พระไตรปิฎกเล่มที่ ๓๙ ภาษาบาลี อักษรไทย
 พระอภิธรรมปิฎกเล่มที่ ๖ อภิ. ยมกํ (๒)

     [๕๕๘]   ยสฺส  ยตฺถ  จกฺขุนฺทฺริยํ  อุปฺปชฺชติ  ตสฺส  ตตฺถ โสตินฺทฺริยํ
อุปฺปชฺชตีติ:    สจกฺขุกานํ    อโสตกานํ    อุปปชฺชนฺตานํ   เตสํ   ตตฺถ
จกฺขุนฺทฺริยํ   อุปฺปชฺชติ   โน   จ   เตสํ   ตตฺถ   โสตินฺทฺริยํ  อุปฺปชฺชติ
สจกฺขุกานํ    สโสตกานํ    อุปปชฺชนฺตานํ   เตสํ   ตตฺถ   จกฺขุนฺทฺริยญฺจ
อุปฺปชฺชติ  โสตินฺทฺริยญฺจ  อุปฺปชฺชติ  ฯ  ยสฺส  วา  ปน  ยตฺถ  โสตินฺทฺริยํ
อุปฺปชฺชติ   ตสฺส   ตตฺถ  จกฺขุนฺทฺริยํ  อุปฺปชฺชตีติ:  สโสตกานํ  อจกฺขุกานํ
อุปปชฺชนฺตานํ   เตสํ   ตตฺถ  โสตินฺทฺริยํ  อุปฺปชฺชติ  โน  จ  เตสํ  ตตฺถ
จกฺขุนฺทฺริยํ    อุปฺปชฺชติ   สโสตกานํ   สจกฺขุกานํ   อุปปชฺชนฺตานํ   เตสํ
ตตฺถ โสตินฺทฺริยญฺจ อุปฺปชฺชติ จกฺขุนฺทฺริยญฺจ อุปฺปชฺชติ ฯ
     [๕๕๙]   ยสฺส  ยตฺถ  จกฺขุนฺทฺริยํ  อุปฺปชฺชติ  ตสฺส  ตตฺถ ฆานินฺทฺริยํ
อุปฺปชฺชตีติ:    สจกฺขุกานํ    อฆานกานํ    อุปปชฺชนฺตานํ   เตสํ   ตตฺถ
จกฺขุนฺทฺริยํ   อุปฺปชฺชติ   โน   จ   เตสํ   ตตฺถ   ฆานินฺทฺริยํ  อุปฺปชฺชติ
สจกฺขุกานํ    สฆานกานํ    อุปปชฺชนฺตานํ   เตสํ   ตตฺถ   จกฺขุนฺทฺริยญฺจ
อุปฺปชฺชติ  ฆานินฺทฺริยญฺจ  อุปฺปชฺชติ  ฯ  ยสฺส  วา  ปน  ยตฺถ  ฆานินฺทฺริยํ
อุปฺปชฺชติ   ตสฺส   ตตฺถ  จกฺขุนฺทฺริยํ  อุปฺปชฺชตีติ:  สฆานกานํ  อจกฺขุกานํ
อุปปชฺชนฺตานํ   เตสํ   ตตฺถ  ฆานินฺทฺริยํ  อุปฺปชฺชติ  โน  จ  เตสํ  ตตฺถ
จกฺขุนฺทฺริยํ    อุปฺปชฺชติ   สฆานกานํ   สจกฺขุกานํ   อุปปชฺชนฺตานํ   เตสํ
ตตฺถ ฆานินฺทฺริยญฺจ อุปฺปชฺชติ จกฺขุนฺทฺริยญฺจ อุปฺปชฺชติ ฯ
     [๕๖๐]   ยสฺส  ยตฺถ  จกฺขุนฺทฺริยํ  อุปฺปชฺชติ  ตสฺส  ตตฺถ อิตฺถินฺทฺริยํ
อุปฺปชฺชตีติ:    สจกฺขุกานํ    นอิตฺถีนํ    อุปปชฺชนฺตานํ    เตสํ    ตตฺถ
จกฺขุนฺทฺริยํ   อุปฺปชฺชติ   โน   จ   เตสํ   ตตฺถ   อิตฺถินฺทฺริยํ  อุปฺปชฺชติ
สจกฺขุกานํ     อิตฺถีนํ    อุปปชฺชนฺตีนํ    ตาสํ    ตตฺถ    จกฺขุนฺทฺริยญฺจ
อุปฺปชฺชติ  อิตฺถินฺทฺริยญฺจ  อุปฺปชฺชติ  ฯ  ยสฺส  วา  ปน  ยตฺถ  อิตฺถินฺทฺริยํ
อุปฺปชฺชติ   ตสฺส   ตตฺถ   จกฺขุนฺทฺริยํ   อุปฺปชฺชตีติ:   อิตฺถีนํ  อจกฺขุกานํ
อุปปชฺชนฺตีนํ   ตาสํ   ตตฺถ   อิตฺถินฺทฺริยํ  อุปฺปชฺชติ  โน  จ  ตาสํ  ตตฺถ
จกฺขุนฺทฺริยํ    อุปฺปชฺชติ    อิตฺถีนํ    สจกฺขุกานํ    อุปปชฺชนฺตีนํ    ตาสํ
ตตฺถ อิตฺถินฺทฺริยญฺจ อุปฺปชฺชติ จกฺขุนฺทฺริยญฺจ อุปฺปชฺชติ ฯ
     [๕๖๑]   ยสฺส  ยตฺถ  จกฺขุนฺทฺริยํ  อุปฺปชฺชติ  ตสฺส  ตตฺถ ปุริสินฺทฺริยํ
อุปฺปชฺชตีติ:    สจกฺขุกานํ    นปุริสานํ    อุปปชฺชนฺตานํ    เตสํ   ตตฺถ
จกฺขุนฺทฺริยํ   อุปฺปชฺชติ   โน   จ   เตสํ   ตตฺถ   ปุริสินฺทฺริยํ  อุปฺปชฺชติ
สจกฺขุกานํ   ปุริสานํ  อุปปชฺชนฺตานํ  เตสํ  ตตฺถ  จกฺขุนฺทฺริยญฺจ  อุปฺปชฺชติ
ปุริสินฺทฺริยญฺจ    อุปฺปชฺชติ   ฯ   ยสฺส   วา   ปน   ยตฺถ   ปุริสินฺทฺริยํ
อุปฺปชฺชติ   ตสฺส   ตตฺถ   จกฺขุนฺทฺริยํ   อุปฺปชฺชตีติ:  ปุริสานํ  อจกฺขุกานํ
อุปปชฺชนฺตานํ   เตสํ   ตตฺถ  ปุริสินฺทฺริยํ  อุปฺปชฺชติ  โน  จ  เตสํ  ตตฺถ
จกฺขุนฺทฺริยํ    อุปฺปชฺชติ    ปุริสานํ    สจกฺขุกานํ   อุปปชฺชนฺตานํ   เตสํ
ตตฺถ ปุริสินฺทฺริยญฺจ อุปฺปชฺชติ จกฺขุนฺทฺริยญฺจ อุปฺปชฺชติ ฯ
     [๕๖๒]   ยสฺส  ยตฺถ  จกฺขุนฺทฺริยํ  อุปฺปชฺชติ  ตสฺส  ตตฺถ ชีวิตินฺทฺริยํ
อุปฺปชฺชตีติ:   อามนฺตา  ฯ  ยสฺส  วา  ปน  ยตฺถ  ชีวิตินฺทฺริยํ  อุปฺปชฺชติ
ตสฺส    ตตฺถ    จกฺขุนฺทฺริยํ    อุปฺปชฺชตีติ:   อจกฺขุกานํ   อุปปชฺชนฺตานํ
เตสํ   ตตฺถ   ชีวิตินฺทฺริยํ   อุปฺปชฺชติ   โน  จ  เตสํ  ตตฺถ  จกฺขุนฺทฺริยํ
อุปฺปชฺชติ    สจกฺขุกานํ    อุปปชฺชนฺตานํ    เตสํ   ตตฺถ   ชีวิตินฺทฺริยญฺจ
อุปฺปชฺชติ จกฺขุนฺทฺริยญฺจ อุปฺปชฺชติ ฯ
     [๕๖๓]   ยสฺส    ยตฺถ   จกฺขุนฺทฺริยํ   อุปฺปชฺชติ   ตสฺส   ตตฺถ
โสมนสฺสินฺทฺริยํ     อุปฺปชฺชตีติ:     สจกฺขุกานํ     วินา    โสมนสฺเสน
อุปปชฺชนฺตานํ   เตสํ   ตตฺถ  จกฺขุนฺทฺริยํ  อุปฺปชฺชติ  โน  จ  เตสํ  ตตฺถ
โสมนสฺสินฺทฺริยํ    อุปฺปชฺชติ    สจกฺขุกานํ    โสมนสฺเสน   อุปปชฺชนฺตานํ
เตสํ   ตตฺถ   จกฺขุนฺทฺริยญฺจ   อุปฺปชฺชติ  โสมนสฺสินฺทฺริยญฺจ  อุปฺปชฺชติ  ฯ
ยสฺส  วา  ปน  ยตฺถ  โสมนสฺสินฺทฺริยํ  อุปฺปชฺชติ  ตสฺส  ตตฺถ  จกฺขุนฺทฺริยํ
