paliTIPITAKA Volume 25 - Sutta Pitaka 17

Suttanipate catutthassa atthakavaggassa pannarasamam attadandasuttam [422] |422.1363| ¹⁵ Attadanda bhayam jatam janam passatha medhagam samvegam kittayissami yatha samvijitam maya. |422.1364| Phandamanam pajam disva macche appodake yatha annamannehi byaruddhe disva mam bhayamasivi. |422.1365| Samantamasaro loko disa sabba samerita iccham bhavanamattano naddasasim anositam

--------------------------------------------------------------------------------------------- page518.

|422.1366| Osane tveva byaruddhe disva me arati ahu athettha sallamaddakkhim duddasam hadayanissitam. |422.1367| Yena sallena otinno disa sabba vidhavati tameva sallam abbuyha na dhavati na sidati. |422.1368| Tattha sikkhanugiyanti ............... (yani loke gadhitani) na tesu pasuto siya nibbijja sabbaso kame sikkhe nibbanamattano. |422.1369| Sacco siya appagabbho amayo rittapesuno akkodhano lobhapapakam ^1- veviccham vitare muni. |422.1370| Niddam tandim sahe thinam pamadena na samvase atimane na tittheyya nibbanamanaso naro. |422.1371| Mosavajjena niyyetha rupe sneham na kubbaye mananca parijaneyya sahasa virato care. |422.1372| Puranam nabhinandeyya nave khantimakubbaye hiyyamane na soceyya akasam na sito siya. |422.1373| Gedham brumi mahoghoti ajavam brumi jappanam arammanam pakappanam kamapanko duraccayo. |422.1374| Sacca avokkamma muni thale titthati brahmano sabbaso patinissajja sa ve santoti vuccati. |422.1375| Sa ve vidva ^2- sa vedagu natva dhammam anissito @Footnote: ¹ Yu. lobhapapam. ² Po. viddha.

--------------------------------------------------------------------------------------------- page519.

Samma so loke iriyano na pihetidha kassaci. |422.1376| Yodha kame accuttari ^1- sangam loke duraccayam na so socati najjheti chinnasoto abandhano. |422.1377| Yam pubbe tam visosehi paccha te mahu kincanam majjhe ce no gahessasi upasanto carissasi. |422.1378| Sabbaso namarupasmim yassa natthi mamayitam asata ca na socati sa ve loke na jiyyati. |422.1379| Yassa natthi idam meti paresam capi ^2- kincanam mamattam so asamvindam natthi meti na socati. |422.1380| Anutthuri ^3- ananugiddho anejo sabbadhi samo tamanisamsam pabrumi pucchito avikappinam. |422.1381| Anejassa vijanato natthi kaci nisankhati ^4- virato so viyarambha khemam passati sabbadhi. |422.1382| Na samesu na omesu na ussesu vadate muni santo so vitamaccharo nadeti na nirassatiti bhagavati. Attadandasuttam pannarasamam. ---------- @Footnote: ¹ Po. accattari. Yu. accatari . ² Yu. vapi . ³ Po. anutthari. Yu. @anitthuri . ⁴ Po. kacini sankhiti.

--------------------------------------------------------------------------------------------- page520.

Suttanipate catutthassa atthakavaggassa solasamam sariputtasuttam [423] |423.1383| ¹⁶ Name dittho ito pubbe (iccayasma sariputto) na suto uda kassaci evam vagguvado sattha tusita ganimagato. |423.1384| Sadevakassa lokassa yatha dissati cakkhuma sabbantamam vinodetva ekova ratimajjhaga. |423.1385| Tam buddham asitam tadim akuham ganimagatam bahunnamidha baddhanam atthi panhena agamam |423.1386| bhikkhuno vijigucchato bhajato rittamasanam rukkhamulam susanam va pabbatanam guhasu va |423.1387| uccavacesu sayanesu givanto tattha bherava yehi bhikkhu na vedheyya nigghose sayanasane. |423.1388| Kati parissaya loke gacchato agatam disam ye bhikkhu abhisambhave pantamhi sayanasane. |423.1389| Kyassa byapathayo assu kyassassu idha gocara kani silabbatanassa ^1- pahitattassa bhikkhuno |423.1390| kam so sikkham samadaya ekodi nipako sato kammaro rajatasseva niddhame malamattano. @Footnote: ¹ Po. Yu. silabbanassu.

