บาลีพระไตรปิฎกเล่มที่ ๗ - พระวินัยปิฎกเล่มที่ ๗

     [๓๘๙]   อถโข   เทวทตฺโต   ตทหุโปสเถ  อุฏฺายาสนา  สลากํ
คาเหสิ   มยํ   อาวุโส   สมณํ   โคตมํ   อุปสงฺกมิตฺวา   ปญฺจ  วตฺถูนิ
@เชิงอรรถ: ^๑ ม. อชฺชตคฺเค ฯ
ยาจิมฺหา    ภควา    ภนฺเต    อเนกปริยาเยน    อปฺปิจฺฉสฺส   ฯเปฯ
วิริยารมฺภสฺส   วณฺณวาที   อิมานิ  ภนฺเต  ปญฺจ  วตฺถูนิ  อเนกปริยาเยน
อปฺปิจฺฉตาย   ฯเปฯ   วิริยารมฺภาย   สํวตฺตนฺติ   สาธุ   ภนฺเต   ภิกฺขู
ยาวชีวํ    อารญฺกา   อสฺสุ   โย   คามนฺตํ   โอสเรยฺย   วชฺชํ   นํ
ผุเสยฺย  ฯเปฯ  ยาวชีวํ  มจฺฉมํสํ  น  ขาเทยฺยุํ  โย  มจฺฉมํสํ  ขาเทยฺย
วชฺชํ    นํ    ผุเสยฺยาติ    อิมานิ   ปญฺจ   วตฺถูนิ   สมโณ   โคตโม
นานุชานาติ    เต    จ    มยํ   อิเมหิ   ปญฺจหิ   วตฺถูหิ   สมาทาย
วตฺตาม    ยสฺสายสฺมโต    อิมานิ    ปญฺจ    วตฺถูนิ    ขมนฺติ    โส
สลากํ คณฺหาตูติ ฯ
     [๓๙๐]   เตน   โข   ปน   สมเยน   เวสาลิกา   วชฺชิปุตฺตกา
ปญฺจมตฺตานิ   ภิกฺขุสตานิ   นวกา   เจว   โหนฺติ  อปฺปกตญฺุโน  จ  ฯ
เต    จ   อยํ   ธมฺโม   อยํ   วินโย   อิทํ   สตฺถุสาสนนฺติ   สลากํ
คณฺหึสุ    ฯ    อถโข    เทวทตฺโต    สงฺฆํ   ภินฺทิตฺวา   ปญฺจมตฺตานิ
ภิกฺขุสตานิ อาทาย เยน คยาสีสํ เตน ปกฺกามิ ฯ
     [๓๙๑]   อถโข  สารีปุตฺตโมคฺคลฺลานา  เยน  ภควา  เตนุปสงฺกมึสุ
อุปสงฺกมิตฺวา   ภควนฺตํ   อภิวาเทตฺวา   เอกมนฺตํ  นิสีทึสุ  ฯ  เอกมนฺตํ
นิสินฺโน   โข   อายสฺมา   สารีปุตฺโต   ภควนฺตํ  เอตทโวจ  เทวทตฺโต
ภนฺเต    สงฺฆํ   ภินฺทิตฺวา   ปญฺจมตฺตานิ   ภิกฺขุสตานิ   อาทาย   เยน
คยาสีสํ   เตน  ปกฺกนฺโตติ  ฯ  นนุ  หิ  ^๑-  นาม  ตุมฺหากํ  สารีปุตฺตา
@เชิงอรรถ: ^๑ ม. ยุ. น หิ ฯ
เตสุ   นวเกสุ   ภิกฺขูสุ  การุญฺมฺปิ  ภวิสฺสติ  คจฺฉถ  ตุเมฺห  สารีปุตฺตา
ปุรา   เต   ภิกฺขู   อนยพฺยสนํ   อาปชฺชนฺตีติ   ฯ  เอวํ  ภนฺเตติ  โข
สารีปุตฺตโมคฺคลฺลานา    ภควโต    ปฏิสฺสุตฺวา   อุฏฺายาสนา   ภควนฺตํ
อภิวาเทตฺวา ปทกฺขิณํ กตฺวา เยน คยาสีสํ เตนุปสงฺกมึสุ ฯ
     [๓๙๒]   เตน   โข   ปน   สมเยน   อญฺตโร  ภิกฺขุ  ภควโต
อวิทูเร  ิโต  โรทิโต  โหติ  ^๑-  ฯ  อถโข  ภควา ตํ ภิกฺขุํ เอตทโวจ
กิสฺส   ตฺวํ  ภิกฺขุ  โรทสีติ  ฯ  เยปิ  เต  ภนฺเต  ภควโต  อคฺคสาวกา
สารีปุตฺตโมคฺคลฺลานา     เตปิ     เทวทตฺตสฺส     สนฺติเก    คจฺฉนฺติ
เทวทตฺตสฺส   ธมฺมํ   โรเจนฺตาติ  ฯ  อฏฺานเมตํ  ภิกฺขุ  อนวกาโส  ยํ
สารีปุตฺตโมคฺคลฺลานา    เทวทตฺตสฺส    ธมฺมํ    โรเจยฺยุํ   อปิจ   เต
คตา ภิกฺขุสญฺตฺติยาติ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๗ หน้าที่ ๑๙๕-๑๙๗. https://84000.org/tipitaka/read/pali_read.php?B=7&A=3929&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=7&A=3929&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=7&item=389&items=4 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=7&siri=53 ศึกษาอรรถกถานี้ได้ที่ :- https://84000.org/tipitaka/attha/attha.php?b=7&i=389 สารบัญพระไตรปิฎกเล่มที่ ๗ https://84000.org/tipitaka/read/?index_7 https://84000.org/tipitaka/english/?index_7