บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
Suttantapitake dighanikayassa dutiyo bhago --------- mahavaggo namo tassa bhagavato arahato sammasambuddhassa. Mahapadanasuttam [1] Evamme sutam . Ekam samayam bhagava savatthiyam viharati jetavane anathapindikassa arame karerikutikayam . athakho sambahulanam bhikkhunam pacchabhattam pindapatapatikkantanam karerimandalamale sannisinnanam sannipatitanam pubbenivasapatisamyutta dhammi katha udapadi itipi pubbenivaso itipi pubbenivasoti. {1.1} Assosi kho bhagava dibbaya sotadhatuya visuddhaya atikkantamanusikaya tesam bhikkhunam imam kathasallapam . athakho bhagava utthayasana yena karerimandalamalo tenupasankami upasankamitva pannattasane nisidi . nisajja kho bhagava bhikkhu amantesi kaya nuttha bhikkhave etarahi kathaya sannisinna ka ca pana vo antarakatha vippakatati . evam vutte te bhikkhu bhagavantam etadavocum idha bhante amhakam pacchabhattam pindapatapatikkantanam karerimandalamale sannisinnanam sannipatitanam Pubbenivasapatisamyutta dhammi katha udapadi itipi pubbenivaso itipi pubbenivasoti ayam kho no bhante antarakatha vippakata atha bhagava anuppattoti . iccheyyatha no tumhe bhikkhave pubbenivasapatisamyuttam dhammim katham sotunti . etassa bhagava kalo etassa sugata kalo yam bhagava pubbenivasapatisamyuttam dhammim katham kareyya bhagavato vacanam 1- sutva bhikkhu dharessantiti . Tenahi bhikkhave sunatha sadhukam manasikarotha bhasissamiti . evam bhanteti kho te bhikkhu bhagavato paccassosum. {1.2} Bhagava etadavoca ito so bhikkhave ekanavuto kappo 2- yam vipassi bhagava araham sammasambuddho loke udapadi . ito so bhikkhave ekatimso kappo 3- yam sikhi bhagava araham sammasambuddho loke udapadi . tasmimyeva kho bhikkhave ekatimse kappe vessabhu bhagava araham sammasambuddho loke udapadi . imasmimyeva kho bhikkhave bhaddakappe kakusandho bhagava araham sammasambuddho loke udapadi . imasmimyeva kho bhikkhave bhaddakappe konagamano bhagava araham sammasambuddho loke udapadi . imasmimyeva kho bhikkhave bhaddakappe kassapo bhagava araham sammasambuddho loke udapadi . Imasmimyeva kho bhikkhave bhaddakappe aham etarahi araham sammasambuddho loke uppanno. [2] Vipassi bhikkhave bhagava araham sammasambuddho khattiyo @Footnote: 1 Ma. vacanantipadam na dissati. 2 Po. Ma. ekanavutikappe. 3 Po. Ma. ekatimsakappe. Jatiya ahosi khattiyakule udapadi . sikhi bhikkhave bhagava araham sammasambuddho khattiyo jatiya ahosi khattiyakule udapadi . Vessabhu bhikkhave bhagava araham sammasambuddho khattiyo jatiya ahosi khattiyakule udapadi . kakusandho bhikkhave bhagava araham sammasambuddho brahmano jatiya ahosi brahmanakule udapadi . konagamano bhikkhave bhagava araham sammasambuddho brahmano jatiya ahosi brahmanakule udapadi . kassapo bhikkhave bhagava araham sammasambuddho brahmano jatiya ahosi brahmanakule udapadi . aham bhikkhave etarahi araham sammasambuddho khattiyo jatiya ahosim khattiyakule uppanno. [3] Vipassi bhikkhave bhagava araham sammasambuddho kondanno gottena ahosi . sikhi bhikkhave bhagava araham sammasambuddho kondanno gottena ahosi . vessabhu bhikkhave bhagava araham sammasambuddho kondanno gottena ahosi . kakusandho bhikkhave bhagava araham sammasambuddho kassapo gottena ahosi . konagamano bhikkhave bhagava araham sammasambuddho kassapo gottena ahosi . Kassapo bhikkhave bhagava araham sammasambuddho kassapo gottena ahosi . aham bhikkhave etarahi araham sammasambuddho gotamo