--------------------------------------------------------------------------------------------- page521.

|423.1391| Vijigucchamanassa yadidam phasu (sariputtati bhagava) rittasanam sayanam sevato ce sambodhikamassa yathanudhammam tante pavakkhami yatha pajanam. |423.1392| Pancanna ^1- dhiro bhayanam na bhaye bhikkhu sato sa pariyantacari damsadhipatanam sirimsapanam manussaphassanam catuppadanam |423.1393| paradhammikanampi na santaseyya disvapi tesam bahubheravani athaparani abhisambhaveyya parissayani kusalanuesi. |423.1394| Atankaphassena khudaya phuttho sitam accunham adhivasayeyya so tehi phuttho bahudha anoko viriyam parakkamma dalham kareyya. |423.1395| Theyyam na kareyya na musa bhaneyya mettaya phasse tasathavarani yadavilattam manaso vijanna kanhassa pakkhoti vinodayeyya. @Footnote: ¹ Po. Yu. pancannam.

--------------------------------------------------------------------------------------------- page522.

|423.1396| Kodhatimanassa vasam na gacche mulampi tesam palikhanna titthe athappiyam va pana appiyam va addha bhavanto abhisambhaveyya. |423.1397| Pannam purakkhatva ^1- kalyanapiti vikkhambhaye tani parissayani aratim sahetha sayanamhi pante caturo sahetha paridevadhamme |423.1398| kimsu asissami kuvam va assissam dukkham vata settha ^2- kuvajjasessam ete vitakke paridevaneyye vinayetha sekkho aniketasari. |423.1399| Annanca laddha vasananca kale mattam so janna idha tosanattham so tesu gutto yatacari game rusitopi vacam pharusam na vajja. |423.1400| Okkhittacakkhu na ca padalolo jhananuyutto bahujagarassa upekkhamarabbha samahitatto takkasayam kukkucciyupachinde. @Footnote: ¹ Po. purakkhitva. ² Po. dukkham vasayetha.

--------------------------------------------------------------------------------------------- page523.

|423.1401| Cudito vacibhi satimabhinande sabrahmacarisu khilam pabhinde vacam pamunce kusalam nativelam janavadadhammaya na cetayeyya. |423.1402| Athaparam panca rajani loke yesam satima vinayaya sikkhe rupesu saddesu atho rasesu gandhesu phassesu sahetha ragam. |423.1403| Etesu dhammesu vineyya chandam bhikkhu satima suvimuttacitto kalena so sammadhammam parivimamsamano ekodibhuto vihane tamam soti bhagavati. Sariputtasuttam solasamam. Atthakavaggo catuttho. Tassuddanam kamaguhanca duttha ca suddhanca paramam jara metteyyo ca pasuro ca magandi purabhedanam kalaham dve ca byuhani punareva tuvattakam attadandavaram suttam tena sariputtena ^1- solasa iti etani suttani sabbanatthakavaggikati. @Footnote: ¹ Yu. therapanhena solasa.

--------------------------------------------------------------------------------------------- page524.

Suttanipate pancamo parayanavaggo vatthukatha [424] |424.1404| Kosalanam pura ramma aggama dakkhinapatham acinnam patthayano brahmano mantaparagu. |424.1405| So assakassa visaye mulakassa samasane vasi godhavarikule unchena ca phalena ca. |424.1406| Tasseva upanissaya gamo ca vipulo ahu tato jatena ayena mahayannamakappayi |424.1407| mahayannam yajitvana puna pavisi assamam. Tasmim patipavitthamhi anno aganchi brahmano |424.1408| ugghattapado tasito pankadanto rajassiro so ca nam upasankamma satani panca yacati. |424.1409| Tamenam bavari disva asanena nimantayi sukhanca kusalam pucchi idam vacanamabravi |424.1410| yam kho mamam deyyadhammam sabbam visajjitammaya anujanahi me brahme natthi panca satani me. |424.1411| Sace me yacamanassa bhavam nanupadassati sattame divase tuyham muddha phalatu sattadha.

--------------------------------------------------------------------------------------------- page525.

|424.1412| Abhisankharitva kuhako bheravam so akittayi tassa tam vacanam sutva bavari dukkhito ahu |424.1413| ussussati anaharo sokasallasamappito athopi evamcittassa ^1- jhane na ramati mano. |424.1414| Utrasatam dukkhitam disva devata atthakamini bavarim upasankamma idam vacanamabravi |424.1415| na so muddham pajanati kuhako so dhanatthiko muddhani muddhadhipate ca ^2- nanam tassa na vijjati. |424.1416| Bhoti carahi janati tamme akkhahi pucchita muddham muddhadhipatanca tam sunoma vaco tava. |424.1417| Ahampetam ^3- na janami nanamettha ^4- na vijjati muddham muddhadhipato ca jinanam heta ^5- dassanam. |424.1418| Atha ko carahi janati asmim pathavimandale muddham muddhadhipatanca tam me akkhahi devate. |424.1419| Pura kapilavatthumha nikkhanto lokanayako apacco okkakarajassa sakyaputto pabhankaro. |424.1420| So hi brahmana sambuddho sabbadhammana paragu sabbabhinnabalappatto sabbadhammesu cakkhuma sabbakammakkhayam patto vimutto upadhikkhaye ^6- |424.1421| buddho so bhagava loke dhammam desesi cakkhuma @Footnote: ¹ Po. cintentassa . ² Po. muddham muddhadhipate va . ³ Po. ahametam. @⁴ Po. Yu. nanampettha . ⁵ Po. hettha . ⁶ Yu. upadhisankhaye.

