paliTIPITAKA Volume 13 - Sutta Pitaka 5

[240] Evamme sutam ekam samayam bhagava vesaliyam viharati mahavane kutagarasalayam . tena kho pana samayena vacchagotto paribbajako ekapundarike paribbajakarame pativasati . atha kho bhagava pubbanhasamayam nivasetva pattacivaramadaya vesalim ^2- pindaya pavisi . atha kho bhagavato etadahosi atippago kho tava vesaliyam pindaya caritum yannunaham yena ekapundariko paribbajakaramo yena vacchagotto paribbajako tenupasankameyyanti . Atha kho bhagava yena ekapundariko paribbajakaramo yena vacchagotto paribbajako tenupasankami . addasa kho vacchagotto paribbajako bhagavantam ^[3]- durato agacchantam disva bhagavantam etadavoca etu kho bhante bhagava svagatam bhante bhagavato ^4- cirassam kho bhante bhagava imam pariyayamakasi yadidam idhagamanaya nisidatu bhante bhagava idamasanam pannattanti . nisidi bhagava pannatte asane . vacchagottopi kho paribbajako annataram nicam asanam gahetva ekamantam nisidi. @Footnote: ¹ Ma. Yu. tevijjavacchagottasuttam . ² Po. vesaliyam. @³ Yu. etthantare vasaddo atthi. ⁴ Po. bhagava.

--------------------------------------------------------------------------------------------- page237.

[241] Ekamantam nisinno kho vacchagotto paribbajako bhagavantam etadavoca sutametam bhante samano gotamo sabbannu sabbadassavi aparisesam nanadassanam patijanati carato ca me titthato ca suttassa ca jagarassa ca satatam samitam nanadassanam paccupatthitanti ye te bhante evamahamsu samano gotamo sabbannu sabbadassavi aparisesam nanadassanam patijanati carato ca me titthato ca suttassa ca jagarassa ca satatam samitam nanadassanam paccupatthitanti kacci te bhante bhagavato vuttavadino na ca bhagavantam abhutena abbhacikkhanti dhammassa canudhammam byakaronti na ca koci sahadhammiko vadanuvado garayham thanam agacchatiti . Ye te vaccha evamahamsu samano gotamo sabbannu sabbadassavi aparisesam nanadassanam patijanati carato ca me titthato ca suttassa ca jagarassa ca satatam samitam nanadassanam paccupatthitanti na me te vuttavadino abbhacikkhanti ca pana mante ^1- asata abhutenati. [242] Katham byakaramana pana mayam bhante vuttavadino ceva bhagavato assama na ca bhagavantam abhutena abbhacikkheyyama dhammassa canudhammam byakareyyama na ca koci sahadhammiko vadanuvado garayham thanam agaccheyyati . tevijjo samano gotamoti kho vaccha byakaramano vuttavadi ceva me assa na ca @Footnote: ¹ Ma. mam.

--------------------------------------------------------------------------------------------- page238.

Mam abhutena abbhacikkheyya dhammassa canudhammam byakareyya na ca koci sahadhammiko vadanuvado garayham thanam agaccheyya . aham hi vaccha yavadeva akankhami anekavihitam pubbenivasam anussarami seyyathidam ekampi jatim dvepi jatiyo .pe. iti sakaram sauddesam anekavihitam pubbenivasam anussarami . aham hi vaccha yavadeva akankhami dibbena cakkhuna visuddhena atikkantamanusakena satte passami cavamane upapajjamane hine panite suvanne dubbanne sugate duggate .pe. yathakammupage satte pajanami . aham hi vaccha asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharami. {242.1} Tevijjo samano gotamoti kho vaccha byakaramano vuttavadi ceva me assa na ca mam abhutena abbhacikkheyya dhammassa canudhammam byakareyya na ca koci sahadhammiko vadanuvado garayham thanam agaccheyyati. [243] Evam vutte vacchagotto paribbajako bhagavantam etadavoca atthi nu kho bho gotama koci gihi gihisannojanam appahaya ^[1]- kayassa bheda dukkhassantakaroti . natthi kho vaccha koci gihi gihisannojanam appahaya kayassa bheda dukkhassantakaroti ^2-. {243.1} Atthi pana bho gotama koci gihi gihisannojanam appahaya kayassa bheda ^[3]- saggupagoti. Na ^4- kho vaccha ekamyeva satam na dve satani @Footnote: ¹ Po. dittheva dhamme . ² katthaci dukkhassantam karoti . ³ Po. parammarana. @⁴ Ma. na kho vaccha...saggupagati ime patha natthi. idha pana atthi kho vaccha @koci gihi gihisannojanam appahaya kayassa bheda saggupagotiti ime patha dissanti.

--------------------------------------------------------------------------------------------- page239.

Na tini satani na cattari satani na panca satani atha kho bhiyyova ye gihi gihisannojanam appahaya kayassa bheda saggupagati. {243.2} Atthi nu kho bho gotama koci ajivako kayassa bheda dukkhassantakaroti . natthi kho vaccha koci ajivako kayassa bheda dukkhassantakaroti . atthi pana bho gotama koci ajivako kayassa bheda saggupagoti . ito kho so ^1- vaccha ekanavuto ^2- kappo yamaham anussarami nabhijanami ^3- kanci ajivakam saggupagam annatra ekena so capi ^4- kammavadi kiriyavaditi . evam sante bho gotama sunnam adum titthayatanam antamaso saggupagenati ^5- . Evam ^[6]- vaccha sunnam adum titthayatanam antamaso saggupagenapiti. Idamavoca bhagava attamano vacchagotto paribbajako bhagavato bhasitam abhinanditi. Culavacchagottasuttam nitthitam pathamam. ------------ @Footnote: ¹ Ma. soti patho natki . ² Po. ekunanavutikappe . Ma. ekanavute kappe. @³ Ma. abhijanami na kinci . ⁴ Ma. so pasim. Yu. so pasi . ⁵ Ma. saggupagenapiti. @Yu. saggupagenapiti. [6] Yu. etthantare santeti patho dissati.

--------------------------------------------------------------------------------------------- page240.

Aggivacchagottasuttam

The Pali Tipitaka in Roman Character Volume 13 page 236-240. http://84000.org/tipitaka/read/roman_item_s.php?book=13&item=240&items=4&pagebreak=1&modeTY=2&mode=bracket Classified by content :- http://84000.org/tipitaka/read/roman_item_s.php?book=13&item=240&items=4&pagebreak=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=13&item=240&items=4&pagebreak=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=13&item=240&items=4&pagebreak=1&modeTY=2&mode=bracket Study Atthakatha :- http://84000.org/tipitaka/attha/attha.php?b=13&i=240 The Pali Atthakatha in Thai :- http://84000.org/tipitaka/atthapali/read_th.php?B=9&A=3622 The Pali Atthakatha in Roman :- http://84000.org/tipitaka/atthapali/read_rm.php?B=9&A=3622 Contents of The Tipitaka Volume 13 http://84000.org/tipitaka/read/?index_13