gottena ahosim. [4] Vipassissa bhikkhave bhagavato arahato sammasambuddhassa Asitivassasahassani ayuppamanam ahosi . sikhissa bhikkhave bhagavato arahato sammasambuddhassa sattativassasahassani ayuppamanam ahosi . vessabhussa bhikkhave bhagavato arahato sammasambuddhassa satthivassasahassani ayuppamanam ahosi . kakusandhassa bhikkhave bhagavato arahato sammasambuddhassa cattalisavassasahassani ayuppamanam ahosi . konagamanassa bhikkhave bhagavato arahato sammasambuddhassa timsavassasahassani ayuppamanam ahosi . kassapassa bhikkhave bhagavato arahato sammasambuddhassa visativassasahassani ayuppamanam ahosi . Mayham bhikkhave etarahi appakam ayuppamanam parittam lahukam yo ciram jivati so vassasatam appam va bhiyyo. [5] Vipassi bhikkhave bhagava araham sammasambuddho pataliya mule abhisambuddho . sikhi bhikkhave bhagava araham sammasambuddho pundarikassa mule abhisambuddho . vessabhu bhikkhave bhagava araham sammasambuddho salassa mule abhisambuddho . kakusandho bhikkhave bhagava araham sammasambuddho sirisassa mule abhisambuddho . Konagamano bhikkhave bhagava araham sammasambuddho udumbarassa mule abhisambuddho . Kassapo bhikkhave bhagava araham sammasambuddho nigrodhassa mule abhisambuddho . aham bhikkhave etarahi araham sammasambuddho assatthassa mule abhisambuddho. [6] Vipassissa bhikkhave bhagavato arahato sammasambuddhassa Khandatissam nama savakayugam ahosi aggam bhaddayugam . sikhissa bhikkhave bhagavato arahato sammasambuddhassa abhibhusambhavam nama savakayugam ahosi aggam bhaddayugam . vessabhussa bhikkhave bhagavato arahato sammasambuddhassa sonuttaram 1- nama savakayugam ahosi aggam bhaddayugam . kakusandhassa bhikkhave bhagavato arahato sammasambuddhassa vidhurasanjivam nama savakayugam ahosi aggam bhaddayugam . konagamanassa bhikkhave bhagavato arahato sammasambuddhassa bhiyyosuttaram nama savakayugam ahosi aggam bhaddayugam . kassapassa bhikkhave bhagavato arahato sammasambuddhassa tissabharadvajam nama savakayugam ahosi aggam bhaddayugam . mayham bhikkhave etarahi sariputtamoggallanam nama savakayugam ahosi aggam bhaddayugam. [7] Vipassissa bhikkhave bhagavato arahato sammasambuddhassa tayo savakanam sannipata ahesum eko savakanam sannipato ahosi atthasatthibhikkhusatasahassam eko savakanam sannipato ahosi bhikkhusatasahassam eko savakanam sannipato ahosi asitibhikkhusahassani . Vipassissa bhikkhave bhagavato arahato sammasambuddhassa ime tayo savakanam sannipata ahesum sabbesamyeva khinasavanam. {7.1} Sikhissa bhikkhave bhagavato arahato sammasambuddhassa tayo savakanam sannipata ahesum eko savakanam sannipato ahosi bhikkhusatasahassam eko savakanam sannipato ahosi asitibhikkhusahassani @Footnote: 1 Ma. Yu. sonuttaram. Eko savakanam sannipato ahosi sattatibhikkhusahassani . sikhissa bhikkhave bhagavato arahato sammasambuddhassa ime tayo savakanam sannipata ahesum sabbesamyeva khinasavanam. {7.2} Vessabhussa bhikkhave bhagavato arahato sammasambuddhassa tayo savakanam sannipata ahesum eko savakanam sannipato ahosi asitibhikkhusahassani eko savakanam sannipato ahosi sattatibhikkhusahassani eko savakanam sannipato ahosi satthibhikkhusahassani . vessabhussa bhikkhave bhagavato arahato sammasambuddhassa ime tayo savakanam sannipata ahesum sabbesamyeva khinasavanam. {7.3} Kakusandhassa bhikkhave bhagavato arahato sammasambuddhassa eko savakanam sannipato ahosi cattalisabhikkhusahassani . kakusandhassa bhikkhave bhagavato