  ภนฺเต  อิตฺถนฺนามํ สารกฺขญฺจ
สปริทณฺฑญฺจ     ฯ     สารกฺขญฺจ    มาตุรกฺขิตญฺจ    ฯ    สารกฺขญฺจ
ปิตุรกฺขิตญฺจ    ฯ    สารกฺขญฺจ    มาตาปิตุรกฺขิตญฺจ    ฯ   สารกฺขญฺจ
ภาตุรกฺขิตญฺจ     ฯ    สารกฺขญฺจ    ภคินีรกฺขิตญฺจ    ฯ    สารกฺขญฺจ
ญาติรกฺขิตญฺจ    ฯ    สารกฺขญฺจ    โคตฺตรกฺขิตญฺจ    ฯ    สารกฺขญฺจ
ธมฺมรกฺขิตญฺจ   พฺรูหิ   โหถ   กิร   อิตฺถนฺนามสฺส  ภริยาโย  ธนกฺกีตาติ
ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                              อฏฺฐมํ พทฺธจกฺกํ ฯ
     [๔๔๔]   ปุริโส    ภิกฺขุํ   ปหิณติ   คจฺฉ   ภนฺเต   อิตฺถนฺนามํ
สปริทณฺฑญฺจ    มาตุรกฺขิตญฺจ    ฯ    สปริทณฺฑญฺจ    ปิตุรกฺขิตญฺจ    ฯ
สปริทณฺฑญฺจ    มาตาปีตุรกฺขิตญฺจ   ฯ   สปริทณฺฑญฺจ   ภาตุรกฺขิตญฺจ   ฯ
สปริทณฺฑญฺจ    ภคินีรกฺขิตญฺจ    ฯ    สปริทณฺฑญฺจ    ญาติรกฺขิตญฺจ   ฯ
สปริทณฺฑญฺจ    โคตฺตรกฺขิตญฺจ    ฯ    สปริทณฺฑญฺจ   ธมฺมรกฺขิตญฺจ   ฯ
สปริทณฺฑญฺจ   สารกฺขญฺจ   พฺรูหิ   โหถ   กิร   อิตฺถนฺนามสฺส  ภริยาโย
ธนกฺกีตาติ ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                                นวมํ พทฺธจกฺกํ ฯ
                                เอกมูลกํ นิฏฺฐิตํ ฯ
     [๔๔๕]   ทุมูลกํ   ติมูลกํ   จตุมูลกํ   ปญฺจมูลกํ  ฉมูลกํ  สตฺตมูลกํ
อฏฺฐมูลกํ นวมูลกํ เอวเมว กาตพฺพํ ๑- ฯ
                                 อิทํ ทสมูลกํ ฯ
@เชิงอรรถ: ๑ ยุ. โปตฺถเก เอวํ ทุมูลกํปิ ติมูลกํปิ ยาวนวมูลกํ กาตพฺพนฺติ
@อาคตํ ฯ ม. โปตฺถเก จ ตเถว ฯ ติมูลกํปีติ ปน น โหติ ฯ
     [๔๔๖]   ปุริโส  ภิกฺขุํ  ปหิณติ  คจฺฉ ภนฺเต อิตฺถนฺนามํ มาตุรกฺขิตญฺจ
ปิตุรกฺขิตญฺจ      มาตาปิตุรกฺขิตญฺจ      ภาตุรกฺขิตญฺจ     ภคินีรกฺขิตญฺจ
ญาติรกฺขิตญฺจ       โคตฺตรกฺขิตญฺจ       ธมฺมรกฺขิตญฺจ      สารกฺขญฺจ
สปริทณฺฑญฺจ   พฺรูหิ   โหถ   กิร   อิตฺถนฺนามสฺส   ภริยาโย  ธนกฺกีตาติ
ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                           ธนกฺกีตาจกฺกํ ๑- นิฏฺฐิตํ ฯ
     [๔๔๗]   ปุริโส  ภิกฺขุํ  ปหิณติ  คจฺฉ  ภนฺเต  อิตฺถนฺนามํ มาตุรกฺขิตํ
พฺรูหิ  โหหิ  กิร  อิตฺถนฺนามสฺส  ภริยา  ฉนฺทวาสินี  โภควาสินี  ปฏวาสินี
โอทปตฺตกินี  โอภตจุมฺพฏา  ทาสี  จ  ภริยา  จ  กมฺมการี  จ  ภริยา จ
ธชาหฏา    มุหุตฺติกาติ    ปฏิคฺคณฺหาติ    วีมํสติ   ปจฺจาหรติ   อาปตฺติ
สงฺฆาทิเสสสฺส   ฯเปฯ   ปุริโส  ภิกฺขุํ  ปหิณติ  คจฺฉ  ภนฺเต  อิตฺถนฺนามํ
ปิตุรกฺขิตํ  พฺรูหิ ฯ มาตาปิตุรกฺขิตํ พฺรูหิ ฯ ภาตุรกฺขิตํ พฺรูหิ ฯ ญาติรกฺขิตํ
พฺรูหิ   ฯ   โคตฺตรกฺขิตํ   พฺรูหิ   ฯ   ธมฺมรกฺขิตํ   พฺรูหิ   ฯ  สารกฺขํ
พฺรูหิ   ฯ  สปริทณฺฑํ  พฺรูหิ  โหหิ  กิร  อิตฺถนฺนามสฺส  ภริยา  มุหุตฺติกาติ
ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                                 นิกฺเขปปทานิ ฯ
     [๔๔๘]   ปุริโส  ภิกฺขุํ  ปหิณติ  คจฺฉ ภนฺเต อิตฺถนฺนามํ มาตุรกฺขิตญฺจ
ปิตุรกฺขิตญฺจ   พฺรูหิ   โหถ   กิร   อิตฺถนฺนามสฺส   ภริยาโย  มุหุตฺติกาติ
ปฏิคฺคณฺหาติ   วีมํสติ   ปจฺจาหรติ   อาปตฺติ   สงฺฆาทิเสสสฺส  ฯ  ปุริโส
@เชิงอรรถ: ๑ ยุ. ม. ธนกฺกีตาอิตฺถีจกฺกํ ฯ
ภิกฺขุํ  ปหิณติ  คจฺฉ  ภนฺเต  อิตฺถนฺนามํ  มาตุรกฺขิตญฺจ มาตาปิตุรกฺขิตญฺจ ฯ
มาตุรกฺขิตญฺจ    ภาตุรกฺขิตญฺจ    ฯ   มาตุรกฺขิตญฺจ   ภคินีรกฺขิตญฺจ   ฯ
มาตุรกฺขิตญฺจ    ญาติรกฺขิตญฺจ   ฯ   มาตุรกฺขิตญฺจ   โคตฺตรกฺขิตญฺจ   ฯ
มาตุรกฺขิตญฺจ    ธมฺมรกฺขิตญฺจ    ฯ    มาตุรกฺขิตญฺจ    สารกฺขญฺจ   ฯ
มาตุรกฺขิตญฺจ     สปริทณฺฑญฺจ    พฺรูหิ    โหถ    กิร    อิตฺถนฺนามสฺส
ภริยาโย    มุหุตฺติกาติ    ปฏิคฺคณฺหาติ    วีมํสติ   ปจฺจาหรติ   อาปตฺติ
สงฺฆาทิเสสสฺส ฯ
                                 ขณฺฑจกฺกํ ฯ
     [๔๔๙]   ปุริโส  ภิกฺขุํ  ปหิณติ  คจฺฉ  ภนฺเต อิตฺถนฺนามํ ปิตุรกฺขิตญฺจ
มาตาปิตุรกฺขิตญฺจ    พฺรูหิ    โหถ    กิร    อิตฺถนฺนามสฺส    ภริยาโย
มุหุตฺติกาติ      ปฏิคฺคณฺหาติ      วีมํสติ      ปจฺจาหรติ      อาปตฺติ
สงฺฆาทิเสสสฺส   ฯ   ปุริโส   ภิกฺขุํ   ปหิณติ   คจฺฉ  ภนฺเต  อิตฺถนฺนามํ
ปิตุรกฺขิตญฺจ    ภาตุรกฺขิตญฺจ    ฯ    ปิตุรกฺขิตญฺจ    ภคินีรกฺขิตญฺจ   ฯ
ปิตุรกฺขิตญฺจ    ญาติรกฺขิตญฺจ    ฯ    ปิตุรกฺขิตญฺจ   โคตฺตรกฺขิตญฺจ   ฯ
ปิตุรกฺขิตญฺจ     ธมฺมรกฺขิตญฺจ    ฯ    ปิตุรกฺขิตญฺจ    สารกฺขญฺจ    ฯ
ปิตุรกฺขิตญฺจ    สปริทณฺฑญฺจ    ฯ    ปิตุรกฺขิตญฺจ   มาตุรกฺขิตญฺจ   พฺรูหิ
โหถ   กิร   อิตฺถนฺนามสฺส   ภริยาโย   มุหุตฺติกาติ  ปฏิคฺคณฺหาติ  วีมํสติ
ปจฺจาหรติ อาปตฺติ สงฺฆาทิเสสสฺส ฯ
                                  พทฺธจกฺกํ ฯ
                                 มูลํ สงฺขิตฺตํ ฯ
     [๔๕๐]   ปุริโส    ภิกฺขุํ   ปหิณติ   คจฺฉ   ภนฺเต   อิตฺถนฺนามํ
สปริทณฺฑญฺจ     มาตุรกฺขิตญฺจ    พฺรูหิ    โหถ    กิร    อิตฺถนฺนามสฺส
ภริยาโย    มุหุตฺติกาติ    ปฏิคฺคณฺหาติ    วีมํสติ   ปจฺจาหรติ   อาปตฺติ
สงฺฆาทิเสสสฺส   ฯ   ปุริโส   ภิกฺขุํ   ปหิณติ   คจฺฉ  ภนฺเต  อิตฺถนฺนามํ
สปริทณฺฑญฺจ    ปิตุรกฺขิตญฺจ    ฯ   สปริทณฺฑญฺจ   มาตาปิตุรกฺขิตญฺจ   ฯ
สปริทณฺฑญฺจ    ภาตุรกฺขิตญฺจ    ฯ    สปริทณฺฑญฺจ    ภคินีรกฺขิตญฺจ   ฯ
สปริทณฺฑญฺจ    ญาติรกฺขิตญฺจ    ฯ    สปริทณฺฑญฺจ   โคตฺตรกฺขิตญฺจ   ฯ
สปริทณฺฑญฺจ    ธมฺมรกฺขิตญฺจ    ฯ    สปริทณฺฑญฺจ    สารกฺขญฺจ   พฺรูหิ
