บาลีพระไตรปิฎกเล่มที่ ๓๓ - พระสุตตันตปิฎกเล่มที่ ๒๕

เอกาทสโม สุเมธพุทฺธวํโส [๑๒] |๑๒.๑| ปทุมุตฺตรสฺส อปเรน สุเมโธ นาม นายโก ทุราสโท อุคฺคเตโช สพฺพโลกุตฺตโม ชิโน ^๑- ฯ |๑๒.๒| ปสนฺนเนตฺโต สุมุโข พฺรหา อุชุ ปตาปวา หิเตสี สพฺพสตฺตานํ พหู โมเจสิ พนฺธนา ฯ |๑๒.๓| ยทา พุทฺโธ ปาปุณิตฺวา เกวลํ โพธิมุตฺตมํ สุทสฺสนมฺหิ นคเร ธมฺมจกฺกํ ปวตฺตยิ ฯ |๑๒.๔| ตสฺสาปิ อภิสมยา ตีณิ อเหสุ ธมฺมเทสเน โกฏิสตสหสฺสานํ ปมาภิสมโย อหุ ฯ |๑๒.๕| ปุนาปรํ กุมฺภกณฺณํ ยกฺขญฺจ ^๒- ทมยี ชิโน นวุติโกฏิสหสฺสานํ ทุติยาภิสมโย อหุ ฯ |๑๒.๖| ปุนาปรํ อมิตยโส จตุสจฺจํ ปกาสยิ อสีติโกฏิสหสฺสานํ ตติยาภิสมโย อหุ ฯ |๑๒.๗| สนฺนิปาตา ตโย อาสุ สุเมธสฺส มเหสิโน ขีณาสวานํ วิมลานํ สนฺตจิตฺตาน ตาทินํ ฯ |๑๒.๘| สุทสฺสนมฺหิ นคเร ^๓- อุปคญฺฉิ ชิโน ยทา ตทา ขีณาสวา ภิกฺขู สมึสุ สตโกฏิโย ฯ |๑๒.๙| ปุนาปรํ เทวกูเฏ ภิกฺขูนํ กินตฺถเต ตทา นวุติโกฏีนํ ทุติโย อาสิ สมาคโม ฯ @เชิงอรรถ: ^๑ ม. มุนิ ฯ ยุ. สพฺพโลกุตฺตโร มุนิ ฯ ^๒ ม. ยุ. ยกฺขํ โส ฯ ^๓ ม. สุทสฺสนํ นาม @นครํ ฯ ยุ. สุทสฺสนํ นครํ วรํ ฯ |๑๒.๑๐| ปุนาปรํ ทสพโล ยทา จรติ จาริกํ ตทา อสีติโกฏีนํ ตติโย อาสิ สมาคโม ฯ |๑๒.๑๑| อหนฺเตน สมเยน อุตฺตโร นาม มาณโว อสีติโกฏิโย มยฺหํ ฆเร สนฺนิจฺจิตํ ธนํ ฯ |๑๒.๑๒| เกวลํ สพฺพํ ทตฺวาน สสงฺเฆ โลกนายเก ^๑- สรณํ ตสฺส อุปคญฺฉึ ปพฺพชฺชํ อภิโรจยึ ฯ |๑๒.๑๓| โสปิ มํ ตทา ^๒- พฺยากาสิ กโรนฺโต อนุโมทนํ ตึสกปฺปสหสฺสมฺหิ อยํ พุทฺโธ ภวิสฺสติ ฯ |๑๒.๑๔| อหุ กปิลวฺหยา รมฺมา นิกฺขมิตฺวา ตถาคโต ปธานํ ปทหิตฺวาน กตฺวา ทุกฺกรการิกํ ฯ |๑๒.๑๕| อชปาลรุกฺขมูลสฺมึ นิสีทิตฺวา ตถาคโต ตตฺถ ปายาสํ ปคฺคยฺห เนรญฺชรมุเปหิติ ฯ |๑๒.๑๖| เนรญฺชราย ตีรมฺหิ ปายาสํ อทิ โส ชิโน ปฏิยตฺตวรมคฺเคน โพธิมูลมฺหิ เอหิติ ฯ |๑๒.๑๗| ตโต ปทกฺขิณํ กตฺวา โพธิมณฺฑํ อนุตฺตรํ อสฺสตฺถ รุกฺขมูลมฺหิ พุชฺฌิสฺสติ มหายโส ฯ |๑๒.๑๘| อิมสฺส ชนิกา มาตา มายา นาม ภวิสฺสติ ปิตา สุทฺโธทโน นาม อยํ เหสฺสติ โคตโม ฯ |๑๒.