บาลีพระไตรปิฎกเล่มที่ ๓๖ - พระอภิธรรมปิฎกเล่มที่ ๓

ปญฺจกมาติกา [๑๑] ปญฺจ ปุคฺคลา ฯ อตฺเถกจฺโจ ปุคฺคโล อารมฺภติ จ วิปฺปฏิสารี จ โหติ ตญฺจ เจโตวิมุตฺตึ ปญฺญาวิมุตฺตึ ยถาภูตํ นปฺปชานาติ ยตฺถสฺส เต อุปฺปนฺนา ปาปกา อกุสลา ธมฺมา อปริเสสา นิรุชฺฌนฺติ อตฺเถกจฺโจ ปุคฺคโล อารมฺภติ น วิปฺปฏิสารี โหติ ตญฺจ เจโตวิมุตฺตึ ปญฺญาวิมุตฺตึ ยถาภูตํ นปฺปชานาติ ยตฺถสฺส เต อุปฺปนฺนา ปาปกา อกุสลา ธมฺมา อปริเสสา นิรุชฺฌนฺติ อตฺเถกจฺโจ ปุคฺคโล นารมฺภติ วิปฺปฏิสารี โหติ ตญฺจ เจโตวิมุตฺตึ ปญฺญาวิมุตฺตึ ยถาภูตํ นปฺปชานาติ ยตฺถสฺส เต อุปฺปนฺนา ปาปกา อกุสลา ธมฺมา อปริเสสา นิรุชฺฌนฺติ อตฺเถกจฺโจ ปุคฺคโล นารมฺภติ น วิปฺปฏิสารี โหติ ตญฺจ เจโตวิมุตฺตึ ปญฺญาวิมุตฺตึ ยถาภูตํ นปฺปชานาติ ยตฺถสฺส เต อุปฺปนฺนา ปาปกา อกุสลา ธมฺมา อปริเสสา นิรุชฺฌนฺติ อตฺเถกจฺโจ ปุคฺคโล นารมฺภติ น วิปฺปฏิสารี โหติ ตญฺจ เจโตวิมุตฺตึ ปญฺญาวิมุตฺตึ ยถาภูตํ ปชานาติ ยตฺถสฺส เต อุปฺปนฺนา ปาปกา อกุสลา ธมฺมา

--------------------------------------------------------------------------------------------- หน้าที่ ๑๓๘.

อปริเสสา นิรุชฺฌนฺติ ฯ {๑๑.๑} ทตฺวา อวชานาติ สํวาเสน อวชานาติ อาเธยฺยมุโข โหติ โลโล โหติ มนฺโท โมมูโห โหติ ฯ ปญฺจ โยธาชีวูปมา ปุคฺคลา ฯ ปญฺจ ปิณฺฑปาติกา ฯ ปญฺจ ขลุปจฺฉาภตฺติกา ฯ ปญฺจ เอกาสนิกา ฯ ปญฺจ ปํสุกูลิกา ฯ ปญฺจ เตจีวริกา ฯ ปญฺจ อารญฺญิกา ฯ ปญฺจ รุกฺขมูลิกา ฯ ปญฺจ อพฺโภกาสิกา ฯ ปญฺจ เนสชฺชิกา ฯ ปญฺจ ยถาสนฺถติกา ฯ ปญฺจ โสสานิกา ฯ ปญฺจกมาติกา นิฏฺฐิตา ฯ