โหถ   กิร   อิตฺถนฺนามสฺส   ภริยาโย   มุหุตฺติกาติ  ปฏิคฺคณฺหาติ  วีมํสติ
ปจฺจาหรติ อาปตฺติ สงฺฆาทิเสสสฺส ฯ
                               เอกมูลกํ นิฏฺฐิตํ ฯ
     [๔๕๑]   ทุมูลกํ   ติมูลกํ   จตุมูลกํ   ปญฺจมูลกํ  ฉมูลกํ  สตฺตมูลกํ
อฏฺฐมูลกํ นวมูลกํ เอวเมว กาตพฺพํ ฯ
                                 อิทํ ทสมูลกํ ฯ
     [๔๕๒]   ปุริโส  ภิกฺขุํ  ปหิณติ  คจฺฉ ภนฺเต อิตฺถนฺนามํ มาตุรกฺขิตญฺจ
ปิตุรกฺขิตญฺจ      มาตาปิตุรกฺขิตญฺจ      ภาตุรกฺขิตญฺจ     ภคินีรกฺขิตญฺจ
ญาติรกฺขิตญฺจ       โคตฺตรกฺขิตญฺจ       ธมฺมรกฺขิตญฺจ      สารกฺขญฺจ
สปริทณฺฑญฺจ   พฺรูหิ   โหถ   กิร   อิตฺถนฺนามสฺส   ภริยาโย  มุหุตฺติกาติ
ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                             มุหุตฺติกาจกฺกํ นิฏฺฐิตํ ฯ
     [๔๕๓]   ปุริโส  ภิกฺขุํ  ปหิณติ  คจฺฉ  ภนฺเต  อิตฺถนฺนามํ มาตุรกฺขิตํ
พฺรูหิ    โหหิ   กิร   อิตฺถนฺนามสฺส   ภริยา   ธนกฺกีตาติ   ปฏิคฺคณฺหาติ
วีมํสติ   ปจฺจาหรติ   อาปตฺติ   สงฺฆาทิเสสสฺส  ฯ  ปุริโส  ภิกฺขุํ  ปหิณติ
คจฺฉ   ภนฺเต   อิตฺถนฺนามํ   มาตุรกฺขิตํ  พฺรูหิ  โหหิ  กิร  อิตฺถนฺนามสฺส
ภริยา   ฉนฺทวาสินี   โภควาสินี   ปฏวาสินี   โอทปตฺตกินี  โอภตจุมฺพฏา
ทาสี   จ   ภริยา   จ  กมฺมการี  จ  ภริยา  จ  ธชาหฏา  มุหุตฺติกาติ
ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                                นิกฺเขปปทานิ ฯ
     [๔๕๔]   ปุริโส  ภิกฺขุํ  ปหิณติ  คจฺฉ  ภนฺเต  อิตฺถนฺนามํ มาตุรกฺขิตํ
พฺรูหิ   โหหิ  กิร  อิตฺถนฺนามสฺส  ภริยา  ธนกฺกีตา  จ  ฉนฺทวาสินี  จาติ
ปฏิคฺคณฺหาติ   วีมํสติ   ปจฺจาหรติ   อาปตฺติ   สงฺฆาทิเสสสฺส  ฯ  ปุริโส
ภิกฺขุํ   ปหิณติ   คจฺฉ   ภนฺเต   อิตฺถนฺนามํ   มาตุรกฺขิตํ   พฺรูหิ   โหหิ
กิร  อิตฺถนฺนามสฺส  ภริยา  ธนกฺกีตา  จ  โภควาสินี  จ  ฯ  ธนกฺกีตา จ
ปฏวาสินี  จ  ฯ  ธนกฺกีตา  จ โอทปตฺตกินี จ ฯ ธนกฺกีตา จ โอภตจุมฺพฏา
จ   ฯ  ธนกฺกีตา  จ  ทาสี  จ  ภริยา  จ  ฯ  ธนกฺกีตา  จ  กมฺมการี
จ  ภริยา  จ  ฯ  ธนกฺกีตา  จ  ธชาหฏา  จ  ฯ  ธนกฺกีตา จ มุหุตฺติกา
จาติ ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                              ขณฺฑจกฺกํ นิฏฺฐิตํ ฯ
     [๔๕๕]   ปุริโส  ภิกฺขุํ  ปหิณติ  คจฺฉ  ภนฺเต  อิตฺถนฺนามํ มาตุรกฺขิตํ
พฺรูหิ   โหหิ   กิร  อิตฺถนฺนามสฺส  ภริยา  ฉนฺทวาสินี  จ  โภควาสินี  จ
ฯเปฯ  ฉนฺทวาสินี  จ  มุหุตฺติกา  จ  ฯ  ฉนฺทวาสินี  จ  ธนกฺกีตา  จาติ
ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                                  พทฺธจกฺกํ ฯ
                                 มูลํ สงฺขิตฺตํ ฯ
     [๔๕๖]   ปุริโส  ภิกฺขุํ  ปหิณติ  คจฺฉ  ภนฺเต  อิตฺถนฺนามํ มาตุรกฺขิตํ
พฺรูหิ   โหหิ  กิร  อิตฺถนฺนามสฺส  ภริยา  มุหุตฺติกา  จ  ธนกฺกีตา  จ  ฯ
มุหุตฺติกา   จ   ฉนฺทวาสินี   จ   ฯเปฯ  มุหุตฺติกา  จ  ธชาหฏา  จาติ
ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                               เอกมูลกํ นิฏฺฐิตํ ฯ
     [๔๕๗]   ทุมูลกํ   ติมูลกํ   จตุมูลกํ   ปญฺจมูลกํ  ฉมูลกํ  สตฺตมูลกํ
อฏฺฐมูลกํ นวมูลกํ เอวเมว กาตพฺพํ ฯ
                                  อิทํ ทสมูลกํ ฯ
     [๔๕๘]   ปุริโส  ภิกฺขุํ  ปหิณติ  คจฺฉ  ภนฺเต  อิตฺถนฺนามํ มาตุรกฺขิตํ
พฺรูหิ   โหหิ   กิร   อิตฺถนฺนามสฺส   ภริยา   ธนกฺกีตา   จ  ฉนฺทวาสินี
จ   โภควาสินี   จ   ปฏวาสินี   จ  โอทปตฺตกินี  จ  โอภตจุมฺพฏา  จ
ทาสี   จ  ภริยา  จ  กมฺมการี  จ  ภริยา  จ  ธชาหฏา  จ  มุหุตฺติกา
จาติ ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
     [๔๕๙]   ปุริโส  ภิกฺขุํ  ปหิณติ  คจฺฉ  ภนฺเต  อิตฺถนฺนามํ  ปิตุรกฺขิตํ
พฺรูหิ    ฯ    มาตาปิตุรกฺขิตํ    พฺรูหิ    ฯ    ภาตุรกฺขิตํ   พฺรูหิ   ฯ
ภคินีรกฺขิตํ   พฺรูหิ   ฯ   ญาติรกฺขิตํ   พฺรูหิ   ฯ  โคตฺตรกฺขิตํ  พฺรูหิ  ฯ
ธมฺมรกฺขิตํ   พฺรูหิ   ฯ   สารกฺขํ   พฺรูหิ   ฯ   สปริทณฺฑํ   พฺรูหิ  โหหิ
กิร     อิตฺถนฺนามสฺส    ภริยา    ธนกฺกีตาติ    ปฏิคฺคณฺหาติ    วีมํสติ
ปจฺจาหรติ    อาปตฺติ    สงฺฆาทิเสสสฺส    ฯ   ปุริโส   ภิกฺขุํ   ปหิณติ
คจฺฉ   ภนฺเต   อิตฺถนฺนามํ   สปริทณฺฑํ   พฺรูหิ  โหหิ  กิร  อิตฺถนฺนามสฺส
ภริยา   ฉนฺทวาสินี   โภควาสินี   ปฏิวาสินี   โอทปตฺตกินี  โอภตจุมฺพฏา
ทาสี   จ   ภริยา   จ  กมฺมการี  จ  ภริยา  จ  ธชาหฏา  มุหุตฺติกาติ
ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                                นิกฺเขปปทานิ ฯ
     [๔๖๐]   ปุริโส    ภิกฺขุํ   ปหิณติ   คจฺฉ   ภนฺเต   อิตฺถนฺนามํ
สปริทณฺฑํ   พฺรูหิ   โหหิ   กิร   อิตฺถนฺนามสฺส   ภริยา   ธนกฺกีตา   จ
ฉนฺทวาสินี     จาติ    ปฏิคฺคณฺหาติ    วีมํสติ    ปจฺจาหรติ    อาปตฺติ
สงฺฆาทิเสสสฺส   ฯ   ปุริโส   ภิกฺขุํ   ปหิณติ   คจฺฉ  ภนฺเต  อิตฺถนฺนามํ
สปริทณฺฑํ   พฺรูหิ   โหหิ   กิร   อิตฺถนฺนามสฺส   ภริยา   ธนกฺกีตา   จ
โภควาสินี   จ   ธนกฺกีตา  จ  ปฏวาสินี  จ  ธนกฺกีตา  จ  โอทปตฺตกินี
จ   ธนกฺกีตา   จ   โอภตจุมฺพฏา   จ  ธนกฺกีตา  จ  ทาสี  จ  ภริยา
จ   ธนกฺกีตา  จ  กมฺมการี  จ  ภริยา  จ  ธนกฺกีตา  จ  ธชาหฏา  จ
ธนกฺกีตา    จ    มุหุตฺติกา   จาติ   ปฏิคฺคณฺหาติ   วีมํสติ   ปจฺจาหรติ
อาปตฺติ สงฺฆาทิเสสสฺส ฯ
                                  ขณฺฑจกฺกํ ฯ