อุปฺปชฺชตีติ: อามนฺตา ฯ
     [๕๖๔]   ยสฺส  ยตฺถ  จกฺขุนฺทฺริยํ  อุปฺปชฺชติ ตสฺส ตตฺถ อุเปกฺขินฺทฺริยํ
อุปฺปชฺชตีติ:   สจกฺขุกานํ   วินา   อุเปกฺขาย  อุปปชฺชนฺตานํ  เตสํ  ตตฺถ
จกฺขุนฺทฺริยํ   อุปฺปชฺชติ   โน   จ   เตสํ  ตตฺถ  อุเปกฺขินฺทฺริยํ  อุปฺปชฺชติ
สจกฺขุกานํ    อุเปกฺขาย    อุปปชฺชนฺตานํ   เตสํ   ตตฺถ   จกฺขุนฺทฺริยญฺจ
อุปฺปชฺชติ    อุเปกฺขินฺทฺริยญฺจ    อุปฺปชฺชติ    ฯ    ยสฺส    วา    ปน
ยตฺถ   อุเปกฺขินฺทฺริยํ   อุปฺปชฺชติ   ตสฺส  ตตฺถ  จกฺขุนฺทฺริยํ  อุปฺปชฺชตีติ:
อุเปกฺขาย    อจกฺขุกานํ    อุปปชฺชนฺตานํ   เตสํ   ตตฺถ   อุเปกฺขินฺทฺริยํ
อุปฺปชฺชติ   โน   จ   เตสํ   ตตฺถ   จกฺขุนฺทฺริยํ   อุปฺปชฺชติ  อุเปกฺขาย
สจกฺขุกานํ    อุปปชฺชนฺตานํ   เตสํ   ตตฺถ   อุเปกฺขินฺทฺริยญฺจ   อุปฺปชฺชติ
จกฺขุนฺทฺริยญฺจ อุปฺปชฺชติ ฯ
     [๕๖๕]   ยสฺส  ยตฺถ  จกฺขุนฺทฺริยํ  อุปฺปชฺชติ  ตสฺส  ตตฺถ สทฺธินฺทฺริยํ
อุปฺปชฺชตีติ:    สจกฺขุกานํ    อเหตุกานํ    อุปปชฺชนฺตานํ   เตสํ   ตตฺถ
จกฺขุนฺทฺริยํ   อุปฺปชฺชติ   โน   จ   เตสํ   ตตฺถ   สทฺธินฺทฺริยํ  อุปฺปชฺชติ
สจกฺขุกานํ    สเหตุกานํ    อุปปชฺชนฺตานํ   เตสํ   ตตฺถ   จกฺขุนฺทฺริยญฺจ
อุปฺปชฺชติ  สทฺธินฺทฺริยญฺจ  อุปฺปชฺชติ  ฯ  ยสฺส  วา  ปน  ยตฺถ  สทฺธินฺทฺริยํ
อุปฺปชฺชติ   ตสฺส   ตตฺถ  จกฺขุนฺทฺริยํ  อุปฺปชฺชตีติ:  สเหตุกานํ  อจกฺขุกานํ
อุปปชฺชนฺตานํ   เตสํ   ตตฺถ   สทฺธินฺทฺริยํ   อุปฺปชฺชติ   โน   จ   เตสํ
ตตฺถ    จกฺขุนฺทฺริยํ   อุปฺปชฺชติ   สเหตุกานํ   สจกฺขุกานํ   อุปปชฺชนฺตานํ
เตสํ ตตฺถ สทฺธินฺทฺริยญฺจ อุปฺปชฺชติ จกฺขุนฺทฺริยญฺจ อุปฺปชฺชติ ฯ
     [๕๖๖]   ยสฺส  ยตฺถ  จกฺขุนฺทฺริยํ  อุปฺปชฺชติ  ตสฺส  ตตฺถ ปญฺญินฺทฺริยํ
อุปฺปชฺชตีติ:     สจกฺขุกานํ    ญาณวิปฺปยุตฺตานํ    อุปปชฺชนฺตานํ    เตสํ
ตตฺถ    จกฺขุนฺทฺริยํ    อุปฺปชฺชติ   โน   จ   เตสํ   ตตฺถ   ปญฺญินฺทฺริยํ
อุปฺปชฺชติ    สจกฺขุกานํ   ญาณสมฺปยุตฺตานํ   อุปปชฺชนฺตานํ   เตสํ   ตตฺถ
จกฺขุนฺทฺริยญฺจ   อุปฺปชฺชติ   ปญฺญินฺทฺริยญฺจ   อุปฺปชฺชติ  ฯ  ยสฺส  วา  ปน
ยตฺถ   ปญฺญินฺทฺริยํ   อุปฺปชฺชติ   ตสฺส   ตตฺถ   จกฺขุนฺทฺริยํ   อุปฺปชฺชตีติ:
ญาณสมฺปยุตฺตานํ   อจกฺขุกานํ   อุปปชฺชนฺตานํ   เตสํ   ตตฺถ   ปญฺญินฺทฺริยํ
อุปฺปชฺชติ   โน   จ  เตสํ  ตตฺถ  จกฺขุนฺทฺริยํ  อุปฺปชฺชติ  ญาณสมฺปยุตฺตานํ
สจกฺขุกานํ    อุปปชฺชนฺตานํ    เตสํ    ตตฺถ   ปญฺญินฺทฺริยญฺจ   อุปฺปชฺชติ
จกฺขุนฺทฺริยญฺจ อุปฺปชฺชติ ฯ
     [๕๖๗]   ยสฺส  ยตฺถ  จกฺขุนฺทฺริยํ  อุปฺปชฺชติ  ตสฺส  ตตฺถ  มนินฺทฺริยํ
อุปฺปชฺชตีติ:   อามนฺตา   ฯ  ยสฺส  วา  ปน  ยตฺถ  มนินฺทฺริยํ  อุปฺปชฺชติ
ตสฺส    ตตฺถ    จกฺขุนฺทฺริยํ    อุปฺปชฺชตีติ:    สจิตฺตกานํ    อจกฺขุกานํ
อุปปชฺชนฺตานํ   เตสํ   ตตฺถ   มนินฺทฺริยํ  อุปฺปชฺชติ  โน  จ  เตสํ  ตตฺถ
จกฺขุนฺทฺริยํ    อุปฺปชฺชติ    สจกฺขุกานํ    อุปปชฺชนฺตานํ    เตสํ    ตตฺถ
มนินฺทฺริยญฺจ อุปฺปชฺชติ จกฺขุนฺทฺริยญฺจ อุปฺปชฺชติ ฯ
     [๕๖๘]   ยสฺส  ยตฺถ  ฆานินฺทฺริยํ  อุปฺปชฺชติ  ตสฺส  ตตฺถ อิตฺถินฺทฺริยํ
อุปฺปชฺชตีติ:    สฆานกานํ    นอิตฺถีนํ    อุปปชฺชนฺตานํ    เตสํ    ตตฺถ
ฆานินฺทฺริยํ   อุปฺปชฺชติ   โน   จ   เตสํ   ตตฺถ   อิตฺถินฺทฺริยํ  อุปฺปชฺชติ
สฆานกานํ     อิตฺถีนํ    อุปปชฺชนฺตีนํ    ตาสํ    ตตฺถ    ฆานินฺทฺริยญฺจ
อุปฺปชฺชติ  อิตฺถินฺทฺริยญฺจ  อุปฺปชฺชติ  ฯ  ยสฺส  วา  ปน  ยตฺถ  อิตฺถินฺทฺริยํ
อุปฺปชฺชติ   ตสฺส   ตตฺถ   ฆานินฺทฺริยํ   อุปฺปชฺชตีติ:   อิตฺถีนํ  อฆานกานํ
อุปปชฺชนฺตีนํ   ตาสํ   ตตฺถ   อิตฺถินฺทฺริยํ  อุปฺปชฺชติ  โน  จ  เตสํ  ตตฺถ
ฆานินฺทฺริยํ   อุปฺปชฺชติ   อิตฺถีนํ   สฆานกานํ   อุปปชฺชนฺตีนํ   ตาสํ  ตตฺถ
อิตฺถินฺทฺริยญฺจ อุปฺปชฺชติ ฆานินฺทฺริยญฺจ อุปฺปชฺชติ ฯ
     [๕๖๙]   ยสฺส  ยตฺถ  ฆานินฺทฺริยํ  อุปฺปชฺชติ  ตสฺส  ตตฺถ ปุริสินฺทฺริยํ
อุปฺปชฺชตีติ:    สฆานกานํ    นปุริสานํ    อุปปชฺชนฺตานํ    เตสํ   ตตฺถ
ฆานินฺทฺริยํ   อุปฺปชฺชติ   โน   จ   เตสํ   ตตฺถ   ปุริสินฺทฺริยํ  อุปฺปชฺชติ
สฆานกานํ    ปุริสานํ    อุปปชฺชนฺตานํ    เตสํ    ตตฺถ   ฆานินฺทฺริยญฺจ
อุปฺปชฺชติ  ปุริสินฺทฺริยญฺจ  อุปฺปชฺชติ  ฯ  ยสฺส  วา  ปน  ยตฺถ  ปุริสินฺทฺริยํ