arahato sammasambuddhassa ayam eko savakanam sannipato ahosi sabbesamyeva khinasavanam. {7.4} Konagamanassa bhikkhave bhagavato arahato sammasambuddhassa eko savakanam sannipato ahosi timsabhikkhusahassani . Konagamanassa bhikkhave bhagavato arahato sammasambuddhassa ayam eko savakanam sannipato ahosi sabbesamyeva khinasavanam. {7.5} Kassapassa bhikkhave bhagavato arahato sammasambuddhassa eko savakanam sannipato ahosi visatibhikkhusahassani . kassapassa bhikkhave bhagavato arahato sammasambuddhassa ayam eko savakanam sannipato ahosi sabbesamyeva khinasavanam . mayham bhikkhave etarahi Eko savakanam sannipato ahosi addhatelasani bhikkhusatani . Mayham bhikkhave ayam eko savakanam sannipato ahosi sabbesamyeva khinasavanam. [8] Vipassissa bhikkhave bhagavato arahato sammasambuddhassa asoko nama bhikkhave upatthako ahosi aggupatthako . sikhissa bhikkhave bhagavato arahato sammasambuddhassa khemankaro nama bhikkhu upatthako ahosi aggupatthako . vessabhussa bhikkhave bhagavato arahato sammasambuddhassa upasanto 1- nama bhikkhu upatthako ahosi aggupatthako . kakusandhassa bhikkhave bhagavato arahato sammasambuddhassa vuddhijo 2- nama bhikkhu upatthako ahosi aggupatthako . Konagamanassa bhikkhave bhagavato arahato sammasambuddhassa sotthijo nama bhikkhu upatthako ahosi aggupatthako . kassapassa bhikkhave bhagavato arahato sammasambuddhassa sabbamitto nama bhikkhu upatthako ahosi aggupatthako . mayham bhikkhave etarahi anando nama bhikkhu upatthako ahosi aggupatthako. [9] Vipassissa bhikkhave bhagavato arahato sammasambuddhassa bandhuma 3- nama raja pita ahosi bandhumati nama devi mata ahosi janetti 4- bandhumassa ranno bandhumati nama nagaram rajadhani ahosi. {9.1} Sikhissa bhikkhave bhagavato arahato sammasambuddhassa @Footnote: 1 Yu. upasannako. 2 Ma. Yu. buddhijo. 3 Po. bandhumo. 4 Ma. janetti. @ito param idisameva. Aruno nama raja pita ahosi pabhavati nama devi mata ahosi janetti arunassa ranno arunavati nama nagaram rajadhani ahosi. {9.2} Vessabhussa bhikkhave bhagavato arahato sammasambuddhassa suppatito nama raja pita ahosi yasavati nama devi mata ahosi janetti suppatitassa ranno anomam nama nagaram rajadhani ahosi. {9.3} Kakusandhassa bhikkhave bhagavato arahato sammasambuddhassa aggidatto nama brahmano pita ahosi visakha nama brahmani mata ahosi janetti . tena kho pana bhikkhave samayena khemo nama raja ahosi khemassa ranno khemavati nama nagaram rajadhani ahosi. {9.4} Konagamanassa bhikkhave bhagavato arahato sammasambuddhassa yannadatto nama brahmano pita ahosi uttara nama brahmani mata ahosi janetti. Tena kho pana bhikkhave samayena sobho nama raja ahosi sobhassa ranno sobhavati nama nagaram rajadhani ahosi. {9.5} Kassapassa bhikkhave bhagavato arahato sammasambuddhassa brahmadatto nama brahmano pita ahosi dhanavati nama brahmani mata ahosi janetti . tena kho pana bhikkhave samayena kimki 1- nama raja ahosi kimkissa ranno baranasi nama nagaram rajadhani ahosi. {9.6} Mayham bhikkhave etarahi suddhodano nama raja pita ahosi maya 2- nama devi mata ahosi janetti kapilavatthum nama nagaram rajadhani ahositi . idamavoca bhagava idam @Footnote: 1 Ma. kiki. 2 Po. mahamaya. Vatvana sugato utthayasana viharam pavisi. [10] Athakho tesam bhikkhunam acirapakkantassa bhagavato ayamantarakatha udapadi acchariyam avuso abbhutam avuso tathagatassa mahiddhikata mahanubhavata yatra hi nama tathagato atite buddhe parinibbute chinnapapance