[173] Evanca pana bhikkhave patippassambhetabbam . tenahi
bhikkhave sudhammena bhikkhuna sangham upasankamitva ekamsam uttarasangam
karitva vuddhanam bhikkhunam pade vanditva ukkutikam nisiditva
anjalim paggahetva evamassa vacaniyo aham bhante sanghena
patisaraniyakammakato samma vattami lomam patemi nettharam
vattami patisaraniyakammassa patippassaddhim yacamiti . dutiyampi
yacitabba . tatiyampi yacitabba . byattena bhikkhuna patibalena
sangho napetabbo
{173.1} sunatu me bhante sangho ayam sudhammo bhikkhu sanghena
patisaraniyakammakato samma vattati lomam pateti nettharam vattati
patisaraniyakammassa patippassaddhim yacati . yadi sanghassa pattakallam
sangho sudhammassa bhikkhuno patisaraniyakammam patippassambheyya .
Esa natti.
{173.2} Sunatu me bhante sangho ayam sudhammo bhikkhu sanghena
patisaraniyakammakato samma vattati lomam pateti nettharam vattati
patisaraniyakammassa patippassaddhim yacati . sangho sudhammassa bhikkhuno
patisaraniyakammam patippassambheti . yassayasmato khamati sudhammassa
bhikkhuno patisaraniyakammassa patippassaddhi so tunhassa yassa
nakkhamati so bhaseyya.
{173.3} Dutiyampi etamattham vadami . sunatu me bhante
sangho ayam sudhammo bhikkhu sanghena patisaraniyakammakato samma
vattati lomam pateti nettharam vattati patisaraniyakammassa
Patippassaddhim yacati . sangho sudhammassa bhikkhuno patisaraniyakammam
patippassambheti . yassayasmato khamati sudhammassa bhikkhuno
patisaraniyakammassa patippassaddhi so tunhassa yassa nakkhamati
so bhaseyya.
{173.4} Tatiyampi etamattham vadami . sunatu me bhante
sangho ayam sudhammo bhikkhu sanghena patisaraniyakammakato samma
vattati lomam pateti nettharam vattati patisaraniyakammassa
patippassaddhim yacati . sangho sudhammassa bhikkhuno patisaraniyakammam
patippassambheti . yassayasmato khamati sudhammassa bhikkhuno
patisaraniyakammassa patippassaddhi so tunhassa yassa nakkhamati
so bhaseyya.
{173.5} Patippassaddham sanghena sudhammassa bhikkhuno
patisaraniyakammam khamati sanghassa tasma tunhi . evametam
dharayamiti.
Patisaraniyakammam catuttham nitthitam.
[174] Tena samayena buddho bhagava kosambiyam viharati ghositarame.
Tena kho pana samayena ayasma channo apattim apajjitva
na icchati apattim passitum . ye te bhikkhu appiccha .pe. te
ujjhayanti khiyanti vipacenti katham hi nama ayasma channo
apattim apajjitva na icchissati apattim passitunti .
Atha kho te bhikkhu bhagavato etamattham arocesum.
[175] Athakho bhagava etasmim nidane etasmim pakarane bhikkhusangham
Sannipatapetva bhikkhu patipucchi saccam kira bhikkhave channo
bhikkhu apattim apajjitva na icchati apattim passitunti . saccam
bhagavati . vigarahi buddho bhagava ananucchavikam .pe. katham hi
nama so bhikkhave moghapuriso apattim apajjitva na icchissati
apattim passitum netam bhikkhave appasannanam va pasadaya .pe.
Vigarahitva .pe. dhammim katham katva bhikkhu amantesi tenahi
bhikkhave sangho channassa bhikkhuno apattiya adassane ukkhepaniyakammam
karotu asambhogam sanghena . evanca pana bhikkhave katabbam .
Pathamam channo bhikkhu codetabbo codetva saretabbo saretva
apatti aropetabba apattim aropetva byattena bhikkhuna
patibalena sangho napetabbo
{175.1} sunatu me bhante sangho ayam channo bhikkhu apattim
apajjitva na icchati apattim passitum . yadi sanghassa pattakallam
sangho channassa bhikkhuno apattiya adassane ukkhepaniyakammam
kareyya asambhogam sanghena. Esa natti.