อุปฺปชฺชติ   ตสฺส   ตตฺถ   ฆานินฺทฺริยํ   อุปฺปชฺชตีติ:  ปุริสานํ  อฆานกานํ
อุปปชฺชนฺตานํ   เตสํ   ตตฺถ  ปุริสินฺทฺริยํ  อุปฺปชฺชติ  โน  จ  เตสํ  ตตฺถ
ฆานินฺทฺริยํ    อุปฺปชฺชติ    ปุริสานํ    สฆานกานํ   อุปปชฺชนฺตานํ   เตสํ
ตตฺถ ปุริสินฺทฺริยญฺจ อุปฺปชฺชติ ฆานินฺทฺริยญฺจ อุปฺปชฺชติ ฯ
     [๕๗๐]   ยสฺส  ยตฺถ  ฆานินฺทฺริยํ  อุปฺปชฺชติ  ตสฺส  ตตฺถ ชีวิตินฺทฺริยํ
อุปฺปชฺชตีติ:   อามนฺตา  ฯ  ยสฺส  วา  ปน  ยตฺถ  ชีวิตินฺทฺริยํ  อุปฺปชฺชติ
ตสฺส    ตตฺถ    ฆานินฺทฺริยํ    อุปฺปชฺชตีติ:   อฆานกานํ   อุปปชฺชนฺตานํ
เตสํ   ตตฺถ   ชีวิตินฺทฺริยํ   อุปฺปชฺชติ   โน  จ  เตสํ  ตตฺถ  ฆานินฺทฺริยํ
อุปฺปชฺชติ    สฆานกานํ    อุปปชฺชนฺตานํ    เตสํ   ตตฺถ   ชีวิตินฺทฺริยญฺจ
อุปฺปชฺชติ ฆานินฺทฺริยญฺจ อุปฺปชฺชติ ฯ
     [๕๗๑]   ยสฺส  ยตฺถ  ฆานินฺทฺริยํ อุปฺปชฺชติ ตสฺส ตตฺถ โสมนสฺสินฺทฺริยํ
อุปฺปชฺชตีติ:   สฆานกานํ   วินา  โสมนสฺเสน  อุปปชฺชนฺตานํ  เตสํ  ตตฺถ
ฆานินฺทฺริยํ   อุปฺปชฺชติ   โน   จ  เตสํ  ตตฺถ  โสมนสฺสินฺทฺริยํ  อุปฺปชฺชติ
สฆานกานํ    โสมนสฺเสน   อุปฺปชฺชนฺตานํ   เตสํ   ตตฺถ   ฆานินฺทฺริยญฺจ
อุปฺปชฺชติ    โสมนสฺสินฺทฺริยญฺจ    อุปฺปชฺชติ    ฯ    ยสฺส    วา   ปน
ยตฺถ   โสมนสฺสินฺทฺริยํ   อุปฺปชฺชติ   ตสฺส  ตตฺถ  ฆานินฺทฺริยํ  อุปฺปชฺชตีติ:
โสมนสฺเสน   อฆานกานํ   อุปปชฺชนฺตานํ   เตสํ   ตตฺถ   โสมนสฺสินฺทฺริยํ
อุปฺปชฺชติ   โน   จ   เตสํ   ตตฺถ   ฆานินฺทฺริยํ  อุปฺปชฺชติ  โสมนสฺเสน
สฆานกานํ   อุปปชฺชนฺตานํ   เตสํ   ตตฺถ   โสมนสฺสินฺทฺริยญฺจ   อุปฺปชฺชติ
ฆานินฺทฺริยญฺจ อุปฺปชฺชติ ฯ
     [๕๗๒]   ยสฺส  ยตฺถ  ฆานินฺทฺริยํ  อุปฺปชฺชติ ตสฺส ตตฺถ อุเปกฺขินฺทฺริยํ
อุปฺปชฺชตีติ:    สฆานกานํ    วินา    อุเปกฺขาย   อุปปชฺชนฺตานํ   เตสํ
ตตฺถ   ฆานินฺทฺริยํ   อุปฺปชฺชติ   โน   จ   เตสํ   ตตฺถ   อุเปกฺขินฺทฺริยํ
อุปฺปชฺชติ    สฆานกานํ    อุเปกฺขาย    อุปปชฺชนฺตานํ    เตสํ    ตตฺถ
ฆานินฺทฺริยญฺจ   อุปฺปชฺชติ  อุเปกฺขินฺทฺริยญฺจ  อุปฺปชฺชติ  ฯ  ยสฺส  วา  ปน
ยตฺถ  อุเปกฺขินฺทฺริยํ  อุปฺปชฺชติ  ตสฺส  ตตฺถ  ฆานินฺทฺริยํ  *-  อุปฺปชฺชตีติ:
อุเปกฺขาย    อฆานกานํ    อุปปชฺชนฺตานํ   เตสํ   ตตฺถ   อุเปกฺขินฺทฺริยํ
อุปฺปชฺชติ   โน   จ   เตสํ   ตตฺถ   ฆานินฺทฺริยํ   อุปฺปชฺชติ  อุเปกฺขาย
สฆานกานํ    อุปปชฺชนฺตานํ   เตสํ   ตตฺถ   อุเปกฺขินฺทฺริยญฺจ   อุปฺปชฺชติ
ฆานินฺทฺริยญฺจ อุปฺปชฺชติ ฯ
     [๕๗๓]   ยสฺส  ยตฺถ  ฆานินฺทฺริยํ  อุปฺปชฺชติ  ตสฺส  ตตฺถ สทฺธินฺทฺริยํ
อุปฺปชฺชตีติ:    สฆานกานํ    อเหตุกานํ    อุปปชฺชนฺตานํ   เตสํ   ตตฺถ
ฆานินฺทฺริยํ   อุปฺปชฺชติ   โน   จ   เตสํ   ตตฺถ   สทฺธินฺทฺริยํ  อุปฺปชฺชติ
สฆานกานํ    สเหตุกานํ    อุปปชฺชนฺตานํ   เตสํ   ตตฺถ   ฆานินฺทฺริยญฺจ
อุปฺปชฺชติ  สทฺธินฺทฺริยญฺจ  อุปฺปชฺชติ  ฯ  ยสฺส  วา  ปน  ยตฺถ  สทฺธินฺทฺริยํ
@เชิงอรรถ: * มีการแก้ไขคำ ฆานนฺทฺริยํ เป็น ฆานินฺทฺริยํ
อุปฺปชฺชติ     ตสฺส    ตตฺถ    ฆานินฺทฺริยํ    อุปฺปชฺชตีติ:    สเหตุกานํ
อฆานกานํ   อุปปชฺชนฺตานํ   เตสํ   ตตฺถ  สทฺธินฺทฺริยํ  อุปฺปชฺชติ  โน  จ
เตสํ   ตตฺถ  ฆานินฺทฺริยํ  อุปฺปชฺชติ  สเหตุกานํ  สฆานกานํ  อุปปชฺชนฺตานํ
เตสํ ตตฺถ สทฺธินฺทฺริยญฺจ อุปฺปชฺชติ ฆานินฺทฺริยญฺจ อุปฺปชฺชติ ฯ
     [๕๗๔]   ยสฺส  ยตฺถ  ฆานินฺทฺริยํ  อุปฺปชฺชติ  ตสฺส  ตตฺถ ปญฺญินฺทฺริยํ
อุปฺปชฺชตีติ:       สฆานกานํ       ญาณวิปฺปยุตฺตานํ      อุปปชฺชนฺตานํ
เตสํ   ตตฺถ   ฆานินฺทฺริยํ   อุปฺปชฺชติ   โน  จ  เตสํ  ตตฺถ  ปญฺญินฺทฺริยํ
อุปฺปชฺชติ    สฆานกานํ   ญาณสมฺปยุตฺตานํ   อุปปชฺชนฺตานํ   เตสํ   ตตฺถ
ฆานินฺทฺริยญฺจ   อุปฺปชฺชติ   ปญฺญินฺทฺริยญฺจ   อุปฺปชฺชติ  ฯ  ยสฺส  วา  ปน
ยตฺถ   ปญฺญินฺทฺริยํ   อุปฺปชฺชติ   ตสฺส   ตตฺถ   ฆานินฺทฺริยํ   อุปฺปชฺชตีติ:
ญาณสมฺปยุตฺตานํ   อฆานกานํ   อุปปชฺชนฺตานํ   เตสํ   ตตฺถ   ปญฺญินฺทฺริยํ
อุปฺปชฺชติ   โน   จ  เตสํ  ตตฺถ  ฆานินฺทฺริยํ  อุปฺปชฺชติ  ญาณสมฺปยุตฺตานํ
สฆานกานํ    อุปปชฺชนฺตานํ    เตสํ    ตตฺถ   ปญฺญินฺทฺริยญฺจ   อุปฺปชฺชติ
ฆานินฺทฺริยญฺจ อุปฺปชฺชติ ฯ
     [๕๗๕]   ยสฺส  ยตฺถ  ฆานินฺทฺริยํ  อุปฺปชฺชติ  ตสฺส  ตตฺถ  มนินฺทฺริยํ