chinnavatume pariyadinnavatte sabbadukkhavitivatte jatitopi anussarissati namatopi anussarissati gottatopi anussarissati ayuppamanatopi anussarissati savakayugatopi anussarissati savakasannipatatopi anussarissati evamjacca te bhagavanto ahesum itipi evamnama te bhagavanto ahesum itipi evamgotta te bhagavanto ahesum itipi evamsila te bhagavanto ahesum itipi evamdhamma te bhagavanto ahesum itipi evampanna te bhagavanto ahesum itipi evamvihari te bhagavanto ahesum itipi evamvimutta te bhagavanto ahesum itipiti. {10.1} Kim nu kho avuso tathagatasseva nu kho esa dhammadhatu suppatividdha yassa dhammadhatuya suppatividdhatta tathagato atite buddhe parinibbute chinnapapance chinnavatume pariyadinnavatte sabbadukkhavitivatte jatitopi anussarati namatopi anussarati gottatopi anussarati ayuppamanatopi anussarati savakayugatopi anussarati savakasannipatatopi anussarati evamjacca te bhagavanto ahesum itipi evamnama. Evamgotta. Evamsila . evamdhamma . evampanna . evamvihari . evamvimutta Te bhagavanto ahesum itipiti udahu devata tathagatassa etamattham arocesum yena tathagato atite buddhe parinibbute chinnapapance chinnavatume pariyadinnavatte sabbadukkhavitivatte jatitopi anussarati namatopi anussarati gottatopi anussarati ayuppamanatopi anussarati savakayugatopi anussarati savakasannipatatopi anussarati evamjacca te bhagavanto ahesum itipi evamnama . evamgotta . Evamsila. Evamdhamma . evampanna . evamvihari . evamvimutta te bhagavanto ahesum itipiti . ayanca hi 1- tesam bhikkhunam antarakatha vippakata hoti. [11] Athakho bhagava sayanhasamayam patisallana vutthito yena karerimandalamalo tenupasankami upasankamitva pannatte asane nisidi . nisajja kho bhagava bhikkhu amantesi kaya nuttha bhikkhave etarahi kathaya sannisinna ka ca pana vo antarakatha vippakatati. {11.1} Evam vutte te bhikkhu bhagavantam etadavocum idha bhante amhakam acirapakkantassa bhagavato ayamantarakatha udapadi acchariyam avuso abbhutam avuso tathagatassa mahiddhikata mahanubhavata yatra hi nama tathagato atite buddhe parinibbute chinnapapance chinnavatume pariyadinnavatte sabbadukkhavitivatte jatitopi anussarissati namatopi anussarissati gottatopi anussarissati ayuppamanatopi anussarissati savakayugatopi anussarissati savakasannipatatopi @Footnote: 1 Ma. Yu. hidam. Anussarissati evamjacca te bhagavanto ahesum itipi .pe. Evamvimutta te bhagavanto ahesum itipiti . kim nu kho avuso tathagatasseva nu kho esa dhammadhatu suppatividdha yassa dhammadhatuya suppatividdhatta tathagato atite buddhe parinibbute chinnapapance chinnavatume pariyadinnavatte sabbadukkhavitivatte jatitopi anussarati namatopi anussarati gottatopi anussarati ayuppamanatopi anussarati savakayugatopi anussarati savakasannipatatopi anussarati evamjacca te bhagavanto ahesum itipi evamnama . Evamgotta . evamsila . evamdhamma . evampanna. Evamvihari. Evamvimutta te bhagavanto ahesum itipiti udahu devata tathagatassa etamattham arocesum yena tathagato atite buddhe parinibbute chinnapapance chinnavatume pariyadinnavatte sabbadukkhavitivatte jatitopi anussarati namatopi .pe. savakasannipatatopi anussarati evamjacca te bhagavanto ahesum itipi evamnama .pe. Evamvimutta te bhagavanto ahesum itipiti ayam kho no bhante antarakatha vippakata [1]- atha bhagava anuppattoti. {11.2} Tathagatassevesa bhikkhave dhammadhatu suppatividdha yassa dhammadhatuya suppatividdhatta tathagato atite buddhe parinibbute chinnapapance chinnavatume