paliTIPITAKA Volume 10 - Sutta Pitaka 2

[67] Evamme sutam . ekam samayam bhagava rajagahe viharati gijjhakute pabbate . tena kho pana samayena raja magadho ajatasattu vedehiputto vajjim ^1- abhiyatukamo hoti . so evamaha aham hi me vajjim evammahiddhike evammahanubhave ucchejjami vajjim vinasessami vajjim anayabyasanam apadessami vajjinti. {67.1} Athakho raja magadho ajatasattu vedehiputto vassakaram brahmanam magadhamahamattam amantesi ehi tvam brahmana yena bhagava tenupasankama upasankamitva mama vacanena bhagavato pade sirasa vandahi appabadham appatankam lahutthanam balam phasuviharam puccha raja bhante magadho ajatasattu vedehiputto bhagavato pade sirasa vandati appabadham appatankam lahutthanam balam phasuviharam pucchatiti evanca vadehi raja bhante magadho ajatasattu vedehiputto vajjim abhiyatukamo so evamaha aham hi me vajji evammahiddhike evammahanubhave ucchejjami vajjim vinasessami vajjim anayabyasanam apadessami vajjinti yatha ca te bhagava byakaroti tam sadhukam uggahetva mama aroceyyasi na hi tathagata vitatham bhanantiti. {67.2} Evam bhoti kho vassakaro brahmano magadhamahamatto ranno magadhassa ajatasattussa vedehiputtassa patissutva bhaddani bhaddani yanani yojetva bhaddam bhaddam yanam @Footnote: ¹ Ma. Yu. vajji. ito param idisameva. ² Ma. ucchecchami. ito param idisameva.

--------------------------------------------------------------------------------------------- page86.

Abhiruhitva bhaddehi bhaddehi yanehi rajagahamha niyyasi yena gijjhakuto pabbato tena payasi yavatika yanassa bhumi yanena gantva yana paccorohitva pattiko va yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi . ekamantam nisinno kho vassakaro brahmano magadhamahamatto bhagavantam etadavoca raja bho gotama magadho ajatasattu vedehiputto bhoto gotamassa pade sirasa vandati appabadham appatankam lahutthanam balam phasuviharam pucchati raja bho gotama magadho ajatasattu vedehiputto vajjim abhiyatukamo so evamaha aham hi me vajji evammahiddhike evammahanubhave ucchejjami vajjim vinasessami vajjim anayabyasanam apadessami vajjinti.

The Pali Tipitaka in Roman Character Volume 10 page 85-86. https://84000.org/tipitaka/read/roman_item.php?book=10&item=67&items=1&pagebreak=1&modeTY=2&mode=bracket Classified by content :- https://84000.org/tipitaka/read/roman_item.php?book=10&item=67&items=1&pagebreak=1&modeTY=2 Compare with The Pali Tipitaka in Thai Character :- https://84000.org/tipitaka/read/pali_item.php?book=10&item=67&items=1&pagebreak=1&modeTY=2&mode=bracket Compare with The Royal Version of Thai Tipitaka :- https://84000.org/tipitaka/read/byitem.php?book=10&item=67&items=1&pagebreak=1&modeTY=2&mode=bracket Study Atthakatha :- https://84000.org/tipitaka/attha/attha.php?b=10&i=67 Contents of The Tipitaka Volume 10 https://84000.org/tipitaka/read/?index_10 https://84000.org/tipitaka/english/?index_10