บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
Abhidhammapitake vibhango -------- namo tassa bhagavato arahato sammasambuddhassa khandhavibhango [1] Pancakkhandha rupakkhandho vedanakkhandho sannakkhandho sankharakkhandho vinnanakkhandho. [2] Tattha katamo rupakkhandho yankinci rupam atitanagata- paccuppannam ajjhattam va bahiddha va olarikam va sukhumam va hinam va panitam va yam dure santike va tadekajjham abhisannuhitva abhisankhipitva ayam vuccati rupakkhandho. [3] Tattha katamam rupam atitam yam rupam atitam niruddham vigatam viparinatam atthangatam abbhatthangatam uppajjitva vigatam atitam atitamsena sangahitam cattaro ca mahabhuta catunnanca mahabhutanam upadaya rupam idam vuccati rupam atitam . tattha katamam rupam anagatam yam rupam ajatam abhutam asanjatam anibbattam anabhinibbattam apatubhutam anuppannam asamuppannam anutthitam asamutthitam anagatam anagatamsena sangahitam cattaro ca mahabhuta catunnanca mahabhutanam upadaya rupam idam vuccati rupam anagatam . tattha katamam rupam paccuppannam yam rupam jatam bhutam sanjatam nibbattam abhinibbattam patubhutam Uppannam samuppannam utthitam samutthitam paccuppannam puccuppannamsena sangahitam cattaro ca mahabhuta catunnanca mahabhutanam upadaya rupam idam vuccati rupam paccuppannam. [4] Tattha katamam rupam ajjhattam yam rupam tesam tesam sattanam ajjhattam paccattam niyakam patipuggalikam upadinnam cattaro ca mahabhuta catunnanca mahabhutanam upadaya rupam idam vuccati rupam ajjhattam . tattha katamam rupam bahiddha yam rupam tesam tesam parasattanam parapuggalanam ajjhattam paccattam niyakam patipuggalikam upadinnam cattaro ca mahabhuta catunnanca mahabhutanam upadaya rupam idam vuccati rupam bahiddha. [5] Tattha katamam rupam olarikam cakkhayatanam .pe. Photthabbayatanam idam vuccati rupam olarikam . tattha katamam rupam sukhumam itthindriyam .pe. Kabalinkaro aharo idam vuccati rupam sukhumam. [6] Tattha katamam rupam hinam yam rupam tesam tesam sattanam unnatam avannatam hilitam paribhutam acitikatam hinam hinamatam hinasammatam anittham akantam amanapam rupa sadda gandha rasa photthabba idam vuccati rupam hinam . tattha katamam rupam panitam yam rupam tesam tesam sattanam anunnatam anavannatam ahilitam aparibhutam citikatam panitam panitamatam panitasammatam ittham kantam manapam rupa sadda gandha rasa photthabba idam vuccati rupam panitam . tam tam va Pana rupam upadaya upadaya rupam hinam panitam datthabbam. [7] Tattha katamam rupam dure itthindriyam .pe. kabalinkaro aharo yam va panannampi atthi rupam anasanne anupakkatthe dure asantike idam vuccati rupam dure . tattha katamam rupam santike cakkhayatanam .pe. photthabbayatanam yam va panannampi atthi rupam asanne upakkatthe avidure santike idam vuccati rupam santike . Tam tam va pana rupam upadaya upadaya rupam dure santike datthabbam.The Pali Tipitaka in Roman Character Volume 35 page 1-3. https://84000.org/tipitaka/read/roman_item.php?book=35&item=1&items=7 Classified by [Item Number] :- http://84000.org/tipitaka/read/roman_item.php?book=35&item=1&items=7&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=35&item=1&items=7 Compare with The Royal Version of Thai Tipitaka :- https://84000.org/tipitaka/read/byitem.php?book=35&item=1&items=7 Study Atthakatha :- https://84000.org/tipitaka/attha/attha.php?b=35&i=1 Contents of The Tipitaka Volume 35 https://84000.org/tipitaka/read/?index_35 https://84000.org/tipitaka/english/?index_35
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]