paliTIPITAKA Volume 2 - Vinaya Pitaka 2

Vinayapitake mahavibhangassa dutiyo bhago ------- namo tassa bhagavato arahato sammasambuddhassa. Nissaggiyakandam ime kho panayasmanto timsa nissaggiya pacittiya dhamma uddesam agacchanti. Civaravaggassa pathamasikkhapadam [1] Tena samayena buddho bhagava vesaliyam viharati gotamake cetiye. Tena kho pana samayena bhagavata bhikkhunam ticivaram anunnatam hoti . Chabbaggiya bhikkhu bhagavata ticivaram anunnatanti anneneva ticivarena gamam pavisanti anneneva ^1- ticivarena arame acchanti anneneva ^1- ticivarena nahanam otaranti . ye te bhikkhu appiccha santuttha ^2- lajjino kukkuccaka sikkhakama ^2- te ujjhayanti khiyanti vipacenti katham hi nama chabbaggiya bhikkhu atirekacivaram dharessantiti. Athakho te bhikkhu ^[3]- bhagavato etamattham arocesum. Athakho bhagava etasmim nidane etasmim pakarane bhikkhusangham sannipatapetva chabbaggiye bhikkhu patipucchi saccam kira tumhe bhikkhave atirekacivaram @Footnote: ¹ Ma. Yu. annena . ^2-2 Ma. ime patha natthi . ³ Ma. chabbaggiye bhikkhu @anekapariyayena vigarahitva. Dharethati . saccam bhagavati . vigarahi buddho bhagava ananucchavikam moghapurisa ananulomikam appatirupam assamanakam akappiyam akaraniyam katham hi nama tumhe moghapurisa atirekacivaram dharessatha netam moghapurisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {1.1} yo pana bhikkhu atirekacivaram dhareyya nissaggiyam pacittiyanti. {1.2} Evancidam bhagavata bhikkhunam sikkhapadam pannattam hoti. [2] Tena kho pana samayena ayasmato anandassa atirekacivaram uppannam hoti . ayasma ca anando tam civaram ayasmato sariputtassa datukamo hoti . ayasma ca sariputto sakete viharati . athakho ayasmato anandassa etadahosi bhagavata sikkhapadam pannattam na atirekacivaram dharetabbanti idanca me atirekacivaram uppannam ahancimam civaram ayasmato sariputtassa datukamo ^1- ayasma ca sariputto sakete viharati katham nu kho maya patipajjitabbanti . athakho ayasma anando bhagavato etamattham arocesi . kivaciram panananda sariputto agacchissatiti . Navamam va bhagava divasam dasamam vati . athakho bhagava etasmim nidane etasmim pakarane ^2- dhammim katham katva bhikkhu amantesi anujanami bhikkhave dasahaparamam atirekacivaram dharetum evanca pana bhikkhave imam sikkhapadam uddiseyyatha nitthitacivarasmim bhikkhuna @Footnote: ¹ Po. datukamomhi . ² Po. ... bhikkhusangham sannipatetva bhikkhunam tadanucchavikam @tadanulomikam dhammikatham. Ubbhatasmim kathine dasahaparamam atirekacivaram dharetabbam tam atikkamayato nissaggiyam pacittiyanti. [3] Nitthitacivarasminti bhikkhuno civaram katam va hoti nattham va vinattham va daddham va civarasa va upacchinna . ubbhatasmim kathineti atthannam matikanam annataraya matikaya ubbhatam hoti sanghena va antara ubbhatam hoti . dasahaparamanti dasahaparamata dharetabbam . Atirekacivaram nama anadhitthitam avikappitam . civaram nama channam civaranam annataram civaram vikappanupagam pacchimam ^1- . tam atikkamayato nissaggiyam hotiti ^2- ekadase arunuggamane nissaggiyam hoti nisajjitabbam sanghassa va ganassa va puggalassa va. Evanca pana bhikkhave nissajjitabbam. [4] Tena bhikkhuna sangham upasankamitva ekamsam uttarasangam karitva vuddhanam bhikkhunam pade vanditva ukkutikam nisiditva anjalim paggahetva evamassa vacaniyo idam