paliTIPITAKA Volume 12 - Sutta Pitaka 4

[267] Pancime bhikkhave vacanapatha yehi vo pare vadamana vadeyyum kalena va akalena va bhutena va abhutena va sanhena va pharusena va atthasanhitena va anatthasanhitena va mettacitta va dosantara va . kalena va bhikkhave pare vadamana vadeyyum akalena va bhutena va bhikkhave pare vadamana vadeyyum abhutena va sanhena va bhikkhave pare vadamana vadeyyum pharusena va atthasanhitena va bhikkhave pare vadamana vadeyyum anatthasanhitena @Footnote: ¹ Ma. khosaddo na dissati. ² Ma. dhammam manenta dhammam pujenta. Va mettacitta va bhikkhave pare vadamana vadeyyum dosantara va . tatrapi vo bhikkhave evam sikkhitabbam na ceva no cittam viparinatam bhavissati na ca papikam vacam niccharessama hitanukampi ca viharissama mettacitta na dosantara tanca puggalam mettasahagatena cetasa pharitva viharissama tadarammananca sabbavantam lokam mettasahagatena cetasa vipulena mahaggatena appamanena averena abyapajjhena pharitva viharissamati evanhi vo bhikkhave sikkhitabbam. [268] Seyyathapi bhikkhave puriso agaccheyya kuddalapitakam adaya so evam vadeyya aham imam mahapathavim apathavim karissamiti . So tatra tatra khaneyya ^1- tatra tatra vikireyya tatra tatra otthubheyya tatra tatra omutteyya apathavi bhavasi apathavi bhavasiti . tam kim mannatha bhikkhave api nu so puriso imam mahapathavim apathavim kareyyati . no hetam bhante tam kissa hetu ayanhi bhante mahapathavi gambhira appameyya sa na sukara apathavim katum yavadeva ca pana so puriso kilamathassa vighatassa bhagi assati. {268.1} Evameva kho bhikkhave pancime vacanapatha yehi vo pare vadamana vadeyyum kalena va akalena va bhutena va abhutena va sanhena va pharusena va atthasanhitena va anatthasanhitena va mettacitta va dosantara va . kalena va bhikkhave pare vadamana vadeyyum @Footnote: ¹ Ma. vikhineyya. Akalena va bhutena va bhikkhave pare vadamana vadeyyum abhutena va sanhena va bhikkhave pare vadamana vadeyyum pharusena va atthasanhitena va bhikkhave pare vadamana vadeyyum anatthasanhitena va mettacitta va bhikkhave pare vadamana vadeyyum dosantara va . tatrapi vo bhikkhave evam sikkhitabbam na ceva no cittam viparinatam bhavissati na ca papikam vacam niccharessama hitanukampi ca viharissama mettacitta na dosantara tanca puggalam mettasahagatena cetasa pharitva viharissama tadarammananca sabbavantam lokam pathavisamena cetasa vipulena mahaggatena appamanena averena abyapajjhena pharitva viharissamati evanhi vo bhikkhave sikkhitabbam. [269] Seyyathapi bhikkhave puriso agaccheyya lakham va haliddam va nilam va manjettham va adaya so evam vadeyya aham imasmim akase rupani likhissami rupapatubhavam karissamiti . Tam kim mannatha bhikkhave api nu so puriso imasmim akase rupani ^1- likheyya rupapatubhavam kareyyati . no hetam bhante tam kissa hetu ayanhi bhante akaso arupi anidassano tattha na sukaram rupam likhitum rupapatubhavam katum yavadeva ca pana so puriso kilamathassa vighatassa bhagi assati . evameva kho bhikkhave pancime vacanapatha yehi vo pare vadamana vadeyyum kalena va akalena @Footnote: ¹ Ma. Yu. rupam. Va .pe. tadarammananca sabbavantam lokam akasasamena cetasa vipulena mahaggatena appamanena averena abyapajjhena pharitva viharissamati evanhi vo bhikkhave sikkhitabbam.

The Pali Tipitaka in Roman Character Volume 12 page 255-258. https://84000.org/tipitaka/read/roman_item.php?book=12&item=267&items=3 Classified by [Item Number] :- http://84000.org/tipitaka/read/roman_item.php?book=12&item=267&items=3&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=12&item=267&items=3 Compare with The Royal Version of Thai Tipitaka :- https://84000.org/tipitaka/read/byitem.php?book=12&item=267&items=3 Study Atthakatha :- https://84000.org/tipitaka/attha/attha.php?b=12&i=267 Contents of The Tipitaka Volume 12 https://84000.org/tipitaka/read/?index_12 https://84000.org/tipitaka/english/?index_12