อุปฺปชฺชตีติ:    อามนฺตา    ฯ    ยสฺส   วา   ปน   ยตฺถ   มนินฺทฺริยํ
อุปฺปชฺชติ   ตสฺส   ตตฺถ  ฆานินฺทฺริยํ  อุปฺปชฺชตีติ:  สจิตฺตกานํ  อฆานกานํ
อุปปชฺชนฺตานํ   เตสํ   ตตฺถ   มนินฺทฺริยํ  อุปฺปชฺชติ  โน  จ  เตสํ  ตตฺถ
ฆานินฺทฺริยํ    อุปฺปชฺชติ    สฆานกานํ    อุปปชฺชนฺตานํ    เตสํ    ตตฺถ
มนินฺทฺริยญฺจ อุปฺปชฺชติ ฆานินฺทฺริยญฺจ อุปฺปชฺชติ ฯ
     [๕๗๖]   ยสฺส  ยตฺถ  อิตฺถินฺทฺริยํ  อุปฺปชฺชติ  ตสฺส  ตตฺถ ปุริสินฺทฺริยํ
อุปฺปชฺชตีติ:   โน   ฯ   ยสฺส   วา   ปน  ยตฺถ  ปุริสินฺทฺริยํ  อุปฺปชฺชติ
ตสฺส ตตฺถ อิตฺถินฺทฺริยํ อุปฺปชฺชตีติ: โน ฯ
     [๕๗๗]   ยสฺส  ยตฺถ  อิตฺถินฺทฺริยํ  อุปฺปชฺชติ  ตสฺส  ตตฺถ ชีวิตินฺทฺริยํ
อุปฺปชฺชตีติ:   อามนฺตา  ฯ  ยสฺส  วา  ปน  ยตฺถ  ชีวิตินฺทฺริยํ  อุปฺปชฺชติ
ตสฺส   ตตฺถ   อิตฺถินฺทฺริยํ   อุปฺปชฺชตีติ:   นอิตฺถีนํ   อุปปชฺชนฺตานํ  เตสํ
ตตฺถ  ชีวิตินฺทฺริยํ  อุปฺปชฺชติ  โน  จ  เตสํ  ตตฺถ  อิตฺถินฺทฺริยํ  อุปฺปชฺชติ
อิตฺถีนํ     อุปปชฺชนฺตีนํ     ตาสํ    ตตฺถ    ชีวิตินฺทฺริยญฺจ    อุปฺปชฺชติ
อิตฺถินฺทฺริยญฺจ อุปฺปชฺชติ ฯ
     [๕๗๘]   ยสฺส    ยตฺถ   อิตฺถินฺทฺริยํ   อุปฺปชฺชติ   ตสฺส   ตตฺถ
โสมนสฺสินฺทฺริยํ  อุปฺปชฺชตีติ:  อิตฺถีนํ  วินา  โสมนสฺเสน  อุปปชฺชนฺตีนํ ตาสํ
ตตฺถ   อิตฺถินฺทฺริยํ   อุปฺปชฺชติ   โน   จ   ตาสํ   ตตฺถ  โสมนสฺสินฺทฺริยํ
อุปฺปชฺชติ   อิตฺถีนํ   โสมนสฺเสน  อุปปชฺชนฺตีนํ  ตาสํ  ตตฺถ  อิตฺถินฺทฺริยญฺจ
อุปฺปชฺชติ    โสมนสฺสินฺทฺริยญฺจ    อุปฺปชฺชติ    ฯ    ยสฺส    วา   ปน
ยตฺถ     โสมนสฺสินฺทฺริยํ     อุปฺปชฺชติ     ตสฺส    ตตฺถ    อิตฺถินฺทฺริยํ
อุปฺปชฺชตีติ:    โสมนสฺเสน    นอิตฺถีนํ    อุปปชฺชนฺตานํ    เตสํ   ตตฺถ
โสมนสฺสินฺทฺริยํ   อุปฺปชฺชติ   โน   จ  เตสํ  ตตฺถ  อิตฺถินฺทฺริยํ  อุปฺปชฺชติ
โสมนสฺเสน    อิตฺถีนํ    อุปปชฺชนฺตีนํ   ตาสํ   ตตฺถ   โสมนสฺสินฺทฺริยญฺจ
อุปฺปชฺชติ อิตฺถินฺทฺริยญฺจ อุปฺปชฺชติ ฯ
     [๕๗๙]   ยสฺส  ยตฺถ  อิตฺถินฺทฺริยํ  อุปฺปชฺชติ ตสฺส ตตฺถ อุเปกฺขินฺทฺริยํ
อุปฺปชฺชตีติ:    อิตฺถีนํ   วินา   อุเปกฺขาย   อุปปชฺชนฺตีนํ   ตาสํ   ตตฺถ
อิตฺถินฺทฺริยํ   อุปฺปชฺชติ   โน   จ   ตาสํ  ตตฺถ  อุเปกฺขินฺทฺริยํ  อุปฺปชฺชติ
อิตฺถีนํ     อุเปกฺขาย    อุปปชฺชนฺตีนํ    ตาสํ    ตตฺถ    อิตฺถินฺทฺริยญฺจ
อุปฺปชฺชติ   อุเปกฺขินฺทฺริยญฺจ   อุปฺปชฺชติ   ฯ   ยสฺส   วา   ปน   ยตฺถ
อุเปกฺขินฺทฺริยํ    อุปฺปชฺชติ    ตสฺส    ตตฺถ   อิตฺถินฺทฺริยํ   อุปฺปชฺชตีติ:
อุเปกฺขาย    นอิตฺถีนํ    อุปปชฺชนฺตานํ    เตสํ    ตตฺถ   อุเปกฺขินฺทฺริยํ
อุปฺปชฺชติ   โน   จ   เตสํ   ตตฺถ   อิตฺถินฺทฺริยํ   อุปฺปชฺชติ  อุเปกฺขาย
อิตฺถีนํ    อุปปชฺชนฺตีนํ    ตาสํ    ตตฺถ    อุเปกฺขินฺทฺริยญฺจ    อุปฺปชฺชติ
อิตฺถินฺทฺริยญฺจ อุปฺปชฺชติ ฯ
     [๕๘๐]   ยสฺส  ยตฺถ  อตฺถินฺทฺริยํ  อุปฺปชฺชติ  ตสฺส  ตตฺถ สทฺธินฺทฺริยํ
อุปฺปชฺชตีติ:   อิตฺถีนํ   อเหตุกานํ  อุปปชฺชนฺตีนํ  ตาสํ  ตตฺถ  อิตฺถินฺทฺริยํ
อุปฺปชฺชติ    โน    จ   ตาสํ   ตตฺถ   สทฺธินฺทฺริยํ   อุปฺปชฺชติ   อิตฺถีนํ
สเหตุกานํ    อุปปชฺชนฺตีนํ    ตาสํ    ตตฺถ    อิตฺถินฺทฺริยญฺจ   อุปฺปชฺชติ
สทฺธินฺทฺริยญฺจ    อุปฺปชฺชติ   ฯ   ยสฺส   วา   ปน   ยตฺถ   สทฺธินฺทฺริยํ
อุปฺปชฺชติ   ตสฺส   ตตฺถ   อิตฺถินฺทฺริยํ   อุปฺปชฺชตีติ:  สเหตุกานํ  นอิตฺถีนํ
อุปปชฺชนฺตานํ   เตสํ   ตตฺถ  สทฺธินฺทฺริยํ  อุปฺปชฺชติ  โน  จ  เตสํ  ตตฺถ
อิตฺถินฺทฺริยํ   อุปฺปชฺชติ   สเหตุกานํ   อตฺถีนํ   อุปปชฺชนฺตีนํ   ตาสํ  ตตฺถ
สทฺธินฺทฺริยญฺจ อุปฺปชฺชติ อิตฺถินฺทฺริยญฺจ อุปฺปชฺชติ ฯ
     [๕๘๑]   ยสฺส  ยตฺถ  อิตฺถินฺทฺริยํ  อุปฺปชฺชติ  ตสฺส  ตตฺถ ปญฺญินฺทฺริยํ
อุปฺปชฺชตีติ:      อิตฺถีนํ     ญาณวิปฺปยุตฺตานํ     อุปปชฺชนฺตีนํ     ตาสํ
ตตฺถ    อิตฺถินฺทฺริยํ    อุปฺปชฺชติ   โน   จ   ตาสํ   ตตฺถ   ปญฺญินฺทฺริยํ
อุปฺปชฺชติ    อิตฺถีนํ    ญาณสมฺปยุตฺตานํ    อุปปชฺชนฺตีนํ    ตาสํ    ตตฺถ
อิตฺถินฺทฺริยญฺจ   อุปฺปชฺชติ   ปญฺญินฺทฺริยญฺจ   อุปฺปชฺชติ  ฯ  ยสฺส  วา  ปน
ยตฺถ   ปญฺญินฺทฺริยํ   อุปฺปชฺชติ   ตสฺส   ตตฺถ   อิตฺถินฺทฺริยํ  อุปฺปชฺชตีติ:
ญาณสมฺปยุตฺตานํ    นอิตฺถีนํ    อุปปชฺชนฺตานํ   เตสํ   ตตฺถ   ปญฺญินฺทฺริยํ