     [๔๖๑]   ปุริโส  ภิกฺขุํ  ปหิณติ  คจฺฉ  ภนฺเต  อิตฺถนฺนามํ  สปริทณฺฑํ
พฺรูหิ   โหหิ   กิร  อิตฺถนฺนามสฺส  ภริยา  ฉนฺทวาสินี  จ  โภควาสินี  จ
ฉนฺทวาสินี   จ   ปฏวาสินี   จ   ฯเปฯ   ฉนฺทวาสินี  จ  มุหุตฺติกา  จ
ฉนฺทวาสินี    จ   ธนกฺกีตา   จาติ   ปฏิคฺคณฺหาติ   วีมํสติ   ปจฺจาหรติ
อาปตฺติ สงฺฆาทิเสสสฺส ฯ
                                  พทฺธจกฺกํ ฯ
                                 มูลํ สงฺขิตฺตํ ฯ
     [๔๖๒]   ปุริโส  ภิกฺขุํ  ปหิณติ  คจฺฉ  ภนฺเต  อิตฺถนฺนามํ  สปริทณฺฑํ
พฺรูหิ   โหหิ   กิร   อิตฺถนฺนามสฺส   ภริยา  มุหุตฺติกา  จ  ธนกฺกีตา  จ
ฯเปฯ   มุหุตฺติกา   จ  ธชาหฏา  จาติ  ปฏิคฺคณฺหาติ  วีมํสติ  ปจฺจาหรติ
อาปตฺติ สงฺฆาทิเสสสฺส ฯ
                              เอกมูลกํ นิฏฺฐิตํ ฯ
     [๔๖๓]   ทุมูลกํ   ติมูลกํ   จตุมูลกํ   ปญฺจมูลกํ  ฉมูลกํ  สตฺตมูลกํ
อฏฺฐมูลกํ นวมูลกํ เอวเมว กาตพฺพํ ฯ
                                 อิทํ ทสมูลกํ ฯ
     [๔๖๔]   ปุริโส  ภิกฺขุํ  ปหิณติ  คจฺฉ  ภนฺเต  อิตฺถนฺนามํ  สปริทณฺฑํ
พฺรูหิ   โหหิ   กิร   อิตฺถนฺนามสฺส  ภริยา  ธนกฺกีตา  จ  ฉนฺทวาสินี  จ
โภควาสินี   จ   ปฏวาสินี   จ   โอทปตฺตกินี   จ   โอภตจุมฺพฏา   จ
ทาสี   จ  ภริยา  จ  กมฺมการี  จ  ภริยา  จ  ธชาหฏา  จ  มุหุตฺติกา
จาติ ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
     [๔๖๕]   ปุริโส  ภิกฺขุํ  ปหิณติ  คจฺฉ  ภนฺเต  อิตฺถนฺนามํ มาตุรกฺขิตํ
พฺรูหิ   โหหิ  กิร  อิตฺถนฺนามสฺส  ภริยา  ธนกฺกีตาติ  ปฏิคฺคณฺหาติ  วีมํสติ
ปจฺจาหรติ   อาปตฺติ   สงฺฆาทิเสสสฺส   ฯ   ปุริโส  ภิกฺขุํ  ปหิณติ  คจฺฉ
ภนฺเต  อิตฺถนฺนามํ  มาตุรกฺขิตญฺจ  ปิตุรกฺขิตญฺจ พฺรูหิ โหถ กิร อิตฺถนฺนามสฺส
ภริยาโย  ธนกฺกีตา  จ  ฉนฺทวาสินี  จาติ  ปฏิคฺคณฺหาติ  วีมํสติ ปจฺจาหรติ
อาปตฺติ  สงฺฆาทิเสสสฺส  ฯ  ปุริโส  ภิกฺขุํ  ปหิณติ  คจฺฉ ภนฺเต อิตฺถนฺนามํ
มาตุรกฺขิตญฺจ    ปิตุรกฺขิตญฺจ    มาตาปิตุรกฺขิตญฺจ    พฺรูหิ   โหถ   กิร
อิตฺถนฺนามสฺส   ภริยาโย  ธนกฺกีตา  จ  ฉนฺทวาสินี  จ  โภควาสินี  จาติ
ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                       (เอวํ อุภโตพทฺธกํ กาตพฺพํ ฯ)
                               อิทํ สพฺพมูลกํ ฯ
     [๔๖๖]   ปุริโส  ภิกฺขุํ  ปหิณติ  คจฺฉ ภนฺเต อิตฺถนฺนามํ มาตุรกฺขิตญฺจ
ปิตุรกฺขิตญฺจ      มาตาปิตุรกฺขิตญฺจ      ภาตุรกฺขิตญฺจ     ภคินีรกฺขิตญฺจ
ญาติรกฺขิตญฺจ       โคตฺตรกฺขิตญฺจ       ธมฺมรกฺขิตญฺจ      สารกฺขญฺจ
สปริทณฺฑญฺจ   พฺรูหิ   โหถ   กิร   อิตฺถนฺนามสฺส   ภริยาโย   ธนกฺกีตา
จ   ฉนฺทวาสินี   จ   โภควาสินี   จ   ปฏวาสินี   จ  โอทปตฺตกินี  จ
โอภตจุมฺพฏา   จ   ทาสี   จ   ภริยา   จ   กมฺมการี  จ  ภริยา  จ
ธชาหฏา    จ    มุหุตฺติกา   จาติ   ปฏิคฺคณฺหาติ   วีมํสติ   ปจฺจาหรติ
อาปตฺติ สงฺฆาทิเสสสฺส ฯ
                             อุภโตพทฺธกํ นิฏฺฐิตํ ฯ
     [๔๖๗]   ปุริสสฺส   มาตา   ภิกฺขุํ  ปหิณติ  ฯเปฯ  ปุริสสฺส  ปิตา
ภิกฺขุํ   ปหิณติ   ฯเปฯ   ปุริสสฺส   มาตาปิตโร   ภิกฺขุํ  ปหิณนฺติ  ฯเปฯ
ปุริสสฺส   ภาตา   ภิกฺขุํ   ปหิณติ   ฯเปฯ  ปุริสสฺส  ภคินี  ภิกฺขุํ  ปหิณติ
ฯเปฯ   ปุริสสฺส   ญาตกา   ภิกฺขุํ   ปหิณนฺติ   ฯเปฯ  ปุริสสฺส  โคตฺตา
ภิกฺขุํ    ปหิณนฺติ   ฯเปฯ   ปุริสสฺส   สหธมฺมิกา   ภิกฺขุํ   ปหิณนฺติ   ฯ
(ปุริสสฺส   เปยฺยาโล  วิตฺถาเรตพฺโพ  ฯ  อุภโตพทฺธกํ  ยถา  ปุริมนเยน
ตเถว วิตฺถาเรตพฺพํ ฯ)
     [๔๖๘]   มาตุรกฺขิตาย  มาตา  ภิกฺขุํ  ปหิณติ คจฺฉ ภนฺเต อิตฺถนฺนามํ
พฺรูหิ     โหตุ    อิตฺถนฺนามสฺส    ภริยา    ธนกฺกีตาติ    ปฏิคฺคณฺหาติ
วีมํสติ   ปจฺจาหรติ   อาปตฺติ   สงฺฆาทิเสสสฺส  ฯ  มาตุรกฺขิตาย  มาตา
ภิกฺขุํ   ปหิณติ   คจฺฉ   ภนฺเต   อิตฺถนฺนามํ   พฺรูหิ  โหตุ  อิตฺถนฺนามสฺส
ภริยา   ฉนฺทวาสินี   โภควาสินี   ปฏวาสินี   โอทปตฺตกินี  โอภตจุมฺพฏา
ทาสี   จ   ภริยา   จ  กมฺมการี  จ  ภริยา  จ  ธชาหฏา  มุหุตฺติกาติ
ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                                นิกฺเขปปทานิ ฯ
     [๔๖๙]   มาตุรกฺขิตาย  มาตา  ภิกฺขุํ  ปหิณติ คจฺฉ ภนฺเต อิตฺถนฺนามํ
พฺรูหิ    โหตุ    อิตฺถนฺนามสฺส    ภริยา    ธนกฺกีตา   จ   ฉนฺทวาสินี
จาติ   ปฏิคฺคณฺหาติ   วีมํสติ   ปจฺจาหรติ   อาปตฺติ   สงฺฆาทิเสสสฺส  ฯ
มาตุรกฺขิตาย   มาตา   ภิกฺขุํ   ปหิณติ   คจฺฉ  ภนฺเต  อิตฺถนฺนามํ  พฺรูหิ
โหตุ   อิตฺถนฺนามสฺส  ภริยา  ธนกฺกีตา  จ  โภควาสินี  จ  ฯ  ธนกฺกีตา
จ   ปฏวาสินี   จ  ฯ  ธนกฺกีตา  จ  โอทปตฺตกินี  จ  ฯ  ธนกฺกีตา  จ
โอภตจุมฺพฏา   จ  ฯ  ธนกฺกีตา  จ  ทาสี  จ  ภริยา  จ  ฯ  ธนกฺกีตา
จ   กมฺมการี   จ   ภริยา   จ   ฯ   ธนกฺกีตา  จ  ธชาหฏา  จ  ฯ
ธนกฺกีตา    จ    มุหุตฺติกา   จาติ   ปฏิคฺคณฺหาติ   วีมํสติ   ปจฺจาหรติ
อาปตฺติ สงฺฆาทิเสสสฺส ฯ
                                  ขณฺฑจกฺกํ ฯ
     [๔๗๐]   มาตุรกฺขิตาย  มาตา  ภิกฺขุํ  ปหิณติ คจฺฉ ภนฺเต อิตฺถนฺนามํ
พฺรูหิ   โหตุ   อิตฺถนฺนามสฺส   ภริยา   ฉนฺทวาสินี   จ   โภควาสินี  จ
ฯเปฯ  ฉนฺทวาสินี  จ  มุหุตฺติกา  จ  ฯ  ฉนฺทวาสินี  จ  ธนกฺกีตา  จาติ
ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                                   พทฺธจกฺกํ ฯ
                                  มูลํ สงฺขิตฺตํ ฯ
