paliTIPITAKA Volume 10 - Sutta Pitaka 2

[59] Iti kho panetam ananda vedanam paticca tanha tanham paticca pariyesana pariyesanam paticca labho labham paticca vinicchayo vinicchayam paticca chandarago chandaragam paticca ajjhosanam ajjhosanam paticca pariggaho pariggaham paticca macchariyam macchariyam paticca arakkho arakkham ^1- paticca arakkhadhikaranam dandadanasatthadana- kalahaviggahavivadatuvamtuvampesunnamusavada aneke papaka akusala dhamma sambhavantiti iti ^2- kho panetam vuttam . tadananda iminapetam pariyayena veditabbam yatha arakkhadhikaranam dandadanasatthadana- kalahaviggahavivadatuvamtuvampesunnamusavada aneke papaka akusala dhamma sambhavanti ^3-. {59.1} Arakkho ca hi ananda nabhavissa sabbena sabbam sabbatha sabbam kassaci kimhici . sabbaso arakkhe asati arakkhanirodha api nu kho dandadanasatthadanakalahaviggahavivadatuvamtuvampesunnamusavada aneke papaka akusala dhamma sambhaveyyunti . no hetam bhante . tasmatihananda eseva hetu etam nidanam @Footnote: ¹ Ma. Yu. arakkham paticcati pathadvayam natthi. ² Ma. Yu. iti kho panetam @vuttam .pe. veditabbam yathati ime patha natthi. ³ Ma. Yu. sambhavantiti @ito kho panetam veditabbam yatha.

--------------------------------------------------------------------------------------------- page70.

Esa samudayo esa paccayo dandadanasatthadanakalahaviggaha- vivadatuvamtuvampesunnamusavadanam anekesam papakanam akusalanam dhammanam sambhavaya yadidam arakkho. {59.2} Macchariyam paticca arakkhoti iti kho panetam vuttam. Tadananda ^1- iminapetam pariyayena veditabbam yatha macchariyam paticca arakkho . Macchariyanca hi ananda nabhavissa sabbena sabbam sabbatha sabbam kassaci kimhici . sabbaso macchariye asati macchariyanirodha api nu kho arakkho pannayethati . no hetam bhante . Tasmatihananda eseva hetu etam nidanam esa samudayo esa paccayo arakkhassa yadidam macchariyam. {59.3} Pariggaham paticca macchariyanti iti kho panetam vuttam. Tadananda iminapetam pariyayena veditabbam yatha pariggaham paticca macchariyam . Pariggaho ca hi ananda nabhavissa sabbena sabbam sabbatha sabbam kassaci kimhici . sabbaso pariggahe asati pariggahanirodha api nu kho macchariyam pannayethati . no hetam bhante . Tasmatihananda eseva hetu etam nidanam esa samudayo esa paccayo macchariyassa yadidam pariggaho. {59.4} Ajjhosanam paticca pariggahoti iti kho panetam vuttam. Tadananda iminapetam pariyayena veditabbam yatha ajjhosanam paticca pariggaho . ajjhosananca hi ananda nabhavissa sabbena sabbam sabbatha sabbam kassaci kimhici . sabbaso ajjhosane asati ajjhosananirodha api nu kho pariggaho @Footnote: ¹ Po. tasmatihananda.

--------------------------------------------------------------------------------------------- page71.

Pannayethati . no hetam bhante . tasmatihananda eseva hetu etam nidanam esa samudayo esa paccayo pariggahassa yadidam ajjhosanam. {59.5} Chandaragam paticca ajjhosananti iti kho panetam vuttam . tadananda iminapetam pariyayena veditabbam yatha chandaragam paticca ajjhosanam . chandarago ca hi ananda nabhavissa sabbena sabbam sabbatha sabbam kassaci kimhici . sabbaso chandarage asati chandaraganirodha api nu kho ajjhosanam pannayethati . no hetam bhante . tasmatihananda eseva hetu etam nidanam esa samudayo esa paccayo ajjhosanassa yadidam chandarago. {59.6} Vinicchayam paticca chandaragoti iti kho panetam vuttam. Tadananda iminapetam pariyayena veditabbam yatha vinicchayam paticca chandarago . vinicchayo ca hi ananda nabhavissa sabbena sabbam sabbatha sabbam kassaci kimhici . sabbaso vinicchaye asati vinicchayanirodha api nu kho chandarago pannayethati . no hetam bhante . tasmatihananda eseva hetu etam didanam esa samudayo esa paccayo chandaragassa yadidam vinicchayo. {59.7} Labham paticca vinicchayoti iti kho panetam vuttam . Tadananda iminapetam pariyayena veditabbam yatha labham paticca vinicchayo . labho ca hi ananda nabhavissa sabbena sabbam sabbatha sabbam kassaci kimhici . sabbaso labhe asati labhanirodha api nu kho vinicchayo pannayethati . no

--------------------------------------------------------------------------------------------- page72.

Hetam bhante . tasmatihananda eseva hetu etam nidanam esa samudayo esa paccayo vinicchayassa yadidam labho. {59.8} Pariyesanam paticca labhoti iti kho panetam vuttam . Tadananda iminapetam pariyayena veditabbam yatha pariyesanam paticca labho . pariyesana ca hi ananda nabhavissa sabbena sabbam sabbatha sabbam kassaci kimhici . sabbaso pariyesanaya asati pariyesananirodha api nu kho labho pannayethati . no hetam bhante . tasmatihananda eseva hetu etam nidanam esa samudayo esa paccayo labhassa yadidam pariyesana. {59.9} Tanham paticca pariyesanati iti kho panetam vuttam . Tadananda iminapetam pariyayena veditabbam yatha tanham paticca pariyesana . tanha ca hi ananda nabhavissa sabbena sabbam sabbatha sabbam kassaci kimhici seyyathidam kamatanha bhavatanha vibhavatanha . sabbaso tanhaya asati tanhanirodha api nu kho pariyesana pannayethati . no hetam bhante . tasmatihananda eseva hetu etam nidanam esa samudayo esa paccayo pariyesanaya yadidam tanha.

The Pali Tipitaka in Roman Character Volume 10 page 69-72. https://84000.org/tipitaka/read/roman_item.php?book=10&item=59&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=10&item=59&items=1&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=10&item=59&items=1&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=10&item=59&items=1&pagebreak=1&modeTY=2 Study Atthakatha :- https://84000.org/tipitaka/attha/attha.php?b=10&i=59 Contents of The Tipitaka Volume 10 https://84000.org/tipitaka/read/?index_10 https://84000.org/tipitaka/english/?index_10