paliTIPITAKA Volume 24 - Sutta Pitaka 16

[15] Yavata bhikkhave satta apada va dvipada va catuppada va bahuppada va rupino va arupino va sannino va asannino va nevasanninasannino va tathagato tesam aggamakkhayati araham sammasambuddho evameva kho bhikkhave yekeci kusala dhamma sabbe te appamadamulaka appamadasamosarana appamado tesam aggamakkhayati seyyathapi bhikkhave yanikanici jangalanam pananam padajatani sabbani tani hatthipade samodhanam gacchanti hatthipadam tesam aggamakkhati yadidam mahantattena evameva kho bhikkhave yekeci kusala dhamma sabbe te appamadamulaka appamadasamosarana appamado tesam aggamakkhayati seyyathapi bhikkhave kutagarassa yakaci Gopanasiyo sabba ta kutangama kutaninna kutasamosarana kutam ^1- tasam aggamakkhayati evameva kho bhikkhave yekeci kusala dhamma sabbe te appamadamulaka appamadasamosarana appamado tesam aggamakkhayati seyyathapi bhikkhave yekeci mulagandha kalanusariyam tesam aggamakkhayati evameva kho bhikkhave .pe. seyyathapi bhikkhave yekeci saragandha lohitacandanam tesam aggamakkhayati evameva kho bhikkhave .pe. seyyathapi bhikkhave yekeci pupphagandha vassikam tesam aggamakkhayati evameva kho bhikkhave .pe. seyyathapi bhikkhave yekeci kuddarajano sabbe te ranno cakkavattissa anuyanta vattanti raja tesam cakkavatti aggamakkhayati evameva kho bhikkhave .pe. Seyyathapi bhikkhave yakaci tarakarupanam pabha sabba ta candappabhaya kalam nagghanti solasim candappabha tasam aggamakkhayati evameva kho bhikkhave .pe. seyyathapi bhikkhave saradasamaye viddhe vigatavalahake deve adicco nabham abbhussakkamano sabbam akasagatam tamagatam abhivihacca bhasate ca tapate ca virocati ca evameva kho bhikkhave .pe. Seyyathapi bhikkhave yakaci mahanadiyo seyyathidam ganga yamuna aciravati sarabhu mahi sabba ta samuddangama samuddaninna samuddapona samuddapabbhara mahasamuddo tasam aggamakkhayati evameva kho bhikkhave yekeci kusala dhamma sabbe te appamadamulaka appamadasamosarana appamado tesam aggamakkhayatiti. @Footnote: ¹ Ma. kuto.

The Pali Tipitaka in Roman Character Volume 24 page 23-24. http://84000.org/tipitaka/read/roman_item_s.php?book=24&item=15&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=24&item=15&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=24&item=15&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=24&item=15&items=1&modeTY=2 Study Atthakatha :- http://84000.org/tipitaka/attha/attha.php?b=24&i=15 The Pali Atthakatha in Thai :- http://84000.org/tipitaka/atthapali/read_th.php?B=16&A=7215 The Pali Atthakatha in Roman :- http://84000.org/tipitaka/atthapali/read_rm.php?B=16&A=7215 Contents of The Tipitaka Volume 24 http://84000.org/tipitaka/read/?index_24