paliTIPITAKA Volume 21 - Sutta Pitaka 13

page227.

[180] Ekam samayam bhagava bhoganagare viharati anandacetiye. Tatra kho bhagava bhikkhu amantesi bhikkhavoti . bhadanteti te bhikkhu bhagavato paccassosum . bhagava etadavoca . cattarome bhikkhave mahapadese desessami tam sunatha sadhukam manasikarotha bhasissamiti . Evam bhanteti kho te bhikkhu bhagavato paccassosum. Bhagava etadavoca {180.1} katame ca bhikkhave cattaro mahapadesa idha bhikkhave bhikkhu evam vadeyya sammukha metam avuso bhagavato sutam sammukha patiggahitam ayam dhammo ayam vinayo idam satthusasananti tassa bhikkhave bhikkhuno bhasitam neva abhinanditabbam nappatikkositabbam anabhinanditva appatikkositva tani padabyanjanani sadhukam uggahetva sutte otaretabbani vinaye sandassetabbani tani ce sutte otariyamanani vinaye sandassiyamanani na ceva sutte otaranti na vinaye sandissanti nitthamettha gantabbam addha idam na ceva tassa bhagavato vacanam arahato sammasambuddhassa imassa ca bhikkhuno duggahitanti iti hidam bhikkhave chaddeyyatha {180.2} idha pana bhikkhave bhikkhu evam vadeyya sammukha metam avuso bhagavato sutam sammukha patiggahitam ayam dhammo ayam vinayo idam satthusasananti tassa bhikkhave bhikkhuno bhasitam neva abhinanditabbam nappatikkositabbam anabhinanditva appatikkositva tani padabyanjanani sadhukam uggahetva sutte otaretabbani vinaye sandassetabbani tani ce sutte otariyamanani

--------------------------------------------------------------------------------------------- page228.

Vinaye sandassiyamanani sutte ceva otaranti vinaye ca sandissanti nitthamettha gantabbam addha idam tassa bhagavato vacanam arahato sammasambuddhassa imassa ca bhikkhuno suggahitanti idam bhikkhave pathamam mahapadesam dhareyyatha. {180.3} Idha pana bhikkhave bhikkhu evam vadeyya amukasmim nama avase sangho viharati sathero sapamokkho tassa me sanghassa sammukha sutam sammukha patiggahitam ayam dhammo ayam vinayo idam satthusasananti tassa bhikkhave bhikkhuno bhasitam neva abhinanditabbam nappatikkositabbam anabhinanditva appatikkositva tani padabyanjanani sadhukam uggahetva sutte otaretabbani vinaye sandassetabbani tani ce sutte otariyamanani vinaye sandassiyamanani na ceva sutte otaranti na vinaye sandissanti nitthamettha gantabbam addha idam na ceva tassa bhagavato vacanam arahato sammasambuddhassa tassa ca sanghassa duggahitanti iti hidam bhikkhave chaddeyyatha idha pana bhikkhave bhikkhu evam vadeyya amukasmim nama avase sangho viharati sathero sapamokkho tassa me sanghassa sammukha sutam sammukha patiggahitam ayam dhammo ayam vinayo idam satthusasananti tassa bhikkhave bhikkhuno bhasitam neva abhinanditabbam nappatikkositabbam anabhinanditva appatikkositva tani padabyanjanani sadhukam uggahetva sutte otaretabbani vinaye sandassetabbani tani ce sutte otariyamanani vinaye sandassiyamanani sutte ceva otaranti vinaye

--------------------------------------------------------------------------------------------- page229.

