paliTIPITAKA Volume 10 - Sutta Pitaka 2

[63] Kittavata ca ananda attanam samanupassamano samanupassati . vedanam va hi ananda attanam samanupassamano samanupassati vedana me attati na heva kho me vedana atta appatisamvedano me attati ^[1]- . na heva kho me vedana atta nopi appatisamvedano me atta atta me vedayati vedanadhammo hi me attati iti va hi ananda attanam samanupassamano samanupassati. {63.1} Tatrananda yo so evamaha vedana me attati so evamassa vacaniyo tisso kho ima avuso vedana sukha vedana dukkha vedana adukkhamasukha vedana imasam kho tvam tissannam vedananam katamam attato samanupassasiti . yasmim ananda samaye sukham vedanam vedeti neva tasmim samaye dukkham vedanam vedeti na adukkhamasukham vedanam vedeti sukhamyeva tasmim samaye vedanam vedeti. Yasmim ananda samaye dukkham vedanam vedeti neva tasmim samaye sukham vedanam vedeti na adukkhamasukham vedanam vedeti dukkhamyeva tasmim samaye vedanam vedeti . yasmim ananda samaye adukkhamasukham @Footnote: ¹ Ma. Yu. iti va hi ananda samanupassamano samanupassati. Vedanam vedeti neva tasmim samaye sukham vedanam vedeti na dukkham vedanam vedeti adukkhamasukhamyeva tasmim samaye vedanam vedeti. {63.2} Sukhapi kho ananda vedana anicca sankhata paticcasamuppanna khayadhamma vayadhamma viragadhamma nirodhadhamma . Dukkhapi kho ananda vedana anicca sankhata paticcasamuppanna khayadhamma vayadhamma viragadhamma nirodhadhamma . adukkhamasukhapi kho ananda vedana anicca sankhata paticcasamuppanna khayadhamma vayadhamma viragadhamma nirodhadhamma . tassa sukham vedanam vedayamanassa eso me attati hoti tassayeva sukhaya vedanaya nirodha byaga me attati hoti . dukkham vedanam vedayamanassa eso me attati hoti . tassayeva dukkhaya vedanaya nirodha byaga me attati hoti . adukkhamasukham vedanam vedayamanassa eso me attati hoti tassayeva adukkhamasukhaya vedanaya nirodha byaga me attati hoti. Iti so ditthe va dhamme aniccam sukhadukkhavokinnam uppadavayadhammam attanam samanupassamano samanupassati yo so evamaha vedana me attati . tasmatihananda etenapetam nakkhamati vedana me attati samanupassitum {63.3} tatrananda yo so evamaha na heva kho me vedana atta appatisamvedano me attati so evamassa vacaniyo yattha panavuso sabbaso vedayitam atthi ^1- api nu kho tattha asmiti ^2- @Footnote: ¹ Ma. Yu. natthi. ² Ma. ayamahamasmiti. ito param idisameva. Siyati . no hetam bhante . tasmatihananda etenapetam nakkhamati na heva kho me vedana atta appatisamvedano me attati samanupassitum. {63.4} Tatrananda yo so evamaha na heva kho me vedana atta nopi appatisamvedano ^[1]- atta atta me vedayati vedanadhammo hi me attati . so evamassa vacaniyo vedana ca hi avuso sabbena sabbam sabbatha sabbam aparisesa nirujjheyyum sabbaso vedanaya asati vedananirodha api nu kho tattha ahamasmiti ^2- siyati. No hetam bhante. Tasmatihananda etenapetam nakkhamati na heva kho me vedana atta nopi appatisamvedano ^[3]- atta atta me vedayati vedanadhammo hi me attati samanupassitum.

The Pali Tipitaka in Roman Character Volume 10 page 78-80. https://84000.org/tipitaka/read/roman_item.php?book=10&item=63&items=1 Classified by [Item Number] :- http://84000.org/tipitaka/read/roman_item.php?book=10&item=63&items=1&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=10&item=63&items=1 Compare with The Royal Version of Thai Tipitaka :- https://84000.org/tipitaka/read/byitem.php?book=10&item=63&items=1 Study Atthakatha :- https://84000.org/tipitaka/attha/attha.php?b=10&i=63 Contents of The Tipitaka Volume 10 https://84000.org/tipitaka/read/?index_10 https://84000.org/tipitaka/english/?index_10