me bhante civaram dasahatikkantam nissaggiyam imaham sanghassa nissajjamiti . Nissajjitva apatti desetabba . byattena bhikkhuna patibalena @Footnote: ¹ Yu. vikappanupagapacchimam . ² nissaggiyam hotiti ettha hotisaddo atirekapatho @bhaveyya sutte anagatatta. itaratha suttam unam siya evam nissaggiyam hoti @pacittiyanti bhaveyya. vicaretva gahetabbam. Apatti patiggahetabba nissatthacivaram databbam ^[1]- sunatu me bhante sangho idam civaram itthannamassa bhikkhuno nissaggiyam sanghassa nissattham . yadi sanghassa pattakallam sangho imam civaram itthannamassa bhikkhuno dadeyyati. [5] Tena bhikkhuna sambahule bhikkhu upasankamitva ekamsam uttarasangam karitva vuddhanam bhikkhunam pade vanditva ukkutikam nisiditva anjalim paggahetva evamassa vacaniyo idam me bhante civaram dasahatikkantam nissaggiyam imaham ayasmantanam nissajjamiti . Nissajjitva apatti desetabba . byattena bhikkhuna patibalena apatti patiggahetabba nissatthacivaram databbam ^[1]- {5.1} sunantu me ayasmanta idam civaram itthannamassa bhikkhuno nissaggiyam ayasmantanam nissattham . yadayasmantanam pattakallam ayasmanta imam civaram itthannamassa bhikkhuno dadeyyunti. [6] Tena bhikkhuna ekam bhikkhum upasankamitva ekamsam uttarasangam karitva ukkutikam nisiditva anjalim paggahetva evamassa vacaniyo idam me avuso civaram dasahatikkantam nissaggiyam imaham ayasmato nissajjamiti . nissajjitva apatti desetabba . tena bhikkhuna apatti patiggahetabba nissatthacivaram databbam imam civaram ayasmato dammiti. [7] Dasahatikkante atikkantasanni nissaggiyam pacittiyam . @Footnote: ¹ Po. evanca pana bhikkhave databbam. bayattena bhikkhuna patibalena sangho napetabbo. Dasahatikkante vematiko nissaggiyam pacittiyam . dasahatikkante anatikkantasanni nissaggiyam pacittiyam . anadhitthite adhitthitasanni nissaggiyam pacittiyam . avikappite vikappitasanni nissaggiyam pacittiyam . avissajjite vissajjitasanni nissaggiyam pacittiyam . Anatthe natthasanni nissaggiyam pacittiyam . avinatthe vinatthasanni nissaggiyam pacittiyam . adaddhe daddhasanni nissaggiyam pacittiyam. Avilutte viluttasanni nissaggiyam pacittiyam. {7.1} Nissaggiyam civaram anissajjitva paribhunjati apatti dukkatassa. Dasahanatikkante atikkantasanni apatti dukkatassa . dasahanatikkante vematiko apatti dukkatassa . dasahanatikkante anatikkantasanni anapatti. [8] Anapatti antodasaham adhittheti vikappeti vissajjeti nassati vinassati dayhati acchinditva ganhati ^1- vissasam ganhati ^2- ummattakassa adikammikassati. [9] Tena kho pana samayena chabbaggiya bhikkhu nissatthacivaram na denti . ye ^3- te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu nissatthacivaram na dassantiti ^3- . bhagavato etamattham arocesum . athakho bhagava chabbaggiye bhikkhu patipucchi saccam kira tumhe bhikkhave nissatthacivaram @Footnote: ^1-2 Ma. Yu. ganhanti . ^3-3 Ma. ime patha natthi. Na dethati . saccam bhagavati . vigarahi buddho bhagava .pe. Dhammim katham katva bhikkhu amantesi ^4- na bhikkhave nissatthacivaram na databbam yo na dadeyya apatti dukkatassati. Pathamasikkhapadam nitthitam. ------- @Footnote: ¹ Ma. Yu. ime patha natthi. Dutiyasikkhapadam [10] Tena samayena buddho bhagava savatthiyam viharati jetavane anathapindikassa arame . tena kho pana samayena bhikkhu bhikkhunam hatthe civaram nikkhipitva