อุปฺปชฺชติ   โน   จ  เตสํ  ตตฺถ  อิตฺถินฺทฺริยํ  อุปฺปชฺชติ  ญาณสมฺปยุตฺตานํ
อิตฺถีนํ     อุปปชฺชนฺตีนํ     ตาสํ    ตตฺถ    ปญฺญินฺทฺริยญฺจ    อุปฺปชฺชติ
อิตฺถินฺทฺริยญฺจ อุปฺปชฺชติ ฯ
     [๕๘๒]   ยสฺส  ยตฺถ  อิตฺถินฺทฺริยํ  อุปฺปชฺชติ  ตสฺส  ตตฺถ  มนินฺทฺริยํ
อุปฺปชฺชตีติ:   อามนฺตา   ฯ  ยสฺส  วา  ปน  ยตฺถ  มนินฺทฺริยํ  อุปฺปชฺชติ
ตสฺส     ตตฺถ     อิตฺถินฺทฺริยํ    อุปฺปชฺชตีติ:    สจิตฺตกานํ    นอิตฺถีนํ
อุปปชฺชนฺตานํ   เตสํ   ตตฺถ   มนินฺทฺริยํ  อุปฺปชฺชติ  โน  จ  เตสํ  ตตฺถ
อิตฺถินฺทฺริยํ   อุปฺปชฺชติ  อิตฺถีนํ  อุปปชฺชนฺตีนํ  ตาสํ  ตตฺถ  มนินฺทฺริยญฺจ
อุปฺปชฺชติ อิตฺถินฺทฺริยญฺจ อุปฺปชฺชติ ฯ
     [๕๘๓]   ยสฺส  ยตฺถ  ปุริสินฺทฺริยํ  อุปฺปชฺชติ  ตสฺส  ตตฺถ ชีวิตินฺทฺริยํ
อุปฺปชฺชตีติ:    อามนฺตา    ฯ   ยสฺส   วา   ปน   ยตฺถ   ชีวิตินฺทฺริยํ
อุปฺปชฺชติ     ตสฺส     ตตฺถ    ปุริสินฺทฺริยํ    อุปฺปชฺชตีติ:    นปุริสานํ
อุปปชฺชนฺตานํ   เตสํ   ตตฺถ  ชีวิตินฺทฺริยํ  อุปฺปชฺชติ  โน  จ  เตสํ  ตตฺถ
ปุริสินฺทฺริยํ  อุปฺปชฺชติ  ปุริสานํ  อุปปชฺชนฺตานํ  เตสํ ตตฺถ ชีวิตินฺทฺริยญฺจ
อุปฺปชฺชติ ปุริสินฺทฺริยญฺจ อุปฺปชฺชติ ฯ
     [๕๘๔]   ยสฺส    ยตฺถ   ปุริสินฺทฺริยํ   อุปฺปชฺชติ   ตสฺส   ตตฺถ
โสมนสฺสินฺทฺริยํ   อุปฺปชฺชตีติ:   ปุริสานํ  วินา  โสมนสฺเสน  อุปปชฺชนฺตานํ
เตสํ   ตตฺถ  ปุริสินฺทฺริยํ  อุปฺปชฺชติ  โน  จ  เตสํ  ตตฺถ  โสมนสฺสินฺทฺริยํ
อุปฺปชฺชติ  ปุริสานํ  โสมนสฺเสน  อุปปชฺชนฺตานํ  เตสํ  ตตฺถ  ปุริสินฺทฺริยญฺจ
อุปฺปชฺชติ   โสมนสฺสินฺทฺริยญฺจ   อุปฺปชฺชติ   ฯ   ยสฺส   วา   ปน  ยตฺถ
โสมนสฺสินฺทฺริยํ    อุปฺปชฺชติ    ตสฺส    ตตฺถ   ปุริสินฺทฺริยํ   อุปฺปชฺชตีติ:
โสมนสฺเสน    นปุริสานํ   อุปปชฺชนฺตานํ   เตสํ   ตตฺถ   โสมนสฺสินฺทฺริยํ
อุปฺปชฺชติ   โน   จ   เตสํ   ตตฺถ   ปุริสินฺทฺริยํ  อุปฺปชฺชติ  โสมนสฺเสน
ปุริสานํ    อุปปชฺชนฺตานํ    เตสํ   ตตฺถ   โสมนสฺสินฺทฺริยญฺจ   อุปฺปชฺชติ
ปุริสินฺทฺริยญฺจ อุปฺปชฺชติ ฯ
     [๕๘๕]   ยสฺส  ยตฺถ  ปุริสินฺทฺริยํ  อุปฺปชฺชติ ตสฺส ตตฺถ อุเปกฺขินฺทฺริยํ
อุปฺปชฺชตีติ:    ปุริสานํ    วินา    อุเปกฺขาย    อุปปชฺชนฺตานํ    เตสํ
ตตฺถ   ปุริสินฺทฺริยํ   อุปฺปชฺชติ   โน   จ   เตสํ   ตตฺถ   อุเปกฺขินฺทฺริยํ
อุปฺปชฺชติ   ปุริสานํ  อุเปกฺขาย  อุปปชฺชนฺตานํ  เตสํ  ตตฺถ  ปุริสินฺทฺริยญฺจ
อุปฺปชฺชติ   อุเปกฺขินฺทฺริยญฺจ   อุปฺปชฺชติ   ฯ   ยสฺส   วา   ปน   ยตฺถ
อุเปกฺขินฺทฺริยํ    อุปฺปชฺชติ    ตสฺส    ตตฺถ   ปุริสินฺทฺริยํ   อุปฺปชฺชตีติ:
อุเปกฺขาย    นปุริสานํ    อุปปชฺชนฺตานํ    เตสํ   ตตฺถ   อุเปกฺขินฺทฺริยํ
อุปฺปชฺชติ   โน   จ   เตสํ   ตตฺถ   ปุริสินฺทฺริยํ   อุปฺปชฺชติ  อุเปกฺขาย
ปุริสานํ    อุปปชฺชนฺตานํ    เตสํ    ตตฺถ   อุเปกฺขินฺทฺริยญฺจ   อุปฺปชฺชติ
ปุริสินฺทฺริยญฺจ อุปฺปชฺชติ ฯ
     [๕๘๖]   ยสฺส  ยตฺถ  ปุริสินฺทฺริยํ  อุปฺปชฺชติ  ตสฺส  ตตฺถ สทฺธินฺทฺริยํ
อุปฺปชฺชตีติ:    ปุริสานํ    อเหตุกานํ    อุปปชฺชนฺตานํ    เตสํ    ตตฺถ
ปุริสินฺทฺริยํ   อุปฺปชฺชติ   โน   จ   เตสํ   ตตฺถ   สทฺธินฺทฺริยํ  อุปฺปชฺชติ
ปุริสานํ    สเหตุกานํ    อุปปชฺชนฺตานํ    เตสํ    ตตฺถ   ปุริสินฺทฺริยญฺจ
อุปฺปชฺชติ  สทฺธินฺทฺริยญฺจ  อุปฺปชฺชติ  ฯ  ยสฺส  วา  ปน  ยตฺถ  สทฺธินฺทฺริยํ
อุปฺปชฺชติ   ตสฺส   ตตฺถ   ปุริสินฺทฺริยํ  อุปฺปชฺชตีติ:  สเหตุกานํ  นปุริสานํ
อุปปชฺชนฺตานํ   เตสํ   ตตฺถ  สทฺธินฺทฺริยํ  อุปฺปชฺชติ  โน  จ  เตสํ  ตตฺถ
ปุริสินฺทฺริยํ   อุปฺปชฺชติ   สเหตุกานํ   ปุริสานํ  อุปปชฺชนฺตานํ  เตสํ  ตตฺถ
สทฺธินฺทฺริยญฺจ อุปฺปชฺชติ ปุริสินฺทฺริยญฺจ อุปฺปชฺชติ ฯ
     [๕๘๗]   ยสฺส  ยตฺถ  ปุริสินฺทฺริยํ  อุปฺปชฺชติ  ตสฺส  ตตฺถ ปญฺญินฺทฺริยํ
อุปฺปชฺชตีติ:     ปุริสานํ     ญาณวิปฺปยุตฺตานํ     อุปปชฺชนฺตานํ    เตสํ
ตตฺถ    ปุริสินฺทฺริยํ    อุปฺปชฺชติ   โน   จ   เตสํ   ตตฺถ   ปญฺญินฺทฺริยํ
อุปฺปชฺชติ    ปุริสานํ    ญาณสมฺปยุตฺตานํ    อุปปชฺชนฺตานํ   เตสํ   ตตฺถ
ปุริสินฺทฺริยญฺจ   อุปฺปชฺชติ   ปญฺญินฺทฺริยญฺจ   อุปฺปชฺชติ  ฯ  ยสฺส  วา  ปน
ยตฺถ   ปญฺญินฺทฺริยํ   อุปฺปชฺชติ   ตสฺส   ตตฺถ   ปุริสินฺทฺริยํ  อุปฺปชฺชตีติ:
