บาลีพระไตรปิฎกเล่มที่ ๒๒ - พระสุตตันตปิฎกเล่มที่ ๑๔

     [๗๗]   ปญฺจิมานิ  ภิกฺขเว  อนาคตภยานิ  สมฺปสฺสมาเนน  อลเมว
อารญฺเกน    ภิกฺขุนา   อปฺปมตฺเตน   อาตาปินา   ปหิตตฺเตน   วิหริตุํ
อปฺปตฺตสฺส   ปตฺติยา   อนธิคตสฺส   อธิคมาย   อสจฺฉิกตสฺส  สจฺฉิกิริยาย
กตมานิ  ปญฺจ  อิธ  ภิกฺขเว  อารญฺโก  ภิกฺขุ  อิติ  ปฏิสญฺจิกฺขติ อหํ โข
เอตรหิ   เอกโก  อรญฺเ  วิหรามิ  เอกกํ  โข  ปน  อรญฺเ  วิหรนฺตํ
อหิ วา มํ ฑํเสยฺย ^๑- วิจฺฉิกา ^๒- วา มํ ฑํเสยฺย สตปที วา มํ ฑํเสยฺย ^๑-
เตน  เม  อสฺส  กาลกิริยา  โส มมสฺส อนฺตราโย หนฺทาหํ วิริยํ อารภามิ
อปฺปตฺตสฺส   ปตฺติยา   อนธิคตสฺส  อธิคมาย  อสจฺฉิกตสฺส  สจฺฉิกิริยายาติ
อิทํ   ภิกฺขเว   ปมํ   อนาคตภยํ  สมฺปสฺสมาเนน  อลเมว  อารญฺเกน
ภิกฺขุนา    อปฺปมตฺเตน    อาตาปินา   ปหิตตฺเตน   วิหริตุํ   อปฺปตฺตสฺส
ปตฺติยา อนธิคตสฺส อธิคมาย อสจฺฉิกตสฺส สจฺฉิกิริยาย ฯ
     {๗๗.๑}   ปุน  จปรํ  ภิกฺขเว  อารญฺโก  ภิกฺขุ  อิติ  ปฏิสญฺจิกฺขติ
อหํ  โข  เอตรหิ  เอกโก  อรญฺเ  วิหรามิ  เอกโก โข ปนาหํ อรญฺเ
วิหรนฺโต  อุปกฺขเลตฺวา  วา  ปปเตยฺยํ  ภตฺตํ  วา เม ภุตฺตํ พฺยาปชฺเชยฺย
ปิตฺตํ  วา  เม  กุปฺเปยฺย  เสมฺหํ วา เม กุปฺเปยฺย สตฺถกา วา เม วาตา
กุปฺเปยฺยุํ   เต  เม  อสฺส  กาลกิริยา  โส  มมสฺส  อนฺตราโย  หนฺทาหํ
วิริยํ     อารภามิ    อปฺปตฺตสฺส    ปตฺติยา    อนธิคตสฺส    อธิคมาย
@เชิงอรรถ: ^๑ ยุ. ฑเสยฺย ฯ  ^๒ ม. ยุ. วิจฺฉิโก ฯ
อสจฺฉิกตสฺส    สจฺฉิกิริยายาติ    อิทํ    ภิกฺขเว    ทุติยํ    อนาคตภยํ
สมฺปสฺสมาเนน     อลเมว     อารญฺเกน     ภิกฺขุนา    อปฺปมตฺเตน
อาตาปินา    ปหิตตฺเตน    วิหริตุํ    อปฺปตฺตสฺส   ปตฺติยา   อนธิคตสฺส
อธิคมาย อสจฺฉิกตสฺส สจฺฉิกิริยาย ฯ
     {๗๗.๒}   ปุน  จปรํ  ภิกฺขเว  อารญฺโก  ภิกฺขุ  อิติ  ปฏิสญฺจิกฺขติ
อหํ  โข  เอตรหิ  เอกโก  อรญฺเ  วิหรามิ  เอกโก โข ปนาหํ อรญฺเ
วิหรนฺโต  วาเลหิ  สมาคจฺเฉยฺยํ  สีเหน  วา  พฺยคฺเฆน  วา  ทีปินา วา
อจฺเฉน  วา  ตรจฺเฉน  วา  เต  มํ  ชีวิตา  โวโรเปยฺยุํ เตน เม อสฺส
กาลกิริยา  โส  มมสฺส  อนฺตราโย  หนฺทาหํ  วิริยํ  อารภามิ  อปฺปตฺตสฺส
ปตฺติยา  อนธิคตสฺส  อธิคมาย  อสจฺฉิกตสฺส  สจฺฉิกิริยายาติ  อิทํ  ภิกฺขเว
ตติยํ    อนาคตภยํ    สมฺปสฺสมาเนน   อลเมว   อารญฺเกน   ภิกฺขุนา
อปฺปมตฺเตน    อาตาปินา    ปหิตตฺเตน   วิหริตุํ   อปฺปตฺตสฺส   ปตฺติยา