pariyadinnavatte sabbadukkhavitivatte jatitopi anussarati namatopi anussarati gottatopi anussarati ayuppamanatopi anussarati @Footnote: 1 Ma. hoti. Savakayugatopi anussarati savakasannipatatopi anussarati evamjacca te bhagavanto ahesum itipi evamnama .pe. evamvimutta te bhagavanto ahesum itipiti devatapi tathagatassa etamattham arocesum yena tathagato atite buddhe parinibbute chinnapapance chinnavatume pariyadinnavatte sabbadukkhavitivatte jatitopi anussarati namatopi .pe. savakasannipatatopi anussarati evamjacca te bhagavanto ahesum itipi evamnama .pe. evamvimutta te bhagavanto ahesum itipiti. {11.3} Iccheyyatha no tumhe bhikkhave bhiyyoso mattaya pubbenivasapatisamyuttam dhammim katham sotunti . etassa bhagava kalo etassa sugata kalo yam bhagava bhiyyoso mattaya pubbenivasapatisamyuttam dhammim katham kareyya bhagavato sutva bhikkhu dharessantiti. Tenahi bhikkhave sunatha sadhukam manasikarotha bhasissamiti . evam bhanteti kho te bhikkhu bhagavato paccassosum. Bhagava etadavoca {11.4} ito so bhikkhave ekanavuto 1- kappo yam vipassi bhagava araham sammasambuddho loke udapadi . vipassi bhikkhave bhagava araham sammasambuddho khattiyo jatiya ahosi khattiyakule udapadi . Vipassi bhikkhave bhagava araham sammasambuddho kondanno gottena ahosi . vipassissa bhikkhave bhagavato arahato sammasambuddhassa asitivassasahassani ayuppamanam ahosi . vipassi bhikkhave bhagava araham sammasambuddho pataliya mule abhisambuddho . vipassissa @Footnote: 1 Ma. ekanavutikappe. Bhikkhave bhagavato arahato sammasambuddhassa khandatissam nama savakayugam ahosi aggam bhaddayugam . vipassissa bhikkhave bhagavato arahato sammasambuddhassa tayo savakanam sannipata ahesum eko savakanam sannipato ahosi atthasatthibhikkhusatasahassam eko savakanam sannipato ahosi bhikkhusatasahassam eko savakanam sannipato ahosi asitibhikkhusahassani . vipassissa bhikkhave bhagavato arahato sammasambuddhassa ime tayo savakanam sannipata ahesum sabbesamyeva khinasavanam . vipassissa bhikkhave bhagavato arahato sammasambuddhassa asoko nama bhikkhu upatthako ahosi aggupatthako. Vipassissa bhikkhave bhagavato arahato sammasambuddhassa bandhuma nama raja pita ahosi bandhumati nama devi mata ahosi janetti bandhumassa ranno bandhumati nama nagaram rajadhani ahosi. [12] Athakho bhikkhave vipassi bodhisatto tusita kaya cavitva sato sampajano matu kucchim okkami. Ayamettha dhammata. [13] Dhammata eka bhikkhave yada bodhisatto tusita kaya cavitva matu kucchim okkamati . atha sadevake loke samarake sabrahmake sassamanabrahmaniya pajaya sadevamanussaya appamano olaro 1- obhaso loke patubhavati atikkammeva 2- devanam devanubhavam . yapi ta lokantarika agha asamvuta [3]- andhakaratimisa @Footnote: 1 Yu. ularo. ito param idisameva. 2 Yu. atikkamma. ito param idisameva. 3 Ma. @3 Ma. Yu. andhakara. Yatthapime candimasuriya evammahiddhika evammahanubhava abhaya nanubhonti tatthapi appamano olaro obhaso patubhavati atikkammeva devanam devanubhavam . yepi tattha satta upapanna tepi tenobhasena annamannam sanjananti annepi kira bho santi satta idhupapannati . ayanca dasasahassi lokadhatu sankampati sampakampati sampavedheti appamano ca olaro obhaso loke patubhavati atikkammeva devanam devanubhavam. Ayamettha dhammata. [14] Dhammata esa bhikkhave yada bodhisatto matu kucchim okkanto hoti cattaro [1]- devaputta catuddisam 2- rakkhaya upagacchanti ma nam bodhisattam va bodhisattamataram va manusso va