บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

หน้าที่ ๒๒๐.

๘ อฏฺฐิเสนชาตกํ ^๑- [๑๐๒๑] เยเม อหํ น ชานามิ อฏฺฐิเสน วนิพฺพเก เต มํ สงฺคมฺม ยาจนฺติ กสฺมา มํ ตฺวํ น ยาจสิ ฯ [๑๐๒๒] ยาจโก อปฺปิโย โหติ ยาจํ อททมปฺปิโย ตสฺมาหนฺตํ น ยาจามิ มา เม วิทฺเทสฺสนา อหุ ฯ [๑๐๒๓] โย จ ^๒- ยาจนชีวาโน กาเล ยาจํ น ยาจติ ปรญฺจ ปุญฺญํ ^๓- ธํเสติ อตฺตนาปิ น ชีวติ ฯ [๑๐๒๔] โย จ ยาจนชีวาโน กาเล ยาจํปิ ^๔- ยาจติ ปรญฺจ ปุญฺญํ ลพฺเภติ อตฺตนาปิ จ ชีวติ ฯ [๑๐๒๕] น เว ทุสฺสนฺติ ^๕- สปฺปญฺญา ทิสฺวา ยาจกมาคเต พฺรหฺมจารี ปิโย เมสิ วร ภญฺญิตมิจฺฉสิ ^๖- ฯ [๑๐๒๖] น เว ยาจนฺติ สปฺปญฺญา ธีโร จ วิทิตุมรหติ อุทฺทิสฺส อริยา ติฏฺฐนฺติ เอสา อริยาน ยาจนา ฯ [๑๐๒๗] ททามิ เต พฺราหฺมณ โรหิณีนํ ควํ สหสฺสํ สห ปุงฺคเวน อริโย หิ อริยสฺส กถํ น ทชฺชา สุตฺวาน คาถา ตว ธมฺมยุตฺตาติ ฯ อฏฺฐิเสนชาตกํ ^๑- อฏฺฐมํ ฯ @เชิงอรรถ: ^๑ ม. อฏฺฐิเสนกชาตกํ ฯ ^๒ ม. โย เว ฯ ^๓ ม. ปุญฺญา ฯ ^๔ ม. ยาจํ หิ ฯ @^๕ ม. เทสฺสนฺติ ฯ สี. ยุ. ทิสฺสนฺติ ฯ ^๖ สี. วร ตํ ภญฺญมีจฺฉสิ ฯ ม. วท ตฺวํ @ภญฺญมิจฺฉสิ ฯ