     [๔๗๑]   มาตุรกฺขิตาย  มาตา  ภิกฺขุํ  ปหิณติ คจฺฉ ภนฺเต อิตฺถนฺนามํ
พฺรูหิ   โหตุ   อิตฺถนฺนามสฺส  ภริยา  มุหุตฺติกา  จ  ธนกฺกีตา  จ  ฯเปฯ
มุหุตฺติกา   จ  ธชาหฏา  จาติ  ปฏิคฺคณฺหาติ  วีมํสติ  ปจฺจาหรติ  อาปตฺติ
สงฺฆาทิเสสสฺส ฯ
                              เอกมูลกํ นิฏฺฐิตํ ฯ
                   เอวํ ทุมูลกํปิ ยาวนวมูลกํ กาตพฺพํ ฯ
                                อิทํ ทสมูลกํ ฯ
     [๔๗๒]   มาตุรกฺขิตาย  มาตา  ภิกฺขุํ  ปหิณติ คจฺฉ ภนฺเต อิตฺถนฺนามํ
พฺรูหิ  โหตุ  อิตฺถนฺนามสฺส  ภริยา  ธนกฺกีตา  จ  ฉนฺทวาสินี จ โภควาสินี
จ  ปฏวาสินี  จ  โอทปตฺตกินี  จ  โอภตจุมฺพฏา  จ  ทาสี  จ  ภริยา จ
กมฺมการี   จ   ภริยา   จ  ธชาหฏา  จ  มุหุตฺติกา  จาติ  ปฏิคฺคณฺหาติ
วีมํสติ ปจฺจาหรติ อาปตฺติ สงฺฆาทิเสสสฺส ฯ
     [๔๗๓]   ปิตุรกฺขิตาย   ปิตา  ภิกฺขุํ  ปหิณติ  ฯ  มาตาปิตุรกฺขิตาย
มาตาปิตโร   ภิกฺขุํ  ปหิณนฺติ  ฯ  ภาตุรกฺขิตาย  ภาตา  ภิกฺขุํ  ปหิณติ  ฯ
ภคินีรกฺขิตาย   ภคินี   ภิกฺขุํ   ปหิณติ   ฯ  ญาติรกฺขิตาย  ญาตกา  ภิกฺขุํ
ปหิณนฺติ   ฯ   โคตฺตรกฺขิตาย  โคตฺตา  ภิกฺขุํ  ปหิณนฺติ  ฯ  ธมฺมรกฺขิตาย
สหธมฺมิกา   ภิกฺขุํ  ปหิณนฺติ  ฯ  สารกฺขาย  เยน  ปริคฺคหิตา  โหติ  โส
ภิกฺขุํ   ปหิณติ   ฯ  สปริทณฺฑาย  เยน  ทณฺโฑ  ฐปิโต  โหติ  โส  ภิกฺขุํ
ปหิณติ    คจฺฉ    ภนฺเต    อิตฺถนฺนามํ    พฺรูหิ   โหตุ   อิตฺถนฺนามสฺส
ภริยา    ธนกฺกีตาติ    ปฏิคฺคณฺหาติ    วีมํสติ    ปจฺจาหรติ    อาปตฺติ
สงฺฆาทิเสสสฺส   ฯ  สปริทณฺฑาย  เยน  ทณฺโฑ  ฐปิโต  โหติ  โส  ภิกฺขุํ
ปหิณติ   คจฺฉ   ภนฺเต   อิตฺถนฺนามํ   พฺรูหิ  โหตุ  อิตฺถนฺนามสฺส  ภริยา
ฉนฺทวาสินี   โภควาสินี   ปฏวาสินี  โอทปตฺตกินี  โอภตจุมฺพฏา  ทาสี  จ
ภริยา   จ  กมฺมการี  จ  ภริยา  จ  ธชาหฏา  มุหุตฺติกาติ  ปฏิคฺคณฺหาติ
วีมํสติ ปจฺจาหรติ อาปตฺติ สงฺฆาทิเสสสฺส ฯ
                                นิกฺเขปปทานิ ฯ
     [๔๗๔]   สปริทณฺฑาย   เยน   ทณฺโฑ   ฐปิโต  โหติ  โส  ภิกฺขุํ
ปหิณติ   คจฺฉ   ภนฺเต   อิตฺถนฺนามํ   พฺรูหิ  โหตุ  อิตฺถนฺนามสฺส  ภริยา
ธนกฺกีตา   จ   ฉนฺทวาสินี   จ   ฯเปฯ  ธนกฺกีตา  จ  มุหุตฺติกา  จาติ
ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                                   ขณฺฑจกฺกํ ฯ
     [๔๗๕]   สปริทณฺฑาย   เยน   ทณฺโฑ   ฐปิโต  โหติ  โส  ภิกฺขุํ
ปหิณติ   คจฺฉ   ภนฺเต   อิตฺถนฺนามํ   พฺรูหิ  โหตุ  อิตฺถนฺนามสฺส  ภริยา
ฉนฺทวาสินี   จ  โภควาสินี  จ  ฯเปฯ  ฉนฺทวาสินี  จ  มุหุตฺติกา  จ  ฯ
ฉนฺทวาสินี    จ   ธนกฺกีตา   จาติ   ปฏิคฺคณฺหาติ   วีมํสติ   ปจฺจาหรติ
อาปตฺติ สงฺฆาทิเสสสฺส ฯ
                                   พทฺธจกฺกํ ฯ
                                  มูลํ สงฺขิตฺตํ ฯ
     [๔๗๖]   สปริทณฺฑาย   เยน   ทณฺโฑ   ฐปิโต  โหติ  โส  ภิกฺขุํ
ปหิณติ   คจฺฉ   ภนฺเต   อิตฺถนฺนามํ   พฺรูหิ  โหตุ  อิตฺถนฺนามสฺส  ภริยา
มุหุตฺติกา   จ   ธนกฺกีตา   จ   ฯเปฯ   มุหุตฺติกา  จ  ธชาหฏา  จาติ
ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                               เอกมูลกํ นิฏฺฐิตํ ฯ
                   เอวํ ทุมูลกํปิ ยาวนวมูลกํ กาตพฺพํ ฯ
                                 อิทํ ทสมูลกํ ฯ
     [๔๗๗]   สปริทณฺฑาย   เยน   ทณฺโฑ   ฐปิโต  โหติ  โส  ภิกฺขุํ
ปหิณติ   คจฺฉ   ภนฺเต   อิตฺถนฺนามํ   พฺรูหิ  โหตุ  อิตฺถนฺนามสฺส  ภริยา
ธนกฺกีตา   จ  ฉนฺทวาสินี  จ  โภควาสินี  จ  ปฏวาสินี  จ  โอทปตฺตกินี
จ   โอภตจุมฺพฏา   จ   ทาสี  จ  ภริยา  จ  กมฺมการี  จ  ภริยา  จ
ธชาหฏา    จ    มุหุตฺติกา   จาติ   ปฏิคฺคณฺหาติ   วีมํสติ   ปจฺจาหรติ
อาปตฺติ สงฺฆาทิเสสสฺส ฯ
     [๔๗๘]   มาตุรกฺขิตา   ภิกฺขุํ   ปหิณติ   คจฺฉ  ภนฺเต  อิตฺถนฺนามํ
พฺรูหิ   โหมิ   อิตฺถนฺนามสฺส   ภริยา   ธนกฺกีตาติ   ปฏิคฺคณฺหาติ  วีมํสติ
ปจฺจาหรติ   อาปตฺติ   สงฺฆาทิเสสสฺส   ฯ   มาตุรกฺขิตา   ภิกฺขุํ  ปหิณติ
คจฺฉ   ภนฺเต  อิตฺถนฺนามํ  พฺรูหิ  โหมิ  อิตฺถนฺนามสฺส  ภริยา  ฉนฺทวาสินี
โภควาสินี   ปฏวาสินี   โอทปตฺตกินี   โอภตจุมฺพฏา   ทาสี   จ  ภริยา
จ   กมฺมการี   จ   ภริยา   จ   ธชาหฏา   มุหุตฺติกาติ   ปฏิคฺคณฺหาติ
วีมํสติ ปจฺจาหรติ อาปตฺติ สงฺฆาทิเสสสฺส ฯ
                                 นิกฺเขปปทานิ ฯ
     [๔๗๙]   มาตุรกฺขิตา   ภิกฺขุํ   ปหิณติ   คจฺฉ  ภนฺเต  อิตฺถนฺนามํ
พฺรูหิ   โหมิ  อิตฺถนฺนามสฺส  ภริยา  ธนกฺกีตา  จ  ฉนฺทวาสินี  จ  ฯเปฯ
ธนกฺกีตา    จ    มุหุตฺติกา   จาติ   ปฏิคฺคณฺหาติ   วีมํสติ   ปจฺจาหรติ
อาปตฺติ สงฺฆาทิเสสสฺส ฯ
                                   ขณฺฑจกฺกํ ฯ
     [๔๘๐]   มาตุรกฺขิตา   ภิกฺขุํ   ปหิณติ   คจฺฉ  ภนฺเต  อิตฺถนฺนามํ
พฺรูหิ   โหมิ   อิตฺถนฺนามสฺส   ภริยา   ฉนฺทวาสินี   จ   โภควาสินี  จ
ฯเปฯ   ฉนฺทวาสินี   จ   มุหุตฺติกา   จ   ฯ  ฉนฺทวาสินี  จ  ธนกฺกีตา
จาติ ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                                  พทฺธจกฺกํ ฯ
                                 มูลํ สงฺขิตฺตํ ฯ
     [๔๘๑]   มาตุรกฺขิตา   ภิกฺขุํ   ปหิณติ   คจฺฉ  ภนฺเต  อิตฺถนฺนามํ
พฺรูหิ   โหมิ   อิตฺถนฺนามสฺส  ภริยา  มุหุตฺติกา  จ  ธนกฺกีตา  จ  ฯเปฯ
มุหุตฺติกา    จ    ธชาหฏา   จาติ   ปฏิคฺคณฺหาติ   วีมํสติ   ปจฺจาหรติ
อาปตฺติ สงฺฆาทิเสสสฺส ฯ
