บาลีพระไตรปิฎกเล่มที่ ๕ - พระวินัยปิฎกเล่มที่ ๕

     [๒๕๒]   อสฺโสสิ  โข  อายสฺมา  สารีปุตฺโต  เต  กิร  โกสมฺพิกา
@เชิงอรรถ: ^๑ ม. ยุ. โกสมฺพกา อุปาสกา ฯ ^๒ ม. ยุ. เอตทโหสีติ ปาทฺวยํ น ทิสฺสติ ฯ
@^๓ ม. น ภเชยฺยาม ฯ ^๔ ยุ. ปิณฺฑปาตํ ฯ ^๕ โป. น ฆคตาปิณฺฑิกํ ทเทยฺยาม ฯ
@๖-๘ ม. อภชิยมานา ฯ ^๗ ม. น ภเชสุํ ฯ ^๙ ยุ. วูปสเมมาติ ฯ
ภิกฺขู   ภณฺฑนการกา   กลหการกา   วิวาทการกา   ภสฺสการกา  สงฺเฆ
อธิกรณการกา   สาวตฺถึ   อาคจฺฉนฺตีติ  ฯ  อถโข  อายสฺมา  สารีปุตฺโต
เยน    ภควา    เตนุปสงฺกมิ   อุปสงฺกมิตฺวา   ภควนฺตํ   อภิวาเทตฺวา
เอกมนฺตํ   นิสีทิ   ฯ   เอกมนฺตํ   นิสินฺโน   โข  อายสฺมา  สารีปุตฺโต
ภควนฺตํ   เอตทโวจ   เต  กิร  ภนฺเต  โกสมฺพิกา  ภิกฺขู  ภณฺฑนการกา
กลหการกา    วิวาทการกา    ภสฺสการกา    สงฺเฆ    อธิกรณการกา
สาวตฺถึ   อาคจฺฉนฺติ   กถาหํ   ภนฺเต   เตสุ   ภิกฺขูสุ  ปฏิปชฺชามีติ  ฯ
เตนหิ   ตฺวํ  สารีปุตฺต  ยถา  ธมฺโม  ตถา  ปติฏฺาหีติ  ^๑-  ฯ  กถาหํ
ภนฺเต ชาเนยฺยํ ธมฺมํ วา อธมฺมํ วาติ ฯ
     {๒๕๒.๑}   อฏฺารสหิ    โข   สารีปุตฺต   วตฺถูหิ   อธมฺมวาที
ชานิตพฺโพ   อิธ   สารีปุตฺต   ภิกฺขุ   อธมฺมํ   ธมฺโมติ   ทีเปติ   ธมฺมํ
อธมฺโมติ   ทีเปติ   อวินยํ   วินโยติ   ทีเปติ   วินยํ  อวินโยติ  ทีเปติ
อภาสิตํ    อลปิตํ   ตถาคเตน   ภาสิตํ   ลปิตํ   ตถาคเตนาติ   ทีเปติ
ภาสิตํ    ลปิตํ   ตถาคเตน   อภาสิตํ   อลปิตํ   ตถาคเตนาติ   ทีเปติ
อนาจิณฺณํ    ตถาคเตน    อาจิณฺณํ    ตถาคเตนาติ    ทีเปติ   อาจิณฺณํ
ตถาคเตน      อนาจิณฺณํ      ตถาคเตนาติ     ทีเปติ     อปฺปญฺตฺตํ
ตถาคเตน    ปญฺตฺตํ    ตถาคเตนาติ    ทีเปติ   ปญฺตฺตํ   ตถาคเตน
อปฺปญฺตฺตํ      ตถาคเตนาติ      ทีเปติ      อนาปตฺตึ     อาปตฺตีติ
ทีเปติ     อาปตฺตึ     อนาปตฺตีติ     อนาปตฺตีติ     ทีเปติ     ลหุกํ
อาปตฺตึ    ครุกา    อาปตฺตีติ    ทีเปติ    ครุกํ    อาปตฺตึ    ลหุกา
อาปตฺตีติ   ทีเปติ   สาวเสสํ   อาปตฺตึ   อนวเสสา   อาปตฺตีติ  ทีเปติ
@เชิงอรรถ: ^๑ ม. ยุ. ติฏฺาหีติ ฯ
อนวเสสํ   อาปตฺตึ   สาวเสสา   อาปตฺตีติ   ทีเปติ   ทุฏฺฐุลฺลํ  อาปตฺตึ
อทุฏฺฐุลฺลา     อาปตฺตีติ    ทีเปติ    อทุฏฺฐุลฺลํ    อาปตฺตึ    ทุฏฺฐุลฺลา
อาปตฺตีติ   ทีเปติ  อิเมหิ  โข  สารีปุตฺต  อฏฺารสหิ  วตฺถูหิ  อธมฺมวาที
ชานิตพฺโพ
     {๒๕๒.๒}   อฏฺารสหิ   จ   โข   สารีปุตฺต   วตฺถูหิ  ธมฺมวาที
ชานิตพฺโพ    อิธ    สารีปุตฺต    ภิกฺขุ    อธมฺมํ    อธมฺโมติ   ทีเปติ
ธมฺมํ   ธมฺโมติ   ทีเปติ   อวินยํ   อวินโยติ   ทีเปติ   วินยํ   วินโยติ
ทีเปติ      อภาสิตํ     อลปิตํ     ตถาคเตน     อภาสิตํ     อลปิตํ
ตถาคเตนาติ    ทีเปติ    ภาสิตํ    ลปิตํ   ตถาคเตน   ภาสิตํ   ลปิตํ
ตถาคเตนาติ      ทีเปติ      อนาจิณฺณํ      ตถาคเตน     อนาจิณฺณํ
ตถาคเตนาติ    ทีเปติ   อาจิณฺณํ   ตถาคเตน   อาจิณฺณํ   ตถาคเตนาติ
ทีเปติ    อปฺปญฺตฺตํ    ตถาคเตน   อปฺปญฺตฺตํ   ตถาคเตนาติ   ทีเปติ
ปญฺตฺตํ    ตถาคเตน    ปญฺตฺตํ    ตถาคเตนาติ    ทีเปติ   อนาปตฺตึ
อนาปตฺตีติ    ทีเปติ    อาปตฺตึ    อาปตฺตีติ   ทีเปติ   ลหุกํ   อาปตฺตึ
ลหุกา   อาปตฺตีติ   ทีเปติ   ครุกํ   อาปตฺตึ   ครุกา  อาปตฺตีติ  ทีเปติ
สาวเสสํ   อาปตฺตึ   สาวเสสา   อาปตฺตีติ   ทีเปติ  อนวเสสํ  อาปตฺตึ
อนวเสสา     อาปตฺตีติ     ทีเปติ    ทุฏฺฐุลฺลํ    อาปตฺตึ    ทุฏฺฐุลฺลา
อาปตฺตีติ   ทีเปติ   อทุฏฺฐุลฺลํ   อาปตฺตึ   อทุฏฺฐุลฺลา   อาปตฺตีติ  ทีเปติ
อิเมหิ โข สารีปุตฺต อฏฺารสหิ วตฺถูหิ ธมฺมวาที ชานิตพฺโพติ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๕ หน้าที่ ๓๔๓-๓๔๕. https://84000.org/tipitaka/read/pali_read.php?B=5&A=7134&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=5&A=7134&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=5&item=252&items=1 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=5&siri=63 สารบัญพระไตรปิฎกเล่มที่ ๕ https://84000.org/tipitaka/read/?index_5 https://84000.org/tipitaka/english/?index_5