[30] Ekam samayam bhagava savatthiyam viharati jetavane anathapindikassa
arame . tena kho pana samayena raja pasenadi kosalo uyyodhikaya
nivatto hoti jitasangamo laddhadhippayo athakho raja pasenadi kosalo
yenaramo tena payasi yavatika yanassa bhumi yanena gantva yana
paccorohitva pattikova aramam pavisi.
Tena kho pana samayena sambahula bhikkhu abbhokase cankamanti.
Athakho raja pasenadi kosalo yena te bhikkhu tenupasankami
upasankamitva te bhikkhu etadavoca kaham nu kho bhante bhagava etarahi
viharati araham sammasambuddho dassanakama hi mayam bhante bhagavantam
arahantam sammasambuddhanti . eso maharaja viharo samvutadvaro
tena appasaddo upasankamitva ataramano alindam pavisitva
ukkasitva aggalam akotehi vivarissati te bhagava dvaranti.
{30.1} Athakho raja pasenadi kosalo yena so viharo samvutadvaro
tena appasaddo upasankamitva ataramano alindam pavisitva ukkasitva
aggalam akotesi . vivari bhagava dvaram. Athakho raja pasenadi kosalo
viharam pavisitva bhagavato padesu sirasa nipatitva bhagavato padani
Mukhena ca paricumbati panihi ca parisambahati namanca saveti
rajaham bhante pasenadi kosalo rajaham bhante pasenadi kosaloti.
{30.2} Kampana tvam maharaja atthavasam sampassamano imasmim sarire
evarupam paramanipaccakaram karosi mettupaharam upadamsesiti . katannutam kho
aham bhante kataveditam sampassamano bhagavati evarupam paramanipaccakaram
karomi mettupaharam upadamsemi bhagava hi bhante bahujanahitaya
patipanno bahujanasukhaya bahujanahitaya ariyanaye patitthapita yadidam
kalyanadhammataya kusaladhammataya yampi bhante bhagava bahujanahitaya
patipanno bahujanasukhaya bahujanahitaya ariyanaye patitthapita yadidam
kalyanadhammataya kusaladhammataya idampi kho aham bhante atthavasam
sampassamano bhagavati evarupam paramanipaccakaram karomi mettupaharam
upadamsemi.
{30.3} Puna caparam bhante bhagava silava buddhasilo ariyasilo
kusalasilo kusalasilena samannagato yampi bhante bhagava silava buddhasilo
ariyasilo kusalasilo kusalasilena samannagato idampi kho aham bhante
atthavasam sampassamano bhagavati evarupam paramanipaccakaram karomi
mettupaharam upadamsemi.
{30.4} Puna caparam bhante bhagava digharattam arannako
arannavanapatthani pantani senasanani patisevati yampi bhante bhagava
digharattam arannako arannavanapatthani pantani senasanani
patisevati idampi kho aham bhante atthavasam sampassamano bhagavati evarupam
paramanipaccakaram karomi mettupaharam upadamsemi . puna caparam bhante bhagava
Santuttho itaritaracivarapindapatasenasanagilanapaccayabhesajjaparikkharena
yampi bhante bhagava santuttho itaritaracivarapindapatasenasanagilanapaccaya-
bhesajjaparikkharena idampi kho aham bhante atthavasam sampassamano bhagavati
evarupam paramanipaccakaram karomi mettupaharam upadamsemi.
{30.5} Puna caparam bhante bhagava ahuneyyo pahuneyyo dakkhineyyo
anjalikaraniyo anuttaram punnakkhettam lokassa yampi bhante bhagava
ahuneyyo pahuneyyo dakkhineyyo anjalikaraniyo anuttaram punnakkhettam
lokassa idampi kho aham bhante atthavasam sampassamano bhagavati evarupam
paramanipaccakaram karomi mettupaharam upadamsemi.
{30.6} Puna caparam bhante bhagava yayam katha abhisallekhika
cetovivaranasappaya seyyathidam appicchakatha santutthikatha
pavivekakatha asamsaggakatha viriyarambhakatha silakatha samadhikatha
pannakatha vimuttikatha vimuttinanadassanakatha evarupaya kathaya
nikamalabhi akicchalabhi akasiralabhi yampi bhante bhagava yayam katha
abhisallekhika cetovivaranasappaya seyyathidam appicchakatha .pe.
Vimuttinanadassanakatha evarupaya kathaya nikamalabhi akicchalabhi
akasiralabhi idampi kho aham bhante atthavasam sampassamano bhagavati evarupam
paramanipaccakaram karomi mettupaharam upadamsemi.