                              เอกมูลกํ นิฏฺฐิตํ ฯ
                     ทุมูลกาทีนิปิ เอวํ กาตพฺพานิ ฯ
                                อิทํ ทสมูลกํ ฯ
     [๔๘๒]   มาตุรกฺขิตา   ภิกฺขุํ   ปหิณติ   คจฺฉ  ภนฺเต  อิตฺถนฺนามํ
พฺรูหิ   โหมิ   อิตฺถนฺนามสฺส   ภริยา   ธนกฺกีตา   จ   ฉนฺทวาสินี   จ
โภควาสินี   จ   ปฏวาสินี   จ   โอทปตฺตกินี   จ   โอภตจุมฺพฏา   จ
ทาสี   จ  ภริยา  จ  กมฺมการี  จ  ภริยา  จ  ธชาหฏา  จ  มุหุตฺติกา
จาติ ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
     [๔๘๓]   ปิตุรกฺขิตา   ภิกฺขุํ   ปหิณติ   ฯ  มาตาปิตุรกฺขิตา  ภิกฺขุํ
ปหิณติ  ฯ  ภาตุรกฺขิตา  ภิกฺขุํ  ปหิณติ  ฯ  ภคินีรกฺขิตา  ภิกฺขุํ  ปหิณติ  ฯ
ญาติรกฺขิตา  ภิกฺขุํ  ปหิณติ  ฯ  โคตฺตรกฺขิตา  ภิกฺขุํ  ปหิณติ ฯ ธมฺมรกฺขิตา
ภิกฺขุํ   ปหิณติ  ฯ  สารกฺขา  ภิกฺขุํ  ปหิณติ  ฯ  สปริทณฺฑา  ภิกฺขุํ  ปหิณติ
คจฺฉ   ภนฺเต  อิตฺถนฺนามํ  พฺรูหิ  โหมิ  อิตฺถนฺนามสฺส  ภริยา  ธนกฺกีตาติ
ปฏิคฺคณฺหาติ   วีมํสติ  ปจฺจาหรติ  อาปตฺติ  สงฺฆาทิเสสสฺส  ฯ  สปริทณฺฑา
ภิกฺขุํ  ปหิณติ  คจฺฉ  ภนฺเต  อิตฺถนฺนามํ  พฺรูหิ  โหมิ  อิตฺถนฺนามสฺส ภริยา
ฉนฺทวาสินี   ฯ   โภควาสินี  ปฏวาสินี  โอทปตฺตกินี  โอภตจุมฺพฏา  ทาสี
จ  ภริยา  จ  กมฺมการี  จ  ภริยา จ ธชาหฏา ฯ มุหุตฺติกาติ ปฏิคฺคณฺหาติ
วีมํสติ ปจฺจาหรติ อาปตฺติ สงฺฆาทิเสสสฺส ฯ
                                 นิกฺเขปปทานิ ฯ
     [๔๘๔]   สปริทณฺฑา   ภิกฺขุํ   ปหิณติ   คจฺฉ   ภนฺเต  อิตฺถนฺนามํ
พฺรูหิ   โหมิ  อิตฺถนฺนามสฺส  ภริยา  ธนกฺกีตา  จ  ฉนฺทวาสินี  จ  ฯเปฯ
ธนกฺกีตา    จ    มุหุตฺติกา   จาติ   ปฏิคฺคณฺหาติ   วีมํสติ   ปจฺจาหรติ
อาปตฺติ สงฺฆาทิเสสสฺส ฯ
                                  ขณฺฑจกฺกํ ฯ
     [๔๘๕]   สปริทณฺฑา   ภิกฺขุํ   ปหิณติ   คจฺฉ   ภนฺเต  อิตฺถนฺนามํ
พฺรูหิ   โหมิ   อิตฺถนฺนามสฺส   ภริยา   ฉนฺทวาสินี   จ   โภควาสินี  จ
ฯเปฯ  ฉนฺทวาสินี  จ  มุหุตฺติกา  จ  ฯ  ฉนฺทวาสินี  จ  ธนกฺกีตา  จาติ
ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                                  พทฺธจกฺกํ ฯ
                                 มูลํ สงฺขิตฺตํ ฯ
     [๔๘๖]   สปริทณฺฑา   ภิกฺขุํ   ปหิณติ   คจฺฉ   ภนฺเต  อิตฺถนฺนามํ
พฺรูหิ   โหมิ   อิตฺถนฺนามสฺส  ภริยา  มุหุตฺติกา  จ  ธนกฺกีตา  จ  ฯเปฯ
มุหุตฺติกา    จ    ธชาหฏา   จาติ   ปฏิคฺคณฺหาติ   วีมํสติ   ปจฺจาหรติ
อาปตฺติ สงฺฆาทิเสสสฺส ฯ
                              เอกมูลกํ นิฏฺฐิตํ ฯ
                   ทุมูลกาทีนิ เอวเมว กาตพฺพานิ ฯ
                                อิทํ ทสมูลกํ ฯ
     [๔๘๗]   สปริทณฺฑา   ภิกฺขุํ   ปหิณติ   คจฺฉ   ภนฺเต  อิตฺถนฺนามํ
พฺรูหิ   โหมิ   อิตฺถนฺนามสฺส   ภริยา   ธนกฺกีตา   จ   ฉนฺทวาสินี   จ
โภควาสินี   จ   ปฏวาสินี   จ   โอทปตฺตกินี   จ   โอภตจุมฺพฏา   จ
ทาสี   จ  ภริยา  จ  กมฺมการี  จ  ภริยา  จ  ธชาหฏา  จ  มุหุตฺติกา
จาติ ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
                       สพฺพํ จกฺกเปยฺยาลํ ๑- นิฏฺฐิตํ ฯ
     [๔๘๘]   ปฏิคฺคณฺหาติ  วีมํสติ  ปจฺจาหรติ  อาปตฺติ สงฺฆาทิเสสสฺส ฯ
ปฏิคฺคณฺหาติ    วีมํสติ    นปฺปจฺจาหรติ    อาปตฺติ    ถุลฺลจฺจยสฺส    ฯ
ปฏิคฺคณฺหาติ    น    วีมํสติ    ปจฺจาหรติ   อาปตฺติ   ถุลฺลจฺจยสฺส   ฯ
ปฏิคฺคณฺหาติ    น    วีมํสติ    นปฺปจฺจาหรติ   อาปตฺติ   ทุกฺกฏสฺส   ฯ
นปฺปฏิคฺคณฺหาติ    วีมํสติ    ปจฺจาหรติ    อาปตฺติ    ถุลฺลจฺจยสฺส    ฯ
@เชิงอรรถ: ๑ อิธ จกฺกเปยฺยาลวิธิ เยภุยฺเยน วิสทิโส โหติ ฯ ปตฺถยนฺเตน
@เตสุ เตสุ โปตฺถเกสุ โอโลเกตพฺพํ ฯ
นปฺปฏิคฺคณฺหาติ    วีมํสติ    นปฺปจฺจาหรติ    อาปตฺติ    ทุกฺกฏสฺส    ฯ
นปฺปฏิคฺคณฺหาติ    น    วีมํสติ    ปจฺจาหรติ   อาปตฺติ   ทุกฺกฏสฺส   ฯ
นปฺปฏิคฺคณฺหาติ น วีมํสติ นปฺปจฺจาหรติ อนาปตฺติ ฯ
     [๔๘๙]   ปุริโส   สมฺพหุเล   ภิกฺขู   อาณาเปติ   คจฺฉถ  ภนฺเต
อิตฺถนฺนามํ   อิตฺถึ   วีมํสถาติ   สพฺเพ   ปฏิคฺคณฺหนฺติ   สพฺเพ   วีมํสนฺติ
สพฺเพ ปจฺจาหรนฺติ อาปตฺติ สพฺเพสํ สงฺฆาทิเสสสฺส ฯ
     {๔๘๙.๑}   ปุริโส   สมฺพหุเล   ภิกฺขู  อาณาเปติ  คจฺฉถ  ภนฺเต
อิตฺถนฺนามํ   อิตฺถึ   วีมํสถาติ   สพฺเพ   ปฏิคฺคณฺหนฺติ   สพฺเพ   วีมํสนฺติ
เอกํ ปจฺจาหราเปนฺติ อาปตฺติ สพฺเพสํ สงฺฆาทิเสสสฺส ฯ
     {๔๘๙.๒}   ปุริโส   สมฺพหุเล   ภิกฺขู  อาณาเปติ  คจฺฉถ  ภนฺเต
อิตฺถนฺนามํ   อิตฺถึ   วีมํสถาติ   สพฺเพ  ปฏิคฺคณฺหนฺติ  เอกํ  วีมํสาเปตฺวา
สพฺเพ ปจฺจาหรนฺติ อาปตฺติ สพฺเพสํ สงฺฆาทิเสสสฺส ฯ
     {๔๘๙.๓}   ปุริโส   สมฺพหุเล   ภิกฺขู  อาณาเปติ  คจฺฉถ  ภนฺเต
อิตฺถนฺนามํ   อิตฺถึ   วีมํสถาติ   สพฺเพ  ปฏิคฺคณฺหนฺติ  เอกํ  วีมํสาเปตฺวา
เอกํ ปจฺจาหราเปนฺติ อาปตฺติ สพฺเพสํ สงฺฆาทิเสสสฺส ฯ
     {๔๘๙.๔}   ปุริโส  ภิกฺขุํ  อาณาเปติ  คจฺฉ  ภนฺเต อิตฺถนฺนามํ อิตฺถึ
วีมํสาติ ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
     {๔๘๙.๕}   ปุริโส  ภิกฺขุํ  อาณาเปติ  คจฺฉ  ภนฺเต อิตฺถนฺนามํ อิตฺถึ
วีมํสาติ    ปฏิคฺคณฺหาติ   วีมํสติ   อนฺเตวาสึ   ปจฺจาหราเปติ   อาปตฺติ
สงฺฆาทิเสสสฺส ฯ
     {๔๘๙.๖}   ปุริโส   ภิกฺขุํ   อาณาเปติ  คจฺฉ  ภนฺเต  อิตฺถนฺนามํ
อิตฺถึ    วีมํสาติ    ปฏิคฺคณฺหาติ    อนฺเตวาสึ   วีมํสาเปตฺวา   อตฺตนา
ปจฺจาหรติ     อาปตฺติ     สงฺฆาทิเสสสฺส     ฯ     ปุริโส     ภิกฺขุํ