--------------------------------------------------------------------------------------------- page526.

Tam tvam gantvana pucchassu so te tam byakarissati. |424.1422| Sambuddhoti vaco sutva udaggo bavari ahu sokassa tanuko asi pitinca vipulam labhi. |424.1423| So bavari attamano udaggo tam devatam pucchati vedajato katamamhi ^1- game nigamamhi va pana katamamhi va janapade lokanatho yattha gantva namassemu sambuddham dipaduttamam. |424.1424| Savatthiyam kosalamandire jino pahutapanno varabhurimedhaso so sakyaputto vidhuro anasavo muddhadhipatassa vidu narasabho. |424.1425| Tato amantayi sisse brahmane mantaparage ^2- etha manava akkhissam sunotha vacanam mama |424.1426| yasseso dullabho loke patubhavo abhinhaso svajja lokamhi uppanno sambuddho iti vissuto khippam gantvana savatthim passavho dipaduttamam. |424.1427| Katham carahi janemu disva buddhoti brahmana ajanatam no pabruhi yatha janemu tam mayam. @Footnote: ¹ Po. kathamhi . ² Po. mantaparagu.

--------------------------------------------------------------------------------------------- page527.

|424.1428| Agatani hi mantesu mahapurisalakkhana dvattimsa ca byakkhyata ^1- samatta anupubbaso. |424.1429| Yassete honti gattesu mahapurisalakkhana duveva tassa ^2- gatiyo tatiya hi na vijjati |424.1430| sace agaram avasati ^3- vijeyya pathavim imam adandena asatthena dhammena manusasati |424.1431| sace ca so pabbajati agara anagariyam vivatacchado sambuddho araha bhavati anuttaro. |424.1432| Jatigottanca lakkhanam mante sisse punapare muddham muddhadhipatanca manasa yeva pucchatha. |424.1433| Anavaranadassavi yadi buddho bhavissati manasa pucchite panhe vacaya visajjessati. |424.1434| Bavarissa vaco sutva sissa solasa brahmana ajito tissametteyyo punnako atha mettagu |424.1435| dhotako upasivo ca nando ca atha hemako todeyyakappa dubhayo jatukanni ca pandito |424.1436| bhadravudho udayo ca posalo capi brahmano mogharaja ca medhavi pingiyo ca mahaisi |424.1437| paccekaganino sabbe sabbalokassa vissuta jhayi jhanarata dhira pubbavasanavasita @Footnote: ¹ Po. byakhata. Yu. vyakhyata. ² Po. dveyevassa. @³ Yu. ajjhavasati.

--------------------------------------------------------------------------------------------- page528.

|424.1438| Bavarim abhivadetva katva ca nam padakkhinam jatajinadhara sabbe pakkamum uttaramukha |424.1439| mulakassa ^1- patitthanam puram ^2- mahissatim tada ujjenim capi gonaddham vedisam vanasavhayam |424.1440| kosambim vapi saketam savatthinca puruttamam setabyam kapilavatthum kusinaranca mandiram |424.1441| pavanca bhoganagaram vesalim magadham puram pasanakam cetiyanca ramaniyam manoramam |424.1442| tasitova udakam ^3- sitam mahalabhamva vanijo chayam ghammabhitatto ca turita pabbatamaruhum. |424.1443| Bhagava ca tamhi samaye bhikkhusanghapurakkhato bhikkhunam dhammam deseti sihova nadati vane. |424.1444| Ajito addasa sambuddham vitaramsimva bhanumam candam yatha pannarase paripurim upagatam. |424.1445| Athassa gatte disvana paripuram ^4- viyanjanam ekamantam thito hattho manopanhe apucchatha |424.1446| adissa jammanam bruhi gottam bruhi salakkhanam mantesu paramim bruhi kati vaceti brahmano. |424.1447| Visam vassasatam ayu so ca gottena bavari tinissa ^5- lakkhana gatte tinnam vedanaparagu @Footnote: ¹ Yu. alakassa. ² Yu. purimam .... ³ Po. Yu. tasitovudakam. ⁴ Yu. puripuranca. @⁵ Yu. tinassa.