santaruttarena janapadacarikam pakkamanti . Tani civarani ciram ^1- nikkhittani kannakitani honti . tani civarani ^2- bhikkhu otapenti . addasa kho ayasma anando senasanacarikam ahindanto te bhikkhu tani civarani otapente disvana yena te bhikkhu tenupasankami upasankamitva te bhikkhu etadavoca kassimani avuso civarani kannakitaniti . athakho te bhikkhu ayasmato anandassa etamattham arocesum . ayasma anando ujjhayati khiyati vipaceti katham hi nama bhikkhu bhikkhunam hatthe civaram nikkhipitva santaruttarena janapadacarikam pakkamissantiti. Athakho ayasma anando ^[3]- bhagavato etamattham arocesi . athakho bhagava te bhikkhu patipucchi saccam kira bhikkhave bhikkhu bhikkhunam hatthe civaram nikkhipitva santaruttarena janapadacarikam pakkamantiti . saccam bhagavati . vigarahi buddho bhagava katham hi nama te bhikkhave moghapurisa bhikkhunam hatthe civaram nikkhipitva santaruttarena janapadacarikam @Footnote: ¹ Po. civaravamse . ² Ma. Yu. ayam patho natthi . ³ Ma. te bhikkhu @anekapariyayena vigarahitva. evamidisesu thanesu. Pakkamissanti netam bhikkhave appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {10.1} nitthitacivarasmim bhikkhuna ubbhatasmim kathine ekarattampi ce bhikkhu ticivarena vippavaseyya nissaggiyam pacittiyanti. {10.2} Evancidam bhagavata bhikkhunam sikkhapadam pannattam hoti. [11] Tena kho pana samayena annataro bhikkhu kosambiyam gilano hoti . nataka tassa bhikkhuno santike dutam pahesum agacchatu bhaddanto mayam upatthahissamati . bhikkhupi evamahamsu gaccha avuso nataka tam upatthahissantiti . so evamaha bhagavata avuso sikkhapadam pannattam na ticivarena vippavasitabbanti ahancamhi gilano na sakkomi ticivaramadaya pakkamitum naham gamissamiti . Bhagavato etamattham arocesum. {11.1} Athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave gilanassa bhikkhuno ticivarena avippavasasammatim ^1- datum . evanca pana bhikkhave databba. Tena gilanena bhikkhuna sangham upasankamitva ekamsam uttarasangam karitva vuddhanam bhikkhunam pade vanditva ukkutikam nisiditva anjalim paggahetva evamassa vacaniyo aham bhante gilano na sakkomi ticivaramadaya pakkamitum soham bhante sangham ticivarena avippavasasammatim yacamiti . dutiyampi yacitabba tatiyampi yacitabba . byatatena bhikkhuna patibalena @Footnote: ¹ Ma. Yu. sammutim. evamuparipi. Sangho napetabbo {11.2} sunatu me bhante sangho ayam itthannamo bhikkhu gilano na sakkoti ticivaramadaya pakkamitum . so sangham ticivarena avippavasa- sammatim yacati . yadi sanghassa pattakallam sangho itthannamassa bhikkhuno ticivarena avippavasasammatim dadeyya. Esa natti. {11.3} Sunatu me bhante sangho ayam itthannamo bhikkhu gilano na sakkoti ticivaramadaya pakkamitum . so sangham ticivarena avippavasa- sammatim yacati . sangho itthannamassa bhikkhuno ticivarena avippavasa- sammatim deti . yassayasmato khamati itthannamassa bhikkhuno ticivarena avippavasasammatiya danam so tunhassa yassa nakkhamati so bhaseyya. {11.4} Dinna sanghena itthannamassa bhikkhuno ticivarena avippavasa- sammati. Khamati sanghassa tasma tunhi. Evametam dharayamiti. {11.5} Evanca pana bhikkhave imam sikkhapadam uddiseyyatha {11.6} nitthitacivarasmim bhikkhuna ubbhatasmim kathine ekarattampi ce bhikkhu ticivarena vippavaseyya annatra bhikkhusammatiya nissaggiyam