อาณาเปติ   คจฺฉ   ภนฺเต   อิตฺถนฺนามํ   อิตฺถึ   วีมํสาติ   ปฏิคฺคณฺหาติ
อนฺเตวาสึ    วีมํสาเปติ   อนฺเตวาสี   วีมํสิตฺวา   พหิทฺธา   ปจฺจาหรติ
อาปตฺติ อุภินฺนํ ถุลฺลจฺจยสฺส ฯ
     [๔๙๐]   คจฺฉนฺโต   สมฺปาเทติ  อาคจฺฉนฺโต  วิสํวาเทติ  อาปตฺติ
ถุลฺลจฺจยสฺส    ฯ    คจฺฉนฺโต    วิสํวาเทติ   อาคจฺฉนฺโต   สมฺปาเทติ
อาปตฺติ   ถุลฺลจฺจยสฺส  ฯ  คจฺฉนฺโต  สมฺปาเทติ  อาคจฺฉนฺโต  สมฺปาเทติ
อาปตฺติ  สงฺฆาทิเสสสฺส  ฯ  คจฺฉนฺโต  วิสํวาเทติ  อาคจฺฉนฺโต วิสํวาเทติ
อนาปตฺติ ฯ
     [๔๙๑]   อนาปตฺติ   สงฺฆสฺส  วา  เจติยสฺส  วา  คิลานสฺส  วา
กรณีเยน คจฺฉติ อุมฺมตฺตกสฺส อาทิกมฺมิกสฺสาติ ฯ
     [๔๙๒]   สุตฺตา มตา จ นิกฺขนฺตา      อนิตฺถี อิตฺถิปณฺฑกา
                  กลหํ กตฺวาน สมฺโมทิ         สญฺจริตฺตญฺจ ปณฺฑเกติ ฯ
     [๔๙๓]   เตน  โข  ปน  สมเยน  อญฺญตโร  ปุริโส  อญฺญตรํ ภิกฺขุํ
อาณาเปติ   คจฺฉ   ภนฺเต  อิตฺถนฺนามํ  อิตฺถึ  วีมํสาติ  ฯ  โส  คนฺตฺวา
มนุสฺเส  ปุจฺฉิ  กหํ  อิตฺถนฺนามาติ  ฯ  สุตฺตา  ภนฺเตติ  ฯ  ตสฺส กุกฺกุจฺจํ
อโหสิ  กจฺจิ  นุ  โข  อหํ  สงฺฆาทิเสสสฺส  อาปตฺติ อาปนฺโนติ ฯ ภควโต
เอตมตฺถํ   อาโรเจสิ   ฯ   อนาปตฺติ   ภิกฺขุ   สงฺฆาทิเสสสฺส  อาปตฺติ
ทุกฺกฏสฺสาติ ฯ
     {๔๙๓.๑}   เตน   โข  ปน  สมเยน  อญฺญตโร  ปุริโส  อญฺญตรํ
ภิกฺขุํ   อาณาเปติ   คจฺฉ   ภนฺเต   อิตฺถนฺนามํ  อิตฺถึ  วีมํสาติ  ฯ  โส
คนฺตฺวา   มนุสฺเส   ปุจฺฉิ   กหํ   อิตฺถนฺนามาติ   ฯ  มตา  ภนฺเตติ  ฯ
ตสฺส    กุกฺกุจฺจํ    อโหสิ   ฯเปฯ   อนาปตฺติ   ภิกฺขุ   สงฺฆาทิเสสสฺส
อาปตฺติ ทุกฺกฏสฺสาติ ฯ
     {๔๙๓.๒}   เตน  โข  ปน  สมเยน  อญฺญตโร ปุริโส อญฺญตรํ ภิกฺขุํ
อาณาเปติ  คจฺฉ  ภนฺเต  อิตฺถนฺนามํ  อิตฺถึ วีมํสาติ ฯ โส คนฺตฺวา มนุสฺเส
ปุจฺฉิ  กหํ  อิตฺถนฺนามาติ  ฯ  นิกฺขนฺตา  ภนฺเตติ  ฯเปฯ  อนิตฺถี  ภนฺเตติ
ฯเปฯ  อิตฺถีปณฺฑกา  ภนฺเตติ  ฯ  ตสฺส  กุกฺกุจฺจํ  อโหสิ  ฯเปฯ อนาปตฺติ
ภิกฺขุ สงฺฆาทิเสสสฺส อาปตฺติ ทุกฺกฏสฺสาติ ฯ
     [๔๙๔]   เตน  โข  ปน  สมเยน  อญฺญตรา  อิตฺถี  สามิเกน  สห
ภณฺฑิตฺวา   มาตุฆรํ   อคมาสิ  ฯ  กุลูปโก  ภิกฺขุ  สมฺโมทนียํ  อกาสิ  ฯ
ตสฺส   กุกฺกุจฺจํ   อโหสิ   ฯเปฯ   อลํวจนียา   ภิกฺขูติ  ฯ  นาลํวจนียา
ภควาติ ฯ อนาปตฺติ ภิกฺขุ นาลํวจนีเยติ ฯ
     [๔๙๕]   เตน   โข   ปน   สมเยน   อญฺญตโร  ภิกฺขุ  ปณฺฑเก
สญฺจริตฺตํ   สมาปชฺชิ   ฯ   ตสฺส   กุกฺกุจฺจํ   อโหสิ   ฯเปฯ  อนาปตฺติ
ภิกฺขุ สงฺฆาทิเสสสฺส อาปตฺติ ถุลฺลจฺจยสฺสาติ ฯ
                       ปญฺจมสงฺฆาทิเสสํ นิฏฺฐิตํ ฯ
                                   ----------
                               ฉฏฺฐสงฺฆาทิเสสํ
     [๔๙๖]   เตน  สมเยน  พุทฺโธ  ภควา  ราชคเห  วิหรติ เวฬุวเน
กลนฺทกนิวาเป   ฯ   เตน   โข   ปน   สมเยน  อาฬวิกา  ๑-  ภิกฺขู
สญฺญาจิกาโย  กุฏิกาโย  ๒-  การาเปนฺติ  อสฺสามิกาโย  อตฺตุทฺเทสิกาโย
อปฺปมาณิกาโย   ฯ   ตาโย  น  นิฏฺฐานํ  คจฺฉนฺติ  ฯ  เต  ยาจนพหุลา
วิญฺญตฺติพหุลา   วิหรนฺติ   ปุริสํ   เทถ   ปุริสตฺถกรํ   เทถ  โคณํ  เทถ
สกฏํ   เทถ   วาสึ   เทถ   ผรสุํ  เทถ  กุฐารึ  เทถ  กุทฺทาลํ  เทถ
นิขาทนํ   เทถ   วลฺลึ   เทถ   เวฬุํ  เทถ  มุญฺชํ  เทถ  ปพฺพชํ  เทถ
ติณํ   เทถ  มตฺติกํ  เทถาติ  ฯ  มนุสฺสา  อุปทฺทุตา  ยาจนาย  อุปทฺทุตา
วิญฺญตฺติยา    ภิกฺขู    ทิสฺวา    อุพฺพิชฺชนฺติปิ    อุตฺตสนฺติปิ   ปลายนฺติปิ
อญฺเญนปิ    คจฺฉนฺติ    อญฺเญนปิ    มุขํ   กโรนฺติ   ทฺวารํปิ   ถเกนฺติ
คาวีปิ ทิสฺวา ปลายนฺติ ภิกฺขูติ มญฺญมานา ฯ
     [๔๙๗]   อถโข   อายสฺมา  มหากสฺสโป  ราชคเห  วสฺสํ  วุตฺโถ
เยน   อาฬวี   เตน  ปกฺกามิ  อนุปุพฺเพน  จาริกํ  จรมาโน  ๓-  เยน
อาฬวี   ตทวสริ  ฯ  ตตฺร  สุทํ  อายสฺมา  มหากสฺสโป  อาฬวิยํ  วิหรติ
อคฺคาฬเว   เจติเย   ฯ   อถโข   อายสฺมา  มหากสฺสโป  ปุพฺพณฺหสมยํ
นิวาเสตฺวา     ปตฺตจีวรมาทาย     อาฬวึ    ปิณฺฑาย    ปาวิสิ    ฯ
@เชิงอรรถ: ๑ ยุ. อาฬวกา ฯ ๒ ยุ. ม. กุฏิโย ฯ ๓ อิทํ ปาฐทฺวยํ สพฺพตฺถ
@น ทิสฺสติ ฯ
มนุสฺสา   อายสฺมนฺตํ   มหากสฺสปํ   ปสฺสิตฺวา   อุพฺพิชฺชนฺติปิ   อุตฺตสนฺติปิ
ปลายนฺติปิ    อญฺเญนปิ   คจฺฉนฺติ   อญฺเญนปิ   มุขํ   กโรนฺติ   ทฺวารํปิ
ถเกนฺติ   ฯ   อถโข  อายสฺมา  มหากสฺสโป  อาฬวิยํ  ปิณฺฑาย  จริตฺวา
ปจฺฉาภตฺตํ   ปิณฺฑปาตปฏิกฺกนฺโต   ภิกฺขู   อามนฺเตสิ   ปุพฺพายํ   อาวุโส
อาฬวี    สุภิกฺขา    อโหสิ   สุลภปิณฺฑา   สุกรา   อุญฺเฉน   ปคฺคเหน
ยาเปตุํ   เอตรหิ   โข  ๑-  ปนายํ  อาฬวี  ทุพฺภิกฺขา  ทุลฺลภปิณฺฑา  น
สุกรา   อุญฺเฉน   ปคฺคเหน  ยาเปตุํ  โก  นุ  โข  อาวุโส  เหตุ  โก
ปจฺจโย   เยนายํ   อาฬวี   ทุพฺภิกฺขา  ทุลฺลภปิณฺฑา  น  สุกรา  อุญฺเฉน
ปคฺคเหน   ยาเปตุนฺติ   ฯ  อถโข  เต  ภิกฺขู  อายสฺมโต  มหากสฺสปสฺส
เอตมตฺถํ อาโรเจสุํ ฯ
     [๔๙๘]   อถโข   ภควา   ราชคเห  ยถาภิรนฺตํ  วิหริตฺวา  เยน
อาฬวี   เตน   จาริกํ   ปกฺกามิ   อนุปุพฺเพน   จาริกํ  จรมาโน  เยน
อาฬวี   ตทวสริ   ฯ   ตตฺร   สุทํ  ภควา  อาฬวิยํ  วิหรติ  อคฺคาฬเว
เจติเย   ฯ   อถโข  อายสฺมา  มหากสฺสโป  เยน  ภควา  เตนุปสงฺกมิ
อุปสงฺกมิตฺวา   ภควนฺตํ   อภิวาเทตฺวา   เอกมนฺตํ   นิสีทิ  ฯ  เอกมนฺตํ
นิสินฺโน   โข  อายสฺมา  มหากสฺสโป  ภควโต  เอตมตฺถํ  อาโรเจสิ  ฯ
อถโข    ภควา    เอตสฺมึ    นิทาเน   เอตสฺมึ   ปกรเณ   ภิกฺขุสงฺฆํ
