paliTIPITAKA Volume 1 - Vinaya Pitaka 1

[412] Tena kho pana samayena annatara itthi khettam vapapetva agacchati . annataro bhikkhu saratto tam itthim etadavoca vapitam kho te bhaginiti . sa na pativijanati ama ayya no ca kho pativuttanti . tassa kukkuccam ahosi .pe. Anapatti bhikkhu sanghadisesassa apatti dukkatassati. [413] Tena kho pana samayena annataro bhikkhu paribbajikam patipathe passitva saratto tam paribbajikam etadavoca kacci bhagini te maggo samsaratiti ^1- . sa na pativijanati ama bhikkhu @Footnote: ¹ Yu. Ma. samsidatiti.

--------------------------------------------------------------------------------------------- page284.

Patipajjissasiti . tassa kukkuccam ahosi .pe. anapatti bhikkhu sanghadisesassa apatti thullaccayassati. [414] Tena kho pana samayena annataro bhikkhu saratto annataram itthim etadavoca saddhasi tvam bhagini apica yam samikassa desi tam namhakam desiti . kim bhanteti . methunadhammanti . Tassa kukkuccam ahosi .pe. apattim tvam bhikkhu apanno sanghadisesanti. {414.1} Tena kho pana samayena annataro bhikkhu saratto annataram itthim etadavoca saddhasi tvam bhagini apica yam aggadanam tam namhakam desiti . kim bhante aggadananti . methunadhammanti . Tassa kukkuccam ahosi .pe. apattim tvam bhikkhu apanno sanghadisesanti. [415] Tena kho pana samayena annatara itthi kammam karoti. Annataro bhikkhu saratto tam itthim etadavoca tittha bhagini aham karissamiti . sa na pativijanati . tassa kukkuccam ahosi .pe. Anapatti bhikkhu sanghadisesassa apatti dukkatassati. {415.1} Tena kho pana samayena annatara itthi kammam karoti. Annataro bhikkhu saratto tam itthim etadavoca nisida bhagini aham karissamiti. Sa na pativijanati . tassa kukkuccam ahosi .pe. anapatti bhikkhu sanghadisesassa apatti dukkatassati. {415.2} Tena kho pana samayena annatara itthi kammam karoti. Annataro bhikkhu

--------------------------------------------------------------------------------------------- page285.

Saratto tam itthim etadavoca nipajja bhagini aham karissamiti . Sa na pativijanati . tassa kukkuccam ahosi .pe. anapatti bhikkhu sanghadisesassa apatti dukkatassati. Tatiyasanghadisesam nitthitam.

--------------------------------------------------------------------------------------------- page286.

Catutthasanghadisesam [416] Tena samayena buddho bhagava savatthiyam viharati jetavane anathapindikassa arame . tena kho pana samayena ayasma udayi savatthiyam kulupako hoti bahukani kulani upasankamati . tena kho pana samayena annatara itthi matapatika abhirupa hoti dassaniya pasadika . athakho ayasma udayi pubbanhasamayam nivasetva pattacivaramadaya yena tassa itthiya nivesanam tenupasankami upasankamitva pannatte asane nisidi . athakho sa itthi yenayasma udayi tenupasankami upasankamitva ayasmantam udayim abhivadetva ekamantam nisidi. {416.1} Ekamantam nisinnam kho tam itthim ayasma udayi dhammiya kathaya sandassesi samadapesi samuttejesi sampahamsesi . Athakho sa itthi ayasmata udayina dhammiya kathaya sandassita samadapita samuttejita sampahamsita ayasmantam udayim etadavoca vadeyyatha bhante yena attho patibala mayam ayyassa datum yadidam civarapindapatasenasanagilanapaccayabhesajjaparikkharanti ^1-. {416.2} Na kho te bhagini amhakam dullabha yadidam civarapindapata- senasanagilanapaccayabhesajjaparikkhara apica kho ^2- yo amhakam dullabho tam amhakam dehiti . kim bhanteti . methunadhammanti . @Footnote: ¹ Yu. parikkharananti. ² Yu. Ma. potthakesu ayam patho natthi.

--------------------------------------------------------------------------------------------- page287.

Attho bhanteti . attho bhaginiti . ehi bhanteti ovarakam pavisitva satakam nikkhipitva mancake uttana nipajji . athakho ayasma udayi yena sa itthi tenupasankami upasankamitva ko imam vasalam duggandham amasissatiti nutthuhitva pakkami. {416.3} Athakho sa itthi ujjhayati khiyati vipaceti alajjino ime samana sakyaputtiya dussila musavadino ime hi nama samacarino dhammacarino brahmacarino saccavadino silavanto kalyanadhamma patijanissanti natthi imesam samannam natthi imesam brahmannam nattham imesam samannam nattham imesam brahmannam kuto imesam samannam kuto imesam brahmannam apagata ime samanna apagata ime brahmanna katham hi nama samano udayi mam samam methunadhammam yacitva ko imam vasalam duggandham amasissatiti nutthuhitva pakkamissati kim me papakam kim me duggandham kissaham kena hayamiti. {416.4} Annapi itthiyo ujjhayanti khiyanti vipacenti alajjino ime samana sakyaputtiya dussila musavadino ime hi nama samacarino brahmacarino saccavadino silavanto kalyanadhamma patijanissanti natthi imesam samannam natthi imesam brahmannam nattham imesam samannam nattham imesam brahmannam kuto imesam samannam kuto imesam brahmannam apagata ime samanna apagata ime brahmanna katham hi nama samano udayi imissa samam

--------------------------------------------------------------------------------------------- page288.