Ca sandissanti nitthamettha gantabbam addha idam tassa bhagavato vacanam arahato sammasambuddhassa tassa ca samghassa suggahitanti idam bhikkhave dutiyam mahapadesam dhareyyatha. {180.4} Idha pana bhikkhave bhikkhu evam vadeyya amukasmim nama avase sambahula thera bhikkhu viharanti bahussuta agatagama dhammadhara vinayadhara matikadhara tesam me theranam sammukha sutam sammukha patiggahitam ayam dhammo ayam vinayo idam satthusasananti tassa bhikkhave bhikkhuno bhasitam neva abhinanditabbam nappatikkositabbam anabhinanditva appatikkositva tani padabyanjanani sadhukam uggahetva sutte otaretabbani vinaye sandassetabbani tani ce sutte otariyamanani vinaye sandassiyamanani na ceva sutte otaranti na vinaye sandissanti nitthamettha gantabbam addha idam na ceva tassa bhagavato vacanam arahato sammasambuddhassa tesanca theranam duggahitanti iti hidam bhikkhave chaddeyyatha {180.5} idha pana bhikkhave bhikkhu evam vadeyya amukasmim nama avase sambahula thera bhikkhu viharanti bahussuta agatagama dhammadhara vinayadhara matikadhara tesam me theranam sammukha sutam sammukha patiggahitam ayam dhammo ayam vinayo idam satthusasananti tassa bhikkhave bhikkhuno bhasitam neva abhinanditabbam nappatikkositabbam anabhinanditva appatikkositva tani padabyanjanani sadhukam uggahetva sutte otaretabbani vinaye sandassetabbani tani ce sutte otariyamanani

--------------------------------------------------------------------------------------------- page230.

Vinaye sandassiyamanani sutte ceva otaranti vinaye ca sandissanti nitthamettha gantabbam addha idam tassa bhagavato vacanam arahato sammasambuddhassa tesanca theranam suggahitanti idam bhikkhave tatiyam mahapadesam dhareyyatha. {180.6} Idha pana bhikkhave bhikkhu evam vadeyya amukasmim nama avase eko thero bhikkhu viharati bahussuto agatagamo dhammadharo vinayadharo matikadharo tassa me therassa sammukha sutam sammukha patiggahitam ayam dhammo ayam vinayo idam satthusasananti tassa bhikkhave bhikkhuno bhasitam neva abhinanditabbam nappatikkositabbam anabhinanditva appatikkositva tani padabyanjanani sadhukam uggahetva sutte otaretabbani vinaye sandassetabbani tani ce sutte otariyamanani vinaye sandassiyamanani na ceva sutte otaranti na vinaye sandissanti nitthamettha gantabbam addha idam na ceva tassa bhagavato vacanam arahato sammasambuddhassa tassa ca therassa duggahitanti iti hidam bhikkhave chaddeyyatha {180.7} idha pana bhikkhave bhikkhu evam vadeyya amukasmim nama avase eko thero bhikkhu viharati bahussuto agatagamo dhammadharo vinayadharo matikadharo tassa me therassa sammukha sutam sammukha patiggahitam ayam dhammo ayam vinayo idam satthusasananti tassa bhikkhave bhikkhuno bhasitam neva abhinanditabbam nappatikkositabbam anabhinanditva appatikkositva tani padabyanjanani sadhukam uggahetva sutte otaretabbani vinaye sandassetabbani tani ce sutte otariyamanani vinaye sandassiyamanani sutte ceva otaranti

--------------------------------------------------------------------------------------------- page231.

Vinaye ca sandissanti nitthamettha gantabbam addha idam tassa bhagavato vacanam arahato sammasambuddhassa tassa ca therassa suggahitanti idam bhikkhave catuttham mahapadesam dhareyyatha . ime kho bhikkhave cattaro mahapadesati. Sancetaniyavaggo tatiyo. ^[1]- Yodhajivavaggo catuttho

The Pali Tipitaka in Roman Character Volume 21 page 227-231. http://84000.org/tipitaka/read/roman_item_s.php?book=21&item=180&items=1&pagebreak=1&modeTY=2&mode=bracket Classified by content :- http://84000.org/tipitaka/read/roman_item_s.php?book=21&item=180&items=1&pagebreak=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=21&item=180&items=1&pagebreak=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=21&item=180&items=1&pagebreak=1&modeTY=2&mode=bracket Study Atthakatha :- http://84000.org/tipitaka/attha/attha.php?b=21&i=180 The Pali Atthakatha in Thai :- http://84000.org/tipitaka/atthapali/read_th.php?B=15&A=9001 The Pali Atthakatha in Roman :- http://84000.org/tipitaka/atthapali/read_rm.php?B=15&A=9001 Contents of The Tipitaka Volume 21 http://84000.org/tipitaka/read/?index_21