[23] Yantena bhagavata janata passata arahata sammasambuddhena
pathamo aniyato kattha pannatto . kam arabbha. Kismim vatthusmim. Atthi
tattha pannatti anuppannatti anuppannapannatti sabbattha
pannatti padesapannatti sadharanapannatti asadharanapannatti
ekatopannatti ubhatopannatti . pancannam patimokkhuddesanam
katthogadham kattha pariyapannam katamena uddesena uddesam agacchati .
Catunnam vipattinam katama vipatti . sattannam apattikkhandhanam katamo
apattikkhandho . channam apattisamutthananam katihi samutthanehi
samutthati . catunnam adhikarananam katamam adhikaranam . sattannam samathanam
katihi samathehi sammati . ko tattha vinayo ko tattha abhivinayo. Kim tattha
patimokkham kim tattha adhipatimokkham . ka vipatti ka sampatti ka
patipatti . kati atthavase paticca bhagavata pathamo aniyato pannatto.
@Footnote: 1 Ma. Yu. kayasamsaggam. 2 Ma. Yu. attakamanca. 3 Ma. tasseva.
Ke sikkhanti . ke sikkhitasikkha . kattha thitam . ke dharenti.
Kassa vacanam. Kenabhatanti.
[24] Yantena bhagavata janata passata arahata sammasambuddhena
pathamo aniyato kattha pannattoti . savatthiya pannatto . kam
arabbhati . ayasmantam udayim arabbha . kismim vatthusminti .
Ayasma udayi matugamena saddhim eko ekaya raho paticchanne
asane alankammaniye nisajjam kappesi tasmim vatthusmim . atthi tattha
pannatti anuppannatti anuppannapannattiti . eka pannatti
anuppannatti anuppannapannatti tasmim natthi . sabbattha pannatti
padesapannattiti . sabbattha pannatti . sadharanapannatti
asadharanapannattiti.
{24.1} Asadharanapannatti . ekatopannatti ubhatopannattiti .
Ekatopannatti . pancannam patimokkhuddesanam katthogadham kattha
pariyapannanti . nidanogadham nidanapariyapannam . katamena uddesena
uddesam agacchatiti . catutthena uddesena uddesam agacchati .
Catunnam vipattinam katama vipattiti . siya silavipatti siya acaravipatti.
Sattannam apattikkhandhanam katamo apattikkhandhoti . siya
parajikapattikkhandho siya sanghadisesapattikkhandho siya
pacittiyapattikkhandho . channam apattisamutthananam katihi
samutthanehi samutthatiti . ekena samutthanena samutthati kayato
Ca cittato ca samutthati na vacato. Catunnam adhikarananam katamam adhikarananti.
Apattadhikaranam.
{24.2} Sattannam samathanam katihi samathehi sammatiti. Tihi samathehi
sammati siya sammukhavinayena ca patinnatakaranena ca siya sammukhavinayena
ca tinavattharakena ca . ko tattha vinayo ko tattha abhivinayoti. Pannatti
vinayo vibhatti abhivinayo . Kim tattha patimokkham kim tattha adhipatimokkhanti.
Pannatti patimokkham vibhatti adhipatimokkham. Ka vipattiti. Asamvaro vipatti.
{24.3} Ka sampattiti. Samvaro sampatti. Ka patipattiti. Na evarupam
karissamiti yavajivam apanakotikam samadaya sikkhati sikkhapadesu . Kati
atthavase paticca bhagavata pathamo aniyato pannattoti . dasa atthavase
paticca bhagavata pathamo aniyato pannatto sanghasutthutaya sanghaphasutaya
dummankunam puggalanam niggahaya pesalanam bhikkhunam phasuviharaya
ditthadhammikanam asavanam samvaraya samparayikanam asavanam patighataya
appasannanam pasadaya pasannanam bhiyyobhavaya saddhammatthitiya
vinayanuggahaya . ke sikkhantiti . sekkha ca puthujjanakalyanaka
ca sikkhanti . ke sikkhitasikkhati . arahanto sikkhitasikkha . kattha
thitanti. Sikkhakamesu thitam. Ke dharentiti. Yesam vattati te dharenti.
Kassa vacananti . bhagavato vacanam arahato sammasambuddhassa. Kenabhatanti.
Paramparabhatam.
Upali dasako ceva sonako siggavo tatha
moggaliputtena pancama ete jambusirivhaye.
Tato mahindo ittiyo uttiyo ceva sambalo
.pe.
Ete naga mahapanna vinayannu maggakovida
vinayam dipe pakasesum pitakam tambapanniyati.
[25] Yantena bhagavata janata passata arahata sammasambuddhena
dutiyo aniyato kattha pannattoti . savatthiya pannatto .
Kam arabbhati . ayasmantam udayim arabbha . kismim vatthusminti .
Ayasma udayi matugamena saddhim eko ekaya raho nissajjam
kappesi tasmim vatthusmim 1- . atthi tattha pannatti anuppannatti
anuppannapannattiti . eka pannatti anuppannatti anuppannapannatti
tasmim natthi . sabbattha pannatti padesapannattiti . sabbattha
pannatti . sadharanapannatti asadharanapannattiti .
Asadharanapannatti . ekatopannatti ubhatopannattiti .
Ekato pannatti . pancannam patimokkhuddesanam katthogadham kattha
pariyapannanti . nidanogadham nidanapariyapannam . katamena uddesena
uddesam agacchatiti . catutthena uddesena uddesam agacchati .
Catunnam vipattinam katama vipattiti. Siya silavipatti siya acaravipatti.
{25.1} Sattannam apattikkhandhanam katamo apattikkhandhoti .
@Footnote: 1 Yu. vatthusminti.
Siya sanghadisesapattikkhandho siya pacittiyapattikkhandho .
Channam apattisamutthananam katihi samutthanehi samutthatiti . tihi
samutthanehi samutthati siya kayato ca cittato ca samutthati
na vacato siya vacato ca cittato ca samutthati na kayato
siya kayato ca vacato ca cittato ca samutthati . catunnam
adhikarananam katamam adhikarananti . apattadhikaranam . sattannam
samathanam katihi samathehi sammatiti . tihi samathehi sammati siya
sammukhavinayena ca patinnatakaranena ca siya sammukhavinayena ca
tinavattharakena ca.
Dve aniyata nitthita.
Tassuddanam
[26] Alankammaniyanceva tatheva ca na heva kho
aniyata supannatta buddhasetthena tadinati.
-----------
The Pali Tipitaka in Roman Character Volume 8 page 14-18.
https://84000.org/tipitaka/read/roman_item.php?book=8&item=23&items=4
Classified by [Item Number] :-
http://84000.org/tipitaka/read/roman_item.php?book=8&item=23&items=4&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=8&item=23&items=4
Compare with The Royal Version of Thai Tipitaka :-
https://84000.org/tipitaka/read/byitem.php?book=8&item=23&items=4
Study Atthakatha :-
https://84000.org/tipitaka/attha/attha.php?b=8&i=23
Contents of The Tipitaka Volume 8
https://84000.org/tipitaka/read/?index_8
https://84000.org/tipitaka/english/?index_8
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