amanusso va koci [3]- vihethesiti. Ayamettha dhammata. [15] Dhammata esa bhikkhave yada bodhisatto matu kucchim okkanto hoti pakatiya silavati bodhisattamata hoti virata panatipata virata adinnadana virata kamesumicchacara virata musavada virata suramerayamajjapamadatthana. Ayamettha dhammata. [16] Dhammata esa bhikkhave yada bodhisatto matu kucchim okkanto hoti na bodhisattamatu purisesu manasam uppajjati kamagunupasamhitam anatikkamaniya va 4- bodhisattamata hoti kenaci purisena rattacittena. Ayamettha dhammata. [17] Dhammata esa bhikkhave yada bodhisatto matu kucchim @Footnote: 1 Ma. Yu. nam. 2 Ma. catuddisam. 3 Ma. Yu. va. 4 Ma. Yu. ca. Okkanto hoti labhini bodhisattamata hoti pancannam kamagunanam . Sa pancahi kamagunehi samappita samangibhuta paricareti . Ayamettha dhammata. [18] Dhammata esa bhikkhave yada bodhisatto matu kucchim okkanto hoti na bodhisattamatu kocideva abadho uppajjati sukhini bodhisattamata hoti akilantakaya bodhisattanca bodhisattamata tirokucchigatam passati sabbangapaccangam 1- ahinindriyam . seyyathapi bhikkhave maniveluriyo subho jatima atthamso suparikammakato accho vippasanno sabbakarasampanno tatrassa suttam avutam nilam va pitam va lohitakam 2- va odatam va pandusuttam va tamenam cakkhuma puriso hatthesu karitva paccavekkheyya ayam kho maniveluriyo subho jatima atthamso suparikammakato accho vippasanno sabbakarasampanno tatrassa 3- suttam avutam nilam va pitam va lohitakam va odatam va pandusuttam va evameva kho bhikkhave yada bodhisatto matu kucchim okkanto hoti na bodhisattamatu kocideva abadho uppajjati sukhini bodhisattamata hoti akilantakaya bodhisattanca bodhisattamata tirokucchigatam passati sabbangapaccangam 1- ahinindriyam. Ayamettha dhammata. [19] Dhammata esa bhikkhave sattahajate bodhisatte bodhisattamata kalam karoti tusitam kayam upapajjati. Ayamettha dhammata. @Footnote: 1 Po. Yu. sabbangapaccangim. 2 Ma. Yu. lohitam. 3 Ma. Yu. tatridam. [20] Dhammata esa bhikkhave yatha anna itthika nava va dasa va mase gabbham kucchina pariharitva vijayanti na hevam [1]- bodhisattamata vijayati . daseva masani bodhisattam bodhisattamata kucchina pariharitva vijayati. Ayamettha dhammata. [21] Dhammata esa bhikkhave yatha anna itthika nisinna va nipanna va vijayanti na hevam bodhisattam bodhisattamata vijayati thita ca bodhisattam bodhisattamata vijayati . ayamettha dhammata. [22] Dhammata esa bhikkhave yada bodhisatto matu kucchisma nikkhamati deva pathamam patigganhanti paccha manussa . ayamettha dhammata. [23] Dhammata esa bhikkhave yada bodhisatto matu kucchisma nikkhamati appatto ca 2- bodhisatto pathavim hoti cattaro nam devaputta patiggahetva matu purato thapenti attamana devi hohi mahesakkho te putto uppannoti. Ayamettha dhammata. [24] Dhammata esa bhikkhave yada bodhisatto matu kucchisma nikkhamati visado 2- va nikkhamati amakkhito uddena 3- amakkhito semhena amakkhito ruhirena amakkhito kenaci asucina suddho visuddho . Seyyathapi bhikkhave maniratanam kasike vatthe nikkhittam neva maniratanam kasikam vattham makkheti napi kasikam vattham maniratanam makkheti tam @Footnote: 1 Ma. Yu. va.. 2 Po. visuddho. 3 Ma. Yu. udena. 