paliTIPITAKA Volume 10 - Sutta Pitaka 2

[129] Tena kho pana samayena yamakasala sabbaphaliphulla honti akalapupphehi te tathagatassa sariram okiranti ajjhokiranti abhippakiranti tathagatassa pujaya . dibbanipi mandaravapupphani antalikkha papatanti tani tathagatassa sariram okiranti ajjhokiranti abhippakiranti tathagatassa pujaya . dibbanipi candanacunnani antalikkha sampatanti ^1- tani tathagatassa sariram okiranti ajjhokiranti abhippakiranti tathagatassa pujaya . dibbanipi turiyani antalikkhe vajjanti ^2- tathagatassa pujaya . dibbanipi sangitani antalikkhe vattanti tathagatassa pujaya. {129.1} Athakho bhagava ayasmantam anandam amantesi sabbaphaliphulla kho ananda yamakasala akalapupphehi ^[3]- tathagatassa sariram okiranti ajjhokiranti abhippakiranti tathagatassa pujaya dibbanipi mandaravapupphani antalikkha papatanti tani tathagatassa sariram okiranti ajjhokiranti abhippakiranti tathagatassa pujaya dibbanipi candanacunnani antalikkha papatanti tani tathagatassa sariram okiranti ajjhokiranti abhippakiranti tathagatassa pujaya dibbanipi turiyani antalikkhe vajjanti tathagatassa pujaya dibbanipi sangitani antalikkhe vattanti tathagatassa pujaya na kho ananda ettavata va tathagato sakkato va hoti garukato va manito va pujito va apacito va yo kho ananda @Footnote: ¹ Ma. Yu. papatanti. ² Yu. vajjenti. ³ Ma. te. Bhikkhu va bhikkhuni va upasako va upasika va dhammanudhammapatipanno viharati samicipatipanno anudhammacari so tathagatam sakkaroti garukaroti maneti pujeti ^[1]- paramaya pujaya tasmatihananda dhammanudhammapatipanna viharissama samicipatipanna anudhammacarinoti evanhi vo ananda sikkhitabbanti.

The Pali Tipitaka in Roman Character Volume 10 page 160-161. https://84000.org/tipitaka/read/roman_item.php?book=10&item=129&items=1 Classified by [Item Number] :- http://84000.org/tipitaka/read/roman_item.php?book=10&item=129&items=1&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=10&item=129&items=1 Compare with The Royal Version of Thai Tipitaka :- https://84000.org/tipitaka/read/byitem.php?book=10&item=129&items=1 Study Atthakatha :- https://84000.org/tipitaka/attha/attha.php?b=10&i=129 Contents of The Tipitaka Volume 10 https://84000.org/tipitaka/read/?index_10 https://84000.org/tipitaka/english/?index_10