ญาณสมฺปยุตฺตานํ    นปุริสานํ   อุปปชฺชนฺตานํ   เตสํ   ตตฺถ   ปญฺญินฺทฺริยํ
อุปฺปชฺชติ   โน   จ  เตสํ  ตตฺถ  ปุริสินฺทฺริยํ  อุปฺปชฺชติ  ญาณสมฺปยุตฺตานํ
ปุริสานํ    อุปปชฺชนฺตานํ    เตสํ    ตตฺถ    ปญฺญินฺทฺริยญฺจ    อุปฺปชฺชติ
ปุริสินฺทฺริยญฺจ อุปฺปชฺชติ ฯ
     [๕๘๘]   ยสฺส  ยตฺถ  ปุริสินฺทฺริยํ  อุปฺปชฺชติ  ตสฺส  ตตฺถ  มนินฺทฺริยํ
อุปฺปชฺชตีติ:   อามนฺตา   ฯ  ยสฺส  วา  ปน  ยตฺถ  มนินฺทฺริยํ  อุปฺปชฺชติ
ตสฺส     ตตฺถ    ปุริสินฺทฺริยํ    อุปฺปชฺชตีติ:    สจิตฺตกานํ    นปุริสานํ
อุปปชฺชนฺตานํ   เตสํ   ตตฺถ   มนินฺทฺริยํ  อุปฺปชฺชติ  โน  จ  เตสํ  ตตฺถ
ปุริสินฺทฺริยํ   อุปฺปชฺชติ  ปุริสานํ  อุปปชฺชนฺตานํ  เตสํ  ตตฺถ  มนินฺทฺริยญฺจ
อุปฺปชฺชติ ปุริสินฺทฺริยญฺจ อุปฺปชฺชติ ฯ
     [๕๘๙]   ยสฺส    ยตฺถ   ชีวิตินฺทฺริยํ   อุปฺปชฺชติ   ตสฺส   ตตฺถ
โสมนสฺสินฺทฺริยํ   อุปฺปชฺชตีติ:   วินา  โสมนสฺเสน  อุปปชฺชนฺตานํ  ปวตฺเต
โสมนสฺสวิปฺปยุตฺตจิตฺตสฺส    อุปฺปาทกฺขเณ    เตสํ    ตตฺถ    ชีวิตินฺทฺริยํ
อุปฺปชฺชติ   โน   จ  เตสํ  ตตฺถ  โสมนสฺสินฺทฺริยํ  อุปฺปชฺชติ  โสมนสฺเสน
อุปปชฺชนฺตานํ     ปวตฺเต     โสมนสฺสสมฺปยุตฺตจิตฺตสฺส     อุปฺปาทกฺขเณ
เตสํ      ตตฺถ      ชีวิตินฺทฺริยญฺจ     อุปฺปชฺชติ     โสมนสฺสินฺทฺริยญฺจ
อุปฺปชฺชติ   ฯ   ยสฺส   วา  ปน  ยตฺถ  โสมนสฺสินฺทฺริยํ  อุปฺปชฺชติ  ตสฺส
ตตฺถ ชีวิตินฺทฺริยํ อุปฺปชฺชตีติ: อามนฺตา ฯ
     [๕๙๐]   ยสฺส    ยตฺถ   ชีวิตินฺทฺริยํ   อุปฺปชฺชติ   ตสฺส   ตตฺถ
อุเปกฺขินฺทฺริยํ   อุปฺปชฺชตีติ:   วินา   อุเปกฺขาย   อุปปชฺชนฺตานํ  ปวตฺเต
อุเปกฺขาวิปฺปยุตฺตจิตฺตสฺส    อุปฺปาทกฺขเณ    เตสํ    ตตฺถ    ชีวิตินฺทฺริยํ
อุปฺปชฺชติ   โน   จ   เตสํ   ตตฺถ  อุเปกฺขินฺทฺริยํ  อุปฺปชฺชติ  อุเปกฺขาย
อุปปชฺชนฺตานํ     ปวตฺเต     อุเปกฺขาสมฺปยุตฺตจิตฺตสฺส     อุปฺปาทกฺขเณ
เตสํ   ตตฺถ   ชีวิตินฺทฺริยญฺจ   อุปฺปชฺชติ   อุเปกฺขินฺทฺริยญฺจ  อุปฺปชฺชติ  ฯ
ยสฺส   วา  ปน  ยตฺถ  อุเปกฺขินฺทฺริยํ  อุปฺปชฺชติ  ตสฺส  ตตฺถ  ชีวิตินฺทฺริยํ
อุปฺปชฺชตีติ: อามนฺตา ฯ
     [๕๙๑]   ยสฺส  ยตฺถ  ชีวิตินฺทฺริยํ  อุปฺปชฺชติ  ตสฺส  ตตฺถ สทฺธินฺทฺริยํ
อุปฺปชฺชตีติ:   อเหตุกานํ   อุปปชฺชนฺตานํ   ปวตฺเต  สทฺธาวิปฺปยุตฺตจิตฺตสฺส
อุปฺปาทกฺขเณ   เตสํ   ตตฺถ  ชีวิตินฺทฺริยํ  อุปฺปชฺชติ  โน  จ  เตสํ  ตตฺถ
สทฺธินฺทฺริยํ      อุปฺปชฺชติ     สเหตุกานํ     อุปปชฺชนฺตานํ     ปวตฺเต
สทฺธาสมฺปยุตฺตจิตฺตสฺส    อุปฺปาทกฺขเณ    เตสํ    ตตฺถ    ชีวิตินฺทฺริยญฺจ
อุปฺปชฺชติ    สทฺธินฺทฺริยญฺจ    อุปฺปชฺชติ   ฯ   ยสฺส   วา   ปน   ยตฺถ
สทฺธินฺทฺริยํ     อุปฺปชฺชติ    ตสฺส    ตตฺถ    ชีวิตินฺทฺริยํ    อุปฺปชฺชตีติ:
อามนฺตา ฯ
     [๕๙๒]   ยสฺส  ยตฺถ  ชีวิตินฺทฺริยํ  อุปฺปชฺชติ  ตสฺส  ตตฺถ ปญฺญินฺทฺริยํ
อุปฺปชฺชตีติ:        ญาณวิปฺปยุตฺตานํ       อุปปชฺชนฺตานํ       ปวตฺเต
ญาณวิปฺปยุตฺตจิตฺตสฺส     อุปฺปาทกฺขเณ     เตสํ     ตตฺถ    ชีวิตินฺทฺริยํ
อุปฺปชฺชติ   โน   จ  เตสํ  ตตฺถ  ปญฺญินฺทฺริยํ  อุปฺปชฺชติ  ญาณสมฺปยุตฺตานํ
อุปปชฺชนฺตานํ    ปวตฺเต    ญาณสมฺปยุตฺตจิตฺตสฺส    อุปฺปาทกฺขเณ   เตสํ
ตตฺถ     ชีวิตินฺทฺริยญฺจ    อุปฺปชฺชติ    ปญฺญินฺทฺริยญฺจ    อุปฺปชฺชติ    ฯ
ยสฺส   วา   ปน   ยตฺถ  ปญฺญินฺทฺริยํ  อุปฺปชฺชติ  ตสฺส  ตตฺถ  ชีวิตินฺทฺริยํ
อุปฺปชฺชตีติ: อามนฺตา ฯ
     [๕๙๓]   ยสฺส  ยตฺถ  ชีวิตินฺทฺริยํ  อุปฺปชฺชติ  ตสฺส  ตตฺถ  มนินฺทฺริยํ
อุปฺปชฺชตีติ:    อจิตฺตกานํ    อุปปชฺชนฺตานํ    เตสํ   ตตฺถ   ชีวิตินฺทฺริยํ
อุปฺปชฺชติ   โน   จ   เตสํ   ตตฺถ   มนินฺทฺริยํ   อุปฺปชฺชติ   สจิตฺตกานํ
อุปปชฺชนฺตานํ  ปวตฺเต  จิตฺตสฺส  อุปฺปาทกฺขเณ  เตสํ  ตตฺถ  ชีวิตินฺทฺริยญฺจ
อุปฺปชฺชติ    มนินฺทฺริยญฺจ    อุปฺปชฺชติ    ฯ   ยสฺส   วา   ปน   ยตฺถ
มนินฺทฺริยํ อุปฺปชฺชติ ตสฺส ตตฺถ ชีวิตินฺทฺริยํ อุปฺปชฺชตีติ: อามนฺตา ฯ
     [๕๙๔]   ยสฺส   ยตฺถ   โสมนสฺสินฺทฺริยํ   อุปฺปชฺชติ   ตสฺส  ตตฺถ
อุเปกฺขินฺทฺริยํ  อุปฺปชฺชตีติ:  โน  ฯ  ยสฺส  วา  ปน  ยตฺถ  อุเปกฺขินฺทฺริยํ
อุปฺปชฺชติ ตสฺส ตตฺถ โสมนสฺสินฺทฺริยํ อุปฺปชฺชตีติ: โน ฯ
     [๕๙๕]   ยสฺส   ยตฺถ   โสมนสฺสินฺทฺริยํ   อุปฺปชฺชติ   ตสฺส  ตตฺถ
