paliTIPITAKA Volume 10 - Sutta Pitaka 2

[92] Assosum kho vesalika licchavi bhagava kira vesalim anuppatto vesaliyam viharati ambapalivaneti . athakho te licchavi bhaddani bhaddani yanani yojapetva bhaddam bhaddam yanam abhiruhitva bhaddehi bhaddehi yanehi vesaliya niyyimsu . tatra ekacce licchavi nila honti nilavanna nilavattha nilalankara ekacce licchavi pita honti pitavanna pitavattha pitalankara ekacce licchavi lohitaka ^1- honti lohitakavanna lohitakavattha lohitakalankara ekacce licchavi odata honti odatavanna odatavattha odatalankara . athakho ambapali ganika daharanam daharanam licchavinam akkhena akkham cakkena cakkam yuggena yuggam ^2- pativattesi. {92.1} Athakho te licchavi ambapalim ganikam etadavocum kim je ambapali daharanam daharanam licchavinam akkhena akkham cakkena cakkam yuggena yuggam pativattesiti . tatha hi pana me ayyaputta bhagava nimantito svatanaya bhattam saddhim bhikkhusanghenati . dehi je ambapali etam bhattam satasahassenati . sace hi ^3- me ayyaputta vesalim saharam dassatha evampi mahantam ^4- bhattam na dassamiti. {92.2} Athakho te licchavi anguli pothesum ^5- jitamha vata bho ambapalikaya vancitamha ^6- vata bho ambapalikayati ^7- . athakho te licchavi @Footnote: ¹ lohita ... lohitalankara ² yuropiyavinayapotthakeyeva isaya isam cakkena cakkam @yuggena yuggam akkhena akkhanti palikkamo dissati. ³ Ma. Yu. pi. ⁴ Ma. evamaham @tam ⁵ Ma. angulim photesum. ito param idisameva. ⁶ Si. Yu. parajitamha. @⁷ Ma. ambakayati. Yena ambapalivanam tena payimsu . addasa kho bhagava te licchavi durato va agacchante disvana bhikkhu amantesi yesam bhikkhave bhikkhunam deva tavatimsa aditthapubba oloketha bhikkhave licchaviparisam avaloketha ^1- bhikkhave licchaviparisam upasamharatha bhikkhave licchaviparisam tavatimsasadisanti . athakho te licchavi yavatika yanassa bhumi yanena gantva yana paccorohitva pattika va yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinne kho te licchavi bhagava dhammiya kathaya sandassesi samadapesi samuttejesi sampahamsesi. {92.3} Athakho te licchavi bhagavata dhammiya kathaya sandassita samadapita samuttejita sampahamsita bhagavantam etadavocum adhivasetu no bhante bhagava svatanaya bhattam saddhim bhikkhusanghenati ^[2]- . Adhivasitam ^3- kho me licchavi svatanaya ambapaliganikaya bhattanti ^4-. Athakho te licchavi anguli pothesum jitamha vata bho ambapalikaya vancitamha vata bho ambapalikayati . athakho te licchavi bhagavato bhasitam abhinanditva anumoditva utthayasana bhagavantam abhivadetva padakkhinam katva pakkamimsu. {92.4} Athakho ambapali ganika tassa rattiya accayena sake arame panitam khadaniyam bhojaniyam patiyadapetva bhagavato @Footnote: ¹ Ma. apaloketha. ² Ma. athakho bhagava te licchavi etadavoca. ³ Si. Ma. Yu. @adhivuttam. ⁴ yuropiyavinayapotthake pana adhivutthomhi licchavi svatanaya ganikaya @bhattantiti palikkamo dissati. Kalam arocapesi kalo bhante nitthitam bhattanti . athakho bhagava pubbanhasamayam nivasetva pattacivaram adaya saddhim bhikkhusanghena yena ambapaliganikaya parivesanam ^1- tenupasankami upasankamitva pannatte asane nisidi . athakho ambapali ganika buddhappamukham bhikkhusangham panitena khadaniyena bhojaniyena sahattha santappesi sampavaresi . athakho ambapali ganika bhagavantam bhuttavim onitapattapanim annataram nicam asanam gahetva ekamantam nisidi . ekamantam nisinna kho ambapali ganika bhagavantam etadavoca imaham bhante aramam buddhappamukhassa bhikkhusanghassa dammiti . patiggahesi bhagava aramam . athakho bhagava ambapalim ganikam dhammiya kathaya sandassetva samadapetva samuttejetva sampahamsetva utthayasana pakkami . tatra ^2- sudam bhagava vesaliyam viharanto ambapalivane etadeva bahulam bhikkhunam dhammim katham karoti iti silam iti samadhi iti panna silaparibhavito samadhi mahapphalo hoti mahanisamso samadhiparibhavita panna mahapphala hoti mahanisamsa pannaparibhavitam cittam sammadeva asavehi vimuccati seyyathidam kamasava bhavasava avijjasavati.

The Pali Tipitaka in Roman Character Volume 10 page 114-116. http://84000.org/tipitaka/read/roman_item_s.php?book=10&item=92&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=10&item=92&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=10&item=92&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=10&item=92&items=1&modeTY=2 Study Atthakatha :- http://84000.org/tipitaka/attha/attha.php?b=10&i=92 The Pali Atthakatha in Thai :- http://84000.org/tipitaka/atthapali/read_th.php?B=5&A=2965 The Pali Atthakatha in Roman :- http://84000.org/tipitaka/atthapali/read_rm.php?B=5&A=2965 Contents of The Tipitaka Volume 10 http://84000.org/tipitaka/read/?index_10