4 Ma. Yu. visado. Kissa hetu ubhinnam suddhatta evameva kho bhikkhave yada bodhisatto matu kucchisma nikkhamati visado 1- va nikkhamati amakkhito uddena 2- amakkhito semhena amakkhito ruhirena amakkhito kenaci asucina suddho visuddho 3-. Ayamettha dhammata. [25] Dhammata esa bhikkhave yada bodhisatto matu kucchisma nikkhamati dve udakassa dhara antalikkha patubhavanti eka sitassa eka unhassa yena bodhisattassa udakakiccam karonti matu ca. Ayamettha dhammata. [26] Dhammata esa bhikkhave sampatijato bodhisatto samehi padehi patitthahitva uttarenabhimukho 4- sattapadavitiharena gacchati setamhi chatte anudhariyamane 5- sabba ca disa anuviloketi asabhinca vacam bhasati aggohamasmi lokassa jetthohamasmi lokassa setthohamasmi lokassa ayamantima me 6- jati natthidani punabbhavoti. Ayamettha dhammata. [27] Dhammata esa bhikkhave yada bodhisatto matu kucchisma nikkhamati atha sadevake loke samarake sabrahmake sassamanabrahmaniya pajaya sadevamanussaya appamano olaro obhaso patubhavati atikkammeva devanam devanubhavam . yapi ta lokantarika agha asamvuta [7]- andhakaratimisa yatthapime candimasuriya evammahiddhika evammahanubhava abhaya nanubhonti tatthapi appamano olaro @Footnote: 1 Po. visuddho. 2 Ma. Yu. udena. 3 Ma. Yu. visado. 4 Ma. uttarena mukho. @Yu. uttarabhimukho. 5 Yu. anuhiramane. 6 Ma. Yu. mesaddo natthi. @7 Ma. Yu. andhakara. Obhaso patubhavati atikkammeva devanam devanubhavam . yepi tattha satta upapanna tepi tenobhasena annamannam sanjananti annepi kira bho santi satta idhupapannati . ayanca dasasahassi lokadhatu sankampati sampakampati sampavedheti appamano ca olaro obhaso loke patubhavati atikkammeva devanam devanubhavam. Ayamettha dhammata. [28] [1]- Jate kho pana bhikkhave vipassimhi kumare bandhumato ranno pativedesum putto te deva jato tam devo passatuti . Addasa kho bhikkhave bandhuma raja vipassim kumaram disva nemitte brahmane amantapetva etadavoca passantu bhonto nemitta brahmana kumaranti . addasamsu kho bhikkhave nam nemitta brahmana vipassim kumaram disva bandhumantam 2- rajanam etadavocum attamano deva hohi mahesakkho te [3]- putto uppanno labha te maharaja suladdhante maharaja yassa te kule evarupo putto uppanno ayam hi deva kumaro dvattimsamahapurisalakkhanehi samannagato yehi samannagatassa mahapurisassa dve va gatiyo bhavanti ananna sace agaram ajjhavasati raja hoti cakkavatti dhammiko dhammaraja caturanto vijitavi janapadatthavariyappatto sattaratanasamannagato tassimani sattaratanani bhavanti seyyathidam cakkaratanam hatthiratanam assaratanam maniratanam itthiratanam gahapatiratanam parinayakaratanameva @Footnote: 1 Po. dhammata esa. 2 Yu. bandhumam. 3 Yu. dve. Sattamam parosahassam kho panassa putta bhavanti sura virangarupa parasenappamaddana 1- so imam pathavim sagarapariyantam adandena asatthena dhammena abhivijiya ajjhavasati sace kho pana agarasma anagariyam pabbajati araham hoti sammasambuddho loke vivatacchado. {28.1} Katamehi cayam deva kumaro dvattimsamahapurisalakkhanehi samannagato yehi samannagatassa mahapurisassa dve va gatiyo bhavanti ananna sace agaram ajjhavasati raja hoti cakkavatti dhammiko dhammaraja caturanto vijitavi janapadatthavariyappatto sattaratanasamannagato tassimani sattaratanani bhavanti seyyathidam cakkaratanam .pe. abhivijiya ajjhavasati sace kho pana agarasma anagariyam pabbajati araham hoti sammasambuddho loke vivatacchado. [29] Ayam hi deva kumaro suppatitthitapado yampayam deva kumaro suppatitthitapado idampissa mahapurisassa mahapurisalakkhanam bhavati. Imassa deva kumarassa hetthapadatalesu cakkani jatani sahassarani sanemikani sanabhikani sabbakaraparipurani yampi deva imassa kumarassa hetthapadatalesu cakkani jatani sahassarani sanemikani sanabhikani sabbakaraparipurani idampissa 2- mahapurisassa mahapurisalakkhanam bhavati. @Footnote: 1 parasenapamaddanatipi pathena bhavitabbam. 