paliTIPITAKA Volume 19 - Sutta Pitaka 11

[1513] Kapilavatthunidanam . atha kho mahanamo sakko yena godha sakko tenupasankami upasankamitva godham sakkam etadavoca [1514] Katihi ^1- tvam godhe dhammehi samannagatam sotapannam puggalam ajanasi avinipatadhammam niyatam sambodhiparayananti . tihi khvaham mahanama dhammehi samannagatam sotapannam puggalam ajanami avinipatadhammam niyatam sambodhiparayanam . katamehi tihi . idha mahanama ariyasavako buddhe aveccappasadena samannagato hoti itipi so bhagava .pe. sattha devamanussanam buddho bhagavati . Dhamme sanghe . aveccappasadena samannagato hoti supatipanno bhagavato savakasangho .pe. anuttaram punnakkhettam lokassati . Imehi khvaham mahanama tihi dhammehi samannagatam sotapannam puggalam ajanami avinipatadhammam niyatam sambodhiparayanam. [1515] Tvam pana mahanama katihi dhammehi samannagatam sotapannam @Footnote: ¹ Yu. katihi. evamuparipi.

--------------------------------------------------------------------------------------------- page467.

Puggalam ajanasi avinipatadhammam niyatam sambodhiparayananti . catuhi khvaham ^[1]- godhe dhammehi samannagatam sotapannam puggalam ajanami avinipatadhammam niyatam sambodhiparayanam . katamehi catuhi . idha godhe ariyasavako buddhe aveccappasadena samannagato hoti itipi so bhagava .pe. sattha devamanussanam buddho bhagavati . Dhamme sanghe . ariyakantehi silehi samannagato hoti akkhandehi .pe. samadhisamvattanikehi . imehi khvaham godhe catuhi dhammehi samannagatam sotapannam puggalam ajanami avinipatadhammam niyatam sambodhiparayananti. [1516] Agamehi tvam mahanama agamehi tvam mahanama bhagavava etam janeyya etehi dhammehi samannagatam va asamannagatam vati. Ayama godhe yena bhagava tenupasankameyyama upasankamitva bhagavato etamattham arocissamati. [1517] Atha kho mahanamo ca ^2- sakko godha ca sakko yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinno kho mahanamo sakko bhagavantam etadavoca idhaham bhante yena godha sakko tenupasankamim upasankamitva godham sakkam etadavocam katihi tvam godhe dhammehi samannagatam sotapannam puggalam ajanasi avinipadhammam niyatam sambodhiparayananti. @Footnote: ¹ Yu. bho. ² Ma. Yu. casaddo natthi.

--------------------------------------------------------------------------------------------- page468.

[1518] Evam vutte bhante godha sakko mam etadavoca tihi khvaham mahanama dhammehi samannagatam sotapannam puggalam ajanami avinipatadhammam niyatam sambodhiparayanam . katamehi tihi . idha mahanama ariyasavako buddhe aveccappasadena samannagato hoti itipi so bhagava .pe. sattha devamanussanam buddho bhagavati . Dhamme sanghe . aveccappasadena samannagato hoti supatipanno bhagavato savakasangho .pe. anuttaram punnakkhettam lokassati . Imehi khvaham mahanama tihi dhammehi samannagatam sotapannam puggalam ajanami avinipatadhammam niyatam sambodhiparayanam . tvam pana mahanama katihi dhammehi samannagatam sotapannam puggalam ajanasi avinipatadhammam niyatam sambodhiparayananti. [1519] Evam vuttaham bhante godham sakkam etadavocam catuhi khvaham godhe dhammehi samannagatam sotapannam puggalam ajanami avinipatadhammam niyatam sambodhiparayanam . katamehi catuhi . idha godhe ariyasavako buddhe aveccappasadena samannagato hoti itipi so bhagava .pe. sattha devamanussanam buddho bhagavati . Dhamme sanghe . ariyakantehi silehi samannagato hoti akkhandehi .pe. samadhisamvattanikehi . imehi khvaham godhe catuhi dhammehi samannagatam sotapannam puggalam ajanami avinipatadhammam niyatam sambodhiparayananti.

--------------------------------------------------------------------------------------------- page469.

[1520] Evam vutte bhante godha sakko mam etadavoca agamehi tvam mahamama agamehi tvam mahanama bhagavava etam janeyya etehi dhammehi samannagatam va asamannagatam vati. [1521] Idha bhante kocideva dhammasamuppado ^1- uppajjeyya ekato assa bhagava ekato bhikkhusangho ca ^2- yeneva bhagava tenevaham assam evam pasannam mam bhante bhagava dharetu. [1522] Idha bhante kocideva dhammasamuppado uppajjeyya ekato assa bhagava ekato bhikkhusangho bhikkhunisangho ca yeneva bhagava tenevaham assam evam pasannam mam bhante bhagava dharetu. [1523] Idha bhante kocideva dhammasamuppado uppajjeyya ekato assa bhagava ekato bhikkhusangho bhikkhunisangho ^[3]- upasaka ca yeneva bhagava tenevaham assam evam pasannam mam bhante bhagava dharetu. [1524] Idha bhante kocideva dhammasamuppado uppajjeyya ekato assa bhagava ekato bhikkhusangho bhikkhunisangho upasaka upasikayo ca yeneva bhagava tenevaham assam evam pasannam mam bhante bhagava dharetu. [1525] Idha bhante kocideva dhammasamuppado uppajjeyya ekato assa bhagava ekato bhikkhusangho bhikkhunisangho upasaka upasikayo sadevako ca loko samarako sabrahmako sassamanabrahmani ^1- @Footnote: ¹ Ma. dhammo samuppado. evamuparipi. ² Yu. casaddo natthi. ³ Ma. Yu. ca.

--------------------------------------------------------------------------------------------- page470.

Paja sadevamanussa yeneva bhagava tenevaham assam evam pasannam mam bhante bhagava dharetuti. [1526] Evamvadi ^2- tvam godhe mahanamam sakkam kim vadesiti. Evamvadaham bhante mahanamam sakkam na kinci vadami annatra kalyana annatra kusalati.

The Pali Tipitaka in Roman Character Volume 19 page 466-470. https://84000.org/tipitaka/read/roman_item.php?book=19&item=1513&items=14&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=19&item=1513&items=14&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=19&item=1513&items=14&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=1513&items=14&pagebreak=1&modeTY=2 Study Atthakatha :- https://84000.org/tipitaka/attha/attha.php?b=19&i=1513 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19