paliTIPITAKA Volume 1 - Vinaya Pitaka 1

[605] Te bhikkhu bhikkhuhi samanubhasitabba . evanca pana bhikkhave samanubhasitabba . byattena bhikkhuna patibalena sangho napetabbo {605.1} sunatu me bhante sangho itthannamo ca itthannamo ca bhikkhu itthannamassa bhikkhuno sanghabhedaya parakkamantassa anuvattaka Vaggavadaka . te tam vatthum nappatinissajjanti . Yadi sanghassa pattakallam sangho itthannamanca itthannamanca bhikkhu samanubhaseyya tassa vatthussa patinissaggaya. Esa natti. {605.2} Sunatu me bhante sangho itthannamo ca itthannamo ca bhikkhu itthannamassa bhikkhuno sanghabhedaya parakkamantassa anuvattaka vaggavadaka . te tam vatthum nappatinissajjanti . sangho itthannamanca itthannamanca bhikkhu samanubhasati tassa vatthussa patinissaggaya . Yassayasmato khamati itthannamassa ca itthannamassa ca bhikkhunam samanubhasana tassa vatthussa patinissaggaya so tunhassa yassa nakkhamati so bhaseyya. {605.3} Dutiyampi etamattham vadami .pe. Tatiyampi etamattham vadami. Sunatu me bhante sangho itthannamo ca itthannamo ca bhikkhu itthannamassa bhikkhuno sanghabhedaya parakkamantassa anuvattaka vagga vadaka . te tam vatthum nappatinissajjanti . sangho itthannamanca itthannamanca bhikkhu samanubhasati tassa vatthussa patinissaggaya . Yassayasmato khamati itthannamassa ca itthannamassa ca bhikkhunam samanubhasana tassa vatthussa patinissaggaya so tunhassa yassa nakkhamati so bhaseyya. {605.4} Samanubhattha sanghena itthannamo ca itthannamo ca bhikkhu tassa vatthussa patinissaggaya . khamati sanghassa tasma tunhi. Evametam dharayamiti. [606] Nattiya dukkatam dvihi kammavacahi thullaccaya Kammavacapariyosane apatti sanghadisesassa . sanghadisesam ajjhapajjantanam nattiya dukkatam dvihi kammavacahi thullaccaya patippassambhanti . dve tayo ekato samanubhasitabba taduttari na samanubhasitabba. Sanghadisesoti .pe. Tenapi vuccati sanghadisesoti. [607] Dhammakamme dhammakammasanni nappatinissajjanti apatti sanghadisesassa . dhammakamme vematika nappatinissajjanti apatti sanghadisesassa . dhammakamme adhammakammasanni nappatinissajjanti apatti sanghadisesassa . adhammakamme dhammakammasanni apatti dukkatassa . adhammakamme vematika apatti dukkatassa . adhammakamme adhammakammasanni apatti dukkatassa. [608] Anapatti asamanubhasantanam patinissajjantanam ummattakanam khittacittanam vedanattanam adikammikananti. Ekadasamasanghadisesam nitthitam. ------------- Dvadasamasanghadisesam [609] Tena samayena buddho bhagava kosambiyam viharati ghositarame. Tena kho pana samayena ayasma channo anacaram acarati . bhikkhu evamahamsu ma avuso channa evarupam akasi netam kappatiti. So evam vadesi kim nu kho nama tumhe avuso mam vattabbam mannatha aham kho nama tumhe vadeyyam amhakam buddho amhakam dhammo amhakam ayyaputtena dhammo abhisamito seyyathapi nama mahavato vayanto tinakatthapannasatam ^1- ekato ussadeyya ^2- seyyathapi va pana nadi pabbateyya sankhasevalapanakam ekato ussadeyya evameva tumhe nananama nanagotta nanajacca nanakula pabbajita ekato ussadita ^3- kim nu kho nama tumhe avuso mam vattabbam mannatha aham kho nama tumhe vadeyyam amhakam buddho amhakam dhammo amhakam ayyaputtena dhammo abhisamitoti . ye te bhikkhu appiccha santuttha lajjino kukkuccaka sikkhakama te ujjhayanti khiyanti vipacenti katham hi nama ayasma channo bhikkhuhi sahadhammikam vuccamano attanam avacaniyam karissatiti . athakho te bhikkhu bhagavato etamattham arocesum . athakho bhagava etasmim nidane etasmim pakarane @Footnote: ¹ Yu. Ma. tinakatthapannakasatam. ² ussareyya. ³ Yu. Ma. ussarita. Bhikkhusangham sannipatapetva ayasmantam channam patipucchi saccam kira tvam channa bhikkhuhi sahadhammikam vuccamano attanam avacaniyam karositi . Saccam bhagavati . vigarahi buddho bhagava ananucchavikam moghapurisa .pe. Akaraniyam katham hi nama tvam moghapurisa bhikkhuhi sahadhammikam vuccamano attanam avacaniyam karissasi netam moghapurisa appasannanam va pasadaya .pe. Evanca pana bhikkhave imam sikkhapadam uddiseyyatha {609.1} bhikkhu paneva dubbacajatiko hoti uddesapariyapannesu sikkhapadesu bhikkhuhi sahadhammikam vuccamano attanam avacaniyam karoti ma mam ayasmanto kinci avacuttha kalyanam va papakam va ahampayasmante na kinci vakkhami kalyanam va papakam va viramathayasmanto mama vacanayati . so bhikkhu bhikkhuhi evamassa vacaniyo ma ayasma attanam avacaniyam akasi vacaniyameva ayasma attanam karotu ayasmapi bhikkhu vadetu sahadhammena bhikkhupi ayasmantam vakkhanti sahadhammena evam samvaddha hi tassa bhagavato parisa yadidam annamannavacanena annamannavutthapanenati . Evanca so bhikkhu bhikkhuhi vuccamano tatheva pagganheyya so bhikkhu bhikkhuhi yavatatiyam samanubhasitabbo tassa patinissaggaya yavatatiyance samanubhasiyamano tam patinissajjeyya iccetam kusalam no ce patinissajjeyya sanghadisesoti. [610] Bhikkhu paneva dubbacajatiko hotiti dubbaco hoti Dovacassakaranehi dhammehi samannagato akkhamo appadakkhinaggahi anusasanim . uddesapariyapannesu sikkhapadesuti patimokkhapariyapannesu sikkhapadesu . bhikkhuhiti annehi bhikkhuhi . sahadhammikam nama yam bhagavata pannattam sikkhapadam etam sahadhammikam nama . tena vuccamano attanam avacaniyam karoti ma mam ayasmanto kinci avacuttha kalyanam va papakam va ahampayasmante na kinci vakkhami kalyanam va papakam va viramathayasmanto mama vacanayati. [611] So bhikkhuti yo so dubbacajatiko bhikkhu . bhikkhuhiti annehi bhikkhuhi . ye passanti ye sunanti tehi vattabbo ma ayasma attanam avacaniyam akasi vacaniyameva ayasma attanam karotu ayasmapi bhikkhu vadetu sahadhammena bhikkhupi ayasmantam vakkhanti sahadhammena evam samvaddha hi tassa bhagavato parisa yadidam annamannavacanena annamannavutthapanenati . dutiyampi vattabbo tatiyampi vattabbo . sace patinissajjati iccetam kusalam no ce patinissajjati apatti dukkatassa . sutva na vadanti apatti dukkatassa . so bhikkhu sanghamajjhampi akaddhitva vattabbo ma ayasma attanam avacaniyam akasi vacaniyameva ayasma attanam karotu ayasmapi bhikkhu vadetu sahadhammena bhikkhupi ayasmantam vakkhanti sahadhammena evam samvaddha hi tassa bhagavato parisa yadidam Annamannavacanena annamannavutthapanenati . dutiyampi vattabbo tatiyampi vattabbo . sace patinissajjati iccetam kusalam no ce patinissajjati apatti dukkatassa.

The Pali Tipitaka in Roman Character Volume 1 page 407-413. http://84000.org/tipitaka/read/roman_item_s.php?book=1&item=605&items=7&modeTY=2 Classified by [Item Number] :- http://84000.org/tipitaka/read/roman_item_s.php?book=1&item=605&items=7&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=1&item=603&items=7&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=1&item=603&items=7&modeTY=2 Study Atthakatha :- http://84000.org/tipitaka/attha/attha.php?b=1&i=603 The Pali Atthakatha in Thai :- http://84000.org/tipitaka/atthapali/read_th.php?B=2&A=2616 The Pali Atthakatha in Roman :- http://84000.org/tipitaka/atthapali/read_rm.php?B=2&A=2616 Contents of The Tipitaka Volume 1 http://84000.org/tipitaka/read/?index_1