paliTIPITAKA Volume 2 - Vinaya Pitaka 2

page76.

Pancamasikkhapadam [91] Tena samayena buddho bhagava savatthiyam viharati jetavane anathapindikassa arame . athakho bhagava bhikkhu amantesi icchamaham bhikkhave temasam patisalliyitum namhi kenaci upasankamitabbo annatra ekena pindapataniharakenati . evam bhanteti kho te bhikkhu bhagavato patissunitva nassudha koci bhagavantam upasankamati annatra ekena pindapataniharakena . tena kho pana samayena savatthiyam sanghena katika kata hoti icchatavuso bhagava temasam patisalliyitum na bhagava kenaci upasankamitabbo annatra ekena pindapataniharakena yo bhagavantam upasankamati ^[1]- pacittiyam desapetabboti. [92] Athakho ayasma upaseno vangantaputto sapariso yena bhagava tenupasankami upasankamitva bhagavantam abhivadetva ekamantam nisidi . acinnam kho panetam buddhanam bhagavantanam agantukehi bhikkhuhi saddhim patisammoditum . athakho bhagava ayasmantam upasenam vangantaputtam etadavoca ^2- kacci vo upasena khamaniyam kacci yapaniyam kaccittha appakilamathena addhanam agatati . @Footnote: ¹ Ma. Yu. so . ² Yu. Ra. ekamantam nisinnam kho ayasmantam upasenam @vangantaputtam bhagava etadavoca.

--------------------------------------------------------------------------------------------- page77.

Khamaniyam bhagava yapaniyam bhagava appakilamathena ca mayam bhante addhanam agatati. {92.1} Tena kho pana samayena ayasmato upasenassa vangantaputtassa saddhivihariko bhikkhu bhagavato avidure nisinno hoti . Athakho bhagava tam bhikkhum etadavoca manapani te bhikkhu pamsukulaniti . na kho me bhante manapani pamsukulaniti . kissa pana tvam bhikkhu pamsukulikoti. Upajjhayo me bhante pamsukuliko evam ahampi pamsukulikoti. Athakho bhagava ayasmantam upasenam vangantaputtam etadavoca pasadika kho tyayam upasena parisa katham tvam upasena parisam vinesiti. {92.2} Yo mam bhante upasampadam yacati tamaham ^1- evam vadami aham kho avuso arannako pindapatiko pamsukuliko sace tvampi arannako bhavissasi pindapatiko pamsukuliko evaham tam upasampadessamiti sace me patissunati upasampademi no ce me patissunati na upasampademi yo mam nissayam yacati tamaham ^2- evam vadami aham kho avuso arannako pindapatiko pamsukuliko sace tvampi arannako bhavissasi pindapatiko pamsukuliko evaham te nissayam dassamiti sace me patissunati nissayam demi no ce me patissunati na ^[3]- demi evam kho aham bhante parisam vinemiti . sadhu sadhu upasena sadhu kho tvam upasena parisam @Footnote: ^1-2 Yu. taham . ³ Ma. Yu. nissayam.

--------------------------------------------------------------------------------------------- page78.

Vinesi janasi pana tvam upasena savatthiyam ^1- sanghassa katikanti . Na kho aham bhante janami savatthiyam sanghassa katikanti . savatthiyam kho upasena sanghena katika kata icchatavuso bhagava temasam patisalliyitum na bhagava kenaci upasankamitabbo annatra ekena pindapataniharakena yo bhagavantam upasankamati ^[2]- pacittiyam desapetabboti . pannayissati bhante savatthiyam sangho sakaya katikaya na mayam appannattam pannapessama pannattam va na samucchindissama yathapannattesu sikkhapadesu samadaya vattissamati . sadhu sadhu upasena na appannattam pannapetabbam pannattam va na samucchinditabbam yathapannattesu sikkhapadesu samadaya vattitabbam anujanami upasena ye te bhikkhu arannaka pindapatika pamsukulika yathasukham mam dassanaya upasankamantuti. {92.3} Tena kho pana samayena sambahula bhikkhu bahidvarakotthake thita honti mayam ayasmantam upasenam vangantaputtam pacittiyam desapessamati . athakho ayasma upaseno vangantaputto sapariso utthayasana bhagavantam abhivadetva padakkhinam katva pakkami . Athakho te bhikkhu ayasmantam upasenam vangantaputtam etadavocum janasi tvam avuso upasena savatthiyam sanghassa katikanti . Bhagavapi mam avuso evamaha janasi pana tvam upasena savatthiyam @Footnote: ¹ Ma. Yu. savatthiya. evamuparipi . ² Ma. Yu. so.

--------------------------------------------------------------------------------------------- page79.