๑๙| อนาสวา วีตราคา สนฺตจิตฺตา สมาหิตา โกลิโต อุปติสฺโส จ อคฺคา เหสฺสนฺติ สาวกา อานนฺโท นามุปฏฺาโก อุปฏฺิสฺสติ มํ ชินํ ฯ @เชิงอรรถ: ^๑ ยุ. สสงฺฆํ โลกนายก ฯ ^๒ ม. ยุ. พุทฺโธ ฯ |๑๒.๒๐| เขมา อุปฺปลวณฺณา จ อคฺคา เหสฺสนฺติ สาวิกา อนาสวา วีตราคา สนฺตจิตฺตา สมาหิตา ฯ |๑๒.๒๑| โพธิ ตสฺส ภควโต อสฺสตฺโถติ ปวุจฺจติ จิตฺโต จ หตฺถาฬวโก อคฺคา เหสฺสนฺตุปฏฺกา ฯ |๑๒.๒๒| นนฺทมาตา จ อุตฺตรา อคฺคา เหสฺสนฺตุปฏฺิกา อายุ วสฺสสตํ ตสฺส โคตมสฺส ยสสฺสิโน ฯ |๑๒.๒๓| อิทํ สุตฺวาน วจนํ อสมสฺส มเหสิโน อาโมทิตา นรมรู พุทฺธวีชงฺกุโร อยํ ฯ |๑๒.๒๔| อุกฺกุฏฺิสทฺทา วตฺตนฺติ อปฺโผเฏนฺติ หสนฺติ จ กตญฺชลี นมสฺสนฺติ ทสสหสฺสี สเทวกา ฯ |๑๒.๒๕| ยทิมสฺส โลกนาถสฺส วิรชฺฌิสฺสาม สาสนํ อนาคตมฺหิ อทฺธาเน เหสฺสาม สมฺมุขา อิมํ ฯ |๑๒.๒๖| ยถา มนุสฺสา นทึ ตรนฺตา ปฏิติตฺถํ วิรชฺฌิย เหฏฺา ติตฺถํ คเหตฺวาน อุตฺตรนฺติ มหานทึ ฯ |๑๒.๒๗| เอวเมว มยํ สพฺเพ ยทิ มุญฺจามิมํ ชินํ อนาคตมฺหิ อทฺธาเน เหสฺสาม สมฺมุขา อิมํ ฯ |๑๒.๒๘| ตสฺสาปิ วจนํ สุตฺวา ภิยฺโย จิตฺตํ ปสาทยึ อุตฺตรึ ^๑- วตฺตมธิฏฺาสี ทสปารมิปูริยา ฯ |๑๒.๒๙| สุตฺตนฺตํ วินยญฺจาปิ นวงฺคสตฺถุสาสนํ สพฺพํ ปริยาปุณิตฺวาน โสภยึ ชินสาสนํ ฯ @เชิงอรรถ: ^๑ ม. ยุ. อุตฺตริวตมธิฏฺาสึ ฯ |๑๒.๓๐| ตตฺถปฺปมตฺโต วิหรนฺโต นิสชฺชฏฺานจงฺกเม อภิญฺาปารมึ ^๑- ปตฺวา พฺรหฺมโลกมคญฺฉิหํ ฯ |๑๒.๓๑| สุทสฺสนํ นาม นครํ สุทตฺโต นาม ขตฺติโย สุทตฺตา นาม ชนิกา สุเมธสฺส มเหสิโน ฯ |๑๒.๓๒| นววสฺสสหสฺสานิ อคารํ อชฺฌาวสิ โส สุจนฺโท กญฺจโน สิริวฑฺโฒ ตโย ปาสาทมุตฺตมา ฯ |๑๒.๓๓| ติโสฬสสหสฺสานิ นาริโย สมลงฺกตา สุมนา นาม สา นารี ปุนพฺโพ ^๒- นาม อตฺรโช ฯ |๑๒.๓๔| นิมิตฺเต จตุโร ทิสฺวา หตฺถิยาเนน นิกฺขมิ อนูนกํ อฏฺมาสํ ปธานํ ปทหี ชิโน ฯ |๑๒.๓๕| พฺรหฺมุนา ยาจิโต สนฺโต สุเมโธ โลกนายโก วตฺตจกฺโก มหาวีโร สุทสฺสนุยฺยานมุตฺตเม ฯ |๑๒.