สนฺนิปาตาเปตฺวา   อาฬวิเก  ภิกฺขู  ปฏิปุจฺฉิ  สจฺจํ  กิร  ตุมฺเห  ภิกฺขเว
สญฺญาจิกาโย    กุฏิกาโย   การาเปถ   อสฺสามิกาโย   อตฺตุทฺเทสิกาโย
@เชิงอรรถ: ๑ ยุ. ม. โปตฺถเกสุ อยํ ปาโฐ น โหติ ฯ
อปฺปมาณิกาโย   ตาโย   น  นิฏฺฐานํ  คจฺฉนฺติ  เต  ตุมฺเห  ยาจนพหุลา
วิญฺญตฺติพหุลา   วิหรถ   ปุริสํ   เทถ   ปุริสตฺถกรํ   เทถ   โคณํ  เทถ
สกฏํ   เทถ   วาสึ   เทถ   ผรุสํ  เทถ  กุฐารึ  เทถ  กุทฺทาลํ  เทถ
นิขาทนํ   เทถ   วลฺลึ   เทถ   เวฬุํ  เทถ  มุญฺชํ  เทถ  ปพฺพชํ  เทถ
ติณํ   เทถ   มตฺติกํ   เทถาติ   มนุสฺสา  อุปทฺทุตา  ยาจนาย  อุปทฺทุตา
วิญฺญตฺติยา    ภิกฺขู    ทิสฺวา    อุพฺพิชฺชนฺติปิ    อุตฺตสนฺติปิ   ปลายนฺติปิ
อญฺเญนปิ    คจฺฉนฺติ    อญฺเญนปิ    มุขํ   กโรนฺติ   ทฺวารํปิ   ถเกนฺติ
คาวีปิ ทิสฺวา ปลายนฺติ ภิกฺขูติ มญฺญมานาติ ฯ สจฺจํ ภควาติ ฯ
     {๔๙๘.๑}   วิครหิ พุทฺโธ ภควา อนนุจฺฉวิกํ โมฆปุริสา ฯเปฯ อกรณียํ
กถํ หิ นาม ตุเมฺห โมฆปุริสา สญฺญาจิกาโย กุฏิกาโย การาเปสฺสถ
     {๔๙๘.๒}   อสฺสามิกาโย  อตฺตุทฺเทสิกาโย  อปฺปมาณิกาโย ตาโย น
นิฏฺฐานํ   คจฺฉนฺติ   เต   ตุเมฺห   ยาจนพหุลา  วิญฺญตฺติพหุลา  วิหริสฺสถ
ปุริสํ   เทถ   ปุริสตฺถกรํ   เทถ  โคณํ  เทถ  สกฏํ  เทถ  วาสึ  เทถ
ผรุสํ   เทถ   กุฐารึ  เทถ  กุทฺทาลํ  เทถ  นิขาทนํ  เทถ  วลฺลึ  เทถ
เวฬุํ  เทถ  มุญฺชํ  เทถ  ปพฺพชํ  เทถ  ติณํ  เทถ  มตฺติกํ  เทถาติ เนตํ
โมฆปุริสา   อปฺปสนฺนานํ   วา   ปสาทาย   ฯเปฯ   อญฺญถตฺตายาติ  ฯ
อถโข   ภควา   อาฬวิเก   ภิกฺขู   อเนกปริยาเยน  วิครหิตฺวา  ฯเปฯ
ภิกฺขูนํ ตทนุจฺฉวิกํ ตทนุโลมิกํ ธมฺมึ กถํ กตฺวา ภิกฺขู อามนฺเตสิ ๑-
@เชิงอรรถ: ๑ เนตํ โมฆปุริสา อปฺปสนฺนานํ วา ปสาทาย ฯเปฯ วิครหิตฺวา
@ธมฺมึ กถํ กตฺวา ภิกฺขู อามนฺเตสีติ สพฺพโปตฺถเกสุ อาคตํ ฯ
     [๔๙๙]   ภูตปุพฺพํ   ภิกฺขเว   เทฺว   ภาตโร  อิสโย  คงฺคํ  นทึ
อุปนิสฺสาย   วิหรึสุ   ฯ   อถโข   ภิกฺขเว  มณิกณฺโฐ  นาคราชา  คงฺคํ
นทึ    อุตฺตริตฺวา   เยน   กนิฏฺโฐ   อิสิ   เตนุปสงฺกมิ   อุปสงฺกมิตฺวา
กนิฏฺฐํ   อิสึ   สตฺตกฺขตฺตุํ   โภเคหิ   ปริกฺขิปิตฺวา  อุปริ  มุทฺธนิ  มหนฺตํ
ผณํ  กริตฺวา  อฏฺฐาสิ  ฯ  อถโข  ภิกฺขเว  กนิฏฺโฐ  อิสิ  ตสฺส  นาคสฺส
ภยา     กิโส     อโหสิ    ลูโข    ทุพฺพณฺโณ    อุปฺปณฺฑุปฺปณฺฑุกชาโต
ธมนิสนฺถตคตฺโต   ฯ   อทฺทสา   โข   ภิกฺขเว   เชฏฺโฐ   อิสิ  กนิฏฺฐํ
อิสึ     กิสํ    ลูขํ    ทุพฺพณฺณํ    อุปฺปณฺฑุปฺปณฺฑุกชาตํ    ธมนิสนฺถตคตฺตํ
ทิสฺวาน   กนิฏฺฐํ   อิสึ   เอตทโวจ   กิสฺส   ตฺวํ   โภ   กิโส   ลูโข
ทุพฺพณฺโณ     อุปฺปณฺฑุปฺปณฺฑุกชาโต     ธมนิสนฺถตคตฺโตติ     ฯ     อิธ
เม   โภ   มณิกณฺโฐ   นาคราชา   คงฺคํ   นทึ   อุตฺตริตฺวา   เยนาหํ
เตนุปสงฺกมิ    อุปสงฺกมิตฺวา    มํ   สตฺตกฺขตฺตุํ   โภเคหิ   ปริกฺขิปิตฺวา
อุปริ   มุทฺธนิ   มหนฺตํ   ผณํ   กริตฺวา  อฏฺฐาสิ  ตสฺสาหํ  โภ  นาคสฺส
ภยา   กิโส  ลูโข  ทุพฺพณฺโณ  อุปฺปณฺฑุปฺปณฺฑุกชาโต  ธมนิสนฺถตคตฺโตติ  ฯ
อิจฺฉสิ   ปน   ตฺวํ   โภ   ตสฺส   นาคสฺส   อนาคมนนฺติ  ฯ  อิจฺฉามหํ
โภ  ตสฺส  นาคสฺส  อนาคมนนฺติ  ฯ  อปิ  ปน  ตฺวํ  โภ  ตสฺส  นาคสฺส
กิญฺจิ   ปสฺสสีติ   ฯ   ปสฺสามหํ   โภ   มณิมสฺส  กณฺเฐ  ปิลนฺธนนฺติ  ฯ
เตนหิ   ตฺวํ   โภ   ตํ  นาคํ  มณึ  ยาจ  มณึ  เม  โภ  เทหิ  มณินา
เม    อตฺโถติ   ฯ   อถโข   ภิกฺขเว   มณิกณฺโฐ   นาคราชา   คงฺคํ
นทึ    อุตฺตริตฺวา   เยน   กนิฏฺโฐ   อิสิ   เตนุปสงฺกมิ   อุปสงฺกมิตฺวา
เอกมนฺตํ  อฏฺฐาสิ  ฯ  เอกมนฺตํ  ฐิตํ  โข  ภิกฺขเว  มณิกณฺฐํ นาคราชานํ
กนิฏฺโฐ อิสิ เอตทโวจ มณึ เม โภ เทหิ มณินา เม อตฺโถติ ฯ
     {๔๙๙.๑}   อถโข   ภิกฺขเว   มณิกณฺโฐ   นาคราชา  ภิกฺขุ  มณึ
ยาจติ   ภิกฺขุสฺส   มณินา   อตฺโถติ   ขิปฺปเมว   อคมาสิ   ฯ  ทุติยมฺปิ
โข   ภิกฺขเว   มณิกณฺโฐ   นาคราชา   คงฺคํ   นทึ   อุตฺตริตฺวา  เยน
กนิฏฺโฐ   อิสิ   เตนุปสงฺกมิ   ฯ   อทฺทสา  โข  ภิกฺขเว  กนิฏฺโฐ  อิสิ
มณิกณฺฐํ    นาคราชานํ    ทูรโต   ว   อาคจฺฉนฺตํ   ทิสฺวาน   มณิกณฺฐํ
นาคราชานํ เอตทโวจ มณึ เม โภ เทหิ มณินา เม อตฺโถติ ฯ
     {๔๙๙.๒}   อถโข  ภิกฺขเว  มณิกณฺโฐ  นาคราชา  ภิกฺขุ มณึ ยาจติ
ภิกฺขุสฺส  มณินา  อตฺโถติ  ตโต  ว  ปฏินิวตฺติ  ฯ  ตติยมฺปิ  โข  ภิกฺขเว
มณิกณฺโฐ   นาคราชา   คงฺคํ   นทึ  อุตฺตรติ  ฯ  อทฺทสา  โข  ภิกฺขเว
กนิฏฺโฐ   อิสิ   มณิกณฺฐํ   นาคราชานํ   คงฺคํ   นทึ  อุตฺตรนฺตํ  ทิสฺวาน
มณิกณฺฐํ   นาคราชานํ   เอตทโวจ   มณึ   เม  โภ  เทหิ  มณินา  เม
อตฺโถติ   ฯ   อถโข   ภิกฺขเว   มณิกณฺโฐ   นาคราชา   กนิฏฺฐํ   อิสึ
คาถาหิ อชฺฌภาสิ
               มมนฺนปานํ วิปุลํ อุฬารํ
               อุปฺปชฺชตีมสฺส มณิสฺส เหตุ
               ตนฺเต น ทสฺสํ อติยาจโกสิ
               น จาปิ เต อสฺสมมาคมิสฺสํ ฯ
               สุสู ยถา สกฺขรโธตปาณิ
               ตาเสสิ มํ เสลมยาจมาโน ๑-
               ตนฺเต น ทสฺสํ อติยาจโกสิ
               น จาปิ เต อสฺสมมาคมิสฺสนฺติ ฯ
     {๔๙๙.๓}   อถโข  ภิกฺขเว  มณิกณฺโฐ  นาคราชา  ภิกฺขุ มณึ ยาจติ
ภิกฺขุสฺส   มณินา   อตฺโถติ  ปกฺกามิ  ฯ  ตถา  ปกฺกนฺโต  ว  อโหสิ  น
ปุน   ปจฺจาคญฺฉิ   ฯ   อถโข   ภิกฺขเว   กนิฏฺโฐ  อิสิ  ตสฺส  นาคสฺส
ทสฺสนียสฺส    อทสฺสเนน    ภิยฺโยโส   มตฺตาย   กิโส   อโหสิ   ลูโข
ทุพฺพณฺโณ     อุปฺปณฺฑุปฺปณฺฑุกชาโต     ธมนิสนฺถตคตฺโต    ฯ    อทฺทสา
โข   ภิกฺขเว   เชฏฺโฐ  อิสิ  กนิฏฺฐํ  อิสึ  ภิยฺโยโส  มตฺตาย  กิสํ  ลูขํ