Sanghassa katikanti na kho aham bhante janami savatthiyam sanghassa katikanti savatthiyam kho upasena sanghena katika kata icchatavuso bhagava temasam patisalliyitum na bhagava kenaci upasankamitabbo annatra ekena pindapataniharakena yo bhagavantam upasankamati [1]- Pacittiyam desapetabboti pannayissati bhante savatthiyam sangho sakaya katikaya na mayam appannattam pannapessama pannattam va na samucchindissama yathapannattesu sikkhapadesu samadaya vattissamati anunnatavuso bhagavata ye te bhikkhu arannaka ^2- pindapatika pamsukulika yathasukham mam dassanaya upasankamantuti. {92.4} Athakho te bhikkhu saccam kho ayasma upaseno vangantaputto aha na appannattam pannapetabbam pannattam va na samucchinditabbam yathapannattesu sikkhapadesu samadaya vattitabbanti. [93] Assosum kho bhikkhu anunnata kira bhagavata ye te bhikkhu arannaka pindapatika pamsukulika yathasukham mam dassanaya upasankamantuti . te bhagavantam dassanaya ^3- pihayanta ^4- santhatani ujjhitva arannakangam pindapatikangam pamsukulikangam samadiyimsu . Athakho bhagava sambahulehi bhikkhuhi saddhim senasanacarikam ahindanto addasa santhatani tahim tahim ^5- ujjhitani passitvana ^6- @Footnote: ¹ Ma. Yu. so . ² Ma. arannika. evamuparipi . ³ Ma. Yu. dassanam. @⁴ Ma. pihenta. Yu. pihanta . ⁵ Ma. Yu. taham taham. evamuparipi. @⁶ Ma. Yu. passitva.

--------------------------------------------------------------------------------------------- page80.

Bhikkhu amantesi kassimani bhikkhave santhatani tahim tahim ujjhitaniti . Athakho te bhikkhu bhagavato etamattham arocesum. Athakho bhagava etasmim nidane etasmim pakarane dhammim katham katva bhikkhu amantesi tenahi bhikkhave bhikkhunam sikkhapadam pannapessami dasa atthavase paticca sanghasutthutaya sanghaphasutaya dummankunam puggalanam niggahaya pesalanam bhikkhunam phasuviharaya ditthadhammikanam asavanam samvaraya samparayikanam asavanam patighataya appasannanam pasadaya pasannanam bhiyyobhavaya saddhammatthitiya vinayanuggahaya evanca pana bhikkhave imam sikkhapadam uddiseyyatha {93.1} nisidanasanthatam pana bhikkhuna karayamanena puranasanthatassa samanta sugatavidatthi adatabba dubbannakaranaya . anada ce bhikkhu puranasanthatassa samanta sugatavidatthim navam nisidanasanthatam karapeyya nissaggiyam pacittiyanti. [94] Nisidanam nama sadasam vuccati . santhatam nama santharitva katam hoti avayimam . karayamanenati karonto va karapento va . puranasanthatam nama sakim nivatthampi sakim parutampi . samanta sugatavidatthi adatabba dubbannakaranayati thirabhavaya vattam va caturassam va chinditva ekadese va santharitabbam vijatetva va santharitabbam . anada ce bhikkhu puranasanthatassa samanta sugatavidatthinti anadiyitva puranasanthatassa samanta sugatavidatthim

--------------------------------------------------------------------------------------------- page81.

Navam nisidanasanthatam karoti va karapeti va payoge dukkatam patilabhena nissaggiyam hoti nissajjitabbam sanghassa va ganassa va puggalassa va. Evanca pana bhikkhave nissajjitabbam .pe. idam me bhante nisidanasanthatam anadiyitva puranasanthatassa samanta sugatavidatthim karapitam nissaggiyam imaham sanghassa nissajjamiti .pe. dadeyyati .pe. Dadeyyunti .pe. Ayasmato dammiti. [95] Attana vippakatam attana pariyosapeti nissaggiyam pacittiyam . attana vippakatam parehi pariyosapeti nissaggiyam pacittiyam . parehi vippakatam attana pariyosapeti nissaggiyam pacittiyam . parehi vippakatam parehi pariyosapeti nissaggiyam pacittiyam . annassatthaya karoti va karapeti va apatti dukkatassa. [96] Anapatti puranasanthatassa samanta sugatavidatthim adiyitva karoti alabhanto thokataram adiyitva karoti alabhanto anadiyitva karoti annena katam patilabhitva paribhunjati vitanam va bhummattharanam va sanipakaram va bhisim va bimbohanam va karoti ummattakassa adikammikassati. Pancamasikkhapadam nitthitam. -------

The Pali Tipitaka in Roman Character Volume 2 page 76-81. http://84000.org/tipitaka/read/roman_item_s.php?book=2&item=91&items=6&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=2&item=91&items=6&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=91&items=6&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=91&items=6&pagebreak=1&modeTY=2 Study Atthakatha :- http://84000.org/tipitaka/attha/attha.php?b=2&i=91 The Pali Atthakatha in Thai :- http://84000.org/tipitaka/atthapali/read_th.php?B=2&A=4606 The Pali Atthakatha in Roman :- http://84000.org/tipitaka/atthapali/read_rm.php?B=2&A=4606 Contents of The Tipitaka Volume 2 http://84000.org/tipitaka/read/?index_2