paliTIPITAKA Volume 2 - Vinaya Pitaka 2

page561.

Padukavaggo [862] Savatthinidanam . tena kho pana samayena chabbaggiya bhikkhu padukarulhassa dhammam desenti .pe. {862.1} Na padukarulhassa agilanassa dhammam desessamiti sikkha karaniya. Na padukarulhassa agilanassa dhammo desetabbo . yo anadariyam paticca akkantassa va patimukkassa va omukkassa va agilanassa dhammam deseti apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [863] Savatthinidanam . tena kho pana samayena chabbaggiya bhikkhu upahanarulhassa dhammam desenti .pe. {863.1} Na upahanarulhassa agilanassa dhammam desessamiti sikkha karaniya. Na upahanarulhassa agilanassa dhammo desetabbo . yo anadariyam paticca akkantassa va patimukkassa va omukkassa va agilanassa dhammam deseti apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [864] Savatthinidanam . tena kho pana samayena chabbaggiya bhikkhu yanagatassa dhammam desenti .pe. {864.1} Na yanagatassa agilanassa dhammam desessamiti sikkha karaniya.

--------------------------------------------------------------------------------------------- page562.

Yanam nama vayham ratho sakatam sandamanika sivika patanki . Na yanagatassa agilanassa dhammo desetabbo . yo anadariyam paticca yanagatassa agilanassa dhammam deseti apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [865] Savatthinidanam . tena kho pana samayena chabbaggiya bhikkhu sayanagatassa dhammam desenti .pe. {865.1} Na sayanagatassa agilanassa dhammam desessamiti sikkha karaniya. Na sayanagatassa agilanassa dhammo desetabbo . yo anadariyam paticca antamaso chamayampi ^1- nipannassa agilanassa dhammam deseti apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [866] Savatthinidanam . tena kho pana samayena chabbaggiya bhikkhu pallatthikaya nisinnassa dhammam desenti .pe. {866.1} Na pallatthikaya nisinnassa agilanassa dhammam desessamiti sikkha karaniya. Na pallatthikaya nisinnassa agilanassa dhammo desetabbo . Yo anadariyam paticca hatthapallatthikaya va dussapallatthikaya va nisinnassa agilanassa dhammam deseti apatti dukkatassa. @Footnote: ¹ Yu. chamayapi.

--------------------------------------------------------------------------------------------- page563.

Anapatti asancicca asatiya ajanantassa gilanassa apadasu ummattakassa adikammikassati. [867] Savatthinidanam . tena kho pana samayena chabbaggiya bhikkhu vethitasisassa dhammam desenti .pe. {867.1} Na vethitasisassa agilanassa dhammam desessamiti sikkha karaniya. Vethitasiso nama kesantam na dassapetva vethito hoti . Na vethitasisassa agilanassa dhammo desetabbo . yo anadariyam paticca vethitasisassa agilanassa dhammam deseti apatti dukkatassa. Anapatti asancicca asatiya ajanantassa gilanassa kesantam vivarapetva deseti apadasu ummattakassa adikammikassati. [868] Savatthinidanam . tena kho pana samayena chabbaggiya bhikkhu ogunthitasisassa dhammam desenti .pe. {868.1} Na ogunthitasisassa agilanassa dhammam desessamiti sikkha karaniya. Ogunthitasiso nama sasisam paruto vuccati . na ogunthitasisassa agilanassa dhammo desetabbo . yo anadariyam paticca ogunthitasisassa agilanassa dhammam deseti apatti dukkatassa. Anapatti asancicca asatiya ajanantassa gilanassa sisam vivarapetva deseti apadasu ummattakassa adikammikassati. [869] Savatthinidanam . tena kho pana samayena chabbaggiya

--------------------------------------------------------------------------------------------- page564.