Methunadhammam yacitva ko imam vasalam duggandham amasissatiti nutthuhitva pakkamissati kim imissa papakam kim imissa duggandham kissayam kena hayatiti . assosum kho bhikkhu tasam itthinam ujjhayantinam khiyantinam vipacentinam . ye te bhikkhu appiccha santuttha lajjino kukkuccaka sikkhakama te ujjhayanti khiyanti vipacenti katham hi nama ayasma udayi matugamassa santike attakamaparicariyaya vannam bhasissatiti. {416.5} Athakho te bhikkhu bhagavato etamattham arocesum. Athakho bhagava etasmim nidane etasmim pakarane bhikkhusangham sannipatapetva ayasmantam udayim patipucchi saccam kira tvam udayi matugamassa santike attakamaparicariyaya vannam bhasasiti . saccam bhagavati . vigarahi buddho bhagava ananucchavikam moghapurisa ananulomikam appatirupam assamanakam akappiyam akaraniyam katham hi nama tvam moghapurisa matugamassa santike attakamaparicariyaya vannam bhasissasi nanu maya moghapurisa anekapariyayena viragaya dhammo desito no saragaya .pe. kamaparilahanam vupasamo akkhato netam moghapurisa appasannanam va pasadaya .pe. evanca pana bhikkhave imam sikkhapadam uddiseyyatha {416.6} yo pana bhikkhu otinno viparinatena cittena matugamassa santike attakamaparicariyaya vannam bhaseyya etadaggam bhagini paricariyanam ya madisam silavantam kalyanadhammam brahmacarim etena dhammena paricareyyati methunupasanhitena sanghadisesoti.

--------------------------------------------------------------------------------------------- page289.

[417] Yo panati yo yadiso .pe. bhikkhuti .pe. ayam imasmim atthe adhippeto bhikkhuti . otinno nama saratto apekkhava patibaddhacitto . viparinatanti rattampi cittam viparinatam dutthampi cittam viparinatam mulhampi cittam viparinatam apica rattam cittam imasmim atthe adhippetam viparinatanti . matugamo nama manussitthi na yakkhi na peti na tiracchanagata vinnu patibala subhasitadubbhasitam dutthulladutthullam ajanitum . matugamassa santiketi matugamassa samanta matugamassa avidure . attakamanti attano kamam attano hetum attano adhippayam attano paricariyam. {417.1} Etadagganti etam aggam etam settham etam mokkham etam uttamam etam pavaram . yati khattiya ^1- va brahmani va vesi va suddi va . madisanti khattiyam va brahmanam va vesam va suddam va. Silavantanti panatipata pativiratam adinnadana pativiratam musavada pativiratam . brahmacarinti methunadhamma pativiratam . kalyanadhammo nama tena ca silena tena ca brahmacariyena kalyanadhammo hoti . Etena dhammenati methunadhammena . paricareyyati abhirameyya . Methunupasanhitenati methunadhammapatisamyuttena . sanghadisesoti .pe. Tenapi vuccati sanghadisesoti. [418] Itthi ca hoti itthisanni saratto ca bhikkhu ca nam itthiya santike attakamaparicariyaya vannam bhasati apatti @Footnote: ¹ Yu. Ma. khattiyi.

--------------------------------------------------------------------------------------------- page290.

Sanghadisesassa . itthi ca hoti vematiko pandakasanni purisasanni tiracchanagatasanni saratto ca bhikkhu ca nam itthiya santike attakamaparicariyaya vannam bhasati apatti thullaccayassa. {418.1} Pandako ca hoti pandakasanni saratto ca bhikkhu ca nam pandakassa santike attakamaparicariyaya vannam bhasati apatti thullaccayassa . pandako ca hoti vematiko purisasanni tiracchanagatasanni itthisanni saratto ca bhikkhu ca nam pandakassa santike attakamaparicariyaya vannam bhasati apatti dukkatassa. {418.2} Puriso ca hoti purisasanni vematiko tiracchanagatasanni itthisanni pandakasanni saratto ca bhikkhu ca nam purisassa santike attakamaparicariyaya vannam bhasati apatti dukkatassa. {418.3} Tiracchanagato ca hoti tiracchanagatasanni vematiko itthisanni pandakasanni purisasanni saratto ca bhikkhu ca nam tiracchanagatassa santike attakamaparicariyaya vannam bhasati apatti dukkatassa.