2 Ma. idampimassa. Ayam hi deva kumaro ayatapanhi. Ayam hi deva kumaro dighanguli. Ayam hi deva kumaro mudutalanahatthapado 1-. Ayam hi deva kumaro jalahatthapado. Ayam hi deva kumaro ussankhapado. Ayam hi deva kumaro enijangho. Ayam hi deva kumaro thitako va anonamanto ubhohi panitalehi jannukani parimasati 2- parimajjati. Ayam hi deva kumaro kosohitavatthaguyho. Ayam hi deva kumaro suvannavanno kancanasannibhataco 3-. Ayam hi deva kumaro sukhumacchavi sukhumatta chaviya rajojallam kaye na upalippati 4-. Ayam hi deva kumaro ekekalomo ekekani lomani lomakupesu jatani. Ayam hi deva kumaro uddhaggalomo uddhaggani lomani jatani nilani anjanavannani kundalavattani dakkhinavattajatani. Ayam hi deva kumaro brahmujugatto. Ayam hi deva kumaro sattussado. @Footnote: 1 atthakathayam mudutalunahatthapado. 2 Ma. paramasati. 3 Ma. Yu. kancanasannibhattaco. @4 upalimpatitipi patho. Ayam hi deva kumaro sihapubbaddhakayo. Ayam hi deva kumaro pittantaramso 1-. Ayam hi deva kumaro nigrodhaparimandalo yavatakvassa kayo tavatakvassa byamo yavatakvassa byamo tavatakvassa kayo. Ayam hi deva kumaro samavattakkhandho. Ayam hi deva kumaro rasaggasaggi. Ayam hi deva kumaro sihahanu. Ayam hi deva kumaro cattalisadanto. Ayam hi deva kumaro samadanto. Ayam hi deva kumaro aviraladanto 2-. Ayam hi deva kumaro susukkadatho. Ayam hi deva kumaro pahutajivho. Ayam hi deva kumaro brahmassaro karavikabhani. Ayam hi deva kumaro abhinilanetto. Ayam hi deva kumaro gopakhumo. Imassa deva kumarassa unna bhamukantare jata odata mudu tulasannibha . yampi deva imassa kumarassa unna bhamukantare jata odata mudu tulasannibha [3]-. @Footnote: 1 Si. Ma. Yu. citantaramso. 2 Si. Yu. avivaradanto. 3 sabbapotthakesu etthantare @idampimassa mahapurisassa mahapurisalakkhanam bhavatiti ime patha pakata. Ayam hi deva kumaro unhisasiso yampayam deva kumaro unhisasiso idampissa mahapurisassa mahapurisalakkhanam bhavati. [30] Imehi kho ayam deva kumaro dvattimsamahapurisalakkhanehi samannagato yehi samannagatassa mahapurisassa dve va gatiyo bhavanti ananna sace agaram ajjhavasati raja hoti cakkavatti dhammiko dhammaraja caturanto vijitavi janapadatthavariyappatto sattaratanasamannagato tassimani sattaratanani bhavanti seyyathidam cakkaratanam hatthiratanam assaratanam maniratanam itthiratanam gahapatiratanam parinayakaratanameva sattamam parosahassam kho panassa putta bhavanti sura virangarupa parasenappamaddana so imam pathavim sagarapariyantam adandena asatthena dhammena samena abhivijiya ajjhavasati sace kho pana agarasma anagariyam pabbajati araham hoti sammasambuddho loke vivatacchado hoti.The Pali Tipitaka in Roman Character Volume 10 page 1-22. https://84000.org/tipitaka/read/roman_item.php?book=10&item=1&items=30 Classified by [Item Number] :- http://84000.org/tipitaka/read/roman_item.php?book=10&item=1&items=30&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=10&item=1&items=30 Compare with The Royal Version of Thai Tipitaka :- https://84000.org/tipitaka/read/byitem.php?book=10&item=1&items=30 Study Atthakatha :- https://84000.org/tipitaka/attha/attha.php?b=10&i=1 Contents of The Tipitaka Volume 10 https://84000.org/tipitaka/read/?index_10 https://84000.org/tipitaka/english/?index_10
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]