สทฺธินฺทฺริยํ      อุปฺปชฺชตีติ:      ปวตฺเต      โสมนสฺสสมฺปยุตฺตสทฺธา-
วิปฺปยุตฺตจิตฺตสฺส   อุปฺปาทกฺขเณ   เตสํ  ตตฺถ  โสมนสฺสินฺทฺริยํ  อุปฺปชฺชติ
โน   จ   เตสํ  ตตฺถ  สทฺธินฺทฺริยํ  อุปฺปชฺชติ  โสมนสฺเสน  อุปปชฺชนฺตานํ
ปวตฺเต       โสมนสฺสสมฺปยุตฺตสทฺธาสมฺปยุตฺตจิตฺตสฺส       อุปฺปาทกฺขเณ
เตสํ ตตฺถ โสมนสฺสินฺทฺริยญฺจ อุปฺปชฺชติ สทฺธินฺทฺริยญฺจ อุปฺปชฺชติ ฯ
     {๕๙๕.๑}   ยสฺส   วา   ปน  ยตฺถ  สทฺธินฺทฺริยํ  อุปฺปชฺชติ  ตสฺส
ตตฺถ    โสมนสฺสินฺทฺริยํ   อุปฺปชฺชตีติ:   สเหตุกานํ   วินา   โสมนสฺเสน
อุปปชฺชนฺตานํ       ปวตฺเต       สทฺธาสมฺปยุตฺตโสมนสฺสวิปฺปยุตฺตจิตฺตสฺส
อุปฺปาทกฺขเณ   เตสํ   ตตฺถ  สทฺธินฺทฺริยํ  อุปฺปชฺชติ  โน  จ  เตสํ  ตตฺถ
โสมนสฺสินฺทฺริยํ     อุปฺปชฺชติ    โสมนสฺเสน    อุปปชฺชนฺตานํ    ปวตฺเต
สทฺธาสมฺปยุตฺตโสมนสฺสสมฺปยุตฺตจิตฺตสฺส     อุปฺปาทกฺขเณ    เตสํ    ตตฺถ
สทฺธินฺทฺริยญฺจ อุปฺปชฺชติ โสมนสฺสินฺทฺริยญฺจ อุปฺปชฺชติ ฯ
     [๕๙๖]   ยสฺส   ยตฺถ   โสมนสฺสินฺทฺริยํ   อุปฺปชฺชติ   ตสฺส  ตตฺถ
ปญฺญินฺทฺริยํ       อุปฺปชฺชตีติ:       โสมนสฺเสน       ญาณวิปฺปยุตฺตานํ
อุปปชฺชนฺตานํ        ปวตฺเต       โสมนสฺสสมฺปยุตฺตญาณวิปฺปยุตฺตจิตฺตสฺส
อุปฺปาทกฺขเณ   เตสํ   ตตฺถ   โสมนสฺสินฺทฺริยํ   อุปฺปชฺชติ  โน  จ  เตสํ
ตตฺถ     ปญฺญินฺทฺริยํ     อุปฺปชฺชติ     โสมนสฺเสน     ญาณสมฺปยุตฺตานํ
อุปปชฺชนฺตานํ        ปวตฺเต       โสมนสฺสสมฺปยุตฺตญาณสมฺปยุตฺตจิตฺตสฺส
อุปฺปาทกฺขเณ   เตสํ   ตตฺถ   โสมนสฺสินฺทฺริยญฺจ  อุปฺปชฺชติ  ปญฺญินฺทฺริยญฺจ
อุปฺปชฺชติ ฯ
     {๕๙๖.๑}   ยสฺส  วา  ปน  ยตฺถ  ปญฺญินฺทฺริยํ  อุปฺปชฺชติ ตสฺส ตตฺถ
โสนสฺสินฺทฺริยํ    อุปฺปชฺชตีติ:    ญาณสมฺปยุตฺตานํ    วินา    โสมนสฺเสน
อุปปชฺชนฺตานํ        ปวตฺเต       ญาณสมฺปยุตฺตโสมนสฺสวิปฺปยุตฺตจิตฺตสฺส
อุปฺปาทกฺขเณ   เตสํ   ตตฺถ  ปญฺญินฺทฺริยํ  อุปฺปชฺชติ  โน  จ  เตสํ  ตตฺถ
โสมนสฺสินฺทฺริยํ       อุปฺปชฺชติ       ญาณสมฺปยุตฺตานํ      โสมนสฺเสน
อุปปชฺชนฺตานํ        ปวตฺเต       ญาณสมฺปยุตฺตโสมนสฺสสมฺปยุตฺตจิตฺตสฺส
อุปฺปาทกฺขเณ   เตสํ   ตตฺถ   ปญฺญินฺทฺริยญฺจ  อุปฺปชฺชติ  โสมนสฺสินฺทฺริยญฺจ
อุปฺปชฺชติ ฯ
     [๕๙๗]   ยสฺส   ยตฺถ   โสมนสฺสินฺทฺริยํ   อุปฺปชฺชติ   ตสฺส  ตตฺถ
มนินฺทฺริยํ   อุปฺปชฺชตีติ:   อามนฺตา  ฯ  ยสฺส  วา  ปน  ยตฺถ  มนินฺทฺริยํ
อุปฺปชฺชติ    ตสฺส    ตตฺถ    โสมนสฺสินฺทฺริยํ   อุปฺปชฺชตีติ:   สจิตฺตกานํ
วินา    โสมนสฺเสน   อุปปชฺชนฺตานํ   ปวตฺเต   โสมนสฺสวิปฺปยุตฺตจิตฺตสฺส
อุปฺปาทกฺขเณ   เตสํ   ตตฺถ   มนินฺทฺริยํ  อุปฺปชฺชติ  โน  จ  เตสํ  ตตฺถ
โสมนสฺสินฺทฺริยํ     อุปฺปชฺชติ    โสมนสฺเสน    อุปปชฺชนฺตานํ    ปวตฺเต
โสมนสฺสสมฺปยุตฺตจิตฺตสฺส    อุปฺปาทกฺขเณ    เตสํ    ตตฺถ   มนินฺทฺริยญฺจ
อุปฺปชฺชติ โสมนสฺสินฺทฺริยญฺจ อุปฺปชฺชติ ฯ
     [๕๙๘]   ยสฺส   ยตฺถ   อุเปกฺขินฺทฺริยํ   อุปฺปชฺชติ   ตสฺส   ตตฺถ
สทฺธินฺทฺริยํ     อุปฺปชฺชตีติ:    อุเปกฺขาย    อเหตุกานํ    อุปปชฺชนฺตานํ
ปวตฺเต    อุเปกฺขาสมฺปยุตฺตสทฺธาวิปฺปยุตฺตจิตฺตสฺส    อุปฺปาทกฺขเณ   เตสํ
ตตฺถ   อุเปกฺขินฺทฺริยํ   อุปฺปชฺชติ   โน   จ   เตสํ   ตตฺถ   สทฺธินฺทฺริยํ
อุปฺปชฺชติ   อุเปกฺขาย   สเหตุกานํ   อุปปชฺชนฺตานํ   ปวตฺเต  อุเปกฺขา-
สมฺปยุตฺตสทฺธาสมฺปยุตฺตจิตฺตสฺส      อุปฺปาทกฺขเณ      เตสํ      ตตฺถ
อุเปกฺขินฺทฺริยญฺจ อุปฺปชฺชติ สทฺธินฺทฺริยญฺจ อุปฺปชฺชติ ฯ
     {๕๙๘.๑}   ยสฺส  วา  ปน  ยตฺถ  สทฺธินฺทฺริยํ  อุปฺปชฺชติ ตสฺส ตตฺถ
อุเปกฺขินฺทฺริยํ   อุปฺปชฺชตีติ:   สเหตุกานํ  วินา  อุเปกฺขาย  อุปปชฺชนฺตานํ
ปวตฺเต       สทฺธาสมฺปยุตฺตอุเปกฺขาวิปฺปยุตฺตจิตฺตสฺส       อุปฺปาทกฺขเณ
เตสํ   ตตฺถ   สทฺธินฺทฺริยํ  อุปฺปชฺชติ  โน  จ  เตสํ  ตตฺถ  อุเปกฺขินฺทฺริยํ
อุปฺปชฺชติ      สเหตุกานํ     อุเปกฺขาย     อุปปชฺชนฺตานํ     ปวตฺเต
สทฺธาสมฺปยุตฺตอุเปกฺขาสมฺปยุตฺตจิตฺตสฺส        อุปฺปาทกฺขเณ        เตสํ
ตตฺถ สทฺธินฺทฺริยญฺจ อุปฺปชฺชติ อุเปกฺขินฺทฺริยญฺจ อุปฺปชฺชติ ฯ
     [๕๙๙]   ยสฺส   ยตฺถ   อุเปกฺขินฺทฺริยํ   อุปฺปชฺชติ   ตสฺส   ตตฺถ
ปญฺญินฺทฺริยํ    อุปฺปชฺชตีติ:   อุเปกฺขาย   ญาณวิปฺปยุตฺตานํ   อุปปชฺชนฺตานํ