Bhikkhu chamayam nisiditva asane nisinnassa dhammam desenti .pe. {869.1} Na chamayam ^1- nisiditva asane nisinnassa agilanassa dhammam desessamiti sikkha karaniya. Na chamayam nisiditva asane nisinnassa agilanassa dhammo desetabbo . yo anadariyam paticca chamayam nisiditva asane nisinassa agilanassa dhammam deseti apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [870] Savatthinidanam . tena kho pana samayena chabbaggiya bhikkhu nice asane nisiditva ucce asane nisinnassa dhammam desenti . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu nice asane nisiditva ucce asane nisinnassa dhammam desessantiti .pe. Saccam kira tumhe bhikkhave nice asane nisiditva ucce asane nisinnassa dhammam desethati . saccam bhagavati . vigarahi buddho bhagava katham hi nama tumhe moghapurisa nice asane nisiditva ucce asane nisinnassa dhammam desessatha netam moghapurisa appasannanam va pasadaya pasannanam va bhiyyobhavaya .pe. Vigarahitva dhammim katham katva bhikkhu amantesi. @Footnote: ¹ Yu. chamaya.

--------------------------------------------------------------------------------------------- page565.

[871] Bhutapubbam bhikkhave baranasiyam annatarassa chavakassa ^1- pajapati gabbhini ahosi . athakho bhikkhave sa chavaki ^2- tam chavakam etadavoca gabbhinimhi ayyaputta icchami ambam khaditunti . natthi ambo ^3- akalo ambassati . sace na labhissami marissamiti . Tena kho pana samayena ranno ambo dhuvaphalo hoti . athakho bhikkhave so chavako yena so ambo tenupasankami upasankamitva tam ambam abhiruhitva nilino acchi . athakho bhikkhave raja purohitena brahmanena saddhim yena so ambo tenupasankami upasankamitva ucce asane nisiditva mantam pariyapunati. {871.1} Athakho bhikkhave tassa chavakassa etadahosi yava adhammiko ayam raja yatra hi nama ucce asane nisiditva mantam pariyapunissati ayanca brahmano adhammiko yatra hi nama nice asane nisiditva ucce asane nisinnassa mantam vacessati ahancamhi adhammiko yoham itthiya karana ranno ambam avaharami sabbamidam ca ^4- parigatanti ^5-. Tattheva paripati. Ubho attham na jananti ubho dhammam na passare yo cayam mantam vaceti yo cadhammena dhiyati. Salinam odano bhutto sucimamsupasecano tasma dhamme na vattami dhammo ariyebhi vannito. @Footnote: ¹ Ma. Yu. chapakassa . ² Ma. Yu. chapaki. evamuparipi . ³ Ma. Yu. ambam. @⁴ Ma. Yu. carimam . ⁵ Ma. Yu. katanti.

--------------------------------------------------------------------------------------------- page566.

Dhiratthu tam dhanalabham yasalabhanca brahmana ya vutti vinipatena adhammacaranena va. Paribbaja mahabrahme pacantannepi panino. Ma tam adhammo acarito asma kumbhamivabhidati. [872] Tadapi me bhikkhave amanapa nice asane nisiditva ucce asane nisinnassa mantam vacetum kimangam pana etarahi na amanapa bhavissati nice asane nisiditva ucce asane nisinnassa dhammam desetum netam bhikkhave appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {872.1} na nice asane nisiditva ucce asane nisinnassa agilanassa dhammam desessamiti sikkha karaniya. Na nice asane nisiditva ucce asane nisinnassa agilanassa dhammo desetabbo . yo anadariyam paticca nice asane nisiditva ucce asane nisinnassa agilanassa dhammam deseti apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [873] Savatthinidanam . tena kho pana samayena chabbaggiya bhikkhu thita nisinnassa dhammam desenti .pe. {873.1} Na thito nisinnassa agilanassa dhammam desessamiti sikkha karaniya.

--------------------------------------------------------------------------------------------- page567.

Na thitena nisinnassa agilanassa dhammo desetabbo . yo anadariyam paticca thito nisinnassa agilanassa dhammam deseti apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [874] Savatthinidanam . tena kho pana samayena chabbaggiya bhikkhu pacchato gacchanta purato gacchantassa dhammam desenti .pe. {874.1} Na pacchato gacchanto purato gacchantassa agilanassa dhammam desessamiti sikkha karaniya. Na pacchato gacchantena purato gacchantassa agilanassa dhammo desetabbo . yo anadariyam paticca pacchato gacchanto purato gacchantassa agilanassa dhammam deseti apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [875] Savatthinidanam . tena kho pana samayena chabbaggiya bhikkhu uppathena gacchanta pathena gacchantassa dhammam desenti .pe. {875.1} Na uppathena gacchanto pathena gacchantassa agilanassa dhammam desessamiti sikkha karaniya. Na uppathena gacchantena pathena gacchantassa agilanassa dhammo desetabbo . yo anadariyam paticca uppathena gacchanto pathena

--------------------------------------------------------------------------------------------- page568.