{30.7} Puna caparam bhante bhagava catunnam jhananam abhicetasikanam
ditthadhammasukhaviharanam nikamalabhi akicchalabhi akasiralabhi
yampi bhante bhagava catunnam jhananam abhicetasikanam
Ditthadhammasukhaviharanam nikamalabhi akicchalabhi akasiralabhi idampi kho
aham bhante atthavasam sampassamano bhagavati evarupam paramanipaccakaram
karomi mettupaharam upadamsemi.
{30.8} Puna caparam bhante bhagava anekavihitam pubbenivasam anussarati
seyyathidam ekampi jatim dvepi jatiyo tissopi jatiyo catassopi jatiyo
pancapi jatiyo dasapi jatiyo visampi jatiyo timsampi jatiyo cattalisampi
jatiyo pannasampi jatiyo jatisatampi jatisahassampi jatisatasahassampi
anekepi samvattakappe anekepi vivattakappe anekepi samvattavivattakappe
amutrasim evamnamo evamgotto evamvanno evamaharo
evamsukhadukkhapatisamvedi evamayupariyanto so tato cuto amutra
udapadim tatrapasim evamnamo evamgotto evamvanno evamaharo
evamsukhadukkhapatisamvedi evamayupariyanto so tato cuto idhuppannoti
iti sakaram sauddesam anekavihitam pubbenivasam anussarati yampi
bhante bhagava anekavihitam pubbenivasam anussarati seyyathidam
ekampi jatim dvepi jatiyo .pe. iti sakaram sauddesam
anekavihitam pubbenivasam anussarati idampi kho aham bhante
atthavasam sampassamano bhagavati evarupam paramanipaccakaram karomi
mettupaharam upadamsemi.
{30.9} Puna caparam bhante bhagava dibbena cakkhuna visuddhena
atikkantamanusakena satte passati cavamane upapajjamane
hine panite suvanne dubbanne sugate duggate yathakammupage
satte pajanati ime vata bhonto satta kayaduccaritena
Samannagata vaciduccaritena samannagata manoduccaritena samannagata
ariyanam upavadaka micchaditthika micchaditthikammasamadana
te kayassa bheda parammarana apayam duggatim vinipatam nirayam
upapanna ime va pana bhonto satta kayasucaritena samannagata
vacisucaritena samannagata manosucaritena samannagata ariyanam
anupavadaka sammaditthika sammaditthikammasamadana te kayassa
bheda parammarana sugatim saggam lokam upapannati iti dibbena
cakkhuna visuddhena atikkantamanusakena satte passati cavamane
upapajjamane hine panite suvanne dubbanne sugate duggate
yathakammupage satte pajanati yampi bhante bhagava dibbena cakkhuna
visuddhena atikkantamanusakena .pe. yathakammupage satte pajanati
idampi kho aham bhante atthavasam sampassamano bhagavati evarupam
paramanipaccakaram karomi mettupaharam upadamsemi.
{30.10} Puna caparam bhante bhagava asavanam khaya anasavam cetovimuttim
pannavimuttim dittheva dhamme sayam abhinna sacchikatva upasampajja
viharati yampi bhante bhagava asavanam khaya anasavam cetovimuttim
pannavimuttim .pe. sacchikatva upasampajja viharati idampi kho aham
bhante atthavasam sampassamano bhagavati evarupam paramanipaccakaram karomi
mettupaharam upadamsemi . handadani mayam bhante gacchama bahukicca
mayam bahukaraniyati . yassadani tvam maharaja kalam mannasiti .
Athakho raja pasenadi kosalo utthayasana bhagavantam abhivadetva
Padakkhinam katva pakkamiti.
Mahavaggo tatiyo.
Tassuddanam
sihadhimuttikayena cundo 1- kasinena ca
kali dve mahapanha kosalehi apare dveti.
------------
The Pali Tipitaka in Roman Character Volume 24 page 69-74.
http://84000.org/tipitaka/read/roman_item_s.php?book=24&item=30&items=1&modeTY=2
Classified by [Item Number] :-
http://84000.org/tipitaka/read/roman_item_s.php?book=24&item=30&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=24&item=30&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=24&item=30&items=1&modeTY=2
Study Atthakatha :-
http://84000.org/tipitaka/attha/attha.php?b=24&i=30
The Pali Atthakatha in Thai :-
http://84000.org/tipitaka/atthapali/read_th.php?B=16&A=7634
The Pali Atthakatha in Roman :-
http://84000.org/tipitaka/atthapali/read_rm.php?B=16&A=7634
Contents of The Tipitaka Volume 24
http://84000.org/tipitaka/read/?index_24
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