ปวตฺเต        อุเปกฺขาสมฺปยุตฺตญาณวิปฺปยุตฺตจิตฺตสฺส       อุปฺปาทกฺขเณ
เตสํ   ตตฺถ   อุเปกฺขินฺทฺริยํ  อุปฺปชฺชติ  โน  จ  เตสํ  ตตฺถ  ปญฺญินฺทฺริยํ
อุปฺปชฺชติ     อุเปกฺขาย    ญาณสมฺปยุตฺตานํ    อุปปชฺชนฺตานํ    ปวตฺเต
อุเปกฺขาสมฺปยุตฺตญาณสมฺปยุตฺตจิตฺตสฺส         อุปฺปาทกฺขเณ        เตสํ
ตตฺถ อุเปกฺขินฺทฺริยญฺจ อุปฺปชฺชติ ปญฺญินฺทฺริยญฺจ อุปฺปชฺชติ ฯ
     {๕๙๙.๑}   ยสฺส  วา  ปน  ยตฺถ  ปญฺญินฺทฺริยํ  อุปฺปชฺชติ ตสฺส ตตฺถ
อุเปกฺขินฺทฺริยํ     อุปฺปชฺชตีติ:    ญาณสมฺปยุตฺตานํ    วินา    อุเปกฺขาย
อุปปชฺชนฺตานํ        ปวตฺเต       ญาณสมฺปยุตฺตอุเปกฺขาวิปฺปยุตฺตจิตฺตสฺส
อุปฺปาทกฺขเณ   เตสํ   ตตฺถ  ปญฺญินฺทฺริยํ  อุปฺปชฺชติ  โน  จ  เตสํ  ตตฺถ
อุเปกฺขินฺทฺริยํ    อุปฺปชฺชติ   ญาณสมฺปยุตฺตานํ   อุเปกฺขาย   อุปปชฺชนฺตานํ
ปวตฺเต        ญาณสมฺปยุตฺตอุเปกฺขาสมฺปยุตฺตจิตฺตสฺส       อุปฺปาทกฺขเณ
เตสํ ตตฺถ ปญฺญินฺทฺริยญฺจ อุปฺปชฺชติ อุเปกฺขินฺทฺริยญฺจ อุปฺปชฺชติ ฯ
     [๖๐๐]   ยสฺส  ยตฺถ  อุเปกฺขินฺทฺริยํ  อุปฺปชฺชติ  ตสฺส ตตฺถ มนินฺทฺริยํ
อุปฺปชฺชตีติ:   อามนฺตา   ฯ  ยสฺส  วา  ปน  ยตฺถ  มนินฺทฺริยํ  อุปฺปชฺชติ
ตสฺส   ตตฺถ   อุเปกฺขินฺทฺริยํ   อุปฺปชฺชตีติ:  สจิตฺตกานํ  วินา  อุเปกฺขาย
อุปปชฺชนฺตานํ   ปวตฺเต   อุเปกฺขาวิปฺปยุตฺตจิตฺตสฺส   อุปฺปาทกฺขเณ   เตสํ
ตตฺถ  มนินฺทฺริยํ  อุปฺปชฺชติ  โน  จ  เตสํ  ตตฺถ  อุเปกฺขินฺทฺริยํ  อุปฺปชฺชติ
อุเปกฺขาย      อุปปชฺชนฺตานํ      ปวตฺเต     อุเปกฺขาสมฺปยุตฺตจิตฺตสฺส
อุปฺปาทกฺขเณ   เตสํ   ตตฺถ   มนินฺทฺริยญฺจ   อุปฺปชฺชติ   อุเปกฺขินฺทฺริยญฺจ
อุปฺปชฺชติ ฯ
     [๖๐๑]   ยสฺส  ยตฺถ  สทฺธินฺทฺริยํ  อุปฺปชฺชติ  ตสฺส  ตตฺถ ปญฺญินฺทฺริยํ
อุปฺปชฺชตีติ:       สเหตุกานํ       ญาณวิปฺปยุตฺตานํ      อุปปชฺชนฺตานํ
ปวตฺเต     สทฺธาสมฺปยุตฺตญาณวิปฺปยุตฺตจิตฺตสฺส     อุปฺปาทกฺขเณ    เตสํ
ตตฺถ    สทฺธินฺทฺริยํ    อุปฺปชฺชติ   โน   จ   เตสํ   ตตฺถ   ปญฺญินฺทฺริยํ
อุปฺปชฺชติ     สเหตุกานํ    ญาณสมฺปยุตฺตานํ    อุปปชฺชนฺตานํ    ปวตฺเต
สทฺธาสมฺปยุตฺตญาณสมฺปยุตฺตจิตฺตสฺส      อุปฺปาทกฺขเณ     เตสํ     ตตฺถ
สทฺธินฺทฺริยญฺจ   อุปฺปชฺชติ   ปญฺญินฺทฺริยญฺจ   อุปฺปชฺชติ  ฯ  ยสฺส  วา  ปน
ยตฺถ   ปญฺญินฺทฺริยํ   อุปฺปชฺชติ   ตสฺส   ตตฺถ   สทฺธินฺทฺริยํ   อุปฺปชฺชตีติ:
อามนฺตา ฯ
     [๖๐๒]   ยสฺส  ยตฺถ  สทฺธินฺทฺริยํ  อุปฺปชฺชติ  ตสฺส  ตตฺถ  มนินฺทฺริยํ
อุปฺปชฺชตีติ:   อามนฺตา   ฯ  ยสฺส  วา  ปน  ยตฺถ  มนินฺทฺริยํ  อุปฺปชฺชติ
ตสฺส  ตตฺถ  สทฺธินฺทฺริยํ  อุปฺปชฺชตีติ:  สจิตฺตกานํ  อเหตุกานํ อุปปชฺชนฺตานํ
ปวตฺเต     สทฺธาวิปฺปยุตฺตจิตฺตสฺส     อุปฺปาทกฺขเณ     เตสํ     ตตฺถ
มนินฺทฺริยํ   อุปฺปชฺชติ   โน   จ   เตสํ   ตตฺถ   สทฺธินฺทฺริยํ   อุปฺปชฺชติ
สเหตุกานํ   อุปปชฺชนฺตานํ   ปวตฺเต  สทฺธาสมฺปยุตฺตจิตฺตสฺส  อุปฺปาทกฺขเณ
เตสํ ตตฺถ มนินฺทฺริยญฺจ อุปฺปชฺชติ สทฺธินฺทฺริยญฺจ อุปฺปชฺชติ ฯ
     [๖๐๓]   ยสฺส  ยตฺถ  ปญฺญินฺทฺริยํ  อุปฺปชฺชติ  ตสฺส  ตตฺถ  มนินฺทฺริยํ
อุปฺปชฺชตีติ:   อามนฺตา   ฯ  ยสฺส  วา  ปน  ยตฺถ  มนินฺทฺริยํ  อุปฺปชฺชติ
ตสฺส    ตตฺถ   ปญฺญินฺทฺริยํ   อุปฺปชฺชตีติ:   สจิตฺตกานํ   ญาณวิปฺปยุตฺตานํ
อุปปชฺชนฺตานํ    ปวตฺเต    ญาณวิปฺปยุตฺตจิตฺตสฺส    อุปฺปาทกฺขเณ   เตสํ
ตตฺถ   มนินฺทฺริยํ   อุปฺปชฺชติ  โน  จ  เตสํ  ตตฺถ  ปญฺญินฺทฺริยํ  อุปฺปชฺชติ
ญาณสมฺปยุตฺตานํ      อุปปชฺชนฺตานํ     ปวตฺเต     ญาณสมฺปยุตฺตจิตฺตสฺส
อุปฺปาทกฺขเณ    เตสํ    ตตฺถ   มนินฺทฺริยญฺจ   อุปฺปชฺชติ   ปญฺญินฺทฺริยญฺจ
อุปฺปชฺชติ ฯ

             เนื้อความพระไตรปิฎกฉบับภาษาบาลี อักษรไทย เล่มที่ ๓๙ หน้าที่ ๒๐๗-๒๒๗.
https://84000.org/tipitaka/read/pali_read.php?B=39&A=4147&w=&modeTY=2
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=39&A=4147&modeTY=2
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=39&item=558&items=46
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=39&siri=14
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=39&i=558
             สารบัญพระไตรปิฎกเล่มที่ ๓๙
https://84000.org/tipitaka/read/?index_39
https://84000.org/tipitaka/english/?index_39