บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
[1215] Katīhi nu kho bhante aṅgehi samannāgato saṅghabhedako āpāyiko nerayiko kappaṭṭho atekicchoti . pañcahupāli aṅgehi samannāgato saṅghabhedako āpāyiko nerayiko kappaṭṭho atekiccho . Katamehi pañcahi . idhupāli bhikkhu adhammaṃ dhammoti dīpeti dhammaṃ adhammoti dīpeti avinayaṃ vinayoti dīpeti vinayaṃ @Footnote: 1 Ma. āveni.... sabbattha īdiso . 2 Ma. āpattiṃ. Avinayoti dīpeti vinidhāya diṭṭhiṃ kammena . imehi kho upāli pañcahaṅgehi samannāgato saṅghabhedako āpāyiko nerayiko kappaṭṭho atekiccho . aparehipi upāli pañcahaṅgehi samannāgato saṅghabhedako āpāyiko nerayiko kappaṭṭho atekiccho . katamehi pañcahi . Idhupāli bhikkhu adhammaṃ dhammoti dīpeti dhammaṃ adhammoti dīpeti avinayaṃ vinayoti dīpeti vinayaṃ avinayoti dīpeti vinidhāya diṭṭhiṃ uddesena . imehi kho upāli pañcahaṅgehi samannāgato saṅghabhedako āpāyiko nerayiko kappaṭṭho atekiccho. {1215.1} Aparehipi upāli pañcahaṅgehi samannāgato saṅghabhedako āpāyiko nerayiko kappaṭṭho atekiccho . katamehi pañcahi . idhupāli bhikkhu adhammaṃ dhammoti dīpeti dhammaṃ adhammoti dīpeti avinayaṃ vinayoti dīpeti vinayaṃ avinayoti dīpeti vinidhāya diṭṭhiṃ voharanto . imehi kho upāli pañcahaṅgehi samannāgato saṅghabhedako āpāyiko nerayiko kappaṭṭho atekiccho . aparehipi upāli pañcahaṅgehi samannāgato saṅghabhedako āpāyiko nerayiko kappaṭṭho atekiccho . katamehi pañcahi . idhupāli bhikkhu adhammaṃ dhammoti dīpeti dhammaṃ adhammoti dīpeti avinayaṃ vinayoti dīpeti vinayaṃ avinayoti dīpeti vinidhāya diṭṭhiṃ anussāvanena . imehi kho upāli pañcahaṅgehi samannāgato saṅghabhedako āpāyiko nerayiko kappaṭṭho atekiccho. {1215.2} Aparehipi upāli pañcahaṅgehi samannāgato saṅghabhedako āpāyiko nerayiko kappaṭṭho atekiccho . katamehi pañcahi . Idhupāli bhikkhu adhammaṃ dhammoti dīpeti dhammaṃ adhammoti dīpeti avinayaṃ vinayoti dīpeti vinayaṃ avinayoti dīpeti vinidhāya diṭṭhiṃ salākagāhena . imehi kho upāli pañcahaṅgehi samannāgato saṅghabhedako āpāyiko nerayiko kappaṭṭho atekiccho. {1215.3} Aparehipi upāli pañcahaṅgehi samannāgato saṅghabhedako āpāyiko nerayiko kappaṭṭho atekiccho . katamehi pañcahi . idhupāli bhikkhu adhammaṃ dhammoti dīpeti dhammaṃ adhammoti dīpeti avinayaṃ vinayoti dīpeti vinayaṃ avinayoti dīpeti vinidhāya khantiṃ kammena .pe. vinidhāya khantiṃ uddesena . Vinidhāya khantiṃ voharanto. Vinidhāya khantiṃ anussāvanena . vinidhāya khantiṃ salākagāhena . Imehi kho upāli pañcahaṅgehi samannāgato saṅghabhedako āpāyiko nerayiko kappaṭṭho atekiccho. {1215.4} Aparehipi upāli pañcahaṅgehi samannāgato saṅghabhedako āpāyiko nerayiko kappaṭṭho atekiccho. Katamehi pañcahi. Idhupāli bhikkhu adhammaṃ dhammoti dīpeti dhammaṃ adhammoti dīpeti avinayaṃ vinayoti dīpeti vinayaṃ avinayoti dīpeti vinidhāya ruciṃ kammena .pe. Vinidhāya ruciṃ uddesena. Vinidhāya ruciṃ voharanto. Vinidhāya ruciṃ anussāvanena. Vinidhāya ruciṃ salākagāhena. Imehi Kho upāli pañcahaṅgehi samannāgato saṅghabhedako āpāyiko nerayiko kappaṭṭho atekiccho. {1215.5} Aparehipi upāli pañcahaṅgehi samannāgato saṅghabhedako āpāyiko nerayiko kappaṭṭho atekiccho . Katamehi pañcahi . idhupāli bhikkhu adhammaṃ dhammoti dīpeti dhammaṃ adhammoti dīpeti avinayaṃ vinayoti dīpeti vinayaṃ avinayoti dīpeti vinidhāya saññaṃ kammena .pe. vinidhāya saññaṃ uddesena . vinidhāya saññaṃ voharanto . vinidhāya saññaṃ anussāvanena . vinidhāya saññaṃ salākagāhena . imehi kho upāli pañcahaṅgehi samannāgato saṅghabhedako āpāyiko nerayiko kappaṭṭho atekicchoti. Saṅghabhedavaggo ekādasamo. Tassuddānaṃ [1216] Vinidhāya diṭṭhiṃ kammena uddesena voharena ca. Anussāvane salākena pañcete diṭṭhinissitā. Khanti ruci ca saññā ca 1- tayo te pañcadhā nayāti. [1217] Katīhi nu kho bhante aṅgehi samannāgato saṅghabhedako na āpāyiko na nerayiko na kappaṭṭho na atekicchoti . Pañcahupāli aṅgehi samannāgato saṅghabhedako na āpāyiko na