pacittiyanti. [12] Nitthitacivarasminti bhikkhuno ^[1]- civaram katam va hoti nattham va vinattham va daddham va civarasa va upacchinna . ubbhatasmim kathineti atthannam matikanam annataraya matikaya ubbhatam hoti sanghena va antara ubbhatam hoti . ekarattampi ce bhikkhu ticivarena vippavaseyyati sanghatiya va uttarasangena va @Footnote: ¹ Po. bhikkhuna. Antaravasakena va ekarattampi ^1- ce vippavuttham hoti ^1-. Annatra bhikkhusammatiyati thapetva bhikkhusammatim . nissaggiyam hotiti saha arunuggamanena ^2- nissaggiyam hoti nissajjitabbam sanghassa va ganassa va puggalassa va . evanca pana bhikkhave nissajjitabbam. Tena bhikkhuna sangham upasankamitva .pe. evamassa vacaniyo idam me bhante civaram ^3- rattivippavuttham ^4- annatra bhikkhusammatiya nissaggiyam imaham sanghassa nissajjamiti .pe. dadeyyati .pe. dadeyyunti .pe. ayasmato dammiti. [13] Gamo ekupacaro nanupacaro nivesanam ekupacaram nanupacaram uddosito ekupacaro nanupacaro atto ekupacaro nanupacaro malo ekupacaro nanupacaro pasado ekupacaro nanupacaro hammiyam ekupacaram nanupacaram nava ekupacara nanupacara sattho ekupacaro nanupacaro khettam ekupacaram nanupacaram dhannakaranam ekupacaram nanupacaram aramo ekupacaro nanupacaro viharo ekupacaro nanupacaro rukkhamulam ekupacaram nanupacaram ajjhokaso ekupacaro nanupacaro. [14] Gamo ekupacaro nama ekakulassa gamo hoti parikkhitto @Footnote:^1-1 Ma. Yu. ime patha natthi . ² Ma. Yu. arunuggamana . ³ Yu. Ra. ticivaram. @⁴ Si. yu rattim vippavuttham. Ra. ekarattam vippavuttham. Ca antogame civaram nikkhipitva antogame vatthabbam . aparikkhitto hoti yasmim ghare civaram nikkhittam hoti tasmim ghare vatthabbam hatthapasa va na vijahitabbam . nanupacaro nama ^1- nanakulassa gamo hoti parikkhitto ca yasmim ghare civaram nikkhittam hoti tasmim ghare vatthabbam sabhaye va dvaramule va hatthapasa va na vijahitabbam . sabhayam gacchantena hatthapase civaram nikkhipitva sabhaye ^[2]- vatthabbam dvaramule va hatthapasa va na vijahitabbam. Sabhaye civaram nikkhipitva sabhaye ^[2]- vatthabbam dvaramule va hatthapasa va na vijahitabbam. Aparikkhitto hoti yasmim ghare civaram nikkhittam hoti tasmim ghare vatthabbam hatthapasa va na vijahitabbam. [15] Ekakulassa nivesanam hoti parikkhittanca nanagabbha nanaovaraka antonivesane civaram nikkhipitva antonivesane vatthabbam . aparikkhittam hoti yasmim gabbhe civaram nikkhittam hoti tasmim gabbhe vatthabbam hatthapasa va na vijahitabbam . nanakulassa nivesanam hoti parikkhittanca nanagabbha nanaovaraka yasmim gabbhe civaram nikkhittam hoti tasmim gabbhe vatthabbam dvaramule va hatthapasa va na vijahitabbam . aparikkhittam hoti yasmim gabbhe civaram nikkhittam hoti tasmim gabbhe vatthabbam hatthapasa @Footnote: ¹ Ma. Yu. idam pathadvayam natthi . ² Ma. Yu. va. Va na vijahitabbam.

The Pali Tipitaka in Roman Character Volume 2 page 1-12. https://84000.org/tipitaka/read/roman_item.php?book=2&item=1&items=15 Classified by [Item Number] :- http://84000.org/tipitaka/read/roman_item.php?book=2&item=1&items=15&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=2&item=1&items=15 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=1&items=15 Study Atthakatha :- https://84000.org/tipitaka/attha/attha.php?b=2&i=1 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2