อนธิคตสฺส อธิคมาย อสจฺฉิกตสฺส สจฺฉิกิริยาย ฯ
     {๗๗.๓}   ปุน    จปรํ    ภิกฺขเว    อารญฺโก   ภิกฺขุ   อิติ
ปฏิสญฺจิกฺขติ   อหํ   โข   เอตรหิ   เอกโก  อรญฺเ  วิหรามิ  เอกโก
โข  ปนาหํ  อรญฺเ  วิหรนฺโต  มาณเวหิ  สมาคจฺเฉยฺยํ  กตกมฺเมหิ  วา
อกตกมฺเมหิ  วา  เต  มํ  ชีวิตา  โวโรเปยฺยุํ  เตน เม อสฺส กาลกิริยา
โส   มมสฺส   อนฺตราโย  หนฺทาหํ  วิริยํ  อารภามิ  อปฺปตฺตสฺส  ปตฺติยา
อนธิคตสฺส    อธิคมาย    อสจฺฉิกตสฺส   สจฺฉิกิริยายาติ   อิทํ   ภิกฺขเว
จตุตฺถํ    อนาคตภยํ   สมฺปสฺสมาเนน   อลเมว   อารญฺเกน   ภิกฺขุนา
อปฺปมตฺเตน    อาตาปินา    ปหิตตฺเตน   วิหริตุํ   อปฺปตฺตสฺส   ปตฺติยา
อนธิคตสฺส อธิคมาย อสจฺฉิกตสฺส สจฺฉิกิริยาย ฯ
     {๗๗.๔}   ปุน  จปรํ  ภิกฺขเว  อารญฺโก  ภิกฺขุ  อิติ  ปฏิสญฺจิกฺขติ
อหํ  โข  เอตรหิ  เอกโก  อรญฺเ  วิหรามิ  สนฺติ โข ปนารญฺเ วาลา
อมนุสฺสา  เต  มํ  ชีวิตา โวโรเปยฺยุํ เตน เม อสฺส กาลกิริยา โส มมสฺส
อนฺตราโย   หนฺทาหํ   วิริยํ   อารภามิ  อปฺปตฺตสฺส  ปตฺติยา  อนธิคตสฺส
อธิคมาย    อสจฺฉิกตสฺส    สจฺฉิกิริยายาติ    อิทํ    ภิกฺขเว    ปญฺจมํ
อนาคตภยํ     สมฺปสฺสมาเนน     อลเมว     อารญฺเกน     ภิกฺขุนา
อปฺปมตฺเตน      อาตาปินา      ปหิตตฺเตน     วิหริตุํ     อปฺปตฺตสฺส
ปตฺติยา อนธิคตสฺส อธิคมาย อสจฺฉิกตสฺส สจฺฉิกิริยาย ฯ
     {๗๗.๕}   อิมานิ  โข  ภิกฺขเว  ปญฺจ  อนาคตภยานิ สมฺปสฺสมาเนน
อลเมว   อารญฺเกน   ภิกฺขุนา   อปฺปมตฺเตน   อาตาปินา   ปหิตตฺเตน
วิหริตุํ    อปฺปตฺตสฺส    ปตฺติยา    อนธิคตสฺส   อธิคมาย   อสจฺฉิกตสฺส
สจฺฉิกิริยายาติ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๒๒ หน้าที่ ๑๑๕-๑๑๗. https://84000.org/tipitaka/read/pali_read.php?B=22&A=2419&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=22&A=2419&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=22&item=77&items=1 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=22&siri=77 ศึกษาอรรถกถานี้ได้ที่ :- https://84000.org/tipitaka/attha/attha.php?b=22&i=77 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=16&A=884 The Pali Atthakatha in Roman :- https://84000.org/tipitaka/atthapali/read_rm.php?B=16&A=884 สารบัญพระไตรปิฎกเล่มที่ ๒๒ https://84000.org/tipitaka/read/?index_22 https://84000.org/tipitaka/english/?index_22