{175.2} Sunatu me bhante sangho ayam channo bhikkhu apattim
apajjitva na icchati apattim passitum . sangho channassa bhikkhuno
apattiya adassane ukkhepaniyakammam karoti asambhogam sanghena .
Yassayasmato khamati channassa bhikkhuno apattiya adassane
ukkhepaniyakammassa karanam asambhogam sanghena so tunhassa yassa
nakkhamati so bhaseyya.
{175.3} Dutiyampi etamattham vadami .pe.
Tatiyampi etamattham 1- vadami . sunatu me bhante sangho ayam channo
bhikkhu apattim apajjitva na icchati apattim passitum . sangho
channassa bhikkhuno apattiya adassane ukkhepaniyakammam karoti
asambhogam sanghena . yassayasmato khamati channassa bhikkhuno
apattiya adassane ukkhepaniyakammassa karanam asambhogam sanghena
so tunhassa yassa nakkhamati so bhaseyya.
{175.4} Katam sanghena channassa bhikkhuno apattiya adassane
ukkhepaniyakammam asambhogam sanghena khamati sanghassa tasma tunhi .
Evametam dharayamiti.
{175.5} Avasaparamparanca bhikkhave samsatha channo bhikkhu sanghena 1-
apattiya adassane ukkhepaniyakammakato asambhogam sanghenati.
[176] Tihi bhikkhave angehi samannagatam apattiya adassane
ukkhepaniyakammam adhammakammanceva hoti avinayakammanca duvupasantanca
asammukha katam hoti appatipuccha katam hoti appatinnaya katam hoti
imehi kho bhikkhave tihangehi samannagatam apattiya adassane
ukkhepaniyakammam adhammakammanceva hoti avinayakammanca duvupasantanca.
[177] Aparehipi bhikkhave tihangehi samannagatam apattiya
adassane ukkhepaniyakammam adhammakammanceva hoti avinayakammanca
duvupasantanca anapattiya katam hoti adesanagaminiya apattiya
@Footnote: 1 Ma. Yu. ayam patho na dissati.
Katam hoti desitaya apattiya katam hoti .pe.
[178] Aparehipi .pe. acodetva katam hoti asaretva
katam hoti apattim anaropetva katam hoti .pe.
[179] Aparehipi .pe. asammukha katam hoti adhammena
katam hoti vaggena katam hoti .pe.
[180] Aparehipi .pe. appatipuccha katam hoti adhammena
katam hoti vaggena katam hoti imehi kho bhikkhave .pe.
[181] Aparehipi bhikkhave tihangehi samannagatam .pe. Appatinnaya
katam hoti adhammena katam hoti vaggena katam hoti .pe.
[182] Aparehipi .pe. anapattiya katam hoti adhammena
katam hoti vaggena katam hoti .pe.
[183] Aparehipi .pe. adesanagaminiya apattiya katam
hoti adhammena katam hoti vaggena katam hoti .pe.
[184] Aparehipi .pe. desitaya apattiya katam hoti
adhammena katam hoti vaggena katam hoti .pe.
[185] Aparehipi .pe. acodetva katam hoti adhammena
katam hoti vaggena katam hoti .pe.
[186] Aparehipi .pe. asaretva katam hoti adhammena
katam hoti vaggena katam hoti .pe.
[187] Aparehipi .pe. apattim anaropetva katam hoti
Adhammena katam hoti vaggena katam hoti imehi kho bhikkhave
tihangehi samannagatam apattiya adassane ukkhepaniyakammam
adhammakammanceva hoti avinayakammanca duvupasantanca .
Apattiya adassane ukkhepaniyakamme adhammakammadvadasakam nitthitam.
The Pali Tipitaka in Roman Character Volume 6 page 74-79.
https://84000.org/tipitaka/read/roman_item.php?book=6&item=173&items=15
Classified by [Item Number] :-
http://84000.org/tipitaka/read/roman_item.php?book=6&item=173&items=15&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=6&item=173&items=15
Compare with The Royal Version of Thai Tipitaka :-
https://84000.org/tipitaka/read/byitem.php?book=6&item=173&items=15
Study Atthakatha :-
https://84000.org/tipitaka/attha/attha.php?b=6&i=173
Contents of The Tipitaka Volume 6
https://84000.org/tipitaka/read/?index_6
https://84000.org/tipitaka/english/?index_6
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