Gacchantassa agilanassa dhammam deseti apatti dukkatassa . Anapatti asancicca asatiya ajanantassa gilanassa apadasu ummattakassa adikammikassati. Tayo pakinnaka ^1- [876] Savatthinidanam . tena kho pana samayena chabbaggiya bhikkhu thita uccarampi passavampi karonti .pe. {876.1} Na thito agilano uccaram va passavam va karissamiti sikkha karaniya. Na thitena agilanena uccaro va passavo va katabbo. Yo anadariyam paticca thito agilano uccaram va passavam va karoti apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [877] Savatthinidanam . tena kho pana samayena chabbaggiya bhikkhu harite uccarampi passavampi khelampi karonti .pe. {877.1} Na harite agilano uccaram va passavam va khelam va karissamiti sikkha karaniya. Na harite agilanena uccaro va passavo va khelo va katabbo . yo anadariyam paticca harite agilano uccaram va passavam va khelam va karoti apatti dukkatassa. @Footnote: ¹ Ma. idam pathadvayam natthi.

--------------------------------------------------------------------------------------------- page569.

Anapatti asancicca asatiya ajanantassa gilanassa appaharite kato haritam ottharati apadasu ummattakassa adikammikassati. [878] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhu udake uccarampi passavampi khelampi karonti . manussa ujjhayanti khiyanti vipacenti katham hi nama samana sakyaputtiya udake uccarampi passavampi khelampi karissanti seyyathapi gihi kamabhoginoti . assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu udake uccarampi passavampi khelampi karissantiti .pe. saccam kira tumhe bhikkhave udake uccarampi passavampi khelampi karothati. Saccam bhagavati . vigarahi buddho bhagava katham hi nama tumhe moghapurisa udake uccarampi passavampi khelampi karissatha netam moghapurisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {878.1} na udake uccaram va passavam va khelam va karissamiti sikkha karaniya. {878.2} Evancidam bhagavata bhikkhunam sikkhapadam pannattam hoti. [879] Tena kho pana samayena gilana bhikkhu udake uccarampi

--------------------------------------------------------------------------------------------- page570.

Passavampi khelampi katum kukkuccayanti . bhagavato etamattham arocesum . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave gilanena bhikkhuna udake uccarampi passavampi khelampi katum evanca pana bhikkhave imam sikkhapadam uddiseyyatha {879.1} na udake agilano uccaram va passavam va khelam va karissamiti sikkha karaniya. Na udake agilanena uccaro va passavo va khelo va katabbo . yo anadariyam paticca udake agilano uccaram va passavam va khelam va karoti apatti dukkatassa. Anapatti asancicca asatiya ajanantassa gilanassa thale kato udakam ottharati apadasu ummattakassa adikammikassati. Padukavaggo sattamo. --------- Uddittha kho ayasmanto sekhiya dhamma . tatthayasmante pucchami kaccittha parisuddha dutiyampi pucchami kaccittha parisuddha tatiyampi pucchami kaccittha parisuddha parisuddhetthayasmanto tasma tunhi. Evametam dharayamiti. ^[1]- Sekhiyakandam nitthitam. ------- @Footnote: ¹ Ma. sekhiya nitthita.

The Pali Tipitaka in Roman Character Volume 2 page 561-570. http://84000.org/tipitaka/read/roman_item_s.php?book=2&item=862&items=18&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=2&item=862&items=18&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=862&items=18&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=862&items=18&pagebreak=1&modeTY=2 Study Atthakatha :- http://84000.org/tipitaka/attha/attha.php?b=2&i=862 The Pali Atthakatha in Thai :- http://84000.org/tipitaka/atthapali/read_th.php?B=2&A=10574 The Pali Atthakatha in Roman :- http://84000.org/tipitaka/atthapali/read_rm.php?B=2&A=10574 Contents of The Tipitaka Volume 2 http://84000.org/tipitaka/read/?index_2