--------------------------------------------------------------------------------------------- page529.

|424.1448| Lakkhane iti hase ca sanighandusaketubhe panca satani vaceti saddhamme paramim gato. |424.1449| Lakkhananam pavicayam bavarissa naruttama tanhacchida ^1- pakasehi ma no kankhayitam ahu. |424.1450| Mukham jivhaya chadeti unnassa bhamukantare kosohitam vatthaguyham evam janahi manava. |424.1451| Puccham hi kanci ^2- asunanto sutva panhe byakate vicinteti jano sabbo vedajato katanjali |424.1452| ko nu devo va brahma va indo vapi sujampati manasa pucchite panhe kametam patibhasati. |424.1453| Muddham muddhadhipatanca bavari paripucchati tam byakarohi bhagava kankham vinaya no ise. |424.1454| Avijja muddhati vijanahi ^3- vijja muddhadhipatani saddhasatisamadhihi chandaviriyena samyuta. |424.1455| Tato vedena mahata santhambhetvana manavo ekamsam ajinam katva padesu sirasa pati |424.1456| bavari brahmano bhoto saha sissehi marisa udaggacitto sumano pade vandati cakkhuma. |424.1457| Sukhito bavari hotu saha sissehi brahmano tvam vapi ^4- sukhito hohi ciram jivahi manava. @Footnote: ¹ Po. tam puccham. Ma. kankhacchida. ² Po. Ma. Yu. pucchanhi kinci. @³ Ma. Yu. janati. ⁴ Ma. Yu. tvancapi.

--------------------------------------------------------------------------------------------- page530.

|424.1458| Bavarissa ca tuyham va sabbesam sabbasamsayam katavakasa pucchavho yankinci manasicchatha |424.1459| sambuddhena katokaso nisiditvana panjali ajito pathamam panham tattha pucchi ^1- tathagatanti. Vatthugatha nitthita. -------------- Suttanipate pancamassa parayanavaggassa pathama ajitapanha [425] |425.1460| 1 Kenassu nivuto loko (iccayasma ajito) kenassu nappakasati kissabhilepanam brusi kimsu tassa mahabbhayam. |425.1461| Avijjaya nivuto loko (ajitati bhagava) veviccha (pamada) nappakasati jappabhilepanam brumi dukkhamassa mahabbhayam. |425.1462| Savanti sabbadhi sota (iccayasma ajito) sotanam kim nivaranam sotanam samvaram bruhi kena sota pithiyyare ^2-. |425.1463| Yani sotani lokasmim (ajitati bhagava) sati tesam nivaranam sotanam samvaram brumi pannayete pithiyyare ^3-. |425.1464| Panna ceva sati ca ^4- (iccayasma ajito) namarupanca marisa @Footnote: ¹ Ma. Yu. .. puccha . ito param sabbattha idisameva . 2-3 Ma. pidhiyyare. @⁴ Ma. satiyanca.

--------------------------------------------------------------------------------------------- page531.

Etamme puttho pabrumi katthetam uparujjhati. |425.1465| Yametam panham apucchi ajita tam vadami te yattha namanca rupanca asesam uparujjhati vinnanassa nirodhena etthetam uparujjhati. |425.1466| Ye ca sankhatadhammase ye ca sekha puthu idha tesam me nipako iriyam puttho pabruhi marisa. |425.1467| Kamesu nabhigijjheyya manasanavilo siya kusalo sabbadhammanam sato bhikkhu paribbajeti. Ajitamanavakapanha pathama. ------------ Suttanipate pancamassa parayanavaggassa dutiya tissametteyyapanha [426] |426.1468| ² Kodha santusito loke (iccayasma tissametteyyo 1-) kassa no santi injita ko ubhantamabhinnaya majjhe manta na limpati kam brusi mahapurisoti ko idha sibbanimaccaga ^2-. |426.1469| Kamesu brahmacariyava (metteyyati bhagava) vitatanho sada sato @Footnote: ¹ Yu. tisso metteyyo. ² Ma. sibbinimaccaga.

--------------------------------------------------------------------------------------------- page532.

Sankhaya nibbuto bhikkhu tassa no santi injita |426.1470| so ubhantamabhinnaya majjhe manta na limpati tam brumi mahapurisoti so idha sibbanimaccagati. Tissametteyyamanavakapanha dutiya. -----------

The Pali Tipitaka in Roman Character Volume 25 page 517-532. https://84000.org/tipitaka/read/roman_item.php?book=25&item=422&items=5&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=25&item=422&items=5&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=25&item=422&items=5&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=25&item=422&items=5&pagebreak=1&modeTY=2 Study Atthakatha :- https://84000.org/tipitaka/attha/attha.php?b=25&i=422 Contents of The Tipitaka Volume 25 https://84000.org/tipitaka/read/?index_25 https://84000.org/tipitaka/english/?index_25