nerayiko na kappaṭṭho na atekiccho . katamehi pañcahi . Idhupāli bhikkhu adhammaṃ dhammoti dīpeti dhammaṃ adhammoti @Footnote: 1 Ma. khantiṃ ruciṃ ca saññañca. Dīpeti avinayaṃ vinayoti dīpeti vinayaṃ avinayoti dīpeti avinidhāya diṭṭhiṃ kammena . imehi kho upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. {1217.1} Aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi . idhupāli bhikkhu adhammaṃ dhammoti dīpeti dhammaṃ adhammoti dīpeti avinayaṃ vinayoti dīpeti vinayaṃ avinayoti dīpeti avinidhāya diṭṭhiṃ uddesena . imehi kho upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. {1217.2} Aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi . idhupāli bhikkhu adhammaṃ dhammoti dīpeti dhammaṃ adhammoti dīpeti avinayaṃ vinayoti dīpeti vinayaṃ avinayoti dīpeti avinidhāya diṭṭhiṃ voharanto . imehi kho upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. {1217.3} Aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi . idhupāli bhikkhu adhammaṃ dhammoti dīpeti dhammaṃ adhammoti dīpeti avinayaṃ vinayoti dīpeti vinayaṃ avinayoti dīpeti Avinidhāya diṭṭhiṃ anussāvanena . imehi kho upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. {1217.4} Aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi . idhupāli bhikkhu adhammaṃ dhammoti dīpeti dhammaṃ adhammoti dīpeti avinayaṃ vinayoti dīpeti vinayaṃ avinayoti dīpeti avinidhāya diṭṭhiṃ salākagāhena . imehi kho upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. {1217.5} Aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi . idhupāli bhikkhu adhammaṃ dhammoti dīpeti dhammaṃ adhammoti dīpeti avinayaṃ vinayoti dīpeti vinayaṃ avinayoti dīpeti avinidhāya khantiṃ kammena .pe. avinidhāya khandhiṃ uddesena . Avinidhāya khantiṃ voharanto . avinidhāya khantiṃ anussāvanena . Avinidhāya khantiṃ salākagāhena . imehi kho upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. {1217.6} Aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi. Idhupāli bhikkhu adhammaṃ dhammoti dīpeti dhammaṃ adhammoti dīpeti . Avinayaṃ vinayoti dīpeti vinayaṃ avinayoti dīpeti avinidhāya ruciṃ kammena .pe. avinidhāya ruciṃ uddesena . avinidhāya ruciṃ voharanto . Avinidhāya ruciṃ anussāvanena . avinidhāya ruciṃ salākagāhena . Imehi kho upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. {1217.7} Aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi . idhupāli bhikkhu adhammaṃ dhammoti dīpeti dhammaṃ adhammoti dīpeti avinayaṃ vinayoti dīpeti vinayaṃ avinayoti dīpeti avinidhāya saññaṃ kammena .pe. avinidhāya saññaṃ uddesena . Avinidhāya saññaṃ voharanto . avinidhāya saññaṃ anussāvanena . Avinidhāya saññaṃ salākagāhena . imehi kho upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekicchoti. Dutiyasaṅghabhedavaggo dvādasamo. Tassuddānaṃ [1218] Avinidhāya diṭṭhiṃ kammena uddesena 1- voharena ca anussāvane salākena pañcete diṭṭhinissitā. Khanti ruci ca saññā ca 2- tayo te pañcadhā nayāti 3-. Heṭṭhime kaṇhapakkhamhi samavīsati vidhī yathā tatheva sukkapakkhamhi samavīsati jānathāti. @Footnote: 1 Ma. uddese . 2 khantiṃ suciṃ ca saññañca . 3 itisaddo natthi.The Pali Tipitaka in Roman Character Volume 8 page 496-502. https://84000.org/tipitaka/read/roman_item.php?book=8&item=1215&items=4&mode=bracket Classified by content :- https://84000.org/tipitaka/read/roman_item.php?book=8&item=1215&items=4 Compare with The Pali Tipitaka in Thai Character :- https://84000.org/tipitaka/read/pali_item.php?book=8&item=1215&items=4&mode=bracket Compare with The Royal Version of Thai Tipitaka :- https://84000.org/tipitaka/read/byitem.php?book=8&item=1215&items=4&mode=bracket Study Atthakatha :- https://84000.org/tipitaka/attha/attha.php?b=8&i=1215 Contents of The Tipitaka Volume 8 https://84000.org/tipitaka/read/?index_8 https://84000.org/tipitaka/english/?index_8
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]