ทุพฺพณฺณํ        อุปฺปณฺฑุปฺปณฺฑุกชาตํ       ธมนิสนฺถตคตฺตํ       ทิสฺวาน
กนิฏฺฐํ   อิสึ   เอตทโวจ   กิสฺส   ตฺวํ   โภ  ภิยฺโยโส  มตฺตาย  กิโส
ลูโข     ทุพฺพณฺโณ     อุปฺปณฺฑุปฺปณฺฑุกชาโต     ธมนิสนฺถตคตฺโตติ    ฯ
ตสฺสาหํ   โภ   นาคสฺส   ทสฺสนียสฺส   อทสฺสเนน   ภิยฺโยโส   มตฺตาย
กิโส    ลูโข   ทุพฺพณฺโณ   อุปฺปณฺฑุปฺปณฺฑุกชาโต   ธมนิสนฺถตคตฺโตติ   ฯ
อถโข ภิกฺขเว เชฏฺโฐ อิสิ กนิฏฺฐํ อิสึ คาถาย อชฺฌภาสิ
               น ตํ ยาเจ ยสฺส ปิยํ ชิคึเส
               เทสฺโส จ ๒- โหติ อติยาจนาย
@เชิงอรรถ: ๑ เสลํ มํ ยาจมาโนติ ปทจฺเฉโท ฯ ๒ สพฺพตฺถ วิเทสฺโสติ
@อาคตํ ฯ
               นาโค มณึ ยาจิโต พฺราหฺมเณน
               อทสฺสนญฺเญว ตทชฺฌคมาติ ฯ
เตสํ   หิ   นาม   ภิกฺขเว  ติรจฺฉานคตานํ  ปาณานํ  อมนาปา  ภวิสฺสติ
ยาจนา อมนาปา วิญฺญตฺติ กิมงฺคํ ปน มนุสฺสภูตานํ ฯ
     [๕๐๐]   ภูตปุพฺพํ  ภิกฺขเว  อญฺญตโร  ภิกฺขุ  หิมวนฺตปสฺเส  วิหรติ
อญฺญตรสฺมึ   วนสณฺเฑ   ฯ   ตสฺส   โข  ปน  ๑-  ภิกฺขเว  วนสณฺฑสฺส
อวิทูเร   มหนฺตํ   นินฺนํ   ปลฺลลํ   ฯ   อถโข  ภิกฺขเว  มหาสกุณสงฺโฆ
ตสฺมึ   ปลฺลเล   ทิวสํ   โคจรํ   จริตฺวา   สายํ  ตํ  วนสณฺฑํ  วาสาย
อุปคจฺฉติ   ฯ   อถโข  ภิกฺขเว  โส  ภิกฺขุ  ตสฺส  สกุณสงฺฆสฺส  สทฺเทน
อุพฺพาโฬฺห    เยนาหํ   เตนุปสงฺกมิ   อุปสงฺกมิตฺวา   มํ   อภิวาเทตฺวา
เอกมนฺตํ นิสีทิ ฯ
     {๕๐๐.๑}   เอกมนฺตํ  นิสินฺนํ  โข  อหํ ภิกฺขเว ตํ ภิกฺขุํ  เอตทโวจํ
กจฺจิ    ภิกฺขุ    ขมนียํ    กจฺจิ    ยาปนียํ    กจฺจิสิ    อปฺปกิลมเถน
อทฺธานํ   อาคโต   กุโต  จ  ตฺวํ  ภิกฺขุ  อาคจฺฉสีติ  ฯ  ขมนียํ  ภควา
ยาปนียํ    ภควา    อปฺปกิลมเถน   จาหํ   ภนฺเต   อทฺธานํ   อาคโต
อตฺถิ   ภนฺเต   หิมวนฺตปสฺเส   มหาวนสณฺโฑ   ตสฺส   โข  ปน  ภนฺเต
วนสณฺฑสฺส  อวิทูเร  มหนฺตํ  นินฺนํ  ปลฺลลํ  อถโข  ภนฺเต  มหาสกุณสงฺโฆ
ตสฺมึ   ปลฺลเล   ทิวสํ   โคจรํ   จริตฺวา   สายํ  ตํ  วนสณฺฑํ  วาสาย
อุปคจฺฉติ     ตโต    อหํ    ภควา   อาคจฺฉามิ   ตสฺส   สกุณสงฺฆสฺส
สทฺเทน   อุพฺพาโฬฺหติ   ฯ   อิจฺฉสิ  ปน  ตฺวํ  ภิกฺขุ  ตสฺส  สกุณสงฺฆสฺส
@เชิงอรรถ: ๑ ยุโรปิยโปตฺถเกยํ ปาโฐ น ปญฺญายติ ฯ
อนาคมนนฺติ   ฯ   อิจฺฉามหํ  ภนฺเต  ตสฺส  สกุณสงฺฆสฺส  อนาคมนนฺติ  ฯ
เตนหิ   ตฺวํ   ภิกฺขุ   ตตฺถ   คนฺตฺวา   ตํ   วนสณฺฑํ   อชฺโฌคาเหตฺวา
รตฺติยา   ปฐมํ   ยามํ   ติกฺขตฺตุํ  สทฺทมนุสฺสาเวหิ  สุณนฺตุ  เม  โภนฺโต
สกุณา   ยาวติกา   อิมสฺมึ   วนสณฺเฑ   วาสํ   อุปคตา   ปตฺเตน  เม
อตฺโถ   เอเกกํ   เม   โภนฺโต  ปตฺตํ  ททนฺตูติ  รตฺติยา  มชฺฌิมํ  ยามํ
ฯเปฯ    รตฺติยา   ปจฺฉิมํ   ยามํ   ติกฺขตฺตุํ   สทฺทมนุสฺสาเวหิ   สุณนฺตุ
เม   โภนฺโต   สกุณา   ยาวติกา   อิมสฺมึ   วนสณฺเฑ   วาสํ  อุปคตา
ปตฺเตน เม อตฺโถ เอเกกํ เม โภนฺโต ปตฺตํ ททนฺตูติ ฯ
     {๕๐๐.๒}   อถโข  ภิกฺขเว  โส  ภิกฺขุ  ตตฺถ  คนฺตฺวา  ตํ วนสณฺฑํ
อชฺโฌคาเหตฺวา   รตฺติยา  ปฐมํ  ยามํ  ติกฺขตฺตุํ  สทฺทมนุสฺสาเวสิ  สุณนฺตุ
เม  โภนฺโต  สกุณา  ยาวติกา  อิมสฺมึ  วนสณฺเฑ  วาสํ  อุปคตา ปตฺเตน
เม  อตฺโถ  เอเกกํ  เม  โภนฺโต  ปตฺตํ  ททนฺตูติ  รตฺติยา  มชฺฌิมํ ยามํ
ฯเปฯ   รตฺติยา   ปจฺฉิมํ   ยามํ  ติกฺขตฺตุํ  สทฺทมนุสฺสาเวสิ  สุณนฺตุ  เม
โภนฺโต   สกุณา   ยาวติกา   อิมสฺมึ  วนสณฺเฑ  วาสํ  อุปคตา  ปตฺเตน
เม  อตฺโถ  เอเกกํ  เม  โภนฺโต  ปตฺตํ  ททนฺตูติ  ฯ อถโข ภิกฺขเว โส
สกุณสงฺโฆ   ภิกฺขุ   ปตฺตํ   ยาจติ   ภิกฺขุสฺส   ปตฺเตน  อตฺโถติ  ตมฺหา
วนสณฺฑา   ปกฺกามิ  ตถา  ปกฺกนฺโต  ว  อโหสิ  น  ปุน  ปจฺจาคญฺฉิ  ฯ
เตสํ   หิ   นาม   ภิกฺขเว  ติรจฺฉานคตานํ  ปาณานํ  อมนาปา  ภวิสฺสติ
ยาจนา อมนาปา วิญฺญตฺติ กิมงฺคํ ปน มนุสฺสภูตานํ ฯ
     [๕๐๑]   ภูตปุพฺพํ  ภิกฺขเว  รฏฺฐปาลสฺส  กุลปุตฺตสฺส  ปิตา รฏฺฐปาลํ
กุลปุตฺตํ คาถาย อชฺฌภาสิ
                อปาหนฺเต น ชานามิ        รฏฺฐปาล พหู ชนา ๑-
                เย มํ สงฺคมฺม ยาจนฺติ       กสฺมา มํ ตฺวํ น ยาจสีติ ฯ
                ยาจโก อปฺปิโย โหติ         ยาจํ อททมปฺปิโย
                ตสฺมาหนฺตํ น ยาจามิ       มา เม วิทฺเทสนา อหูติ ฯ
โส   หิ  นาม  ภิกฺขเว  รฏฺฐปาโล  กุลปุตฺโต  สกํ  ปิตรํ  เอวํ  วกฺขติ
กิมงฺคํ ปน ชโน ชนํ ฯ


             เนื้อความพระไตรปิฎกฉบับภาษาบาลีอักษรไทย เล่มที่ ๑ หน้าที่ ๓๐๒-๓๓๗.
http://84000.org/tipitaka/read/pali_item_s.php?book=1&item=429&items=73&modeTY=2
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
http://84000.org/tipitaka/read/pali_item_s.php?book=1&item=429&items=73&modeTY=2&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
http://84000.org/tipitaka/read/roman_item_s.php?book=1&item=427&items=73&modeTY=2
             อ่านเทียบพระไตรปิฎกภาษาไทยฉบับหลวง :-
http://84000.org/tipitaka/read/byitem_s.php?book=1&item=427&items=73&modeTY=2
             ศึกษาอรรถกถานี้ได้ที่ :-
http://84000.org/tipitaka/attha/attha.php?b=1&i=427
             The Pali Atthakatha in Thai :-
http://84000.org/tipitaka/atthapali/read_th.php?B=2&A=972
             The Pali Atthakatha in Roman :-
http://84000.org/tipitaka/atthapali/read_rm.php?B=2&A=972
             สารบัญพระไตรปิฎกเล่มที่ ๑
http://84000.org/tipitaka/read/?index_1