๓๖| สรโณ จ สพฺพกาโม จ อเหสุ อคฺคสาวกา สาคโร นามุปฏฺาโก สุเมธสฺส มเหสิโน ฯ |๑๒.๓๗| รามา เจว สุรามา จ อเหสุ อคฺคสาวิกา โพธิ ตสฺส ภควโต นิมฺพรุกฺโขติ ^๓- ปวุจฺจติ ฯ |๑๒.๓๘| อุรุเวลา ^๔- เจว ยสวา จ อเหสุ อคฺคุปฏฺกา ยสา ^๕- นาม สิริวา จ อเหสุ อคฺคุปฏฺิกา ฯ |๑๒.๓๙| อฏฺาสีติรตนานิ อจฺจุคฺคโต มหามุนิ โอภาเสติ ทิสา สพฺพา จนฺโท ตารคเณ ยถา ฯ @เชิงอรรถ: ^๑ ม. ยุ. อภิญฺาสุ ปารมึ คนฺตฺวา ฯ ^๒ ม. ปุนพฺพสุ นาม ฯ ยุ. สุมิตฺโต นาม ฯ @^๓ ม. มหานิโปติ ฯ ยุ. มหานิมฺโพติ ฯ ^๔ ม. อุรุเวลา ยสวา จ ฯ ยุ. อุรุเวโฬ จ @ยสโว จ ฯ ^๕ ม. ยุ. ยโสธรา สิริมา จ ฯ |๑๒.๔๐| จกฺกวตฺติมณิ นาม ยถา ตปติ โยชนํ ตเถว ตสฺส รตนํ สมนฺตา ผรติ โยชนํ ฯ |๑๒.๔๑| นวุติวสฺสสหสฺสานิ อายุ วิชฺชติ ตาวเท ตาวตา ติฏฺมาโน โส ตาเรสิ ชนตํ พหุ ฯ |๑๒.๔๒| เตวิชฺชา ฉฬภิญฺาหิ พลปฺปตฺเตหิ ตาทิหิ สมากุลมิทํ อาสิ อรหนฺเตหิ สาสนํ ^๑- ฯ |๑๒.๔๓| เตปิ สพฺเพ อมิตยสา วิปฺปมุตฺตา นิรูปธี าณาโลกํ ทสฺสยิตฺวา นิพฺพุตา เต มหายสา ฯ |๑๒.๔๔| สุเมโธ ชินวโร พุทฺโธ เมธารามมฺหิ นิพฺพุโต ธาตุ วิตฺถาริกํ อาสิ เตสุ เตสุ ปเทสโตติ ฯ สุเมธพุทฺธวํโส เอกาทสโม ฯ

เนื้อความพระไตรปิฎกฉบับภาษาบาลีอักษรไทย เล่มที่ ๓๓ หน้าที่ ๔๘๑-๔๘๕. http://84000.org/tipitaka/read/pali_item_s.php?book=33&item=192&items=1 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/read/pali_item_s.php?book=33&item=192&items=1&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=33&item=192&items=1 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=33&item=192&items=1 ศึกษาอรรถกถานี้ได้ที่ :- http://84000.org/tipitaka/attha/attha.php?b=33&i=192 The Pali Atthakatha in Thai :- http://84000.org/tipitaka/atthapali/read_th.php?B=51&A=6364 The Pali Atthakatha in Roman :- http://84000.org/tipitaka/atthapali/read_rm.php?B=51&A=6364 สารบัญพระไตรปิฎกเล่มที่ ๓๓ http://84000.org/tipitaka/read/?index_33