paliTIPITAKA Volume 21 - Sutta Pitaka 13

[30] Ekam samayam bhagava rajagahe viharati gijjhakute pabbate. Tena kho pana samayena sambahula abhinnata abhinnata paribbajaka sippiniya ^1- tire paribbajakarame pativasanti seyyathidam annabharo vadharo ^2- sakuludayi ca paribbajako anne ca abhinnata abhinnata paribbajaka . athakho bhagava sayanhasamayam patisallana vutthito yena sippiniya tiram paribbajakaramo tenupasankami upasankamitva pannatte asane nisidi nisajja kho bhagava te paribbajake etadavoca cattarimani paribbajaka dhammapadani aggannani rattannani vamsannani poranani asamkinnani asamkinnapubbani na samkiyanti na samkiyissanti appatikutthani samanehi brahmanehi vinnuhi katamani cattari anabhijjha paribbajaka dhammapadam aggannam rattannam vamsannam poranam asamkinnam asamkinnapubbam na samkiyati na samkiyissati appatikuttham samanehi brahmanehi vinnuhi . Abyapado paribbajaka dhammapadam ... . sammasati paribbajaka dhammapadam ... . sammasamadhi paribbajaka dhammapadam aggannam rattannam vamsannam poranam asamkinnam asamkinnapubbam na samkiyati na samkiyissati appatikuttham samanehi brahmanehi vinnuhi . imani @Footnote: ¹ Po. sappinikaya nadiya. Ma. sippinikatire . ² Ma. Yu. varadharo.

--------------------------------------------------------------------------------------------- page39.

Kho paribbajaka cattari dhammapadani aggannani rattannani vamsannani poranani asamkinnani asamkinnapubbani na samkiyanti na samkiyissanti appatikutthani samanehi brahmanehi vinnuhi. {30.1} Yo kho paribbajaka evam vadeyya ahametam anabhijjham dhammapadam paccakkhaya abhijjhalum kamesu tibbasaragam samanam va brahmanam va pannapessamiti tamaham tattha evam vadeyyam etu vadatu byaharatu passamissanubhavanti so vata paribbajaka anabhijjham dhammapadam paccakkhaya abhijjhalum kamesu tibbasaragam samanam va brahmanam va pannapessatiti netam thanam vijjati. {30.2} Yo kho paribbajaka evam vadeyya ahametam abyapadam dhammapadam paccakkhaya byapannacittam padutthamanasankappam samanam va brahmanam va pannapessamiti tamaham tattha evam vadeyyam etu vadatu byaharatu passamissanubhavanti so vata paribbajaka abyapadam dhammapadam paccakkhaya byapannacittam padutthamanasankappam samanam va brahmanam va pannapessatiti netam thanam vijjati. {30.3} Yo kho paribbajaka evam vadeyya ahametam sammasatim dhammapadam paccakkhaya mutthassatim asampajanam samanam va brahmanam va pannapessamiti tamaham tattha evam vadeyyam etu vadatu byaharatu passamissanubhavanti so vata paribbajaka sammasatim dhammapadam paccakkhaya mutthassatim asampajanam samanam va brahmanam va pannapessatiti netam thanam vijjati. {30.4} Yo kho paribbajaka evam vadeyya

--------------------------------------------------------------------------------------------- page40.

Ahametam sammasamadhim dhammapadam paccakkhaya asamahitam vibbhantacittam samanam va brahmanam va pannapessamiti tamaham tattha evam vadeyyam etu vadatu byaharatu passamissanubhavanti so vata paribbajaka sammasamadhim dhammapadam paccakkhaya asamahitam vibbhantacittam samanam va brahmanam va pannapessatiti netam thanam vijjati. {30.5} Yo kho paribbajaka imani cattari dhammapadani garahitabbam patikkositabbam manneyya tassa dittheva dhamme cattaro sahadhammika vadanupata garayha thana agacchanti katame cattaro anabhijjham ce bhavam dhammapadam garahati patikkosati ye ca hi abhijjhalu kamesu tibbasaraga samana va brahmana va te bhoto pujja te bhoto pasamsa . abyapadam ce bhavam dhammapadam garahati patikkosati ye ca hi byapannacitta padutthamanasankappa samana va brahmana va te bhoto pujja te bhoto pasamsa. Sammasatim ce bhavam dhammapadam garahati patikkosati ye ca hi mutthassati asampajana samana va brahmana va te bhoto pujja te bhoto pasamsa . sammasamadhim ce bhavam dhammapadam garahati patikkosati ye ca hi asamahita vibbhantacitta samana va brahmana va te bhoto pujja te bhoto pasamsa. {30.6} Yo kho paribbajaka imani cattari dhammapadani garahitabbam patikkositabbam manneyya tassa dittheva dhamme ime cattaro sahadhammika vadanupata garayha thana

--------------------------------------------------------------------------------------------- page41.

Agacchanti . yepi te paribbajaka ahesum ukkala vassabhanna ahetukavada akiriyavada natthikavada tepi imani cattari dhammapadani na garahitabbam na patikkositabbam amannimsu tam kissa hetu nindabyarosanauparambhabhayati. Abyapanno sada sato ajjhattam susamahito abhijjhavinaye sikkham appamattoti vuccatiti. Uruvelavaggo tatiyo. Tassuddanam dve uruvela loko kalako brahmacariyapancamam kuham santutthi vamso ca ^1- dhammapadam paribbajakena cati. -----------

The Pali Tipitaka in Roman Character Volume 21 page 38-41. https://84000.org/tipitaka/read/roman_item.php?book=21&item=30&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=21&item=30&items=1&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=21&item=30&items=1&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=30&items=1&pagebreak=1&modeTY=2 Study Atthakatha :- https://84000.org/tipitaka/attha/attha.php?b=21&i=30 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21